Morgunblaðið - 01.07.2003, Blaðsíða 20

LANDIÐ
20 ÞRIÐJUDAGUR 1. JÚLÍ 2003 MORGUNBLAÐIÐ
VIKUFERÐ TIL PRAG Í ÁGÚST
Borgartúni 34
sími 511 1515
www.gjtravel.is
Þann 1. ágúst býður Ferðaskrifstofa Guðmundar Jónassonar beint leiguflug með Flugleiðum til hinnar
fornfrægu og fögru borgar Prag, höfuðborgar Tékklands. Heimflug til Íslands er síðan þann 9. ágúst.
Verð á mann er krónur 73.700 ef gist er á Hotel Pyramida
Verð á mann er krónur 82.200 ef gist er á Hotel Bellagio
Innifalið í verði er flug, flugvallarskattar, akstur frá og að flugvelli, gisting í tveggja manna herbergi,
morgunverður, yfirgripsmikil skoðunarferð um Prag og íslensk fararstjórn. Meðan á dvöl stendur verður
boðið upp á ýmsar dagsferðir með íslenskri leiðsögn sem bókast og greiðast hjá fararstjórum.
Hotel Pyramida er vel staðsett og vel útbúið fjögurra stjörnu hótel skammt frá kastalahæðinni.
Hotel Bellagio er nýtt fjögurra stjörnu hótel skammt frá gyðingahverfinu og gamla bænum.
Fararstjórar: Emil Örn Kristjánsson og Pétur Gauti Valgeirsson.
Leitið nánari upplýsinga hjá utanlandsdeild okkar.
UM 100 börn og unglingar af báð-
um kynjum sóttu námskeið í
knattspyrnu á Húsavík á dög-
unum; það hófst á föstudags-
morgni og stóð fram á sunnudag.
Knattspyrnuskóli Arnórs Guðjohn-
sen stóð fyrir námskeiðinu. Það
má segja að það sé við hæfi að
þetta fyrsta námskeið skólans, ut-
an suðvesturhornsins, skuli vera
haldið á þeim slóðum sem Arnór
hóf sinn glæsta knattspyrnuferil.
Arnór sagði fréttaritara að það
væri búin að vera mikil tilhlökkun
hjá þeim sem að skólanum standa
að koma með hann til Húsavíkur,
hann kvaðst vera ánægður með
þátttökuna, hún væri frábær, að-
staðan góð og áhugi þátttakenda
mikill.
Að sögn Benedikts Guðmunds-
sonar, sem hefur yfirumsjón með
skólanum, ásamt Arnóri, eru þjálf-
arar sem kenna á á námskeiðinu
þeir Zejlko Sankovic, yfirþjálfari
Knattspyrnuskólans og þjálfari
hjá Víkingi, Pavol Kretovec, þjálf-
ari hjá Breiðabliki, Magni Magn-
ússon, þjálfari hjá HK, Sigurður
Jónsson, þjálfari meistaraflokks
Víkings og fyrrverandi landsliðs-
og atvinnumaður í knattspyrnu,
og að sjálfsögðu Arnór Guðjohn-
sen. Benedikt segir það vera tölu-
vert mál að koma svona námskeiði
saman og að það hefði ekki tekist
nema með aðstoð Lindu Baldurs-
dóttur, formanns Völsungs. Án
hennar aðstoðar hefði þetta nám-
skeið ekki orðið að veruleika.
Þeim þjálfurum sem kenndu á
námskeiðinu voru til aðstoðar þrír
þjálfarar yngri flokka Völsungs.
Unnar Þór Garðarsson, einn
þeirra, sagði mjög gaman og lær-
dómsríkt að fá að taka þátt í nám-
skeiðinu. Þeir knattspyrnukrakk-
ar sem fréttaritari hafði tal af á
námskeiðinu voru alveg í skýj-
unum með allt saman og það er
aldrei að vita nema það leynist
nýr Arnór, eða þá Eiður Smári, í
hópnum.
Knattspyrnuskóli Arnórs Guðjohnsen
Frábær þátttaka á Húsavík
Morgunblaðið/Hafþór Hreiðarsson
Ungir knattspyrnumenn á Húsavík hlýða á Arnór Guðjohnsen, en yfir 100 börn og unglingar sóttu námskeiðið.
