Morgunblaðið - 07.08.2003, Blaðsíða 18

SUÐURNES
18 FIMMTUDAGUR 7. ÁGÚST 2003 MORGUNBLAÐIÐ
HJÓLREIÐAMENN eru ósáttir við
að ekki séu komin úrræði fyrir þá ef
hjólreiðar verða bannaðar meðfram
Reykjanesbraut eftir að hún verður
tvöfölduð, eins og rætt hefur verið
um. Þeir telja Vatnsleysustrandar-
veg síst hættuminni en Reykjanes-
braut og vilja fá að hjóla áfram á
brautinni ef ekki verður lagður
hjólastígur meðfram henni.
Í umhverfismatsskýrslu Vega-
gerðarinnar og úrskurði Skipulags-
stofnunar um tvöföldun Reykjanes-
brautar kemur fram að hjólreiða-
umferð verði bönnuð á nýrri
breikkaðri Reykjanesbraut en gerð-
ar verði ráðstafanir til þess að unnt
sé að beina hjólreiðaumferð um
gamla Keflavíkurveginn og Vatns-
leysustrandarveg og hlutar þeirra
lagfærðir. Jafnframt segir að við
þessa breytingu muni hjólaleiðin frá
Hafnarfirði til Njarðvíkur lengjast
úr 24 kílómetrum í 27 km. Hins veg-
ar verði hjólreiðar öruggari en áður
þar sem þær verði aðskildar frá
þungri umferð á Reykjanesbraut.
Sigurður M. Grétarsson, formað-
ur Landssamtaka hjólreiðamanna,
segir að verði hjólreiðar meðfram
breikkaðri Reykjanesbraut bannað-
ar sé ljóst að hjólreiðamenn þurfi að
fá eitthvað í staðinn sem er jafngott
og það sem fyrir er: „Krafa okkar í
Landssamtökum hjólreiðamanna er
að annað hvort verði heimilt að hjóla
á Reykjanesbrautinni eftir breikk-
un, eða að það verði lagður malbik-
aður stígur sem liggi þá meðfram
brautinni, en helst samt í einhverri
fjarlægð.“
Það er ekki búið að taka endan-
lega ákvörðun um að banna hjólreið-
ar meðfram brautinni, segir Jónas
Snæbjörnsson, umdæmisstjóri
Vegagerðarinnar á Reykjanesi.
Hann segir að það hafi verið lagt til
við hlutaðeigandi yfirvöld, en sé enn
til umræðu og ekki enn ljóst hvert
hjólreiðamönnum verði beint.
Sigurður segir að þær hugmyndir
sem hann hafi heyrt gangi annars
vegar út á að nota malarveg sem er
þarna fyrir, og hins vegar að nota
gamla Vatnsleysustrandarveginn.
„Þetta þýðir lengingu á leiðinni um 3
til 4 kílómetra, auk þess sem við telj-
um Vatnsleysustrandarveginn frek-
ar hættulegan fyrir hjólreiðamenn.
Hann er með mjög mikið af blind-
beygjum og blindhæðum og er með
einbreiðu malbiki. Það er ekið frekar
hratt þar, þeir sem aka um veginn
þekkja hann vel. Sumir vilja meina
að það sé hættulegra að nota hann
[Vatnsleysustrandarveginn] en að
hjóla á 110 km/klst veginum.“
Alda Jónsdóttir, formaður Ís-
lenska fjallahjólaklúbbsins, segir
umferðina á Vatnsleysustrandarveg-
inum of hraða eins og hún er í dag.
