Morgunblaðið - 01.08.2003, Qupperneq 44

Leikurinn var lengst af nokkuðfjörugur og liðin sýndu á köfl-
um ágæt tilþrif. Liðin áttu hvort
sitt færið í upphafi
leiks; fyrst skaut
Þorvaldur Makan
Sigbjörnsson naum-
lega framhjá marki
Þróttar úr aukaspyrnu og rétt á
eftir fékk Björgólfur Takefusa
óvænt færi hinum megin þegar
Sören Byskov missti af knettinum
en Björgólfur var í þröngu færi og
náði ekki að stýra knettinum í
markið. Heimamenn náðu síðan
forystunni eftir liðlega stundar-
fjórðungs leik með góðu marki frá
Dean Martin Gestirnir færðust í
aukana við það og seinni hluti hálf-
leiksins var sá besti af þeirra hálfu.
Sören Byskov þurfti þrisvar að
taka á honum stóra sínum til að
koma í veg fyrir að Þróttur jafnaði
og KA-menn gengu til búnings-
klefa í hléi með eins marks forskot.
McCormick fékk rautt
á leiðinni af velli
Heimamenn komust síðan í 2:0
strax í upphafi seinni hálfleiks þeg-
ar Steinar Tenden skoraði og eftir
það var sigur þeirra aldrei í hættu.
KA lék mjög vel í seinni hálfleik og
Þróttarar komust ekkert áleiðis.
Ekki bætti úr skák fyrir þá að
missa Charles McCormick af velli á
62. mínútu með rautt spjald.
Reyndar var hann á leiðinni út af
og Guðfinnur Þórir Ómarsson
varamaður tilbúinn að koma í hans
stað. Einhverra hluta vegna var
Charles ekki sáttur við lífið og til-
veruna við það tækifæri og þrum-
aði boltanum út í buskann rétt áður
en hann fór af velli. Kristinn Jak-
obsson dómari gat ekki annað en
sýnt honum gula spjaldið og þar
sem hann var áður búinn að fá
spjald fylgdi það rauða í kjölfarið.
Skiptingin komst því aldrei í fram-
kvæmd og Guðfinnur fékk sér aftur
sæti á bekknum.
En heimamenn höfðu yfirburði
það sem eftir var leiks og það var
einkum skortur á einbeitingu sem
varð þess valdandi að illa gekk að
bæta við mörkum. Liðið lék vel en
hvað eftir annað runnu efnilegar
sóknir út í sandinn. Reyndar skor-
aði Steinar Tenden mark á 84. mín-
útu en það var réttilega dæmt af
vegna rangstöðu. Þorvaldur Makan
sendi knöttinn til hans en var sjálf-
ur í mjög góðu færi, réttstæður.
Þegar komið var fram yfir venju-
legan leiktíma ákvað Þorvaldur að
klára sjálfur svipað færi, eftir að
hafa unnið boltann af varnarmanni
Þróttar rétt utan teigs. Skömmu
síðar var flautað til leiksloka og
öruggur sigur KA í höfn.
Þróttarar byrjuðu leikinn ágæt-
lega og áttu góða spretti í fyrri
hálfleik en áttu ekkert svar við öfl-
ugum leik KA í seinni hálfleik.
Vörnin opnaðist oft illa og sókn-
armennirnir sáust ekki. Lið KA lék
á als oddi í þessum leik og leik-
menn áttu flestir mjög góðan dag.
Þorvaldur Makan var með á nýjan
leik eftir meiðsli og hann og nafni
hans Örlygsson réðu ríkjum á miðj-
unni. Vörnin var traust og Hreinn
og Tenden sprækir frammi.
Sannfær-
andi sigur
hjá KA
NÝLIÐAR Þróttar töpuðu sínum þriðja leik í röð í gærkvöld þegar KA
vann sannfærandi sigur á þeim á Akureyri, 3:0. Þróttur vermdi efsta
sæti deildarinnar er Íslandsmótið var hálfnað en hefur síðan tapað
öllum leikjum sínum og er nú um miðja deild. KA þokaði sér fjær
botninum með sigrinum, er í sjötta sætinu og fimm stigum á undan
Val sem er í fallsæti, en ennþá skilur lítið á milli átta efstu liðanna í
deildinni og allt getur gerst.
Valur
Sæmundsson
skrifar
ÍÞRÓTTIR
44 FÖSTUDAGUR 1. ÁGÚST 2003 MORGUNBLAÐIÐ
ÞORVALDUR Makan Sigbjörns-
son var mættur til leiks á ný í liði
KA eftir að hafa verið fjarverandi
vegna höfuðhöggs og rannsókna í
kjölfar þess. Hann fann sig vel,
lagði upp annað mark liðsins
gegn Þrótturum í gærkvöld og
skoraði það þriðja, og var að von-
um sáttur í leikslok.
„Við spiluðum þetta glimrandi
vel. Á tímabili í fyrri hálfleik töp-
uðum við miðjunni og vorum að
elta Þróttarana en svo náðum við
að laga þetta aftur og liðið í heild
spilaði fantavel.
Hann sagði KA-liðið hafa verið
brokkgengt í sumar og stigin þrjú
væru kærkomin til að fikra sig of-
ar í deildinni. KA er í sjötta sæt-
inu eftir þennan sigur.
„Við verðum ánægðari eftir því
sem ofar dregur og við höldum
bara áfram. Það hefur verið mik-
ið álag á mönnum og talsvert um
meiðsli og þótt maður komi í
manns stað þá hefur þurft að
hræra mikið í liðinu og stöð-
ugleikann hefur vantað. Við erum
hins vegar með afar góðan hóp
og það eru að koma upp strákar
sem eru frambærilegir í hvaða
byrjunarlið sem er þannig að ég
get ekki annað en verið bjartsýnn
fyrir hönd liðsins,“ sagði Þorvald-
ur Makan Sigbjörnsson við Morg-
unblaðið.
„Ánægðari eftir því
sem ofar dregur“
FÓLK

