Morgunblaðið - 07.08.2003, Blaðsíða 11

FRÉTTIR
MORGUNBLAÐIÐ FIMMTUDAGUR 7. ÁGÚST 2003 11
FYRIR nokkru kom út hjá Almenna
bókafélaginu bókin Ekið um óbyggð-
ir eftir Jón Garðar Snæland eins og
greint hefur verið frá hér í blaðinu.
Hefur hún að geyma lýsingar á 82
ökuleiðum um hálendið. Er þetta
einkar hagnýt bók, bæði fyrir þá sem
hafa eitthvað ekið um þessar slóðir
og eins hina sem vilja fá leiðbeiningu
áður en þeir leggja af stað. Einnig er
þar almennur kafli með ýmsum
ábendingum um akstur á fjöllum og
bent á nauðsynlegan og þarflegan
búnað.
Leiðirnar sem fjallað er um eru
ýmist fáfarnar og lítt þekktar eða
þekktari leiðir. Er þeim skipað niður
eftir landsvæðum og teknar saman
leiðir norðan jökla, sunnan jökla
vestan Þjórsár, sunnan jökla austan
Þjórsár, leiðir að Fjallabaki og leiðir
við Mýrdalsjökul og nágrenni. Á
korti innan á bókarkápu er tilgreint
yfir hvaða svæði áðurgreindar skil-
greiningar ná og hvert svæði hefur
sinn lit þannig að auðvelt er að fletta
upp áætluðum leiðum. Hins vegar
hefði mátt vera nafnaskrá, hún
myndi enn auðvelda mönnum upp-
slátt. Efnisyfirlit er þó á sínum stað.
Við hverja leiðarlýsingu eru nefnd
upphaf og leiðarlok þannig að menn
sjá frá hvorum áfangastaðnum leið-
inni er lýst, nefndir eru gistimögu-
leikar, vegalengd tilgreind, hvar er
næst að hafa eldsneyti og aksturs-
tími.
Kort og myndir
Þá er upplýst hvers konar bílum
er fært (öllum bílum, jeppum, aðeins
breyttum jeppum, hvort menn ættu
að aka fleiri en einn o.s.frv.) og hvort
leiðirnar eru sumar- eða vetrarleiðir
eða hvort tveggja. Sagt er að leið-
irnar í Landmannalaugar, hvort sem
ekið er út frá Skaftártunguvegi eða
svonefnd virkjunarleið að norðan,
séu færar öllum bílum. Má það rétt
vera en ekki ætti þó að ráðleggja
neinum að aka á fólksbíl í Land-
mannalaugar að austan. Þá eru gefn-
ir upp GPS-punktar sem eru áreið-
anlega mjög hagnýtir, ekki síst á
vetrarferðum, þótt undirritaður hafi
enga reynslu af þeirri tækni.
Hver leiðarlýsing er á einni opnu í
bókinni og fylgir kort og ein til þrjár
myndir. Ein undantekning er á
þessu þar sem lýsingin á leið á
Grímsfjall fær tvær opnur. Þá er að
finna í bókinni sérkafla með vaðatali
þar sem lýst er nánar vöðum á leið-
unum. Eru þar sérlega gagnlegar
ábendingar. Samandregið má segja
að meginreglan sé varúð og að vaða
og kanna aðstæður vel þrátt fyrir að
ákveðnar upplýsingar séu fyrir
hendi og hugrekki til að hætta við ef
menn eru óöruggir.
Lokakaflinn er skálaskrá með
myndum. Þar eru tilgreindir GPS-
punktar, hverjir eru eigendur eða
umsjónarmenn og upplýst um að-
stöðuna. Er slík skrá líka einkar hag-
nýt.
Fleiri örnefni
Lýsingar höfundar á leiðunum eru
allnákvæmar og auðvelt að fara eftir
þeim. Fjallar hann svo til eingöngu
um leiðirnar sjálfar, aksturinn og
hvers má vænta í þeim efnum. Minna
er um ábendingar um hvað skoðun-
arvert er á þessum leiðum en stöku
sinnum nefnir hann þó eitthvað sem
vert sé að kanna betur. Þá eru kortin
nauðsynleg til stuðnings en á sum
þeirra vantar fleiri örnefni, t.d. þeg-
ar þau eru nefnd í leiðarlýsingunni.