„Hann mundi alveg ganga, en það
sem ég mundi helst vilja er að þeir
[Vegagerðin] mundu taka sig saman
með Reykjanesbæ og gera þetta að
heildarsamgönguneti, þar sem
ferðamenn geti til dæmis hjólað í
Bláa lónið. Ég mundi helst vilja hafa
það aðeins frá veginum, það er svo
þreytandi að hjóla í umferðarniðn-
um.“
Heimilt við líkar
aðstæður erlendis
Erlendir ferðamenn sem fljúga
með hjól sín til Keflavíkur munu eiga
erfitt með að átta sig á að ekki megi
hjóla meðfram Reykjanesbraut og
því sé líklegt að þeir geri það nema
merkingar verði þeim mun betri,
segir Sigurður. „Víðast hvar erlendis
er yfirleitt heimilt að hjóla meðfram
svona hraðbrautum, jafnvel með
meiri hámarkshraða en þetta.“
Sigurður segir að það sé ekki endi-
lega rétt ákvörðun að banna hjól-
reiðar meðfram brautinni. „Þó svo
að hámarkshraði hækki þá verður
plássið miklu meira. Ökumenn ættu
að sjá hjólreiðamenn í meiri fjarlægð
og ég held að hættan ætti ekki að
vera meiri en hún er í dag.“ Hann
segir að vandamál geti þó einkum
verið í vatnsveðrum þegar stórir
bílar keyra nálægt hjólreiðamönnum
og ausa yfir þá vatni. „Eins er maður
hræddur við kjölsogið af stórum bíl-
um sem fara á mikilli ferð, það er nú
kannski aðalhættan.“
Alda segir það ekki ásættanlega
lausn að hjóla á tvíbreiðri Reykja-
nesbrautinni ef leyfilegur hámarks-
hraði verði aukinn upp í 110 km/klst.:
„Ef hjólreiðamenn eru að hjóla í
hægri kanti og það keyrir rúta fram-
úr á 110 [km/klst.] þá eru hjólamenn-
irnir í stórhættu. Það er eitthvað
sem mundi aldrei ganga.“
Það koma hingað þúsundir ferða-
manna með hjól og þeir verða að
geta komist leiðar sinnar, segir Alda.
„Rúturnar taka ekki hjól, svo það
verður að finna einhverja lausn á
þessu.“
Lagt hefur verið til að hjólreiðar verði alfarið bannaðar á tvöfaldri Reykjanesbraut
Morgunblaðið/Kristinn
Hjólreiðafólk vill fá að hjóla áfram á Reykjanesbrautinni eða á sérstökum
hjólastíg meðfram henni. Myndin er af hjólreiðafólki á ferð í Árnessýslu.
Hjólreiðamenn
segja meiri
hættu á Vatns-
leysuströnd
Reykjanesbraut
„ÞETTA var búið að brjótast um í
kollinum á okkur hjónunum í lang-
an tíma áður en við létum til skarar
skríða. Það þýðir ekkert annað en
að hrökkva eða stökkva, á ein-
hverju verður maður að lifa,“ sagði
Ingimar Sumarliðason í samtali við
Morgunblaðið en hann leigir út
sumarhús við heimili sitt, Þórodds-
staði í Sandgerði. Um þessar
mundir er ár liðið síðan fyrstu
gestirnir, norsk brúðhjón, vígðu
fyrsta bústaðinn en í nánustu fram-
tíð er mikil uppbygging áætluð á
svæðinu.
Hann er fagur fuglasöngurinn
sem berst manni til eyrna þegar
rennt er í hlaðið á Þóroddsstöðum.
Ingimar segir að þarna séu margar
tegundir smáfugla, auk þeirra
stærri. „Fuglalífið hér er einstakt
og út frá þessum söng sofnar mað-
ur á kvöldin og vaknar á morgn-
ana. Hér er yndislegt að vera.“
Einmitt þess vegna ákvað hann að
láta til skarar skríða eftir að vera
búinn að velta þessu fyrir sér í
nokkurn tíma, ásamt eiginkonu
sinni, Rannveigu Pálsdóttur, og að
sögn Ingimars leist ekki öllum jafn
vel á hugmyndina. „Þetta var nú ei-
lítið brösótt í byrjun en mér var út-
hlutað lóðum austan við húsið og
nú hef ég smíðað þrjá bústaði,“
sagði Ingimar.
Mikil uppbygging hefur verið
skipulögð á svæðinu og mun þar í
framtíðinni verða tjaldstæði og að-
stæður fyrir húsbíla. Fjórði bústað-
urinn á svæðinu verður þjónustu-
miðstöð svæðisins, en hann þjónaði
áður hafnarvigtinni í Sandgerði.
Einnig eru á svæðinu ellefu sum-
arbústaðalóðir fyrir almenning og
eru tíu þegar farnar og einn bú-
staður risinn. „Þetta svæði hefur
verið skipulagt mjög skemmtilega.