Húsavík
ÞRÁTT fyrir að Laugarvatn hafi
verið mikill ferðamannastaður í
gegnum tíðina hefur ekki verið
bændagisting í Laugardalnum fram
til þessa. Nú hafa hjónin Björg
Ingvarsdóttir og Snæbjörn Sigurðs-
son í Efsta-dal bætt úr þessu. Á
dögunum tóku þau í notkun fjögur
tveggja manna herbergi með uppá-
búnum rúmum, eldunaraðstöðu og
heitum potti. Boðið er uppá silungs-
veiði í Brúará, fallegar gönguleiðir
og hestaferðir fyrir þá sem taka
gistingu í Efsta-dal. Stutt er frá
gistingunni á golfvöllinn í Miðdal
og Úthlíð.
Aukið gistirými í Laugardalnum
Morgunblaðið/Kári Jónsson
Snæbjörn Sigurðsson og Björg Ingvarsdóttir á pallinum við heitapottinn í Efsta-dal.
Bændagisting í Efsta-dal
Laugarvatn
NÝVERIÐ flutti Efnalaug Sauð-
árkróks í nýtt húsnæði að Borg-
arflöt 1. Í tilefni þessa buðu eig-
endurnir, Guðrún Kristófers-
dóttir og Guðmundur Pálsson,
gestum til veislu og að skoða hið
nýja og glæsilega húsnæði, en það
er miklum mun stærra og rýmra
en það sem áður hýsti starfsemi
fyrirtækisins við aðalgötuna á
Króknum. Samhliða flutningnum
hefur tækjakostur efnalaugarinn-
ar verið endurnýjaður og bætt við
afkastamiklum vélum, en fyrir-
tækið hefur nýlega gert samning
um allan þvott og hreinsun fyrir
Sjúkrahús Skagfirðinga.
Fjöldi gesta þáði boð þeirra
Guðrúnar og Guðmundar og tók
undir óskir séra Guðbjargar Jó-
hannesdóttur, sem flutti stutta
helgistund og bað fyrirtækinu,
starfsfólki þess og eigendum allr-
ar blessunar.
Morgunblaðið/Björn Björnsson
Eigendurnir Guðrún Kristófersdóttir og Guðmundur Pálsson.
Efnalaug Sauðárkróks
flytur í nýtt húsnæði
Sauðárkrókur
OPNUÐ hefur verið upplýsinga-
miðstöð fyrir ferðamenn á Hvols-
velli. Miðstöðin er til húsa við þjóð-
veg númer 1, eða Austurveg, þar
sem verslunin 11-11 er einnig til
húsa. Tveir starfsmenn munu vinna
við upplýsingamiðstöðina, þær
Margrét Einarsdóttir og Guðlaug
Ósk Svansdóttir.
Að sögn Guðlaugar verður opið
virka daga frá 9 á morgnana til
17.30 síðdegis og frá 9–13 um helg-
ar. Miðstöðin er rekin af Rangár-
þingi eystra og er í samvinnu við
aðrar upplýsingamiðstöðvar á Suð-
urlandi sem eiga sínar höfðustöðv-
ar í Upplýsingamiðstöð Suðurlands
í Hveragerði. Í hófi sl. föstudag
kom fram að samvinna upplýsinga-
miðstöðva á Suðurlandi er mjög
mikilvæg fyrir þróun ferðaþjónustu
á svæðinu og að ferðaþjónusta á
Suðurlandi eigi mikla möguleika í
framtíðinni ef menn standi saman
og veki athygli hver á öðrum með
jákvæðum hætti.
Ljósmynd/Steinunn Ósk Kolbeinsdóttir
Starfsmenn upplýsingamiðstöðvar ferðamanna á Hvolsvelli, þær Guðlaug
Ósk Svansdóttir og Margrét Einarsdóttir, ásamt Pétri Rafnssyni, formanni
Ferðamálaráðs Íslands, en hann flutti tölu við opnun miðstöðvarinnar.
Upplýsingamiðstöð
opnuð á Hvolsvelli
Hvolsvöllur