Væri meiri stuðningur að kortunum
ef þau tilgreindu sem flest örnefni úr
textanum. Þá hefði svosem mátt hafa
leturstærðina einum eða tveimur
punktum stærri. Annars er bókin
smekklega sett upp og vönduð að
allri gerð og þótt hún hafi ekki verið
lúslesin var ekki vart við prentvillur.
Í heild má segja að bókin Ekið um
óbyggðir sé fróðleg og gagnleg. Ekki
síst ef menn vilja feta sig um nýja
slóða og fáfarna. Við mjög margar
leiðirnar nefnir höfundur að best sé
að vera í það minnsta á tveimur bíl-
um saman og stundum í hópi bíla og
skyldu menn hiklaust taka mið af því
heilræði. Höfundur veit hvað hann
syngur eftir að hafa kynnst hálend-
inu af ferðum sínum, m.a. með
Ferðaklúbbnum 4x4, sem bæði
stuðlar að ferðum um hálendið og
góðri umgengni.
Gagnleg bók um óbyggðaakstur
Morgunblaðið/jt
Bókin Ekið um óbyggðir eftir Jón G. Snædal er sjálfsögð í farangurinn í
óbyggðaferðum. Grænifjallgarður vestan við Langasjó er í baksýn.
joto@mbl.is
Ferðir um óbyggðir
krefjast nokkurs undir-
búnings og ákveðinnar
varkárni. Brýnt er að
þekkja ferðaleiðir eða
hafa kort og aðrar upp-
lýsingar með í för.
Jóhannes Tómasson
telur bókina Ekið um
óbyggðir nauðsynjatæki
í slíkum ferðum.
ERLA Sólveig Kristjánsdóttir varði
doktorsritgerð sína hinn 8. maí sl., í
alþjóðasamskiptum við ríkisháskól-
ann í Arizona
(Arizona State
University) í
Phoenix Arizona í
Bandaríkjunum.
Doktorsritgerð
Erlu nefnist
„Invisibility
dreaded and de-
sired: Pheno-
menological in-
quiry of sojourners’ cross-cultural
adaptation“ og fjallar hún um reynslu
átta framúrskarandi bandarískra há-
skólanemenda sem stunduðu nám í
vísindum.
Nemendurnir voru valdir úr hópi
umsækjenda til að vinna í tilrauna-
stofum á ýmsum stöðum í Frakklandi
í þrjá mánuði og snúa síðan til Banda-
ríkjanna til áframhaldandi náms.
Niðurstöður rannsóknarinnar voru
þær að bandarísku nemendurnir áttu
einna erfiðast með að sætta sig við að
geta ekki tjáð sig á frönsku sem jafn-
framt hindraði eðlileg samskipti
þeirra við Frakka. Þjóðerni var ann-
ar stór þáttur sem kom í veg fyrir að
nemendurnir gætu aðlagast frönsk-
um siðum og menningu. Þessi höfnun
sem nemendurnir upplifðu kenndi
þeim að horfast í augu við þeirra eigið
gildismat, þjóðerni og staðnaða
ímynd þeirra á Frökkum sem leiddi
til aukins skilnings á því hvers vegna
Frakkarnir voru ekki eins móttæki-
legir eins og þeir höfðu búist við.
Aukinn skilningur á frönsku gild-
ismati, venjum og siðum dró verulega
úr fordómum og kynþáttahatri sem
nemendurnir höfðu viðhaft.
Frekari rannsóknir
nauðsynlegar
Fleiri rannsóknir eru nauðsyn-
legar til að gefa betri og dýpri skiln-
ing á þessu flókna ferli sem „aðlögun“
er. Flestar rannsóknir á þessu fyr-
irbæri hafa verið tölfræðilegir út-
reikningar á spurningalistum. En
doktorsrannsóknin fólst í því að taka
þrjú persónuleg viðtöl við hvern nem-
anda.
Erla hlaut styrk frá National
Science Foundation til að fjármagna
rannsóknina. Niðurstöður dokt-
orsritgerðarinnar leiddu til þess að
Erla hefur verið beðin um að þjálfa
bandaríska nemendur áður en þeir
halda til náms í Frakklandi.