Ég hef ætlað mér að byggja fjóra
bústaði til viðbótar sem verða hér
hver við annan í skeifu. Það svæði
kallast Nátthagi. Hinir sumarbú-
staðirnir verða hér skammt frá og
reist verður leiksvæði á milli
þeirra. Þá er þetta svæði beinlínis
innan í golfvellinum en fyrirhugað
er að golfvöllurinn stækki í 18 holu
völl.“
Ingimar segir að hópar hafi tölu-
vert nýtt sér gistirýmið á Þórodds-
stöðum, enda sé það ódýrast á
svæðinu. „Hér er líka stutt í allt,“
segir Ingimar „og ekki spillir að
hér er fallegt útsýni og mikil frið-
sæld. Fólk utan af landi hefur
stundum komið hér við eftir utan-
landsferðir, slappað af og safnað
kröftum áður en það keyrir heim
aftur.“
Heitu pottarnir vinsælir
Svæðið hentar ekki síður þeim
sem vilja njóta útivistar og jafnvel
skoða fuglalífið. Ingimar segir að
margar smáfuglategundir séu á
svæðinu, auk ýmissa tegunda
stærri fugla, og synda margir
þeirra í Fitjatjörn sem er alveg við
svæðið. Þá má segja að útivistar-
svæðið sé í alfaraleið því þarna
framhjá er aðal sjóleið flutn-
ingaskipanna og leiðin frá Garð-
skagavita til Sandgerðis er vinsæl
gönguleið útivistarfólks og eru
Þóroddsstaðir þar mitt á milli.
Þegar blaðamann bar að garði
var Ingimar í óðaönn að koma síð-
asta heita pottinum fyrir en í sum-
ar hefur hann verið að smíða skjól-
góða palla við húsin og koma fyrir
heitum pottum. Með því móti eykur
hann nýtingu bústaðanna yfir vetr-
artímann. „Pottarnir eru lykillinn
að Íslendingunum. Þeir vilja hlýja
sér í heitu pottunum á köldum
vetrardögum,“ segir Ingimar og
heldur áfram að saga, enda Hita-
veita Suðurnesja að verða búin að
leggja rörin að og þá er bara að
fylla pottana og leggjast í.
Vakið
og sofið
við
fugla-
söng
Morgunblaðið/Svanhildur Eiríksdóttir
Ingimar Sumarliðason vinnur sjálfur við framkvæmdirnar og er hér að leggja lokahönd á síðustu veröndina. Þá
verða komnir heitir pottar við hvern sumarbústað í Nátthaga, en svo nefnist byggðin við Þóroddsstaði.
Sandgerði
BIFREIÐ fór utan vegar og fór
nokkrar veltur á Stapabraut við
Ramma, rétt við Reykjanesbraut,
um tíuleytið í fyrrakvöld.
Að sögn lögreglunnar í Keflavík
var ökumaður einn í bifreiðinni. Ekki
er vitað hvað olli óhappinu, en um-
ferð var lítil á svæðinu. Maðurinn
var ekki með meðvitund er lögregla
kom á staðinn, en rankaði fljótt við
sér og var fluttur á Landspítalann í
Fossvogi. Eftir skoðun þar fékk
hann að halda til síns heima. Bifreið-
in skemmdist töluvert.
Valt nokkra
hringi
Njarðvík
BÆJARRÁÐ Reykjanesbæjar hef-
ur samþykkt að tryggja að þeir nem-
endur sem eru í tónlistarnámi í öðr-
um sveitarfélögum geti lokið því án
kostnaðarauka sem hlýst af breyt-
ingum á hlut sveitarfélaga.
Eftir að Reykjavíkurborg til-
kynnti að hún myndi í haust hætta
niðurgreiðslu á tónlistarnámi ein-
staklinga sem læra við tónlistarskóla
borgarinnar en búsettir eru í öðrum
sveitarfélögum flutti Kjartan Már
Kjartansson bæjarfulltrúi tillögu um
að óskað yrði eftir viðræðum við
Reykjavíkurborg um greiðslu
Reykjanesbæjar á gjöldum þeirra
nemenda sem stundað hafa nám í
Reykjavík. Bæjarráð hefur nú sam-
þykkt, að tillögu fræðsluráðs, að
nemendurnir geti lokið námi sínu.
Jafnframt taldi fræðsluráð æskilegt
að leita eftir viðræðum við Samband
íslenskra sveitarfélaga varðandi
samþættar reglur um málið.
Tryggja að
nemendur
geti lokið
tónlistarnámi
Reykjanesbær
♦ ♦ ♦