Morgunblaðið - 01.08.2003, Blaðsíða 24

LANDIÐ
24 FÖSTUDAGUR 1. ÁGÚST 2003 MORGUNBLAÐIÐ
LISTIR
MIKLAR framkvæmdir hafa í sum-
ar verið í gangi vegna fyrirhugaðrar
færslu Strandvegar um allmarga
metra til austurs, allt frá Hegra-
braut að Eyrarvegi á Sauðárkróki.
Verkið hefur verið á áætlun um
margra ára skeið, og var raunar
komið inn í umræðuna fyrir um það
bil tuttugu árum, en nú í vor var
ákveðið að hefja framkvæmdir með
því að færa grjótvörn alllangt til
austurs og vinna þannig nýtt land.
Gerð Strandvegar er í tengslum
við nýja vegtengingu yfir Þverár-
fjall, en með opnun þess vegar er leið
Sauðárkróksbúa til Reykjavíkur
stytt um rúmlega þrjátíu kílómetra.
Fyrirtækið Norðurtak, sem er í
eigu Rögnvaldar Árnasonar, annast
byggingu grjótvarnarinnar, en um
miðjan júlí sl. kom sanddæluskipið
Perlan, sem er í eigu Björgunar, og
hóf dýpkun við enda Norðurgarðs-
ins, en með reglulegu millibili þarf að
dæla verulega úr höfninni vegna
sandburðar, sem hefur gert stærri
skipum erfitt um vik að athafna sig.
Að sögn Hallgríms Ingólfssonar,
tæknifræðings á Sauðárkróki, verð-
ur verkinu lokið um miðjan ágúst, en
þá er gert ráð fyrir að teknir hafi
verið um 30.000 rúmmetrar af sandi,
og verður um tveim þriðju hlutum
dælt í uppfyllingu innan grjótvarnar,
en hitt flutt á haf út. Kostnaður við
dælinguna er ellefu og hálf milljón
króna, og verður dýpi við Norður-
garðinn þá milli átta og níu metrar.
Fyrir haustið verður sandurinn
jafnaður og sett yfir hann gróft yf-
irlag til að hefta sandfok. Ekki er að
sögn Hallgríms vitað hvenær fjár-
veiting fæst til að leggja þennan nýja
veg, en einnig þarf að endurnýja brú
yfir Gönguskarðsá og veg, að núver-
andi vegi upp Gönguskörð.
Einar Gíslason, deildarstjóri
framkvæmdadeildar Vegagerðar-
innar, sagði kostnað við gerð grjót-
varnargarðsins vera 85 milljónir, en
á þessari stundu væru engar fjár-
veitingar vísar. Hins vegar sagði
Einar áætlað að hefja á næsta ári
byggingu brúarinnar yfir Göngu-
skarðsá, en haustið 2004 er gert ráð
fyrir að lokið verði við að leggja var-
anlegt slitlag á Þverárfjallsveg frá
Skagastrandarvegi að Skagavegi í
Laxárdal, en síðan urði unnið frá
Sauðárkróki og vegurinn byggður
upp norður Laxárdalsheiði og að
vegamótum Skagavegar.
Landvinningar
fyrir vegarstæði
Sauðárkrókur
Morgunblaðið/Björn Björnsson
DAVÍÐ Örn Halldórsson mun opna sýningu á verkum
sínum laugardaginn 2. ágúst. Á sýningunni eru um 20
málverk eftir Davíð unnin með blandaðri tækni. Sýn-
ingin fer fram í Galleríi Borg á Skagaströnd en þar er
jafnframt vinnustofa listamannsins.
Þetta er önnur einkasýning Davíðs en áður var hann
með sýningu í Galleríi Geysi í Reykjavík árið 1999.
Davíð Örn útskrifaðist úr Listaháskóla Íslands 2002
og hefur hann búið á Skagaströnd frá síðasta hausti
og unnið að list sinni. Nú í haust er hann á leið til Nor-
egs þar sem hann mun dvelja í Dalsasen á vinnustofu í
þrjá mánuði á Nordisk kunstner senter.
