Morgunblaðið - 07.08.2003, Blaðsíða 8
FRÉTTIR
8 FIMMTUDAGUR 7. ÁGÚST 2003 MORGUNBLAÐIÐ
28” SJÓNVARP
Black Matrix Myndlampi • Textavarp me› íslenskum stöfum •
Fjarst‡ring • Nicam Stereo • 2 x Scart tengi • Tengi fyrir heyrnatól
39.900 nú kr: 34.900.-
Nei, nei, Guðlaugur minn. Evan okkar hefur bara verið að narta í eplin, eins og allar Evur
gera. Hún hefur aldrei séð þriggja stúta slöngu, góði.
Fyrirlestur Ron Davis í Háskólabíói
Ráðist að rótum
lesblindunnar
SAMTÖKINwww.lesblind.comstanda fyrir ráð-
stefnu í Háskólabíói hinn
9. ágúst klukkan 11. Þar
mun koma fram víðfrægur
rannsakandi á lesblindu,
Ron Davis. Davis átti sjálf-
ur við lesblindu að stríða á
yngri árum, en náði undra-
verðum árangri í að
slökkva á þeirri skynvillu
sem í tugi ára hafði gert
allan lestur og skrift nær
ómöguleg fyrir hann. Í
kjölfarið fór hann að þróa
svonefnt Davis-kerfi og
fékk til liðs við sig fjölda
sérfræðinga til að þróa
kerfið. Hann samdi bók til
leiðbeiningar um hvernig
mætti þjálfa börn með les-
blindu, „The gift of Dys-
lexia,“ sem nú kemur út á ís-
lensku.
Lesblind.com munu gefa út
bókina „Náðargáfan lesblinda“
eftir Ron Davis á afmælisdegi
hans, á morgun, 8. ágúst. Mynd-
band með sama nafni kemur einn-
ig út á næstunni. Mun eitt eintak
af bókinni verða gefið í alla skóla
landsins. Bókin fjallar um hvernig
Davis-kerfið virkjar snilligáfu
sem býr að baki námsörðugleik-
um.
Samhliða fyrirlestrinum er
haldið námskeið fyrir kennara og
verðandi leiðbeinendur sam-
kvæmt Davis-kerfinu. Fyrst í stað
miðuðu hugmyndir Davis að því,
að foreldrar myndu leiðbeina
börnum sínum samkvæmt kerf-
inu, en síðar kom í ljós að foreldr-
ar væru oft ekki heppilegustu leið-
beinendurnir. Því hefur Davis um
árabil þjálfað fólk til að bjóða upp
á faglega hjálp til einstaklinga
sem vilja sigrast á námsörðugleik-
um, og hingað til lands koma
Cyndi Deneson, Laura Warren og
Sharon Pfeiffer til að kenna á
námskeiðum fyrir kennara, sem
margir hverjir ætla að innleiða
námstækni Davis-kerfisins í
kennslu bekkja sinna strax í
haust. Sömuleiðis er haldið grunn-
námskeið fyrir verðandi Davis-
leiðbeinendur og er vonast til að
útskrifa allt að þrjátíu leiðbein-
endur næsta sumar. Nú þegar
hafa um tuttugu einstaklingar
unnið með erlendum leiðbeinend-
um hér á landi og er árangurinn
mjög góður.
Kenningar Davis byggja í
grundvallaratriðum á þeirri skoð-
un, að fólk hugsi ýmist í myndum
eða orðum. Þeir sem greinist með
lesblindu hafi tilhneigingu til að
hugsa frekar í myndum. Sömu-
leiðis séu þeir mjög næmir á um-
hverfi sitt og búi yfir miklu
innsæi. Kenningar Davis byggja á
að sá hluti mannkyns sem fæðist
með þessa eiginleika, náttúrulega
gáfu að hans dómi, lendi fyrst í
vandræðum í skóla, ekki vegna
þess að eitthvað sé að þeim, held-
ur vegna þess að almennt sé
kennsla ekki sniðin að þeirra þörf-
um.
Morgunblaðið náði
sambandi við Davis til
að forvitnast nánar um
fyrirlestur hans.
– Hvert verður um-
fjöllunarefni þitt á fyrirlestrinum?
„Segja mál að ég muni fjalla um
þrjú meginefni í fyrirlestrinum. Í
fyrsta lagi mun ég skýra frá nýrri
skilgreiningu á lesblindu minni,
sem er alls óskyld vonleysiskenn-
ingum þeim sem áberandi hafa
verið. Ég mun nota persónulega
reynslu mína til útskýringar og
skýra frá þeim uppgötvunum sem
ég gerði til að leiðrétta lesblindu.
Í öðru lagi mun ég veita yfirsýn
á hvaða grundvallaratriði þarf að
hafa í huga til að leiðrétta les-
blindu. Ég mun fara yfir einkenni
lesblindu og þræða mig með rök-
um að meðferðarleið gegn henni.
Í kjölfarið langar mig að kynna
Davis-kerfið, sem ég hef þróað.
Það var í upphafi skapað sem for-
vörn gegn námsörðugleikum sem
fylgja lesblindu, til notkunar í
leikskólum. Rannsókn sem gerð
var á árangri þessa verkefnis
sýndi, að enginn þeirra nemenda
sem leystu námsefni þessu tengt,
þurfti á sérkennslu eða aðstoð að
halda. Í ljós kom að ekki aðeins
var komið í veg fyrir að börnin
lentu í vandræðum vegna les-
blindu, heldur jókst námsgeta
þeirra til muna. Nú er kerfið not-
að sem hvetjandi námskerfi og vill
svo vel til að það hindrar einnig
lesblindu.“
– Munu hlustendur geta spurt
þig spurninga?
„Já, ég vonast til að geta svarað
spurningum eins og tíminn leyfir.
Meginverkefni mitt er að miðla af
áratuga reynslu minni eftir bestu
getu, og þess vegna er stund með
hlustendum mjög mikilvæg. Ég
kem til Íslands í þeim tilgangi að
kynna fyrir Íslendingum árang-
ursríkasta kerfið gegn
lesblindu sem fram hef-
ur komið.“
Ron Davis mun
ásamt Axel Guðmunds-
syni, einum stofnenda
www.lesblind.com og Davis-les-
blinduleiðbeinanda, flytja fyrir-
lestur á ráðstefnu Íslensku
menntasamtakanna, „Bráðger
börn“, hinn 11. ágúst í Kenn-
araháskóla Íslands. Á ráðstefn-
unni verður rætt hvernig best
verði komið til móts við einstak-
linginn í námi, og lögð sérstök
áhersla á aðferðir til að takast á
við lesblindu.
Ron Davis
Ronald D. Davis fæddist í Salt
Lake City í Bandaríkjunum árið
1942. Hann greindist með ein-
hverfu sem barn og lærði ekki að
tala fyrr en um 12 ára aldur.
Hann sigraðist á einhverfunni,
sem er mjög fátítt, og uppgötv-
aðist að hann bjó yfir miklum
stærðfræðigáfum. Þrátt fyrir
lesblindu á háu stigi vann hann
sem sérstakur ráðgjafi verk-
fræðifyrirtækis sem og annarra
tæknifyrirtækja og miðlaði af
visku sinni. Árið 1980 fann hann
upp Davis-kerfið til að slökkva á
skynvillu lesblindunnar. Hann
hefur æ síðan unnið að kenn-
ingum sínum um lesblindu sem
náðargáfu, og skrifað fjölda
bóka um það efni. Ron er kvænt-
ur Alice Davis og eiga þau tvo
syni og fimm barnabörn.
Vill miðla af
áratuga
reynslu sinni