STEINAR Tenden, norski sóknar-
maðurinn hjá KA, skoraði mark í
fimmta leik liðsins í röð í úrvalsdeild-
inni í knattspyrnu þegar hann kom
norðanmönnum í 2:0 gegn Þrótti í
gærkvöld. Enginn annar leikmaður í
deildinni hefur skorað í meira en
þremur leikjum í röð í sumar.

ÖRN Kató Hauksson var í byrjun-
arliði KA í leiknum gegn Þrótti í gær-
kvöld. Þetta var fyrsti leikur hans í
sumar en hann meiddist illa í vor.
Endurkomahans mun styrkja KA
mikið á lokasprettinum.

ÞÁ var Þorvaldur Makan Sig-
björnsson kominn á ný í lið KA, eftir
að hafa misst nokkra leiki úr vegna
höfuðhöggs. Hann stóð sig vel í leikn-
um og innsiglaði sigur sinna manna
með marki í blálokin.

GARY Neville verður ekki leikfær
með Manchester United næstu vik-
urnar. Hann meiddist í vináttuleik
gegn Celtic í síðustu viku. Líklega
mun Neville missa af fyrstu leikjun-
um í ensku úrvalsdeildinni.

MARKVÖRÐURINN litríki Jose
Luis Chilavert er hættur að leika
með landsliði Paragvæ í knatt-
spyrnu. „Forráðamenn hjá knatt-
spyrnusambandi Paragvæ hafa kom-
ið mjög illa fram við mig og ég hef
þessvegna ákveðið að leika ekki
framar með landsliðinu,“ sagði hinn
36 ára gamli Chilavert.

BAKVÖRÐURINN Anthony Cart-
er mun leika með San Antonio Spurs
næsta vetur í NBA-deildinni í körfu-
bolta. Carter hefur verið í fjögur ár í
NBA-deildinni og leikið með Miami
Heat allan tímann. Hann skoraði að
meðaltali 4,1 stig og tók 4,1 frákast í
leik á síðasta tímabili.

NÝLIÐAR Wolves í ensku úrvals-
deildinni hafa fengið varnarjaxlinn
Jody Craddock til liðs við sig frá
Sunderland en liðið féll úr úrvals-
deildinni í vor. Wolves þarf að greiða
Sunderland tæpar 2 milljónir punda
fyrir hinn 28 ára gamla Craddock.

TYRKINN Yildiray Bastürk, leik-
maður Bayer Leverkusen, er með
lifrarbólgu og það er óvíst hversu
lengi hann verður frá keppni. Bast-
ürk getur verið frá í nokkrar vikur til
nokkra mánuði en það er ekki vitað
hversu alvarleg veikindin eru.

