Morgunblaðið - 07.08.2003, Blaðsíða 10

FRÉTTIR
10 FIMMTUDAGUR 7. ÁGÚST 2003 MORGUNBLAÐIÐ
NÚ er tími skoðunarferða um landið. Upp með Þjórsá
fara færri en vert væri því þar eru leiðir ekki greið-
ar. Á þeim slóðum ber þó margt fyrir augu þeirra
sem skoða vilja. Á dögunum var þar stór hópur á
ferð í besta veðri og ekki spillti að Þjórsá steyptist
þar með 400 rúmmetra á sek. ofan Gljúfurleitarfoss.
Þessi gullfallegi foss er 28 metra hár og mætti þar
spinna mikið gull í skammdeginu til hagsældar ís-
lenskri þjóð en láta hann sýna sig um bjartan sum-
ardag.
Morgunblaðið/BFH
Við Gljúfurleitarfoss
VEGAGERÐIN hefur sent frá sér
drög að matsáætlun vegna endur-
byggingar og nýlagnar Vestfjarða-
vegar í Reykhólahreppi, Austur-
Barðastrandarsýslu. Vegkaflinn sem
um ræðir nær frá Þórisstöðum í
vestanverðum Þorskafirði til Eyrar í
Kollafirði.
Í drögunum kemur fram að núver-
andi vegur var að mestu byggður á
sjötta áratug 20. aldar, að undan-
skildum vegi um Hjallaháls, sem
lagður var á 9. áratugnum. Kaflar
hans teljast algjörlega ófullnægj-
andi, mikið um krappar beygjur og
bratta. Markmið framkvæmdanna
er að gera heilsársveg með bundnu
slitlagi sem fullnægi kröfum Evr-
ópusambandsins árið um kring.
Tvær leiðir taldar mögulegar
Núverandi Vestfjarðavegur um
Gufudalssveit liggur um Hjallaháls,
Djúpafjörð, Ódrjúgsháls, um
Brekkubarm, Gufudal og loks fyrir
Skálarnes inn í Kollafjörð. Sex leiðir
voru lauslega skoðaðar, en einungis
tvær þeirra taldar koma alvarlega til
greina og munu verða teknar til ít-
arlegrar umfjöllunar í mati á um-
hverfisáhrifum.
Fyrri leiðin sem sérstaklega verð-
ur skoðuð liggur frá Þórisstöðum yf-
ir Hjallaháls, út með Djúpafirði að
vestan, út á Grónes, yfir mynni
Gufufjarðar við Melanes og fyrir
Skálanes inn í Kollafjörð. Birkiskóg-
ur í Djúpafirði mun verða fyrir ein-
hverju raski og sömuleiðis mun
fuglalíf á leirunum við Gufufjörð
verða fyrir áhrifum ef þessi leið
verður valin.
Sú síðari liggur nærri núverandi
legu vegarins, að því undanskildu að
hún fer yfir leiruna í botni Gufufjarð-
ar. Nokkurt rask verður við lagfær-
ingar á beygjum og mun innsti hluti
leirunnar í Gufufirði og Djúpafirði
skerðast ef sú leið verður valin.
Drögin hafa verið send Skipulags-
stofnun til umsagnar, og að hennar
samþykki munu drögin verða send
til umsagnaraðila, landeigenda og
annarra hagsmunaaðila. Sömuleiðis
er almennur fundur fyrirhugaður í
Króksfjarðarnesi nú í ágúst. Gert er
ráð fyrir að framkvæmdir geti hafist
árið 2004 og þeim yrði lokið 2008.
Tvær tillögur
taldar raunhæfar
Endurbygging og nýlagning Vest-
fjarðavegar í Reykhólahreppi
EGGERT Haukdal,
fv. oddviti Vestur-
Landeyjahrepps og fv.
alþingismaður, hefur
ritað lögreglunni á
Hvolsvelli bréf þar
sem hann krefst þess
að öll bókhaldsgögn er
tilheyra Vestur-Land-
eyjahreppi á skrif-
stofu í Njálsbúð verði
tafarlaust innsigluð og
aðgangur að þeim tak-
markaður þar til
rannsókn geti farið
fram.
Tilefni þessarar
beiðni er að nýverið
varð sveitarstjóri
Rangárþings eystra við þeirri
beiðni Eggerts að afhenda úr bók-
haldsgögnum gamla V-Landeyja-
hreppsins afrit af einu þeirra
skjala sem hæstaréttardómur á
hendur honum í september árið
2000 byggðist á. Telur hann að
þetta skjal hafi verið falsað þegar
það var lagt fyrir dóm. Um sé að
ræða skjal úr bókhaldi hreppsins
dagsett 31. desember 1997 númer
270 og hafi númeri þessa skjals
verið breytt í „290“ og það látið
líta út sem það tilheyrði árinu
1996. Telur Eggert þetta vera eitt
af grundvallarskjölum málsins og
það skjal sem ætla megi að sakfell-
ing hafi byggst á að verulegu leyti.
Bíður svars frá Hæstarétti
Í umræddum hæstaréttardómi
var dómur Héraðsdóms Suður-
lands ómerktur og málinu vísað
aftur heim í hérað. Gefin hafði ver-
ið út ákæra á hendur Eggerti fyrir
umboðssvik og fjárdrátt í opinberu
starfi upp á rúmar tvær milljónir
króna á árunum 1994–1996. Málið
var tekið fyrir að nýju í héraðs-
dómi og í febrúar árið 2001 féll
dómur þar sem Eggert var sýkn-
aður í tveimur af þremur ákæru-
liðum, þ.e. fyrir um-
boðssvik og fjárdrátt
í opinberu starfi, en
dæmdur í tveggja
mánaða skilorðsbund-
ið fangelsi fyrir fjár-
drátt í opinberu starfi
með því að hafa látið
færa til inneignar á
viðskiptareikning
sinn 500 þúsund
krónur sem höfðu
verið gjaldfærðar hjá
sveitarsjóði sem
kostnaður vegna
vegagerðar í hreppn-
um án reikninga að
baki þeirri færslu.
