Morgunblaðið - 21.06.2003, Blaðsíða 10

FRÉTTIR
10 LAUGARDAGUR 21. JÚNÍ 2003 MORGUNBLAÐIÐ
„ÞAÐ sem skiptir
langmestu máli í
samstarfi er
traust og trún-
aður,“ segir Al-
freð Þorsteinsson,
oddviti Fram-
sóknarflokksins
innan Reykjavík-
urlistans og for-
maður borgarráðs. Hann segir að á
þeim níu árum sem Reykjavíkurlist-
inn hafi starfað hafi verið mikil heil-
indi á milli flokkanna er mynda
listann og ágreiningsmál sem upp
hafi komið ávallt verið leyst innan-
búðar.
„Þess vegna eru svona skeyta-
sendingar eins og komu frá Samfylk-
ingunni á fimmtudag, annars vegar
frá Guðmundi Árna Stefánssyni um
hvernig framboðsmál Samfylkingar
yrðu í sveitarstjórnarkosningum eft-
ir þrjú ár, þess efnis að Samfylkingin
ætti eindregið bjóða fram sér og hins
vegar yfirlýsing Ingibjargar Sól-
rúnar Gísladóttur um þá atburði sem
áttu sér stað í Ráðhúsinu í kringum
jól og áramót, þar sem hún er að
vega að samstarfsflokkum Samfylk-
ingarinnar, Framsóknarflokki og
Vinstri grænum, afar óheppilegar að
mínu mati. Þetta er stílbrot á þeim
samskiptavenjum sem ríkt hafa milli
þessara samstarfsaðila.“
Samstarf æskilegast
Alfreð sagði að hvað Framsókn-
arflokkinn varðaði hefðu verið skipt-
ar skoðanir frá fyrstu tíð um hvort
hann ætti að vera í Reykjavíkurlista-
samstarfinu eða bjóða fram sér. „Ég
hef alla tíð verið talsmaður þess að
við ættum að vera í þessu samstarfi
og talið það vera eina ráðið til að nýta
atkvæði andstæðinga Sjálfstæð-
isflokksins í borginni sameiginlega til
að hafa hér meirihluta. Ég hef talið
það mikilvægara en að flokkur eins
og Framsóknarflokkurinn væri að
bjóða fram einn og sér sem skilaði
ekki öðru en því að flokkurinn hefði
einn eða tvo borgarfulltrúa í minni-
hluta. Við erum í stjórnmálum til að
hafa áhrif. Áhrifin eru mest þegar
menn eru í meirihluta.
Í sjálfu sér hef ég ekki breytt um
skoðun á þessu og tel að þetta sam-
starf hingað til hafi gengið nokkuð
vel og Reykjavíkurlistinn náð
árangri á mörgum sviðum. En það
blasir hins vegar við að ef Samfylk-
ingin ætlar í krafti stærðar sinnar nú
að bjóða fram ein og sér í næstu
kosningum hlýtur að vera íhugunar-
efni fyrir Framsóknarflokkinn hvort
hann eigi yfirhöfuð að vera í þessu
samstarfi við Samfylkinguna og
vinstri græna eða búa sig undir
næstu borgarstjórnarkosningar með
öðrum hætti. Þetta er íhugunarefni
og eftir þessar yfirlýsingar hljóta
menn að skoða sín mál og átta sig á
því hvort menn telji með tilliti til
framtíðarinnar æskilegt að vera í
samstarfinu áfram eða huga að öðr-
um kostum.“
„REYKJAVÍKURLISTINN er
skuldbundinn til að stjórna borginni
eins og hann var kosinn til og ég hef
ekki neinar hugmyndir um annað,“
sagði Stefán Jón Hafstein, borg-
arfulltrúi og odd-
viti Samfylking-
arinnar í
borgarstjórn,
þegar Morg-
unblaðið leitaði
eftir viðbrögðum
hans við yfirlýs-
ingu Guðmundar
Árna Stef-
ánssonar á flokks-
stjórnarfundi Samfylkingarinnar á
fimmtudag um að flokkurinn ætti að
bjóða sér fram í öllum kjördæmum í
næstu sveitarstjórnarkosningum.
