Morgunblaðið - 01.07.2003, Blaðsíða 8
FRÉTTIR
8 ÞRIÐJUDAGUR 1. JÚLÍ 2003 MORGUNBLAÐIÐ
Ný útvarpsstöð hefur útsendingar
Sígild tónlist
fyrir alla hópa
HITT húsið, menn-ingar- og upplýs-ingamiðstöð ungs
fólk, stóð í vor fyrir um-
sóknum til skapandi sum-
arstarfs.
Hugmynd að útvarps-
stöð með sígildri tónlist
varð fyrir valinu og mun
útvarpsstöðin Mandólín
hefja útsendingar í dag á
bylgjulengdinni FM 98,3.
Það eru fjórar stúlkur
sem munu standa að rás-
inni og leika listir sínar á
Mandólín. Útvarpskon-
urnar, þær Ása Helga
Hjörleifsdóttir, Áslaug
Einarsdóttir, Bylgja Rún
Svansdóttir og Sigríður
Sunna Reynisdóttir, eru
allar á nítjánda ári og stíga
með þessu framtaki sín
fyrstu skref í útvarpi. Ás-
laug er nemandi við nátt-
úrufræði- og málabraut MH,
Bylgja Rún er nemandi á fé-
lagsfræðibraut MH og Sigríður
Sunna er útskrifuð af málabraut
MH. Áslaug Helga varð fyrir
svörum um nýju stöðina.
Hvernig útvarpsstöð er Mandó-
lín?
Mandólín er sígild tónlistarstöð
sem leggur áherslu á að sígild
tónlist sé fyrir alla.
Hvernig setja þrjár stelpur á
fót útvarpsstöð?
Við fengum hugmynd að sí-
gildri tónlistarútvarpsstöð í vetur.
Þrjár okkar eru í sígildu tónlist-
arnámi og okkur fannst vanta
slíka útvarpsstöð. Tækifærið kom
svo þegar við sáum auglýsingu
Hins hússins um umsóknir fyrir
skapandi sumarstörf, við slógum
til, sóttum um og vorum valdar úr
hópi umsækjenda.
Þetta er mikil vinna og kostn-
aðarsöm en við erum svo lánsam-
ar að hafa góða styrktaraðila á
bak við okkur. Fyrirtækið 12 Tón-
ar var t.d. mjög höfðinglegt og
styrkti okkur um 100.000 kr. til
geisladiskakaupa.
Við viljum nota tækifærið og
koma á framfæri kærum þökkum
til styrktaraðila okkar.
Hvernig verður dagskráin upp-
byggð?
Á hverjum degi verðum við
með dagskrárliðinn Tónskáld
dagsins þar sem tónskáldið verð-
ur kynnt og sérstakri athygli
beint að verkum þess þann dag-
inn.Við verðum einnig með pistla,
greinar og fróðleiksmola. Þá verð-
um við með fasta liði; á mánudög-
um verður t.d. óperuþáttur. Viðtöl
verða á dagskránni, t.d.við Bar-
okkhópinn sem leikur franska
barokktónlist og hefur verið
starfandi í nokkur ár. Hópurinn
gaf út geisladisk um síðustu jól
sem heitir Bon Appetit.
Við verðum líka með öflugt safn
tónlistar en það getur verið erf-
iðara en fólk heldur að nálgast sí-
gilda tónlist hér á landi.
Við ætlum að hafa efnisvalið
sem fjölbreytilegast og vera með
kynningar á sígildri
tónlist frá löndum sem
eru ekki hvað þekktust
fyrir hana, t.d. Japan,
S-Ameríku og Norður-
löndunum.
Dagskráin verður birt á vefslóð
rásarinnar, http://www.mandol-
in.is.
Sjá fleiri en þið um dagskrána?
Við hvetjum alla til að senda
okkur pistla, greinar eða ábend-
ingar á mandolin@mandolin.is.
