Morgunblaðið - 21.06.2003, Blaðsíða 45
ÍÞRÓTTIR
MORGUNBLAÐIÐ LAUGARDAGUR 21. JÚNÍ 2003 45
JÓNAS Baldursson, þjálfari knatt-
spyrnuliðs Þórs frá Akureyri, mun
ekki stjórna liðinu á næsta ári eins
og til stóð. Jónas hefur verið ráð-
inn til starfa hjá Seagold í Hull í
Englandi og heldur þangað í haust.
Jónas vinnur hjá Samherja sem
á Seagold, en þar stjórnar gamall
KA-maður, Gústaf Baldvinsson.
„Ég held þetta sé nú bara bjarn-
argreiði hjá honum, hann vill bara
lokka mig frá Þór. Að öllu gamni
slepptu er hálf gremjulegt að þetta
skuli enda svona því það var vilji
hjá mér og stjórninni að ég yrði
næstu árin hjá Þór. En það kemur
einhver góður í minn stað og tekur
vonandi við liðinu í góðri stöðu,“
sagði Jónas.
Jónas hættir
með Þórsara
PYUNIK Yerevan, mótherji KR í
forkeppni Meistaradeildar Evrópu,
hefur verið sterkasta lið Armeníu
síðustu tvö árin og orðið armenskur
meistari á sannfærandi hátt, bæði
2001 og 2002. Þegar liðið hefur leik-
ið sex leiki á yfirstandandi tímabili
er það taplaust, í öðru sæti, og með
markatöluna 19:2, en er tveimur
stigum á eftir efsta liðinu, Shirak. Í
fyrra vann Pyunik 19 af 22 leikjum
sínum í úrvalsdeildinni og hlaut átta
stigum meira en Shirak.
Pyunik stóð sig mjög vel í for-
keppni Meistaradeildarinnar í fyrra.
Þá vann liðið sannfærandi sigra á
finnsku meisturunum Tampere, 4:0
á útivelli og 2:0 á heimavelli, og
gerði síðan jafntefli á heimavelli,
2:2, við stórlið Dynamo Kiev í 2. um-
ferð, en tapaði í Kiev, 4:0.
Pyunik varð armenskur meistari
árin 1996 og 1997 en féll skömmu
seinna úr efstu deild og skipti þá um
nafn, hét um skeið Armenikum. Lið-
ið vann sig aftur upp árið 2000 og
tók upp fyrra nafn, sem það hafði þá
aðeins borið í nokkur ár en til ársins
1996 hét félagið AOSS Yerevan.
Pyunik átti þrjá leikmenn í arm-
enska landsliðinu sem tapaði naum-
lega fyrir Úkraínu á útivelli, 4:3, í
Evrópukeppninni í vor. Þeir voru
sóknarmaðurinn Arman Karamyan,
miðjumaðurinn Artavazd Karam-
yan og varnarmaðurinn Bilibio.
Sterkasta lið Arm-
eníu síðustu tvö árKR-INGAR voru ekki heppnirþegar dregið var í fyrstu umferð
forkeppninnar fyrir Meistaradeild
Evrópu í knattspyrnu í gær. KR
mætir Pyunik Yerevan frá Arm-
eníu og verður fyrri leikur liðanna
spilaður í Armeníu þann 16. júlí og
síðari leikurinn verður 23. júlí.
KR á langt ferðalag fyrir hönd-
um því Armenía er í suðaust-
urhorni Evrópu og á landamæri að
Íran, Tyrklandi, Aserbaídsjan og
Georgíu. Íslenskt félagslið hefur
aldrei farið þangað en landsliðið
lék þar við heimamenn árið 1998
og gerði markalaust jafntefli.
Ef KR sigrar Pyunik mun liðið
mæta CSKA Sofia frá Búlgaríu í
annarri umferð sem er leikin 30.
júlí og og 6. ágúst.
Willum Þór Þórsson, þjálfari
KR, hefði gjarnan viljað fá aðra
mótherja en Pyunik. „Það er ljóst
að Pyunik var ekki óskamótherji
okkar og við hefðum gjarnan vilj-
að dragast á móti öðru liði. Pyunik
er með hörkulið en þeir sigruðu
finnsku meistarana örugglega í
fyrra og náðu jafntefli gegn Dín-
amó Kiev.
Það sem er nú líka mjög slæmt
er að þetta verður langt og erfitt
ferðalag og hætta er á að þetta
komi niður á okkur á Íslands-
mótinu. Það þýðir hins vegar ekki
að hugsa meira út í hvaða aðra
mótherja við hefðum getað fengið
og við verðum bara að einbeita
okkur að ná góðum úrslitum gegn
Pyunik þegar þar að kemur,“
sagði Willum Þór í samtali við
Morgunblaðið.