„Guðmundur hefur sína skoðun
fyrir sig og hann getur ekki talað fyr-
ir sveitastjórnarmenn á hverjum
stað. Þetta er ákvörðun flokksins á
hverjum stað hvernig hann býður
fram. Allt frá því að Reykjavíkurlist-
inn var stofnaður hafa alltaf verið ein-
hverjir innan allra þessara flokka
sem hafa ekki talið það rétt að vera í
bandalagi. Hins vegar er yfirgnæf-
andi meirihluti fyrir samstarfi bæði
meðal flokkanna og eins meðal stuðn-
ingsmanna okkar þannig að hug-
myndin á mjög miklu meirihlutafylgi
að fagna bæði inni í flokkunum og
eins meðal kjósenda okkar og það eru
auðvitað fyrst og fremst gagnvart
þeim sem að við eigum að standa skil
á okkar gjörðum,“ sagði Stefán.
Viljum vinnufrið fyrir
landsmálaspekúlöntum
Stefán ræddi við flesta borgarfull-
trúa Reykavíkurlistans í gær og sagði
engan bilbug á þeim að finna. „Okkar
samstarfsmenn í Reykjavík vita full-
vel að við erum 100% heil í starfi.“
Aðspurður um hvort að honum fynd-
ist að óánægju gætti meðal borg-
arfulltrúa listans með yfirlýsingu
Guðmundar sagði Stefán: „Ég get
tekið undir það að við viljum fá vinnu-
frið fyrir ýmsum svona lands-
málaspekúlöntum og haukum sem að
alltaf eru að gera því skóna að við
séum að gera eitthvað annað en við
erum að gera. Við erum að vinna fyrir
borgarbúa og við erum ekki að hugsa
um neina aðra. Þetta truflar auðvitað
vinnufriðinn,“ sagði Stefán og bætti
svo við: „Þetta er kannski meira í fjöl-
miðlum heldur en inni í flokkunum,
að það er verið að gera því skóna að
eitt og annað sé að gerast.“
Mál sem á að ræða
allt öðruvísi
Stefán taldi að mál sem þessi ætti
að ræða á annan hátt en Guðmundur
gerði. „Guðmundur Árni flutti prýði-
lega ræðu á fundinum um ýmis mál
sem varða flokkinn og það var allt
gott í þeirri ræðu nema þetta eina.
Ég sagði honum það strax að ég hefði
talið að þetta væri mál sem mætti
ræða allt öðruvísi. Það var enginn
sem ræddi þetta á þessum fundi
hvorki með né á móti, menn glottu
bara út í annað. Þegar Guðmundur
var sveitastjórnarmaður í Hafnarfirði
hefði hann ekki tekið við neinum mið-
stýrðum ákvörðunum að ofan um þau
mál,“ sagði Stefán.
ÁRNI Þór Sig-
urðsson, forseti
borgarstjórnar,
sagði í samtali við
blaðið ekki vita
hve alvarlega
hann ætti að taka
ummæli Guð-
mundar Árna
Stefánssonar á
flokksstjórnarfundi Samfylking-
arinnar í fyrradag þess efnis að
flokkurinn ætti að bjóða fram sér í
öllum sveitarfélögum.
„Þau endurspegla hans sjónarmið
en væntanlega er það í Samfylking-
unni eins og í öðrum flokkum að það
er ákveðið í hverju sveitarfélagi fyrir
sig hvernig staðið er að framboðs-
málum. Hitt er svo annað mál að
þessar yfirlýsingar hans og Ingi-
bjargar Sólrúnar eru ekki til þess
fallnar að efla liðsheildina innan
Reykjavíkurlistans,“ sagði Árni og
vísaði þar til ræðu Ingibjargar Sól-
rúnar á fundinum þar sem m.a kom
fram að það hafi verið framsókn-
armenn og vinstri grænir sem hafa
tekið þá ákvörðun að hún yrði að
standa upp úr stóli borgarstjóra og
að viðbrögð flokkanna hafi verið ein-
kennileg og ósanngjörn.
Borgarfulltrúar Reykjavíkurlist-
ans töluðu flestir saman í gær. Árni
Þór sagði að þeim fyndist sem þetta
væru heldur hvimleiðar sendingar
sem þau væru að fá. „Menn eru ekki
sáttir við að það sé verið að gefa
svona yfirlýsingar,“ sagði hann.
