Morgunblaðið - 21.06.2003, Blaðsíða 20

AKUREYRI
20 LAUGARDAGUR 21. JÚNÍ 2003 MORGUNBLAÐIÐ
HÖFUÐBORGARSVÆÐIÐ
TVEIR nýir skólastjórar hafa ný-
lega verið ráðnir til starfa í grunn-
skólum Reykjavíkur og munu þeir
hefja störf á komandi hausti. Kristín
G. Guðmundsdóttir er nýr skóla-
stjóri Hlíðaskóla og Inga Þórunn
Halldórsdóttir hefur verið ráðinn
skólastjóri Borgaskóla.
Í tilkynningu frá Fræðslumiðstöð
Reykjavíkur segir að Kristrún hafi
starfað sem aðstoðarskólastjóri
Hamraskóla síðstliðin tvö ár. Áður
var hún deildarstjóri í Ölduselsskóla
og náms- og starfsráðgjafi í Mennta-
skólanum í Reykjavík. Kristrún er
með meistaragráðu í menntunar-
fræðum frá University of Strath-
clyde og hún hefur einnig lokið fram-
haldsnámi á háskólastigi frá Háskóla
Íslands, meðal annars í náms- og
starfsráðgjöf. Hún tekur við skóla-
stjórastöðunni af Árna Magnússyni
sem lætur nú af störfum eftir farsæl-
an starfsferil sem skólastjóri Hlíða-
skóla um árabil. Alls sóttu 12 um
stöðu skólastjóra Hlíðaskóla.
Þá segir að Inga Þórunn hafi
starfað sem skólastjóri í afleysingum
í Flataskóla á liðnu skólaári. Áður
var hún árgangsstjóri og deildar-
stjóri sérkennslu í Garðaskóla og að-
stoðarskólastjóri Húnavallaskóla í
10 ár. Inga Þórunn stundar nám í
uppeldis- og menntunarfræðum til
meistaraprófs í Kennaraháskóla Ís-
lands, en áður lauk hún diplómanámi
frá sama skóla bæði í sérkennslu og
stjórnun. Hún tekur við skólastjóra-
stöðu í Borgaskóla af Hilmari Hilm-
arssyni sem ráðinn hefur verið
skólastjóri Réttarholtsskóla. Alls
sóttu 9 um stöðu skólastjóra Borga-
skóla.
Tveir nýir skólastjórar
Reykjavík
GARÐABÆR og hjúkrunarheimilið
Eir undirrituðu í gær viljayfirlýs-
ingu um að hefja viðræður um upp-
byggingu og rekstur á hjúkr-
unarheimili og öryggisíbúðum á
Sjálandi. Ásdís Halla Bragadóttir
bæjarstjóri undirritaði viljayfirlýs-
inguna fyrir hönd Garðabæjar og
þeir Sigurður Helgi Guðmundsson,
forstjóri Eirar og Skjóls, og Vil-
hjálmur Þ. Vilhjálmsson, stjórn-
arformaður Eirar, undirrituðu yf-
irlýsinguna fyrir hönd Eirar.
Lóðin sem ætlunin er að fyr-
irhugað hjúkrunarheimili standi við
er Húsagata 1 og skal Eir í samráði
við skipulagsarkitekt svæðisins gera
tillögu að umræddum byggingum
og rekstri sem aðilar skoði frekar. Í
viljayfirlýsingunni segir að um
nokkurt skeið hafi verið mikill áhugi
á því að fjölga hjúkrunarrýmum fyr-
ir eldri borgara í Garðabæ. Eftir að
hugmyndir um uppbyggingu á Sjá-
landi mótuðust kom fram vilji í bæj-
arstjórn Garðabæjar um að æski-
legra væri að hjúkrunarheimili það
sem gert var ráð fyrir efst í Ása-
hverfinu yrði reist á Sjálandi. Í lok
síðasta árs var sótt um leyfi til heil-
brigðisráðuneytisins um rekstur
hjúkrunarheimilis á þessu svæði en
samþykki fékkst þá ekki.
Þá segir að í samningi sem gerður
var á milli Garðabæjar og Björg-
unar ehf. og Bygg ehf. um uppbygg-
ingu á Sjálandi hafi verið sér-
staklega kveðið á um að aðilar væru
sammála um að skoða þann mögu-
leika að á lóðum við Húsagötu 1
verði byggt hjúkrunarheimili fyrir
eldri borgara. Í framhaldi af því hafi
sá kostur og rekstur slíkra heimila
verið skoðaður.
