Morgunblaðið - 01.07.2003, Blaðsíða 6
FRÉTTIR
6 ÞRIÐJUDAGUR 1. JÚLÍ 2003 MORGUNBLAÐIÐ
3ja daga tilboð hefst í dag
Dúnsængur 20% afsláttur
Mislit frotté- og jerseylök 30% afsláttur
Ungbarnafatnaður 30% afsláttur
Glæsibæ, sími 552 0978
www.damask.is
GRÍPIÐ TÆKIFÆRIÐ!
JÓHANNES Geir Jóns-
son listmálari lést að-
faranótt 29. júní á Land-
spítalanum eftir stutta
sjúkdómslegu.
Jóhannes fæddist á
Sauðárkróki 24. júní
1927, sjöundi í röð tíu
systkina, barna þeirra
hjóna Jóns Þ. Björns-
sonar skólastjóra og
Geirlaugar Jóhannes-
dóttur húsfreyju.
Jóhannes stundaði
nám við Menntaskólann
á Akureyri í tvo vetur og
lauk síðan listnámi við Myndlista- og
handíðaskóla Íslands. Hann nam
einnig við Konunglegu akademíuna í
Kaupmannahöfn á árunum 1948 til
1949 hjá prófessor Axel Jørgensen.
Jóhannes var áhrifamikill teiknari
og málari um hálfrar
aldar skeið og hefur á
löngum ferli haldið
fjölmargar einkasýn-
ingar á verkum sínum
og tekið þátt í fjölda
samsýninga, bæði hér
á landi og erlendis.
Málverk eftir hann
eru meðal annars í op-
inberri eigu og eigu
listasafna víða um
land. Sagt hefur verið
að svokallaðar „end-
urminningarmyndir“
hans sem hann málaði
á árunum 1964 til 1970 eigi sér enga
hliðstæðu í íslenskri myndlist og
svipað má segja um myndir hans úr
Sturlungu sem hann gerði á seinni
árum.
Jóhannes lætur eftir sig einn son.
Andlát
JÓHANNES GEIR
JÓNSSON
FRAMKVÆMDASTJÓRN
Íþrótta- og ólympíusambands Ís-
lands mun skýra Alþjóðaólympíu-
nefndinni og ólympíunefnd Grikk-
lands frá þeim upplýsingum og
fullyrðingum sem ýmis samtök
hafa komið á framfæri um áform
borgaryfirvalda í Aþenu um að
fjölga vændishúsum og greiða fyr-
ir kynlífsþjónustu í tengslum við
leikana í borginni á næsta ári.
Segist framkvæmdastjórn ÍSÍ
ætla að leggja áherslu á andúð
sína og mótmæli við þessum
áformum ef rétt reynist.
Femínistafélag Íslands, Kven-
félagasamband Íslands, Kvenrétt-
indasamband Íslands, Kvenna-
kirkjan og Stígamót sendu ÍSÍ
bréf í síðustu viku þar sem vakin
var athygli á upplýsingum sem
Mata Kaloudaki frá Grikklandi
kom á framfæri um áformin.
„Framkvæmdastjórn ÍSÍ hefur
enga staðfestingu fyrir því að hér
sé rétt greint frá, en hefur heldur
enga ástæðu til að draga þessar
fullyrðingar í efa. Stjórnin tekur
hins vegar undir með bréfriturum
og lítur það mjög alvarlegum aug-
um ef þær reynast réttar enda
eiga Ólympíuleikar ekki að vera
skálkaskjól fyrir slíka kynlífs-
starfsemi og er í rauninni í fullri
mótsögn við tilgang leikanna, sem
eru skilaboð um hreysti, heil-
brigði, frið og jafnrétti kynjanna,“
segir í yfirlýsingu ÍSÍ.
Ólympíuleikar
verði ekki skálka-
skjól fyrir vændi
FYRIRTÆKIN Hamar ehf.,
Mjólkurfélag Reykjavíkur svf. og
Reykjagarður hf. mótmæltu í gær,
í Héraðsdómi Reykjavíkur kröfu
fuglabúsins Móa ehf. um staðfest-
ingu nauðasamnings frá 2. júní
2003. Fyrirtækin lýstu öll kröfum
á hendur Móum við nauðasamn-
ingsumleitanir. Jafnframt greiddu
fyrirtækin öll atkvæði gegn nauða-
samningi á fundi atkvæðismanna 2.
júní. 2003, að því er fram kemur í
frétt frá fyrirtækjunum.
