Morgunblaðið - 01.07.2003, Blaðsíða 32

32 ÞRIÐJUDAGUR 1. JÚLÍ 2003 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
ENGA umræðu hef ég heyrt eða
séð um þá staðreynd að Ameríkan-
inn er búinn að senda landgöngulið-
ana, U.S. Marines, heim. Íslending-
ar virðast ekki skynja að þessir eitt
hundrað menn, nú síðast bara fimm-
tíu dátar, voru einu þrautþjálfuðu
hermennirnir á varnarsvæðinu sem
voru til varnar gegn innrásarliði,
hvort væri það sent til hryðjuverka
eða yfirtöku. Aðrir hermenn eru
flestir tæknimenn, sumir flugmenn
og flugvirkjar svo og einhverjir lög-
reglumenn. Þeir eru að vísu eitt-
hvað þjálfaðir til þess að bera vopn,
en þau eru geymd í vopnabúri og
þessir menn eru fæstir til stórverka
í bardaga eða við það að vaða reyk
daglangt í drullu og skít. Þetta eru
ær og kýr þeirra snoðklipptu kappa.
Mér finnast Bandaríkjamenn
hafa gerst sekir um vanefndir á
samningi um varnir landsins.
Engar þotur í
viðbragsstöðu, eða hvað?
Aðrar vanefndir eru augljósar
varðandi orrustuþoturnar, sem
skyldu vera minnst fjórar. Af hverju
voru fjórar þotur tilgreindar í síð-
asta samningi? Mér finnst þetta
augljóst, nema annars sé getið, að
fjórar skyldu vera til reiðu og þá
auðvitað fullvopnaðar. Svo vill til, að
sunnan við vesturenda brautar 11-
29 er flugskýli fyrir þotur í við-
bragðsstöðu. Þarna geta hverju
sinni verið fjórar vélar. Aksturs-
braut liggur í sveig beint inn á flug-
brautina, svo að vopnið er fljótt í
loftið komi útkall. Hér lengst af áð-
ur fyrr voru fullbúnar þotur þar
með öllum flugskeytum. Flugmenn-
irnir voru á vakt uppi á lofti og
stuðpúði á veggnum móti stiganum
til þess að mýkja höggið þegar flug-
mennirnir komu á fljúgandi ferð
niður stigann. Þessi skýli voru tekin
úr umferð fyrir nokkrum árum en
þó tekin aftur í notkun síðar. Önnur
flugskýli eru hin harðgerðu steyptu
skýli nálægt vesturendanum. Engar
upplýsingar liggja á lausu um hvað
þar er inni hverju sinni.
Síðast er ég sá til á svæðinu, gat
á góðum degi gjarnan líta fjóra
fugla á lofti. Spurði maður þá sjálf-
an sig, hvort ekki væru fleiri en
fjórar orrustuþotur á landinu. Ein-
hverjar, minnst tvær, hlytu að vera
í viðbragðsstöðu. Það tekur sinn
tíma að kalla fljúgandi þotur inn af
æfingu, setja eldsneyti á þær, sækja
flugskeyti og gera þær klárar, trú-
lega skipa nýjum áhöfnum á grip-
ina.
Nú segja menn, að fljótlegra væri
að fljúga vélum frá Skotlandi, því að
þar væru þotur í viðbragðsstöðu!
Þetta staðfestir að Ameríkaninn
hefur enn gert sig sekan um van-
efndir á varnarsamningnum í þess-
um efnum. Varla trúi ég því, að Ut-
anríkisráðuneyti okkar hafi haldið
svo slaklega á málum að herinn hafi
bara haft fjórar þotur til æfinga,
svona bara rétt til þess að sýnast.
SVEINN GUÐMUNDSSON,
verkfr.
Háteigsvegi 2,
Reykjavík.
Varnamál og van-
efndir: Bardaga-
mennirnir sendir heim
Frá Sveini Guðmundssyni:
MIKIL og þörf umræða hefur
skapast um þá ákvörðun bæjar-
stjórnar Kópavogs að byggja ofan í
Fossvogsdaln-
um. Það sem
vekur athygli er
hve mikið á að
byggja og af
myndum að
dæma hljóta
flestir að sjá að
þetta er glóru-
laust skemmd-
arverk – stein-
steypumúr í
miðjum Foss-
vogsdalnum. Þessi framkvæmd
skapar mikla sjónmengun svo ekki
sé talað um mengun vegna aukins
umferðarþunga á svæðinu. Íbúar í
nágrenninu hljóta að mótmæla
kröftuglega á næstunni, sem og all-
ir Kópavogsbúar.
Græn svæði á höfuðborgarsvæð-
inu eru því miður allt of fá og þau
sem ennþá standa á skilyrðislaust
að vernda fyrir gróðasjónarmiðum
byggingaverktaka. Fossvogsdalur-
inn er náttúruperla sem fólk á að fá
að njóta og það land sem Kópavogs-
bær býðst nú að opna fyrir almenn-
ingi á hiklaust að byggja upp sem
fallegt útivistarsvæði. Það er eðli-
legt að mikill þrýstingur sé settur á
bæjaryfirvöld að gefa eftir þetta
svæði til byggingaverktaka en það
hlýtur að vera skýlaus krafa íbúa í
Kópavogi að bæjarfulltrúar, sem
kosnir eru af bæjarbúum, standist
þennan þrýsting og hugi fyrst og
fremst að hagsmunum bæjarbúa í
bráð og lengd. Verðmæti þessa
græna svæðis sem nú er að opnast í
Fossvogsdalnum verður ómetan-
legt fyrir Kópavogsbúa og aðra
þegar fram líða stundir.
Sjálfstæðisflokkur og Framsókn-
arflokkur hafa staðið sterkt í Kópa-
vogi á undanförnum árum. Ástæð-
an er einföld; Stefna þeirra og
framganga hefur fallið íbúum í
Kópavogi í geð. Í þessu máli er svo
ekki farið. Ef meirihluti bæjar-
stjórnar heldur til streitu að „eyði-
leggja“ Fossvogsdalinn með bygg-
ingu þessa glórulausa
steinsteypumúrs þá sýna þeir með
skýrum hætti að þeir stjórna ekki
lengur í þágu okkar bæjarbúa. Svo
einfalt er það.
JÓN BALDUR LORANGE,
Heiðarhjalla 15,
Kópavogi.
Glórulaus ákvörðun
Frá Jóni Baldri Lorange:
Jón Baldur
Lorange