„Eir rekur metnaðarfulla og fjöl-
breytta starfsemi sem kemur til
móts við ólíkar þarfir eldri borgara.
Með þessari viljayfirlýsingu er því
lýst yfir að Garðabær og Eir hafi
hug á að skoða vel hvort forsendur
séu fyrir samstarfi um uppbyggingu
hjúkrunarheimilis á Sjálandi í næsta
nágrenni við þá byggð eldri borgara
sem þar verður,“ segir jafnframt í
yfirlýsingunni.
Samstarf um uppbyggingu
hjúkrunarheimilis
Morgunblaðið/Halldór Kolbeins
Vilhjálmur Þ. Vilhjálmsson, stjórnarformaður Eirar, Sigurður Helgi Guðmundsson, forstjóri Eirar og Skjóls, Arn-
dís Magnúsdóttir, formaður Félags eldri borgara í Garðabæ, og Ásdís Halla Bragadóttir bæjarstjóri.
Sjáland
HREPPSRÁÐ Bessastaðahrepps
samþykkti á fundi sínum fyrr í mán-
uðinum að taka upp könnunarviðræð-
ur við Ungmennafélag Bessastaða-
hrepps (UMFB) um rekstur á
íþróttahúsi og íþróttasvæðum, að
hluta til eða að öllu leyti. Sveitarstjóra
var falið að annast viðræðurnar í sam-
ráði við íþrótta- og tómstundanefnd.
Sigurður Magnússon, oddviti Álfta-
neshreyfingarinnar, lagði fram tillög-
una og segir hann það mikilvægt að
efla íþróttastarf í hreppnum því mikil
uppbygging hafi orðið þar á síðustu
árum og fjölgað mikið af börnum og
unglingum. Hann telur að tillagan
gefi ungmennafélaginu kost á að
koma af meiri ábyrgð að rekstri
íþróttamannvirkjanna, sem félagið
notar á móti Álftanesskóla. „Þá gefst
því kostur á að efla sig í gegnum það
og fær möguleika til standa af meiri
myndarskap að ráðningu starfsfólks,
svo sem þjálfara og leiðbeinanda. Það
má segja að það sé nú tilgangurinn.
Ég hef rætt þetta við ýmsa aðila inn-
an Ungmennafélagsins og veit að það
er mikill áhugi á að efla starfið og ég
vona að þetta sé farvegur sem geti
leitt til þess,“ segir hann.
Efling æskulýðs- og
íþróttastarfs
Sigurður segir það ekki fráleitt
þegar til lengri tíma sé litið að tilhög-
unin geti orðið fjárhagslega hag-
kvæm fyrir hreppinn, því þegar ung-
mennafélagið eflist afli það eigin
tekna líkt og íþróttafélög gera. Í dag
byggist starfið að miklu leyti á áhuga-
mennsku og félagið er styrkt af sveit-
arfélaginu til að halda úti starfsemi.
„Álftaneshreyfingin hefur lagt
mikið kapp á að efla almennt æsku-
lýðs- og íþróttastarf. Í tengslum við
stækkun Álftanesskóla höfum við lagt
á það áherslu að það verði komið upp
félagsmiðstöð fyrir unglinga. Við eig-
um enga félagsmiðstöð í Bessastaða-
hreppi eins og er nú í flestum sveit-
arfélögum í kringum okkur. Það að
koma henni upp og efla íþróttastarf er
nauðsynlegt núna í tengslum við vax-
andi sveitarfélag og stækkandi
skóla,“ bætir hann við, en nú er stefnt
að því að koma upp unglingadeild í
Álftanesskóla.
Sigurður segist eiga á von á því að
ef tillagan verði að veruleika muni það
skila sér í miklu og bættu íþróttastarfi
í Bessastaðahreppi. Hann telur það
ekki óeðlilegt að ákvörðun verði tekin
um málið í tengslum við gerð nýrrar
fjárhagsáætlunar um áramót.
UMFB taki að sér rekstur
íþróttamannvirkja
Bessastaðahreppur
ÖRN Ingi Gíslason fjöllistamaður
fagnar 30 ára starfsafmæli í listinni
um þessar mundir og af því tilefni
opnar hann yfirlitssýningu á verkum
sínum í eigin húsnæði á Óseyri 6 á
Akureyri í dag kl. 14. Hann hélt sína
fyrstu einkasýningu í júní 1973. Þetta
er hans 31. einkasýning og sýnir
hann málverk, skúlptúra, nytjalist úr
tré og járni og kvikmyndir og eru
elstu verkin frá 1980 en þau yngstu
alveg glæný og rétt þornuð. Örn Ingi
hafði ekki snert pensil í nokkur ár en
var farið að klæja mjög í puttana.