Fólk ræður síðan hvort það les
sjálft í útvarpið eða fær okkur til
að gera það. Fjöldi fólks er nú
þegar búinn að hafa samband og
vill koma efni í þáttinn.
Hversu lengi verður Mandólín
starfrækt?
Stöðin verður starfrækt út júlí
og verður sent út allan daginn, frá
klukkan 7:30 á morgnana. Vefsíð-
unni okkar vonumst við hins veg-
ar til að halda úti dálítið lengur.
Vonist þið eftir að Mandólín
komi einhverju sérstöku áleiðis?
Við vonumst til að með Mandól-
ín skapist umræða um sígilda tón-
list og að augu fólks opnist fyrir
því að klassík er fyrir alla !
Hvaðan kemur nafnið Mandól-
ín?
Það er nú bara sumarlegt og
skemmtilegt nafn sem auðvelt er
að muna.
Átt þú þér uppáhaldstónskáld?
Já, Dvorak, Mahler, Lizst og
Beethoven, svo ég nefni örfá, ann-
ars er næstum ómögulegt að ætla
að gera upp á milli allra þeirra
stórkostlegu listamanna sem hafa
fengist við tónlistarsköpun frá
upphafi!
Hlustar þú á aðra tegund tón-
listar?
Já, ég hlusta á alls kyns tónlist,
t.d. jass. Klassík er alls ekki það
eina sem ég hlusta á og ég held
það eigi við okkur allar, við erum
ekki einangraðar í klassíkinni.
Það er líka erfitt að skilgreina
hvað er sígild tónlist.
Er eitthvað að gerast hér á
landi í sumar í tengslum við sí-
gilda tónlist?
Já, það verða haldnir
sumartónleikar í Skál-
holti og Reykholtshá-
tíðin verður í lok júlí.
Í haust munu síðan
Kiri te Kanawa og Maxim Veng-
arov halda tónleika hér, svo það
er alltaf eitthvað spennandi að
gerast.
Mandólín kemur þó til með að
fara vítt og breitt í tíma og rúmi í
leit að fögrum hljómum.
Útvarpskonurnar vilja þakka
Hinu húsinu og Hafnarfjarðarbæ
fyrir öflugt framtak sem gerði
hugmynd þeirra að veruleika.
Ása Helga Hjörleifsdóttir
Ása Helga Hjörleifsdóttir er
fædd árið 1984 í Reykjavík. Hún
útskrifaðist af málabraut
Menntaskólans í Hamrahlíð um
síðustu áramót. Ása Helga hefur
frá átta ára aldri lært á þver-
flautu. Í MH söng hún í skóla-
kórnum auk þess að taka þátt í
starfsemi leikfélagsins, hún hef-
ur einnig æft dans.
Í haust mun Ása halda til Manit-
oba í Kanada þar sem hún mun
nema leiklist, bókmenntir og
heimspeki í Háskólanum í Manit-
oba ásamt því að halda áfram
þverflautunáminu.
Fjölbreytileg
dagskrá á
hverjum degi
AÐSTAÐA fyrir ferðamenn á tjald-
stæðinu á Skógum undir Eyjafjöll-
um hefur gjörbreyst með tilkomu
þjónustuhúss, sem reist var á tjald-
stæðinu fyrir þremur árum. Góð
salernis- og þvottaaðstaða er fyrir
hendi auk aðstöðu til að hita litla
málsverði í skjóli fyrir veðri og
vindum.
Um 200 manns komast fyrir á
tjaldstæðinu, sem rekið er af nokkr-
um dugnaðarkonum í sveitinni und-
ir merkjum Fossbúans, sem selur
einnig gistingu í gamla grunnskóla-
húsinu og mat frá morgni til kvölds.
