Morgunblaðið - 01.07.2003, Blaðsíða 15
ERLENT
MORGUNBLAÐIÐ ÞRIÐJUDAGUR 1. JÚLÍ 2003 15
BANDARÍSKA leik-
konan Katharine Hepb-
urn lést á heimili sínu í
Connecticut-ríki á sunnu-
dag, 96 ára að aldri.
Heilsu leikkonunnar hafði
hrakað nokkuð undan-
farin ár en að sögn vin-
konu hennar var dánar-
orsökin elli. Í dag verða
ljósin á Broadway-
breiðgötu í New York
deyfð til heiðurs leikkon-
unni.
Á 60 ára leikferli var
Hepburn 12 sinnum til-
nefnd til Óskarsverðlauna
og vann fjórum sinnum.
Verðlaunin fékk hún fyrir
leik sinn í kvikmyndunum
„Morning Glory“ árið
1933, „Guess Who’s Com-
ing to Dinner“ 1967,
„Lion in Winter“ 1968, og
„On Golden Pond“ árið
1981. Hún lék í 50 kvik-
myndum um ævina en
varð frægust fyrir hlut-
verk sitt í myndinni „The
African Queen“ þar sem
hún lék á móti Humphrey Bogart.
Árið 1999 tilnefndi Bandaríska
kvikmyndastofnunin (the Americ-
an Film Institute) hana stórkost-
legustu leikkonu allra tíma.
Engin leikkona hefur fengið jafn
mörg Óskarsverðlaun og Kath-
arine Hepburn. Hún mætti þó
aldrei á Óskarsverðlaunahátíð til
að sækja verðlaunin.
Opinská, sjálfstæð
og skoðanasterk
Hepburn var fædd í Hartford í
Connecticut 12. maí 1907, önnur í
röð sex systkina. Faðir hennar var
auðugur skurðlæknir en móðir
hennar barðist alla tíð fyrir kosn-
ingarétti kvenna og rétti þeirra til
að nota getnaðarvarnir og mótaði
frjálslynt uppeldi bæði leikkonuna
og manneskjuna Katharine Hepb-
urn. Hún virti foreldra sína mjög
mikils. „Ég hef lifað ótrúlegu lífi
en í samanburði við foreldra mína
er ég litlaus,“ lét hún eitt sinn hafa
eftir sér.
Hepburn var alla tíð afar op-
inská, skoðanasterk og sjálfstæð
sem gerði hana frábrugðna öðrum
leikkonum sinnar samtíðar. Hún
klæddist fötum sem henni fannst
þægileg og átti stóran þátt í að
innleiða buxnatískuna meðal
kvenna enda fundust henni pils
hinn óhentugasti klæðnaður.
Þrátt fyrir velgengnina fannst
Hepburn hún alltaf geta gert bet-
ur. „Ég hefði getað áorkað þrefalt
meira en ég hef gert,“ sagði hún
einhverju sinni. „Ég hef ekki gert
mér grein fyrir hæfileikum mín-
um.“ Jafnframt sagði hún: „Lífið
er það sem mestu skiptir. Göngu-
ferðir, hús, fjölskylda. Fæðing ,
sorg og gleði og síðan dauðinn,“
sagði hún og bætti við að leiklistin
væri bara til að stytta sér stund-
irnar. „Það er allt og sumt.“
Taldi hjónabandið „óhentugt“
Hepburn lærði leiklist í Bryn
Mawr-háskólanum í Pennsylvaníu
og útskrifaðist þaðan 1928. Sama
ár þreytti hún frumraun sína á
leiksviði auk þess sem hún giftist
verðbréfamiðlaranum Ludlow
Ogen. Hjónabandið entist ekki
lengi en þau skildu árið 1934.
Seinna lét Hepburn hafa eftir sér
að hún hefði enga trú á hjónaband-
inu. „Það er svo andskoti óhentugt
að elska, virða og gegna,“ sagði
hún.