Hann endurhannaði húsnæðið með
fjölnota notkun í huga og hefur unnið
að endurbótum frá áramótum og
fengið til liðs við sig fjölmarga iðn-
aðarmenn og er verkið langt komið.
„Hér hef ég eignast mitt eigið
menningarhús með fjölbreyttum nýt-
ingarmöguleikum,“ sagði listamað-
urinn í samtali við Morgunblaðið.
Húsnæðið er um 180 fermetrar að
stærð og þar af er salurinn rúmir 100
fermetrar. Karlakór Akureyrar var
þarna með æfingaaðstöðu í upphafi
og að sögn Arnar Inga er hljóm-
burður þar einstaklega góður. Hann
sagði að þarna væri hægt að stunda
myndlist, tónlist, dans og kvik-
myndagerð svo eitthvað sé nefnt og
geta áhugasamir leitað þar eftir að-
stöðu.
Örn Ingi hefur ekki farið hefð-
bundnar leiðir við listsköpun sína og
hann hefur reynt ýmislegt. Hann
hefur ekki alltaf átt upp á pallborðið
hjá kollegum sínum á Akureyri og
hann hefur ekki haldið einkasýningu
á Akureyri frá árinu 1979 en fjöl-
margar á höfuðborgarsvæðinu. „Það
eru þrjár ástæður fyrir því að ég hef
ekki haldið sýningu á Akureyri þetta
lengi. Í fyrsta lagi vegna að-
stöðuleysis, því þegar maður heldur
sýningu vill maður gera það af al-
vöru, í öðru lagi er nauðsynlegt að
fara á vígvöllinn fyrir sunnan og fá
sinn dóm þar, í stað þess að byggja
fílabeinsturn á heimaslóð eins og
margir hafa gert um víða veröld. Og í
þriðja lagi kom upp hálfgerður skíta-
mórall meðal kollega minna í bænum
gagnvart mér. Minn meðbyr í listinni
er mótbyr og ég hef ekki viljað vera
að hræra í vanmáttarkennd annarra
manna. Ég hef t.d. aldrei fengið
starfslaun hér á Akureyri og bærinn
hefur ekki einu sinni keypt af mér
mynd eftir að ferlinn hófst fyrir al-
vöru um 1980. Ég hef heldur aldrei
farið hefðbundnar leiðir og verið
kjaftfor en hef nú verið í þagnarbind-
indi í um 15 ár.“
Örn Ingi hefur fengið mjög góð
viðbrögð við sýningum sínum syðra
og hann setti m.a. aðsóknarmet í
Hafnarborg í Hafnarfirði árið 1992,
þegar um 4.000 manns sáu sýningu
hans. Þá framdi hann eina gjörning-
inn á haustsýningu Félags íslenskra
myndlistarmanna á Kjarvalsstöðum
árið 1980. Örn Ingi fór út af hinum al-
menna vinnumarkaði 1977, eftir 11
ára starf í Landsbankanum. „Ég
leigði mér vinnustofu í Glerárgötunni
og málaði eins og brjálaður maður
næstu mánuði. Níu mánuðum síðar
hélt ég svo sýningu og var svo vel
tekið að Akureyringar keyptu upp
sýninguna. Ég hef aldrei upplifað
annað eins og þessi viðbrögð snertu
mig svo mikið að það hefur aldrei
hvarflað að mér að flytja úr bænum.“
Örn Ingi hefur komið víða á
löngum listamannsferli sínum. Hann
hefur rekið myndlistarskóla nær
óslitið í um 15 ár, kennt myndlist um
allt land og unnið með tugþúsundum
Íslendinga við skapandi störf víðs
vegar um landið. Nú síðustu ár hefur
kvikmyndagerð og kennsla í faginu
átt hug hans allan. Fyrirtæki hans
Arnarauga, sem stofnað var 1997,
hefur þegar framleitt um 100 mynd-
ir, tónlistarmyndbönd, myndbönd,
stuttmyndir og eina bíómynd í fullri
lengd.
Yfirlitssýningin stendur um
óákveðinn tíma – „það ræðst af
áhuga og aðsókn.“
Örn Ingi opnar yfirlitssýningu í tilefni
30 ára starfsafmælis
Hef eignast
mitt eigið
menningarhús
Morgunblaðið/Kristján
Örn Ingi með eitt verka sinna fyrir utan húsnæði sitt á Óseyri 6.