Við opnun sýningarinnar mun hljómsveitin Örkuml
leika nokkur lög en fyrirhugað er að hafa sýninguna
opna fram í september. Á myndinni er Davíð Örn við
eitt verka sinna sem er málað beint á gaflinn á sýning-
arsalnum og verður því ekki til sölu.
Morgunblaðið/Óli Benna
Myndlist á
Kántríhátíð
Skagaströnd
FRÁ ÞVÍ um miðjan maí hefur brú-
arvinnuflokkur frá Hvammstanga
unnið að gerð tvíbreiðrar brúar á
Staðará í Staðarsveit. Brúarsmiður er
Guðmundur Sigurðsson en aðstoðar-
maður hans Sigurður Hallur Sigurðs-
son sagði að smíði brúarinnar yrði
væntanlega lokið í næstu viku. Ekki
verður hún þó opnuð fyrir umferð
fyrr en um miðjan ágúst því steypan
þarf að standa lengur til að jafna sig
og herðast áður en umferð er hleypt á
brúna. Með tvíbreiðri brú eykst um-
ferðaröryggið á vegi 54 á sunnan-
verðu Snæfellsnesi.
Brúarvinnuflokkurinn sem verið
hefur við Staðará í sumar er einn af
þremur brúarvinnuflokkum sem
Vegagerðin rekur. Í honum eru tíu til
ellefu manns, þar með talin ráðskon-
an, og ferðast þeir milli vinnustaða
með vinnubúðir sínar. Þegar verkinu
við Staðará bíður flokksins að öllum
líkindum verkefni norður í landi.
Ný brú á
Staðará
Hellnar
Ljósmynd/Guðrún G. Bergmann
MIKILL fjöldi ferðamanna hefur
ferðast með ferjunni Baldri í sumar.
Tíuþúsundasti farþeginn í júlí fór
með Baldri hinn 30. júlí. Aldrei fyrr í
sögu Baldurs hafa svo margir far-
þegar farið með Baldri í einum mán-
uði. Fjölgað hefur ferðamönnum sem
fara til Vestfjarða og nota sér þjón-
ustu Baldurs og eins hefur ferðafólki
sem á leið til Flateyjar fjölgað.
Nýting á bílaþilfari hefur einnig
verið mjög góð, um 93%. Í júlí flutti
Baldur um 1.800 fólksbíla, 220 tjald-
og fellivagna og 58 rútur og vörubíla.
Væri öllum þessum farartækjum
raðað í einfalda röð væri hún um 9
kílómetra löng. Að sögn forráða-
manna Baldurs er ekki óalgengt að
8–10 bílar séu á biðlista í ferð og mið-
að við fyrirspurnir væri hægt að auka
flutningana yfir fjörðinn til muna, en
ferjan Baldur er of lítil til að svo geti
orðið.
Gunnar Nikulásson, ferðamaður
úr Reykjavík, var tíuþúsundasti far-
þeginn með Baldri í júlí. Hann var á
leið út í Flatey í dagsferð eins og
margir aðrir hafa gert. Honum var
færður blómvöndur af þessu tilefni
og gjafabréf þar sem boðið var upp á
siglingar um Breiðafjörð með Sæ-
rúnu. Áhöfn Baldurs var færð rjóma-
terta af sama tilefni.
Yfir 10.000 farþegar með
Baldri yfir Breiðafjörð í júlí
Stykkishólmur
Morgunblaðið/Gunnlaugur Árnason
Gunnar Nikulásson var tíuþúsundasti farþeginn með ferjunni Baldri í júlí-
mánuði. Hann kom um borð í seinni ferð Baldurs 30. júlí og var á leið út í
Flatey. Áhöfn og forsvarsmenn Baldurs færðu honum gjafir af því tilefni.