Dómnum var áfrýjað
til Hæstaréttar, sem í maí sama ár
staðfesti hann að öllu leyti.
Hæstiréttur hefur síðan þá einu
sinni hafnað beiðni Eggerts um
endurupptöku málsins en í júní ár-
ið 2002 fór hann öðru sinni fram á
endurupptöku og hefur síðustu
fjórtán mánuði beðið svars við
þeirri beiðni.
Í samtali við Morgunblaðið von-
aðist Eggert til þess að nýfengið
skjal yrði til þess að málið yrði
tekið upp að nýju, enda varðaði
skjalið færslu á þessum 500 þús-
und krónum sem hann var sak-
felldur fyrir. Einnig væri búið að
afla fleiri gagna en sú vinna hefði
farið fram á vegum hans þar sem
bæði ríkislögreglustjóri og ríkis-
saksóknari hefðu neitað beiðnum
hans um frekari rannsókn. Þá
væru til staðar fleiri dæmi um
falsanir á skjölum.
Eggert segir í bréfi til lögregl-
unnar á Hvolsvelli að „falsaranum“
hafi láðst að breyta skjalinu í bók-
haldinu sjálfu og því sé þörf á að
varðveita það vegna endurupp-
tökubeiðnar sinnar fyrir Hæsta-
rétti og mögulegra eftirmála. Vill
hann að takmörkun aðgangs að
skjölunum nái til embætta ríkis-
lögreglustjóra, ríkissaksóknara,
KPMG endurskoðunar og annarra
sem kynnu að hafa aðgang. Eggert
segir að skipt hafi verið um læs-
ingar á skrifstofu hreppsins um
jólin 1998 og síðan þá hafi vörslu-
menn bókhaldsins verið endur-
skoðandi hjá KPMG og fv. oddviti
V-Landeyjahrepps.
Alla tíð neitað sök
Eggert hefur alla tíð neitað sök í
þessu máli og gagnrýnt vinnu-
brögð og meðferð þess frá upphafi
fyrir dómstólum. Þessu máli
tengdu hafa þrír dómar fallið hjá
Héraðsdómi Suðurlands og fjórir í
Hæstarétti. Auk ákæru á hendur
Eggerti fyrir brot í opinberu starfi
höfðaði hann mál á hendur
V-Landeyjahreppi þar sem hann
krafðist greiðslna fyrir lán sem
höfðu verið færð á hans viðskipta-
reikning. Tapaði Eggert því máli í
héraði sl. vor og hefur áfrýjað því
til Hæstaréttar.
Afrit af sama skjali eins og það leit út í gögnum fyrir Hæstarétti, þá númer 290.
Afrit skjalsins sem Eggerti barst nýverið úr bókhaldsgögnum gamla
V-Landeyjahreppsins, merkt númer 270.
Eggert Haukdal
Eggert Haukdal, fv. oddviti V-Landeyjahrepps, hefur ritað lögreglunni á Hvolsvelli bréf
Krefst innsigl-
unar á bók-
haldsgögnum
ÞYRLA Landhelgisgæslunnar, TF
SIF, sótti veika konu um borð í
skemmtiferðaskipið Black Prince á
sunnudagskvöld. Skipið var statt um
140 sjómílur suðvestur af landinu.
Óskað var aðstoðar um klukkan 19
og var þyrlan komin í loftið tæpum
40 mínútum síðar. Konan var með
innvortis blæðingar og var flutt á
bráðamóttöku í Fossvogi. Black
Prince var á leið til Reykjavíkur þeg-
ar aðstoðar var óskað.
Þyrla sækir far-
þega á skemmti-
ferðaskipi
RÍKISSTJÓRNIN hefur samþykkt
að tillaga verði lögð fyrir forseta Ís-
lands um að staðfesta norrænan
samning um heilbrigðisviðbúnað af
Íslands hálfu. Samningurinn var
gerður í Svolvær í Noregi 14. júní í
fyrra.
Samkvæmt upplýsingum frá utan-
ríkisráðuneytinu er með samningn-
um leitast við að stuðla að frekari
samvinnu milli Norðurlandanna um
undirbúning og þróun á heilbrigðis-
viðbúnaði með tilliti til viðbragða við
hættuástandi og hamförum af ýmsu
tagi. Samvinnan skal fara fram á
milli þar til bærra aðila á sviði heil-
brigðis- og félagsmála og nær yfir
undirbúning viðbúnaðar og aðstoð ef
einhvers konar hamfara- eða hættu-
ástand skapast í aðildarríki. Samn-
ingurinn er hugsaður sem viðbót við
norræna björgunarsamninginn frá
20. janúar 1989 og kemur ekki til
framkvæmda falli þörfin fyrir aðstoð
undir síðarnefnda samninginn.
Í 4. gr. samningsins kemur fram
að Norðurlöndin skuldbindi sig með-
al annars til að veita aðstoð þegar
þess sé óskað, veita upplýsingar við
tilteknar kringumstæður, sem og
stuðla að, efla og þróa samvinnu milli
ríkjanna á ýmsum sviðum.
Heilbrigðis- og tryggingamála-
ráðuneytið hefur staðfest að stað-
festing samningsins kalli ekki á laga-
breytingar hér á landi.
Staðfesta
samning um
viðbúnað
vegna
hamfara
♦ ♦ ♦