JEAN-Clotaire Tsoumou-Madza,
varnarmaður Eintracht Frankfurt,
hefur verið settur í eins leiks bann af
þjálfara liðsins fyrir að ráðast á fyr-
irliða Frankfurt á æfingu í gær.
Madza verður því ekki með þegar 1.
umferð þýsku deildarinnar hefst í
kvöld með leik Bayern München og
Frankfurt.

SVISSNESKI miðvallarleikmaður-
inn í knattspyrnu Hakan Yakin hefur
ákveðið að ganga til liðs við Paris St.
Germain frá Basel. Yakin sem er 26
ára fór á kostum í Meistaradeild Evr-
ópu í vetur. Kaupverðið á kappanum
fæst ekki uppgefið en hann skrifaði
undir fjögurra ára samning við PSG.
ÁSGEIR Elíasson þjálfari
Þróttar sagði að róðurinn
hefði verið erfiður eftir að
liðið missti mann út af í
seinni hálfleik og hann var
ekki nógu sáttur við leik
sinna manna í heild.
„Við fengum þokkaleg
færi í fyrri hálfleik en lent-
um svo í því að verða einum
færri í seinni hálfleik. Þá
vorum við komnir tvö núll
undir og urðum að sækja og
þá er eðlilegt að vörnin hafi
opnast eitthvað. Við yfirspil-
uðum þá hins vegar í fyrri
hálfleik og vorum betri en
okkur tókst því miður ekki
að skora og þetta varð erfitt
eftir að við lentum undir,
sagði Ásgeir.
Erfitt að
spila ein-
um færri
KA 3:0 Þróttur R.
Leikskipulag: 4-5-1 Landsbankadeildin,
12. umferð
Akureyrarvöllur
Fimmtudaginn 31. júlí 2003
Aðstæður:
Logn, skýjað með köflum, 16
stiga hiti, völlurinn mjög góð-
ur en dálítil rekja í honum
Áhorfendur: 850
Dómari:
Kristinn Jakobsson,
KR, 5
Aðstoðardómarar:
Marinó Þorsteinsson,
Guðmundur H. Jónsson
Skot á mark: 13(7) - 7(4)
Hornspyrnur: 3 - 6
Rangstöður: 8 - 2
Leikskipulag: 4-4-2
Sören Byskov M
Örlygur Þór Helgason
Steinn V. Gunnarsson
Ronnie Hartvig M
Þorvaldur Sveinn Guðbjörnsson M
Dean Martin M
Örn Kató Hauksson
(Pálmi Rafn Pálmason 74.)
Þorvaldur Örlygsson MM
Þorvaldur Makan Sigbjörnsson M
Hreinn Hringsson M
(Steingrímur Örn Eiðsson 90.)
Steinar Tenden M
Fjalar Þorgeirsson
Ingvi Sveinsson
Eysteinn P. Lárusson M
Jens Sævarsson
Hilmar Ingi Rúnarsson
(Vignir Þór Sverrisson 86.)
Hjálmar Þórarinsson
(Gestur Pálsson 55.)
Halldór A. Hilmisson M
Páll Einarsson
Charles McCormick
Björgólfur Takefusa
(Guðfinnur Þ. Ómarsson 68.)
Sören Hermansen
1:0 (17.) Hreinn Hringsson og Steinar Tenden léku laglega gegnum vörn Þróttar
og Hreinn sendi síðan knöttinn fyrir frá vinstri, Dean Martin kom á
ferðinni og sneiddi boltann í netið af stuttu færi.
2:0 (49.) Þorvaldur Makan Sigbjörnsson sendi inn í teig á Steinar Tenden sem
sneri sér við og skoraði með föstu skoti
3:0 (90.) Þorvaldur Makan Sigbjörnsson vann boltann af varnarmanni Þróttar,
lék inn í teig og skoraði örugglega fram hjá Fjalari Þorgeirssyni.
Gul spjöld: Charles McCormick, Þróttur R. (27.) fyrir brot  Ingvi Sveinsson, Þróttur R.
(59.) fyrir brot
Rauð spjöld: Charles McCormick, Þróttur R. (62.) spyrnti knettinum gremjulega burt og fékk
sitt annað gula spjald og þar með rautt.
Morgunblaðið/Kristján
Þorvaldur Makan Sigbjörnsson, fyrirliði KA, fagnar marki sínu gegn Þrótti í gærkvöldi.