Vinstri grænir hugsa
sér ekki til hreyfings
Aðspurður um hvaða áhrif hug-
myndir Guðmundar Árna hefðu á
samstarf flokkanna sagði Árni Þór:
„Ég veit ekki hvað maður á að segja
um það. Það hefur verið ágætis sam-
starf og samstaða innan listans og
eftir að það náðist niðurstaða um
áramótin að halda samstarfinu
áfram og ráða nýjan borgarstjóra
hefur samstarfið satt að segja geng-
ið mjög vel og sjaldan betur. Ég von-
ast auðvitað til þess að menn séu til-
búnir að halda því samstarfi áfram á
þeim grunni og séu ekki að hugsa sér
til hreyfings. Við erum að minnsta
kosti ekki að því í vinstri grænum.“
Alltaf einhverjar
óánægjuraddir
Í samtali Guðmundar Árna við
blaðið kom m.a fram að í aðdraganda
kosninganna hefði hann orðið var við
óánægju með samstarfið meðal sam-
starfsflokka Samfylkingarinnar.
Árni Þór tók undir að slík óánægja
fyrirfyndist: „Auðvitað hef ég orðið
var við óánægju með þetta form á
samstarfi bæði hjá okkur og öðrum.
Þær raddir eru til og hafa verið að
koma fram og það er ekkert við því
að segja. En það hefur ekki verið
neinn bilbugur á okkur sem starfað
hafa innan Reykjavíkurlistans og
heldur ekki innan þeirra stofanana
sem taka ákvarðanir um svona sam-
starf sem eru auðvitað félögin í
Reykjavík. Þar hefur ekki verið
neinn bilbugur á mönnum að halda
þessu áfram. Ég hef fullan hug á að
vinna að þessu með heilindum eins
og við höfum gert til þessa.“
Árni Þór Sigurðsson
„Heldur
hvimleiðar
sendingar“
Alfreð Þorsteinsson
Skoðum
okkar mál
Stefán Jón Hafstein
„Truflar
auðvitað
vinnu-
friðinn“
BYGGÐ og mannlíf í Ögurhreppi
hinum forna er yfirskrift ljós-
myndasýningar sem verður opn-
uð í samkomuhúsinu Ögri við Ísa-
fjarðardjúp á morgun, sunnudag.
Á sýningunni verða gamlar
ljósmyndir af bæjum og ábúend-
um í hreppnum frá seinni hluta
19. aldar og fram á miðja 20. öld.
Samkomuhúsið í Ögri var reist
árið 1926 og hefur þjónað ýmsum
ólíkum hlutverkum í gegnum tíð-
ina en Ögurhreppur var samein-
aður Súðavíkurhreppi árið 1955.
Að sögn Guðfinnu M. Hreið-
arsdóttur, sem stendur að sýning-
unni, fór söfnun ljósmynda hægt
af stað en þegar nær dró sýning-
unni sýndu fleiri áhuga. „Ég hef
fengið í hendurnar um 5–600 ljós-
myndir en við munum velja úr
90–100 myndir til þess að hafa á
sýningunni. Þetta eru aðallega
mannlífsmyndir og myndir af
gömlum bæjum. Sumir þessara
bæja standa enn en margir þeirra
eru horfnir,“ segir Guðfinna.
Sýningin verður opin daglega
frá kl. 13–18 í allt sumar eða eft-
ir nánara samkomulagi.
Samkomuhúsið í Ögri á fjórða áratug síðustu aldar.
Ljósmyndir af mannlífi
í hinni fornu Ögursveit
„ÞAÐ er út í hött að vera að bera
saman tveggja kílóa línuýsu og
smáýsu. Það er ekki sama varan.
Fólk vill fá stóra úrvals línuýsu og
hana er ekki hægt að selja á lægra
verði en 995 krónur kílóið af roð-
og beinlausum flökum. Vilji fólk
hins vegar smáýsuna getur það
fengið hana á 490 krónur kílóið
með roði og beinum,“ segir Eirík-
ur Auðunn Auðunsson í fiskbúð-
inni Vör.
Þetta segir Eiríkur í kjölfar
fréttar um verð á ýsu í verzlunum
Svalbarða í Morgunblaðinu í gær.