Fyrirtækin, sem hafa falið Ey-
vindi G. Gunnarssyni hdl. að gæta
réttar síns, telja að ýmis atriði
standi í vegi fyrir staðfestingu
nauðasamnings. Þannig hafi auð
atkvæði og atkvæði þeirra, sem
ekki mættu til fundar, ekki verið
talin með, eins og rétt hefði verið.
Auk þess hafi fjárhæð kröfu
Kassagerðarinnar hf., sem lýsti sig
samþykka nauðasamningi, verið of
há.
Vilja að kröfurnar verði
teknar til greina að fullu
Þá telja Mjólkurfélag Reykja-
víkur og Reykjagarður að taka
beri kröfur þeirra að fullu til
greina, en á fundi með atkvæðis-
mönnum 2. júní 2003 voru kröfur
fyrirtækjanna lækkaðar verulega
við talningu atkvæða. Þeirri nið-
urstöðu fundarins vilja fyrirtækin
ekki una og krefjast þess að hér-
aðsdómari hafni staðfestingu
nauðasamningsins. Fyrirtækin
benda á í fréttinni að hefðu þessi
atkvæði að fullu verið tekin til
greina hefði ekki náðst tilskilið
hlutfall atkvæða miðað við fjárhæð
lýstra krafna.
Kröfu
Móa ehf.
mótmælt
HARALDUR Henrysson,
dómari við Hæstarétt Íslands,
mun láta afstörfum við rétt-
inn þann 1.
september
næstkom-
andi, og
hefur emb-
ættið verið
auglýst
laust til
umsóknar.
Haraldur
hefur verið
dómari við
Hæstarétti í 15 ár, eða frá 1.
september 1988. Áður var
hann sakadómari í Reykjavík
frá árinu 1973. Haraldur læt-
ur af störfum sökum aldurs,
en hann varð 65 ára í febrúar
s.l.
Laust emb-
ætti við
Hæstarétt
Haraldur
Henrysson
AÐ MÖRGU þarf að hyggja þegar
sjómennskan er annars vegar.
Þessi maður spúlaði bátinn sinn
enda er aldrei verra að hafa hreint
og fínt þegar haldið er til móts við
undur hafsins. Góða veðrið er líka
tilvalinn tími til að lappa upp á
bátana við höfnina í Reykjavík.
Morgunblaðið/Arnaldur
Báturinn spúlaður
ÞRJÁR konur sáu til manns á
miðjum aldri í Kringlunni sl. fimmtu-
dag fara út með sýningarstól Péturs
B. Lúthers-
sonar hús-
gagnahönn-
uðar í inn-
kaupakörfu.
Þær létu Pét-
ur vita eftir að
hafa lesið
frétt Morgun-
blaðsins sl.
sunnudag af
hvarfi stólsins, sem var á sýningu á
neðri hæð Kringlunnar ásamt fleiri
munum úr húsgagnasýningu í Kaup-
mannahöfn nýlega.
„Þær sögðust ekki hafa kveikt á
perunni fyrr en að lesa um hvarf
stólsins. Þær slógu því einhvern veg-
inn föstu að þetta hefði verið starfs-
maður Kringlunnar og reiknuðu ekki
með að maðurinn væri að taka stólinn
ófrjálsri hendi og trilla bara með hann
út í Hagkaupskörfunni. Þær sáu hann
þó sniglast í kringum pallana þar sem
stólarnir hafa verið til sýnis. Honum
var lýst sem miðaldra, á bilinu 50–60
ára, og líklegur til að vera iðnaðar-
maður,“ hafði Pétur eftir vitnunum
sem gáfu sig fram, en hann saknar
enn stólsins. Hann á þó teikningar af
honum sem ættu að duga Á. Guð-
mundssyni hf. í Kópavogi, sem senn
hefur framleiðslu á stólnum.