Leikkonan átti í nokkrum ást-
arsamböndum um ævina þar á
meðal við milljónamæringinn How-
ard Hughes en leikarinn Spencer
Tracy var stóra ástin í lífi hennar.
Þau áttu í ástarsambandi í 27 ár
en þrátt fyrir það var Tracy giftur
annarri konu, Lousie Treadwell,
allt til dauðadags árið 1967. Hann
var kaþólskrar trúar og því kom
skilnaður ekki til greina.
Hepburn sagði samband sitt og
Tracys hafa verið ólíkt öllum öðr-
um samböndum hennar. „Ég elsk-
aði Spencer Tracy,“ sagði hún.
„Hann og hans hagsmunir og kröf-
ur komu alltaf fyrstar. Það var
mér samt ekki auðvelt af því að ég
er afdráttalaus ég, ég, ég-
manneskja.“
Saman gerðu Hepburn og Tracy
níu kvikmyndir og að því er fram
kemur í The New York Times
smullu þau saman á hvíta tjaldinu
að mati gagnrýnenda. En þrátt
fyrir að samband þeirra væri á
allra vitorði í Hollywood virtu fjöl-
miðlar einkalíf þeirra og sam-
bandið varð í raun ekki opinbert
fyrr en að eiginkonu Tracys látinni
árið 1983. Þá fyrst fannst Hepburn
sér vera frjálst að ræða samband
sitt og Tracy.
Leikkonur óskuðu þess að
vera eins og hún
Fjöldi fólks minntist Katharine
Hepburn með fögrum orðum í
gær. Þeirra á meðal var George
Bush Bandaríkjaforseti en hann
sagði leikkonuna hafa glatt áhorf-
endur með einstökum hæfileikum í
meira en sex áratugi. „Hún var
þekkt fyrir að vera greind og orð-
heppin og hennar mun verða
minnst sem eins af listrænum fjár-
sjóðum þessarar þjóðar,“ sagði
forsetinn. Þá vottaði Elizabeth
Taylor, sem lék með Hepburn í
kvikmyndinni „Suddenly, Last
Summer“ árið 1959, henni einnig
virðingu sína. „Ég held að allar
leikkonur hafi verið fullar lotn-
ingar gagnvart henni og óskað
þess að þær gætu verið eins og
hún,“ sagði Taylor.
Ýmis líkamleg vandkvæði tóku
að hrjá Hepburn eftir að aldurinn
færðist yfir. Hún þurfti á mjaðma-
skiptaaðgerð að halda og fór í
skurðaðgerðir á báðum öxlum sem
hún var þó fljót að jafna sig á. Og
þrátt fyrir að í seinni tíð hafi höfuð
hennar skolfið sjáanlega í sjón-
varpsviðtölum neitaði hún því
ávallt staðfastlega að hún þjáðist
af Parkinson’s-sjúkdómnum en
hélt því fram að hún hefði erft höf-
uðskjálftann frá föðurafa sínum.
Í samræmi við óskir leikkon-
unnar verður engin minningar-
athöfn haldin henni til heiðurs
heldur verður jarðarförin haldin í
kyrrþey.
AP
Hepburn við tökur á kvikmyndinni „On Gol-
den Pond“ frá 1982, þá 75 ára gömul.
Óskarsverðlauna-
hafinn Katharine
Hepburn látin
New York, Connecticut. AFP, AP.
Auglýsendur!
Sérstakt blað um miðborgina fylgir Morgunblaðinu
laugardaginn 5. júlí.
Pöntunarfrestur auglýsinga er til kl. 16 þriðjudaginn 1. júlí.
Skilafrestur er til kl. 12 miðvikudaginn 2. júlí.
Hafið samband við auglýsingadeild Morgunblaðsins
í síma 569 1111 eða á augl@mbl.is
Blaðið á að endurspegla sérstöðu miðborgar Reykjavíkur og
hið fjölskrúðuga mannlíf sem í henni er alla daga.
Verslun - kaffihús - heilsurækt - veitingar - listmunir - þjónusta