Frá Skógum halda margir af stað
inn í Þórsmörk um eina allra vin-
sælustu óbyggðagönguleið landsins,
Fimmvörðuháls. Halldóra Auður
Guðmundsdóttir, sem rekið hefur
Fossbúann í samstarfi við fleiri kon-
ur úr sveitinni undanfarin níu sum-
ur, segist merkja mikla vakningu
meðal Íslendinga hvað gönguferð-
irnar áhrærir og flykkjast þeir nú í
hundraðatali yfir Fimmvörðuháls-
inn.
„Sumir fara á eigin vegum og
aðrir eru í skipulögðum ferðum,“
segir hún. „Göngufólkið gistir þó
ekki í miklum mæli hér á Skógum,
heldur eru flestir tjaldgestirnir á
hringferð um landið eða koma hing-
að gagngert á ættarmót eða aðrar
samkomur. Það er mikið um er-
lenda ferðamenn, enda hefur
Skógafoss mikið aðdráttarafl, að
ógleymdu Byggðasafninu á Skóg-
um.“
Erfiðara en við héldum
Meðal göngugarpa sem gengu yf-
ir Fimmvörðuhálsinn á laugardag
var par frá Þýskalandi, þau Friede-
rike Engelbrecht og Stefan Reisch
frá Karlsruhe. Þau gengu fyrst hinn
fræga „Laugaveg“ frá Landmanna-
laugum í Þórsmörk og síðan niður á
Skóga. Létu þau vel af því sem fyrir
augu bar í þessari fyrstu Íslands-
heimsókn sinni. „Vinkona mín sem
hafði farið í gönguferðir hér á landi
sagði mér frá landinu og þaðan
fengum við hugmyndina að því að
koma,“ segir Friederike. Gangan
frá Landmannalaugum hófst í ágæt-
is veðri en í Hrafntinnuskeri lentu
þau í roki og rigningu. „Vistin þar
var ekki sérlega góð, því tjaldið
hristist í vindinum,“ segir Stefan.
„Daginn eftir var enn talsvert
hvassviðri og þegar við komum á
næsta áfangastað við Álftavatn gist-
um við í skála. Þar fór verulega vel
um okkur og svo fór veðrið að batna
þannig að við notuðum tjald í næsta
náttstað, Emstrum.“
Aðspurð segja þau gönguna yfir
Fimmvörðuháls hafa verið aðeins
erfiðari en þau héldu og munaði þar
mest um veður og færð. „Það kost-
aði nokkra fyrirhöfn að þramma yf-
ir snjóbrekkurnar á leiðinni auk
þess sem það fór talsverð orka í að
berjast á móti rokinu,“ segir Stefan.
„Við förum oft í Alpana og þar get-
ur maður hæglega hækkað sig um
1.500 metra á einum degi. Við héld-
um því að það yrði ekki mikið til-
tökumál að takast á við 600 metra
hækkun á Íslandi, en annað kom á
daginn. Þetta var aðeins erfiðara en
við héldum. En í heildina skemmt-
um við okkur mjög vel hérna.“
Fjölbreytt landslag
kom á óvart
Friedereke segir það hafa komið
mest á óvart hversu fjölbreytt
landslagið var og það hafi verið
mjög áhugavert að fylgjast með
landslaginu breytast í sífellu þar
sem samspil gróðurs og jökla í
bland við eyðisanda lék stórt hlut-
verk. Aðspurð segjast þau ekki hafa
látið kuldann spilla fyrir sér, enda
vel búin. „Í raun er hlýrra hér á Ís-
landi en við héldum, þótt stundum
yrði ansi napurt uppi í fjöllunum,“
segir Stefan. Frá Skógum lá leið
þeirra vestur að Seljavöllum þar
sem þau slógu upp tjaldi sínu.
Stefnan var síðan að fara hringferð
um landið og heimsækja staði á
borð við Skaftafell og Mývatn.
Morgunblaðið/Örlygur Steinn Sigurjónsson
Friederike Engelbrecht og Stefan Reisch skoðuðu Skógafoss eftir að hafa gengið yfir Fimmvörðuháls.
Lúnir en hæstánægðir
göngugarpar á Skógum