Morgunblaðið - 07.08.2003, Blaðsíða 19

AUSTURLAND
MORGUNBLAÐIÐ FIMMTUDAGUR 7. ÁGÚST 2003 19
Laugavegi 91 s.562 0625
útsölulok
um helgina
40-60%
afsláttur
GERARD DAREL
DKNY
NICOLE FARHI
IKKS
BZR
CUSTO
PAUL ET JOE
SELLER
RÚMLEGA tólf þúsund lítrar af
gasolíu láku frá vararafstöð
RARIK á Seyðisfirði í fyrradag,
þegar bilun varð í dælu við stöðina.
Hún fór af óútskýrðum ástæðum í
gang, yfirfyllti olíutank og olíu-
skilju og streymdi gasolían um frá-
veitukerfi Seyðisfjarðarkaupstaðar
og út í Lónið innan við höfnina.
Mikil brák var á Lóninu í fyrra-
dag, en hafði minnkað nokkuð í
gær, þar sem gasolía gufar mjög
hratt upp. Þá sveið bæjarbúa í
augu og öndunarfæri og lykt var
mjög römm af olíunni.
Helga Hreinsdóttir hjá Heil-
brigðiseftirliti Austurlands segir,
að þar sem gasolía gufi mjög hratt
upp hafi verið ákveðið að leyfa
henni að brotna niður af sjálfu sér,
fremur en að ná henni upp með ol-
íubindiefni. Muni olían þannig
hverfa á örfáum dögum. Hún segir
hins vegar hætt við að olía verði
eftir í lagnakerfinu og var því
hreinsiefni og heitu vatni dælt í
gær um fráveitukerfið. Hugsan-
lega geti bæjarbúar fundið olíulykt
upp úr niðurföllum húsa sinna og
hvít slikja af hreinsiefninu geti
orðið á Lóninu í nokkra daga. Þar
sé þó ekki um hættulegt efni að
ræða. Helga telur hugsanlegt að
Umhverfisstofnun muni í kjölfarið
gera einhverjar kröfur, því vara-
rafstöðin hafi ekki starfsleyfi né sé
hún eftirlitsskyld af hálfu Heil-
brigðiseftirlits Austurlands.
„Þetta er alvarlegt slys að því
leytinu til, að mjög mikið magn af
olíu fer þarna út og þetta virðist
verða, eins og svo oft er, röð af til-
viljunum. Væntanlega mun
RARIK fara mjög ítarlega yfir
málið og grípa til ráðstafana, ekki
bara í þessari stöð heldur fleirum,“
segir Helga.
Verið að lengja fráveitu
Spurningar hafa vaknað um
hvers vegna fráveitukerfi Seyðis-
fjarðarbæjar nær aðeins út í Lón-
ið, en ekki lengra á haf út eins og
reglur segja til um. Samkvæmt
upplýsingum Tryggva Harðarson-
ar bæjarstjóra, er verið að ganga
frá fráveitumálum nú samhliða
stækkun hafnarinnar og ekki búið
að tengja þau skolprör sem eiga að
liggja út fyrir hafnargarðinn á
Seyðisfirði. „Það er verið að ganga
frá heildaráætlun um holræsi og
útrásir sem lokið verður í haust og
þá fara menn í að tengja þetta,“
segir Tryggvi. Hann segir mjög
óheppilegt að lenda í lekanum
núna þegar fráveitan var ekki
tengd lengra.
Ekki hefur enn fundist skýring á
þeirri bilun sem varð á dælunni í
rafstöðvarhúsinu. „Við erum fyrst
og fremst að vinna í að finna út ná-
kvæmlega hvað bilaði og í fram-
haldi af því að finna lausn á því
hvernig megi koma í veg fyrir að
þetta hendi aftur,“ sagði Ástvaldur
A. Erlingsson verkfræðingur hjá
RARIK á Egilsstöðum.
Líklegt er að fuglalíf beri ein-
hvern skaða af olíulekanum, en þó
er óljóst hversu mikill hann getur
orðið. Talið er að áhrif á sjávarlíf
verði hverfandi.
Olían gufar hratt upp og aðeins merkjanleg í fjöruborðinu
Leitað skýringa á olíuleka
Morgunblaðið/Pétur
Yfir tíu þúsund lítrar af gasolíu streymdu út í Lónið á Seyðisfirði, eftir að
bilun varð í dælu í kyndistöð RARIK ofan við bæinn.