Trillaði út
með stólinn
í innkaupa-
körfu
KOMIÐ var í veg fyrir stór-
slys á Djúpavogi í síðustu viku,
þegar 136 kg TNT sprengju-
hleðslu úr bresku seguldufli
var naumlega forðað undan
brotajárnspressun. Að undan-
förnu hefur staðið yfir hreins-
unarátak á svæðinu, þar sem
öllu brotajárni hefur verið
safnað á haug og það síðan
pressað. Hefði sprengjuhleðsl-
an lent í pressunni eru yfir-
gnæfandi líkur á að hún hefði
sprungið, með ófyrirsjáanleg-
um afleiðingum. Hleðslan
samsvarar um ¼ tonni af dýnamíti og
auk þess að ógna lífi þeirra þriggja
manna sem unnu við pressuna og
annarra nærstaddra, er talið líklegt
að allir gluggar á Djúpavogi hefðu
brotnað í hvellinum og málmbrot
þeyst hátt í tveggja km vegalengd.
Sigurður Gíslason, bílstjóri og
kranamaður á Djúpavogi, átti leið hjá
brotajárnshaug við loðnubræðsluna
og sá þá glitta í hlut í haugnum sem
hann kannaðist við frá því að hann
vann fyrir 15 árum í löggæslu. Þá
hafði hann farið með sprengjusér-
fræðingum Landhelgisgæslunnar til
að eyða tundurdufli sem togari hafði
fengið í troll og sá strax að um sam-
bærilega sprengju var að ræða.
„Það veit enginn hvað hefði gerst ef
þetta hefði sprungið,“ segir Sigurður.
„Það er gífurlegur eyðingarmáttur í
þessu. Það er búið að keyra hér fleiri
hundruð tonnum af brotajárni í haug
og sprengjuhleðslan var út af pláss-
leysi sett niður við hliðina á Loðnu-
bræðslunni, þar sem mennirnir voru
við að pressa þetta. Ég átti leið þarna
um, ætlaði að hitta þessa þrjá sem
voru að vinna þarna, en þeir voru ekki
að pressa í augnablikinu heldur voru
að keyra brotajárni niður á höfn, þar
sem því er skipað út. Ég labbaði af
rælni inn á svæðið, rak augun í þetta
og varð illt við.“
Sigurður lét lögreglu umsvifalaust
vita og var svæðið girt af og vaktað.
Mynd var send af sprengjuhleðslunni
til Landhelgisgæslunnar og fékk lög-
regla leiðbeiningar frá sprengjusér-
fræðingum um hvernig bæri að
geyma hana uns þeir kæmu á staðinn
til að gera hana óvirka. Var henni
sökkt í vatn í fiskikari.
Krakkar hafa leikið sér við
sprengjuna í sextíu ár
Þegar sprengjusérfræðingarnir
komu á Djúpavog staðfestu þeir að
um 136 kg TNT sprengjuhleðslu úr
bresku seguldufli væri að ræða, en
það er dufl sem springur við röskun á
segulsviði, t.d. þegar skip siglir
framhjá því. Var gripurinn fluttur inn
á Starmýrarfjörur og sprengdur. Há-
vaðinn af sprengingunni heyrðist í allt
að 10 km fjarlægt og myndaðist stór
gígur í fjörunni.
Nú er ljóst að sprengjuhleðslan
hefur legið í sextíu ár við býlið Star-
mýri í nágrenni Djúpavogs. Hafa
krakkar leikið sér í kringum hana í
fleiri áratugi, án þess að nokkrum
dytti í hug að þarna væri um skað-
ræðisgrip að ræða. Hún var fyrir
nokkru hífð á vörubílspall með
krabba og kom þá gat á hana og henni
síðan sturtað niður í brotajárnshaug
hjá Loðnubræðslunni. Sprengju-
hleðslan hefði því hvenær sem er get-
að valdið miklu slysi og má teljast
mildi að Sigurður Gíslason skyldi
veita henni athygli.
Litlu munaði að 136 kg TNT sprengjuhleðsla lenti í pressu
Árverkni kom í veg
fyrir að stórslys yrði
Djúpavogi. Morgunblaðið.
Ljósmynd/Landhelgisgæslan
Sprengjuhleðslan á Djúpavogi.