Morgunblaðið - 19.06.2003, Side 18

AKUREYRI
18 FIMMTUDAGUR 19. JÚNÍ 2003 MORGUNBLAÐIÐ
og gangi það eftir hyggst hún einn-
ig halda áfram söngnámi í höf-
uðborginni en taka sér frí frá hljóð-
færanáminu. „Það getur verið mjög
gott að hvíla sig á náminu með því
ANNA Kristín Þórhallsdóttir frá
Akureyri hlaut hæstu einkunn ný-
stúdenta sem útskrifuðust frá
Menntaskólanum á Akureyri að
þessu sinni, eða 9,5. Anna Kristín
hefur haft í nógu að snúast und-
anfarin ár því hún útskrifaðist af
tveimur brautum skólans, nátt-
úrufræði- og tónlistarbraut og lauk
198 einingum en venjulegt stúd-
entspróf er 140 einingar.
Tónlistin hefur alla tíð skipað
stóran sess hjá Önnu Kristínu, hún
hefur stundað tónlistarnám frá
barnsaldri og hún tók hæsta söng-
prófið frá Tónlistarskólanum á Ak-
ureyri nú í vor. Þá hefur hún einnig
lært á píanó og flautu í nokkur ár.
Anna Kristín lætur ekki deigan
síga því í næstu viku ætlar hún svo
að þreyta inntökupróf í læknisfræði
við Háskóla Íslands. Hún gerir sér
vonir um að komast í læknadeildina
að taka lagið eða grípa í hljóðfæri.“
Alls munu hátt í 200 manns taka
inntökupróf í læknadeild í næstu
viku, að sögn Önnu Kristínar, en
aðeins 48 þeirra komast inn. „Það
þýðir ekkert annað en að reyna og
ef ég kemst ekki inn geri ég bara
eitthvað annað. En ég er vel und-
irbúin úr MA og það ætti að koma
sér vel.“
Anna Kristín sagði að árin í MA
hefðu verið alveg frábær. „Þetta
hefur ekki verið auðvelt en ég hef
mjög gaman af því að læra. Ég
sökkvi mér þó ekki í bækurnar og
eyði tíma með mínum vinum. En ég
er þegar farin að sakna skólans og
það er í raun ótrúlegt að þetta skuli
vera búið. Maður yfirgefur skólann
með gott veganesti út í lífið og þar
hef ég eignast góða vini.“
Anna Kristín var hlaðin við-
urkenningum á skólahátíð MA. Hún
fékk gylltu ugluna sem dúx skólans,
hún fékk viðurkenningu fyrir kunn-
áttu í náttúrufræði, Halldórs-
verðlaunin fyrir kunnáttu í ís-
lensku, verðlaun fyrir fágæt
vinnubrögð og mikla þekkingu í
sögu og verðlaun fyrir framúrskar-
andi kunnáttu í efnafræði. For-
eldrar Önnu Kristínar eru Þóra
Steinunn Gísladóttir, sérkennari
frá Siglufirði, og Þórhallur Hösk-
uldsson, sóknarprestur á Akureyri,
sem lést árið 1995.
Útskrifaðist af tveimur brautum
Morgunblaðið/Kristján
Anna Kristín Þórhallsdóttir
TRYGGVI Gíslason, skólameistari
Menntaskólans á Akureyri, braut-
skráði síðasta stúdentahóp sinn 17.
júní, alls 130 stúdenta, 78 stúlkur og
52 pilta. Tryggvi lætur af störfum í
sumar og við tekur Jón Már Héðins-
son. Í ávarpi sínu á skólahátíðinni
ræddi Tryggvi m.a. um hugmyndir
þess efnis að lengja skólaárið og
stytta nám til stúdentsprófs, og sagði
það raunar ekki umflúið.
„Stytting náms til stúdentsprófs
verður að mínum dómi ekki umflúin.
Ástæðurnar eru margar. Krafa tím-
ans er aukin afköst eða með öðrum
orðum betri nýting á fjármunum, en
því verður ekki móti mælt að nota má
tíma og fjármuni betur í skólum. En
til þess verður löggjafinn, Alþingi, að
breyta lögum um framhaldsskóla,
gera þau rýmri og sjá um að fjármun-
ir séu til þess að vinna verkin,“ sagði
Tryggvi m.a.