Hann ítrekar að ekki hafi verið um
raunhæfan samanburð að ræða.
„Við skulum taka dæmi,“ segir
hann. „Við kaupum tveggja kílóa
línuýsu á 200 krónur á Drangsnesi,
óslægða. Við það verð bætast 18%
vegna slægingar og þá er verðið
komið upp í 236 krónur. Ofan á
það koma 15 krónur á kíló í flutn-
ingskostnað. Þegar búið er að
flaka ýsuna, roðfletta og bein-
hreinsa er kílóverðið komið upp í
753 krónur. Þá kemur 14% virð-
isaukaskattur ofan á það og þá er
verðið orðið 859. Við seljum þessa
ýsu á 995 krónur og lægra er ekki
hægt að fara. Við fáum þá í skila- verð fyrir ýsuna 136 krónur. Sé
um smáýsu að ræða, 1 til 1,4 kíló,
er algengt verð á henni 80 til 110
krónur óslægðri. Þegar innvolsið
er farið er hún komin í 95 krónur,
miðað við 80 króna markaðsverð,
15 krónur í flutningskostnað og
roð- og beinlaus er verðið orðið
330 krónur. Með virðisaukanum er
hún komin í 380 krónur. Þessa ýsu
seljum við á 490, reyndar með roði
og beini.“
Eiríkur segir að verð á tveggja
kílóa línuýsu rokki alltaf svolítið,
það geti farið niður í 170 og yfir
200 krónur og þegar það hafi verið
hæst hafi þeir verið að kaupa hana
á 300 krónur.„Við neyddumst til að
hækka verðið um tíma, því við vor-
um ekkert að fá út úr þessu, en
höfum lækkað það síðan og nú
höldum við okkur við 995 kr. fyrir
stóru línuýsuna og erum með
skilaverð frá 130 til 200 krónur
eða álagningu upp á 20 til 30%.
Við höfum metnað til þess að
bjóða góðan fisk. Þann fisk sem
fólk vill helzt. Það kostar þetta í
dag og séu menn að selja stóra og
góða ýsu á lægra verði, fara þeir
einfaldlega á hausinn,“ segir Ei-
ríkur Auðunn Auðunsson.
Morgunblaðið/Arnaldur
Það er mikill munur á tveggja kílóa línuýsu og smáýsu, segir Eiríkur Auð-
unn Auðunsson í fiskbúðinni Vör, og sýnir ljósmyndara muninn.
Segir ekki hægt að bera
saman línuýsu og smáýsu
ÁRNI M. Mathiesen sjávarútvegs-
ráðherra og starfsbræður hans frá
Kanada, Noregi, Færeyjum, Græn-
landi og Rússlandi lýstu sameiginleg-
um áhyggjum af óheftum veiðum úr
sumum fiskistofnun í Norður-Atl-
antshafi, sem stjórnun fiskveiða nær
ekki til, á áttundu ráðstefnu sjávarút-
vegsráðherra ríkja við Norður-Atl-
antshaf (NAFMC) í Halifax 16. til 18.
júní, samkvæmt fréttatilkynningu
sjávarútvegsráðuneytisins. Þema
ráðstefnunnar var: Framkvæmd á
samkomulagi Sameinuðu þjóðanna
um úthafsveiðar (UNFA) – Ramma-
viðmið fyrir Norður-Atlantshaf. Ráð-
herrarnir veltu fyrir sér ýmsum leið-
um til að takast á við vandann, t.d.
auknu eftirliti, skráningu veiðiskipa
og kvóta. Fullyrtu þeir að mikilvægi
vísindalegrar ráðgjafar við verndun
fiskistofna undirstrikaði hve mikil
þörf væri á áframhaldandi samstarfi
um vísindalegar rannsóknir og auk-
inni miðlun gagna. Fjölluðu þeir einn-
ig um hlutverk svæðisbundinna fisk-
veiðistjórnunarstofnana við verndun
þessara fiskistofna.
Á ráðstefnunni báru ráðherrarnir
einnig saman bækur sínar um reynsl-
una af því að beita ákvæðum samn-
ingsins um verndun og stjórnun fiski-
stofna.
Áhyggjur af óheftum veiðum í Atlantshafi