Seyðisfjörður
FJÖLDI gesta á fjölskylduhátíðinni
Neistaflugi í Neskaupstað var í
meðallagi þetta árið. Þó var met-
aðsókn á brekkusönginn í lystigarð-
inum á sunnudagskvöld og á dans-
leik í Egilsbúð með Stuðmönnum,
þar sem um 800 manns skemmtu sér
fram undir morgun. Annríki var hjá
lögreglu því ölvun var töluvert mik-
il á hátíðinni. Þó kom ekki til neinna
alvarlegra óhappa.
Dagskrá hátíðarinnar var með
hefðbundnu sniði. Á daginn var boð-
ið upp á skemmtidagskrá fyrir alla
fjölskylduna á útisviði í miðbænum
og á kvöldin gátu fullorðnir skellt
sér á dansleik í Egilsbúð og ung-
lingar dönsuðu í íþróttahúsinu. Þá
voru ýmsir íþróttaviðburðir í boði,
s.s. Barðsneshlaup, strandblak, hjól-
reiðakeppni o.fl.
Veður var með ágætum meðan á
hátíðinni stóð en á sunnudagskvöld
hló lognið svo dátt að flugeldasýn-
ingin, sem er lokapunktur hátíðar-
haldanna, varð ekki eins tilkomu-
mikil og til stóð þar sem reykurinn
frá flugeldunum fór hvergi.
Morgunblaðið/Ágúst
Hefðbundin
Neistaflugshátíð
Neskaupstaður
ÁSGARÐUR HF., eignarhaldsfélag
Hótels Héraðs á Egilsstöðum, og
Plastiðjan Ylur ehf. hafa gert
samning um að Ylur byggi fjögurra
hæða viðbyggingu við Hótel Hérað
á Egilsstöðum. Framkvæmdir hefj-
ast 1. ágúst 2003 og skal verktakinn
hafa lokið verkinu fyrir 28. maí
2004.
Um er að ræða steypt hús, sem
verktakinn skilar fullbúnu tækjum
og húsgögnum, þannig að starfsemi
geti hafist strax eftir afhendingu.
Kostnaður er áætlaður um 130
milljónir króna. Arkitekt hússins er
Björn Kristleifsson.
Hótel Hérað, sem hefur nú þrjá-
tíu og sex tveggja manna herbergi
og hundrað og tíu manna borðsal,
var tekið í notkun 24. febrúar 1998
og gert ráð fyrir stækkun þess inn-
an sjö ára. Viðbyggingin hýsir ein-
ungis gistirými, sem telur tuttugu
og fjögur tveggja manna herbergi
og fundaaðstöðu.
Plastiðjan Ylur ehf. hefur eink-
um fengist við byggingaverktöku,
jarðvegsvinnu og gatnagerð og
rekur auk þess verksmiðju sem
framleiðir einangrunarplast. Ylur
ehf. byggði og á húsnæði Húsa-
smiðjunnar á Egilsstöðum. Fyrir-
tækið hefur keypt hlut í Ásgarði
hf., eignarhaldsfélagi, en það leigir
Flugleiðahótelum hf. Hótel Hérað
til reksturs.
Morgunblaðið/Steinunn Ásmundsdóttir
Einar Rafn Haraldsson, Auður
Anna Ingólfsdóttir og Kári Kárason
handsala samning um stækkun.
Hótel Hérað bætir
við 24 herbergjum
Egilsstaðir
EKKI er enn ljóst hvort verslunin
Bónus á Egilsstöðum verður
stækkuð eða flutt til í bænum. Bæj-
arstjórn Austur-Héraðs er um
þessar mundir að kynna forsvars-
mönnum verslunarinnar hvaða lóðir
kæmu hugsanlega til greina fyrir
stækkaða verslun, en samkvæmt
Eiríki Bj. Björgvinssyni er ekki
endilega víst að hún yrði í miðbæ
Egilsstaða, heldur gæti jaðarsvæði
í bænum ef til vill verið inni í
myndinni. Ekkert erindi hafi borist
frá Bónusmönnum um lóð eða ann-
að og málið því aðeins á umræðu-
stigi.
Haft hefur verið eftir Jóhannesi
Jónssyni í Bónusi að fyrir liggi að
taka ákvörðun um hvort verslunin á
Egilsstöðum verði yfirleitt flutt til
eða stækkuð og um mögulega opn-
un Bónusverslunar á Reyðarfirði.
Breytingar hjá Bónusi
Egilsstaðir