Skólameistari telur að það að auka
ábyrgð nemenda sé mikilsverður
þáttur í nýsköpun í skólakerfinu,
„...en undanfarin ár hefur það færst í
vöxt að framhaldsskólar eru að hluta
orðnir geymslustofnanir fyrir fólk
sem veit ekki hvað það vill. Nemend-
ur þurfa að fá auknar leiðbeiningar og
ráðgjöf í skólanum til þess að átta sig
á því hvað þeir vilja, en því fyrr sem
ungt fólk tekur stefnu í lífinu því
betra.
Vegna þess að nemendur vita ekki
hvað þeir vilja hefur gætt námsleiða.
Nemendur vita ekki hvað þeir vilja og
krefjast síðan réttlætingar af skólan-
um á því námi sem þeir hafa valið.
Sumir þessir nemendur hugsa þá
meira um að taka þátt í samkvæm-
islífi en að stunda nám. Þessum orð-
um mínum til skýringar vil ég nefna
þrennt. Í fyrsta lagi hefur komið í ljós
að stór hluti framhaldsskólanema
stundar einhverja vinnu með vetrar-
námi sínu til þess að kosta skemmt-
anir og samkvæmislíf. Í öðru lagi hef-
ur komið í ljós að meiri hluti
framhaldsskólanema notar lítinn tíma
til heimanáms, sem kennsluskipan sú,
sem nú er notast við, gerir þó ráð fyr-
ir. Í þriðja lagi er árangur í samræmi
við þessa ástundun og brottfall úr
framhaldsskólum mikið, mun meira
en í nágrannalöndum okkar.“
Tryggvi nefndi sem dæmi að brott-
fall úr bóklegu námi á Íslandi er 25%,
en aðeins 5% í Danmörku og 10% í
Finnlandi, Noregi og Svíþjóð.
„Þá má nefna að innritun í bóknám
á Íslandi er 65% af árgangi, en 35% í
Danmörku og 40% í Noregi eða með
öðrum orðum: Innritun í starfsnám á
Íslandi er 25% en 55% í Danmörku og
50% í Noregi, en heildarinnritun í
framhaldsskóla er hin sama á öllum
Norðurlöndunum eða um 90%.“
Hann sagði hluta af nýsköpun í
skólastarfi á Íslandi því að auka hlut
starfsmenntunar, „eins og mjög er
talað um, en til þess þarf atvinnulífið –
Samtök atvinnulífsins – að móta
starfsnám og taka beinan þátt í kostn-
aði. Það þarf því að skilja betur á milli
starfsnáms og náms sem stundað er
til undirbúnings öðru námi.“
Aukin ábyrgð kennara
„Í þessari nýsköpun skólastarfsins
eru möguleikar á að hækka laun
kennara og binda laun þeirra árangri,
árangurstengja laun kennara, gera
kennara ábyrga fyrir árangri af starfi
sínu og láta stjórnskipaða prófdóm-
ara fylgjast með að kröfum námskrár
sé fylgt.“
Tryggvi lýsti einnig þeirri skoðun
sinni að sjálfsagt væri að taka upp
skólagjöld, eins og hann nefndi raun-
ar í viðtali við Morgunblaðið á sunnu-
daginn. „Þess má einnig geta að í ný-
legri skýrslu um íslensk efnahagsmál
bendir Efnahags- og framfarastofn-
unin OECD á, að lítil kostnaðarþátt-
taka íslenskra nemenda virðist vera
ein helsta ástæða fyrir löngum náms-
tíma íslenskra háskólanema.
Þessi nýsköpun í skólakerfinu kost-
ar vilja, bæði pólitískan vilja og vilja
af hálfu almennings og Samtaka at-
vinnulífsins. Nýsköpun af þessu tagi
er hvorki einföld né auðveld og getur
kostað blóð, tár og svita og hugsan-
lega getur eitthvað tapast, en að mín-
um dómi vinnst miklu fleira en það
sem tapast og nú er þörf breytinga.
Þetta er aðkallandi verkefni og vona
ég að stjórnvöld, Samtök atvinnulífs-
ins, kennarar, nemendur og foreldrar
beri gæfu til að skiptast á skoðunum
um þetta mikilsverða mál á heiðarleg-
an hátt.“
Tryggvi Gíslason brautskráði stúdenta frá
Menntaskólanum á Akureyri í síðasta skipti
Nýstúdentar frá MA með hvíta kolla eftir útskriftina á þjóðhátíðardaginn.