KR-ingar óheppnir
Real Betis hafnaði tilboðiChelsea í Jóhannes Karl Guð-
jónsson. Manuel Ruiz de Lopera,
forseti Real Betis, fannst tilboð
Chelsea ekki vera nægilega hátt
en Betis borgaði á sínum tíma um
350–400 milljónir íslenskra króna
fyrir Jóhannes Karl. „Chelsea hef-
ur áhuga á að fá Jóhannes Karl en
forráðamenn liðsins verða að bjóða
hærri fjárhæðir ef þeir ætla að
krækja í hann.
Ég þekki Claudio Ranieri,
knattspyrnustjóra Chelsea, mjög
vel og hann sagði mér hve vonsvik-
inn hann var þegar hann frétti að
ekki hefði náðst samkomulag um
greiðsluna,“ sagði Manuel Ruiz de
Lopera.
Jóhannes Karl var lánaður til
Aston Villa á síðustu leiktíð og lék
með liðinu í fjóra mánuði. Þar stóð
hann sig mjög vel, skoraði tvö
mörk og varð fljótt vinsæll hjá
stuðningsmönnum liðsins.
Graham Taylor var knatt-
spyrnustjóri Villa á síðastliðinni
leiktíð og var ánægður með Jó-
hannes Karl en David O’Leary
hefur tekið við starfi Taylor og
hann virðist ekki hafa áhuga á að
kaupa leikmanninn.
Chelsea bauð í
Jóhannes Karl
KÄRNTEN, mótherji Grindavíkur í
UEFA-bikarnum í knattspyrnu,
tekur nú þátt í keppninni þriðja ár-
ið í röð þrátt fyrir að félagið hafi
aðeins leikið tvö tímabil í efstu
deild í Austurríki.
Kärnten hefur aðsetur í borginni
Klagenfurt í suðurhluta Austur-
ríkis en er í raun lið alls héraðsins í
kring, sem heitir Kärnten. Félagið
var stofnað árið 1996 við samein-
ingu tveggja annarra liða. Annað
þeirra var Austria Klagenfurt sem
var jafnan stærsta félagið á svæð-
inu en var fallið niður í 2. deild.
Kärnten vann austurrísku 1.
deildina vorið 2001 og tryggði sér
þá sæti í úrvalsdeild í fyrsta skipti.
Þá gerði félagið sér lítið fyrir og
vann austurrísku meistarana Tirol
Innsbruck í úrslitaleik bikarkeppn-
innar, 2:1. Helgi Kolviðsson gekk
til liðs við Kärnten um sumarið, og
í fyrsta leik hans með félaginu varð
Kärnten meistari meistaranna í
Austurríki með því að leggja Tirol
öðru sinni. Félagið var því komið
með tvo stóra titla áður en það lék
sinn fyrsta leik í efstu deild.
Kärnten varð í 5. sæti úrvals-
deildar í fyrstu tilraun en á nýliðnu
tímbili hafnaði liðið í 8. sæti af 10 í
úrvalsdeildinni og var lengi í fall-
hættu. Kärnten komst hinsvegar í
úrslitaleik bikarkeppninnar, tapaði
þar 3:0 fyrir Austria Vín, en þar
sem Austria varð einnig meistari
fékk Kärnten sæti í UEFA-
bikarnum, þriðja árið í röð.
Kärnten var slegið út af PAOK
frá Grikklandi í UEFA-bikarnum
haustið 2001, gerði 0:0 jafntefli
heima en tapaði 4:0 í Grikklandi.
Síðastliðið haust vann Kärnten
lettneska liðið Metalurgs 4:2 og 2:0
í forkeppninni en var síðan slegið
út af Hapoel Tel-Aviv frá Ísrael í 1.
umferð, tapaði heimaleiknum 4:0
en vann útileikinn 1:0.
Einn umdeildasti stjórnmála-
maður Austurríkis, Jörg Haider, er
forseti Kärnten og á mikinn þátt í
uppgangi félagsins í austurrísku
knattspyrnunni undanfarin ár.