Leiðbeinendur Erlu í doktorsverk-
efninu voru doktorarnir Judith N.
Martin, Jackie N. Martinez og Denis
Leclerc sem eru prófessorar við
Arizona State University. Erla og dr.
Martin eru að vinna að því að fá hluta
af dokorsritgerðinni birtan í einu
virtasta fræðitímariti í alþjóða-
samskiptum. Þær eru ennfremur að
vinna saman að þremur öðrum rann-
sóknum. Erla hefur hlotið marga
styrki á meðan á námi hennar stóð í
Bandaríkjunum. Þess má geta að
meðan á námi stóð var Erla með
námskeið fyrir starfsfólk í fyr-
irtækjum svo sem Motorola, Intel,
Books-a-Million og bandaríska her-
inn með áherslu á hvernig starfsfólk
frá hinum ýmsum þjóðarbrotum geti
unnið saman í sátt og samlyndi.
Erla lauk stúdentsprófi frá Versl-
unarskóla Íslands 1979. Hún útskrif-
aðist með BA-próf í almanna-
tengslum og stjórnun í háskóla
Vestur-Flórída í Bandaríkjunum árið
1997, með MA-próf í mannlegum
samskiptum með áherslu á alþjóða-
samskipti við sama háskóla árið 1999,
og doktorsgráðu í alþjóðasam-
skiptum frá Arizona State University
árið 2003.
Foreldrar Erlu eru Kristján S.
Kristjónsson fyrrverandi bifreiða-
stjóri, og Rose-Marie Christiansen,
fyrrverandi bankaritari. Erla býr í
Phoenix, Arizona ásamt eiginmanni
sínum, Grétari Ómari Guðmundssyni
og fjórum dætrum. Erla hefur þegið
prófessorsstöðu við ríkisháskólann í
New York-fylki.
Doktor í
alþjóðasam-
skiptum
STÓÐMERIN Kátína frá Eskifirði
hefur verið svo lánsöm að land-
eigendur á Brekku í Fljótsdal hafa
leyft henni að vera í hagagöngu.
Þar unir hún sér sérdeilis vel með
folaldið sitt Skessu. Stundum þarf
mannfólkið að trufla frjálsræðið í
Fljótsdalnum og þá er best að
gretta sig á meðan staðið er í tamn-
ingagerðinu um stundarsakir. Það
varir þó ekki endalaust og fyrr en
varir geta Kátína og Skessa tölt út í
haga og móa Fljótsdalsins, ásamt
öllum hinum hestunum.
Þó mikið sé um að vera í Fljóts-
dalnum má líka finna þar frið og ró,
sem bæði dýr og menn nýta sér.
Gretta Kát-
ínu í gerðinu
Morgunblaðið/Sigurður Aðalsteins
HAUST 2003
Kringlunni & Hamraborg
568 4900 552 3636
UNDAFNARNAR vikur hefur út-
varpsauglýsing frá Útfararþjón-
ustu Rúnars Geirmundssonar
heyrst reglulega á Rás 2 þar sem
fólk er beðið um að bíða með að
skipta við stofuna og spenna held-
ur bílbeltin og aka á löglegum
hraða. Rúnar Geirmundsson útfar-
arstjóri segist hafa fengið mikil og
jákvæð viðbrögð við auglýsing-
unni.
„Viðbrögðin hafa verið þau að
fólki á mínum aldri og eldra fólki
finnst hún sláandi en að mörgu
leyti mjög sniðug. Það eru ekki
margir sem auglýsa að þeir vilji
ekki viðskipti en ég lít ekki á þetta
þannig,“ segir Rúnar. Hann segist
þreyttur á að horfa upp á börn og
unglinga týna lífi í umferðarslys-
um og vill með þessu minna fólk á
að huga að öryggi við akstur. Aug-
lýsingin mun heyrast reglulega á
Rás 2 það sem eftir er sumars.
Óvenjuleg útvarpsauglýsing
frá útfararþjónustu
„Sláandi en að
mörgu leyti sniðug“
www.nowfoods.com