ÞÓRUNN Ósk Marinósdóttir víólu-
leikari heldur einleikstónleika í
Ketilhúsinu í gilinu á Akureyri í
dag kl. 12. Ketilhúsið hefur staðið
fyrir hádegistónleikum sem þess-
um á föstudögum í sumar en þeir
eru 45 mínútna langir svo fólk geti
skroppið á tónleika í hádegishléinu
sínu. Þórunn ætlar að mestu leyti
að endurtaka dagskrá sem hún
flutti á tónleikum í Listasafni Sig-
urjóns Ólafssonar þann 15. júlí síð-
astliðinn við mjög góðar undir-
tektir. Á efnisskránni er Kadenza
eftir Áskel Másson, Svíta samin fyr-
ir einleiksselló eftir J.S.Bach og
Sónata eftir Paul Hindemith en
hann var sjálfur víóluleikari og eft-
ir hann liggur mikið af merkilegri
tónlist fyrir hljóðfærið. Þórunn er
fædd og uppalin á Akureyri og lauk
stúdentsprófi frá tónlistarbraut
MA og tónlistarskólans á Akureyri
áður en hún hélt til frekara náms í
Belgíu. Hún lauk meistaragráðu
með láði frá Tónlistarháskólanum í
Brussel árið 1996 en í dag starfar
hún með Sinfóníuhljómsveit Ís-
lands auk þess að starfa ötullega á
sviði kammertónlistar.
Tónleikar í Ketilhúsinu
Þórunn Ósk Marinósdóttir
TÓNLISTARMAÐURINN Jó-
hann Jóhannsson og Erna Ómars-
dóttir dansari sýna í kvöld frum-
samið dansverk er nefnist „IBM
1401 – Notendahandbók“ á al-
þjóðlegu danslistarhátíðinni
Impulstanz í Vín. Þau sýna tvær
sýningar á verkinu á hátíðinni og
verður seinni sýningin á föstudag-
inn eftir viku. „Við frumsýndum
dansverkið á danshátíðinni Dans-
em í Marseille í fyrra og þar má
segja að það hafi slegið í gegn því
í kjölfarið hefur okkur verið boðið
á fjölda hátíða. Frá Vín liggur leið
okkar á listahátíð fyrst í Ljubl-
iana, síðan Mílanó og loks Caen í
Norður-Frakklandi,“ segir Jóhann
Jóhannsson og bendir á að fleiri
sýningar eru fyrirhugaðar á næsta
ári. Verkið hefur enn ekki verið
sýnt hér á landi en Íslendingum
Dansverk
innblásið
af tölvu
Tveir íslenskir listamenn sýna á alþjóð-
legu danslistarhátíðinni Impulstanz í
kvöld. Silja Björk Huldudóttir ræddi við
Jóhann Jóhannsson tónlistarmann um
dansverk þeirra Ernu Ómarsdóttur.
SÖNGVÖKUR Minjasafnsins á Ak-
ureyri hafa vakið verðskuldaða at-
hygli enda hvergi hægt að finna svip-
aða skemmtidagskrá. Í sérstakri en
viðeigandi umgjörð Minjasafnskirkj-
unnar eru áheyrendur leiddir í söng-
ferðalag í tali og tónum um íslenska
tónlistarsögu frá miðöldum til okkar
daga. Efnisskráin er afar fjölbreytt
og spannar allt frá dróttkvæðum
miðalda til söngva og þjóðlaga frá
nítjándu og tuttugustu öld.
Í sumar eru söngvökurnar orðnar
þrjár talsins og er óhætt að segja að
þeir fjölmörgu sem hafa lagt leið sína
í Minjasafnskirkjuna hafi notið ein-
stakrar upplifunarinnar.
Föstudaginn 1. ágúst verður
söngvaka í Minjasafnskirkjunni á
Akureyri kl. 20.30. Flytjendur eru
þau Íris Ólöf Sigurjónsdóttir og
Hjörleifur Hjartarson.
Aðgangseyrir er 1.000 kr.
Söngvaka
í Minjasafnskirkju
Kaupvangsstræti 23 Akureyri Að-
alheiður S. Eysteinsdóttir opnar
lokasýningu í verkinu „40 sýningar á
40 dögum“.
Í DAG