Kärnten hefur náð
langt á skömmum tíma
AIK frá Solna, útborg Stokkhólms,
sækir Ísland heim í Evrópukeppni
annað árið í röð og í þriðja sinn á sjö
árum. Svíarnir mættu ÍBV í UEFA-
bikarnum í fyrra og fóru með sigur
af hólmi í báðum leikjum, 2:0 í Solna
og 3:1 í Vestmannaeyjum. Þá lék
AIK við KR árið 1996 og slapp
naumlega áfram, vann 1:0 á Laug-
ardalsvellinum en liðin gerðu jafn-
tefli, 1:1, í Solna.
AIK hefur lengi verið í fremstu
röð í sænsku knattspyrnunni og
skartaði íslenskum knattspyrnu-
manni á áttunda áratugnum, Herði
Hilmarssyni. AIK hefur tíu sinnum
orðið sænskur meistari, síðast 1998.
Þá hefur félagið unnið sænska bik-
arinn 7 sinnum, síðast 1999.
Þekktasti leikmaður AIK er sókn-
armaðurinn Andreas Andersson,
sem hefur spilað með AC Milan og
Newcastle og á 41 landsleik að baki
fyrir Svíþjóð. Hann sneri til AIK ár-
ið 1999 frá Newcastle eftir að hafa
skorað 4 mörk í 27 leikjum í ensku
úrvalsdeildinni. Varnarmaðurinn
Gary Sundgren hefur leikið 31 lands-
leik og varð spænskur bikarmeistari
með Zaragoza árið 2001. Hann spil-
aði 111 leiki í efstu deild á Spáni.
Þá hafa þeir Svante Samuelsson,
Martin Åslund, Daniel Tjernström,
Stefan Ishizaki, Per Nilsson, Karl
Corneliusson, Jimmy Tamandi og
markvörðurinn Håkan Svensson all-
ir leikið með sænska A-landsliðinu.
AIK er í þriðja sæti sænsku úr-
valsdeildarinnar eftir tíu umferðir.
Liðið hefur verið í fremstu röð und-
anfarin ár, varð í þriðja sæti bæði
2001 og 2000 og í öðru sæti árið 1999.
Eftir að hafa slegið ÍBV út úr
UEFA-bikarnum í fyrra lék AIK við
Fenerbache frá Tyrklandi. Jafntefli
varð í Svíþjóð, 3:3, en Fenerbache
vann sinn heimaleik, 3:1.
Þriðja
heimsókn-
in hjá AIK
Aðalsteinn Víglundsson, þjálfariFylkis, er ánægður með mót-
herjana í forkeppninni. „Við Fylk-
ismenn erum sáttir við að mæta
AIK. Það voru engir stórir bitar í
pottinum en að fá AIK er með því
skásta sem hægt var að fá. Þetta
er þægilegt ferðalag og það munar
töluverðu þar sem leikirnir fara
fram í miðju Íslandsmótinu í
ágúst,“ sagði Aðalsteinn í samtali
við Morgunblaðið.
Spurður um möguleika liðsins
gegn AIK sagði Aðalsteinn að
sænska liðið væri sigurstrang-
legra. „Það eru alltaf möguleikar á
sigri og maður er í boltanum til að
ná árangri. Ef við leikum mjög vel
eigum við möguleika en vissulega
er AIK sigurstranglegra liðið.“
Bjarni Jóhannsson, þjálfari
Grindavíkur, var ánægður þegar
Morgunblaðið tilkynnti honum að
Grindavík mun leika við Helga
Kolviðsson og félaga í Kärnten.
„Það er frábært að fá lið frá
Austurríki og þetta er það besta
sem við gátum fengið. Þetta er
þægilegasti ferðamátinn sem var í
boði en maður vill alltaf sleppa við
að þurfa að fara til Austur-Evrópu.
Nú er möguleiki á að Grindavík
fái peningagreiðslur fyrir sjón-
varpsútsendingar frá leikjunum
gegn Kärnten og það er gott mál.
Einnig verður mjög gaman að fá
að kljást við Helga Kolviðsson en
það gerir viðureignirnar meira
spennandi að íslenskur leikmaður
spilar með Austurríkismönnun-
um,“ sagði Bjarni í samtali við
Morgunblaðið.
Morgunblaðið/Ómar
Lee Sharpe og Gestur Gylfason verða væntanlega í eldlínunni
með Grindvíkingum þegar þeir mæta Kärnten.
Fylkir til
Svíþjóðar
og Grinda-
vík til Aust-
urríkis
FYLKISMENN spila gegn sænska liðinu AIK Solna frá Stokkhólmi,
en Grindavík mætir Helga Kolviðssyni og félögum í austurríska lið-
inu Kärnten í forkeppni UEFA-bikarsins. Leikirnir fara fram 14. og
28. ágúst.