Nýsköpunar þörf
í skólastarfinu
Morgunblaðið/Kristján
Tryggvi Gíslason, skólameistari
MA, flytur ávarp sitt til nýstúdenta.
MIKILL fjöldi fólks tók þátt í há-
tíðahöldum á þjóðhátíðardaginn á
Akureyri í blíðskaparveðri og
fóru þau mjög vel fram og án
áfalla að sögn lögreglu. Dag-
skráin hófst á Hamarkotsk-
löppum, þar sem séra Gunn-
laugur Garðarsson var með
helgistund, Þóra Ákadóttir, for-
seti bæjarstjórnar, flutti ávarp og
Lúðrasveit Akureyrar og Kór
Glerárkirkju léku og sungu. Frá
Hamarkotsklöppum var haldið
fylktu liði á Ráðhústorg, þar sem
boðið var upp á skemmtun fyrir
alla fjölskylduna. Um kvöldið var
skemmtun á Ráðhústorgi, með
tónlist og skemmtiatriðum, sem
einnig var mjög vel sótt. Eins og
venja er gengu nýstúdentar úr
MA í gegnum bæinn um mið-
nætti. Bílaklúbbur Akureyrar
stóð að venju fyrir stórskemmti-
legri bílasýningu við Oddeyr-
arskóla og mætti þangað fjöldi
fólks.
Morgunblaðið/Kristján
Mighty Garret skemmtir Akureyringum og gestum á Ráðhústorgi.
Fjöldi fólks tók þátt í 17.
júní-hátíðahöldum
JAFNRÉTTISNEFND Akur-
eyrar stendur fyrir útisamveru
við Hamra, ofan Akureyrar, í
dag kl. 17–19 í tilefni Kvenrétt-
indadagsins. Þar hefur konum
verið tileinkaður sérstakur
reitur og verður gróðursett í
hann í fyrsta skipti. Einnig
verður leitað eftir hugmyndum
að nafni á reitinn. Gerður Jóns-
dóttir, formaður jafnréttis- og
fjölskyldunefndar Akureyrar-
bæjar, mun setja samkomuna,
Vilborg Ólafsdóttir nýstúdent
flytur stutt ávarp, Bryngeir
Kristinsson spilar á harmon-
ikku, Þórhalla Andrésdóttir
stjórnar leikjum fyrir börn á
öllum aldri og að lokum mun
Tryggvi Marinósson stjórna
gróðursetningu í reitinn.
Kvenréttindadagurinn
Vígsla
gróðurreits
Guðrún Gunnarsdóttir syngur vin-
sælustu lög Ellýjar Vilhjálms söng-
konu í Ketilhúsinu föstudaginn 20.
og laugardaginn 21. júní kl. 21.
Einnig mun Guðrún koma fram á
Veitingastaðnum Sölku á Húsavík
kl. 16 á laugardeginum. Gesta-
söngvari verður Friðrik Ómar
Hjörleifsson og með þeim munu
spila Eyþór Gunnarsson, hljóm-
sveitarstjórn og píanó, Sigurður
Flosason, saxafónn, klarinett, þver-
flauta og slagverk, Erik Qvick,
trommur, Birgir Bragason, kontra-
bassi.
Forsala aðgöngumiða er hafin í
Ketilhúsinu, miðaverð er 2000 kr.
Afsláttur er fyrir Gilfélaga, eldri
borgara og börn.
Á NÆSTUNNI
Í kvöld kl. 20 opnar Pétur Krist-
jánsson skúlptúrsýningu í galleríinu
Kompunni, Kaupvangsstræti 23 á
Akureyri. Pétur er búsettur á Seyð-
isfirði og hefur starfað af miklum
dugnaði að menningarmálum þar í
bæ. Hann hefur tekið þátt í sýn-
ingum víða um heim og er einn af
stofnendum Dieter Roth-akademí-
unnar.
Kompan býður bæjarbúa og gesti
velkomna á opnunina, sem er sú
fyrsta eftir hálfs árs hlé. Sýningin
stendur til 6. júlí, en Kompan verður
opin sýningardaga kl. 14–17.
Í DAG