Morgunblaðið - 24.08.2003, Blaðsíða 2

ENGIN slys urðu á mönnum og lítið
sem ekkert eignatjón varð í jarð-
skjálfta upp á rúmlega 5 stig á Richt-
er við Krísuvík um kl. 2 aðfaranótt
laugardags. Fjöldi skjálfta fylgdi í
kjölfarið; þar af nokkrir yfir 3 stig á
Richter. Stærsti eftirskjálftinn, 3,9
stig á Richter, varð kl. 2.07. Skjálft-
arnir áttu upptök sín í sprungum
norðvestan við Krísuvík. Stærstu
skjálftarnir fundust m.a. á höfuð-
borgarsvæðinu, á Akranesi, á Bláfeldi
á Snæfellsnesi og í Þorlákshöfn. Vist-
menn meðferðarheimilisins í Krísu-
víkurskóla vöknuðu við stærsta
skjálftann og flúðu út undir bert loft.
Þeir fundu skjálftavirknina greini-
lega frameftir morgni. Þá sakaði ekki.
Skv. upplýsingum frá jarðeðlissviði
Veðurstofu Íslands bendir ekkert til
að skjálftarnir séu fyrirboðar eldgoss
á svæðinu.
Kristín S. Vogfjörð, jarðskjálfta-
fræðingur á jarðeðlissviði Veðurstofu
Íslands, segir að skjálftarnir hafi átt
upptök sín í sprungum við Krísuvík
og þaðan til norðurs. „Þeir virðast
raða sér á norður/suður-sprungu.“
Hún segir að yfir hundrað eftir-
skjálftar hafi mælst á hverjum
klukkutíma nóttina eftir stóra skjálft-
ann. Þar af var einn 3,9 stig á Richter
eins og áður sagði og annar upp á 3,4
stig kl. 3.20. Aðspurð segir hún að lít-
ill skjálfti hafi mælst á svæðinu kl.
23.17 á föstudagskvöld og annar lítill
skjálfti hafi mælst kl. 1.59, rétt fyrir
stóra skjálftann. „Þetta er virkt svæði
og ekkert óeðlilegt að þar séu skjálft-
ar. Í flestum vikum er einhver virkni
en þó sjaldan eins og núna,“ segir hún
og vísar til stóra skjálftans aðfaranótt
laugardags og eftirskjálfta hans.
Mikið hringt í Neyðarlínuna
Yfir hundrað manns hringdu í
Neyðarlínuna skömmu eftir stóra
skjálftann. Engar tilkynningar bár-
ust um skemmdir eða meiðsl á fólki.
Skv. upplýsingum frá Neyðarlínunni
var fólk aðallega skelkað eða vildi fá
upplýsingar um hvað væri á seyði.
Var m.a. mikið hringt frá höfuðborg-
arsvæðinu.
Bakvakt almannavarnadeildar rík-
islögreglustjóra hóf strax eftir fyrsta
skjálftann könnun á áhrifum skjálft-
anna að sögn Jóns F. Bjartmarz, yfir-
lögregluþjóns hjá ríkislögreglustjóra.
Hann segir að svokölluð samhæfing-
arstöð almannavarna hafi „verið
virkjuð“ um kl. 2.20, en það þýðir að
fulltrúar frá Neyðarlínunni, Slysa-
varnafélaginu Landsbjörg, Rauða
krossinum, Landlækni, Vegagerðinni
og ríkislögreglustjóra hafi hist í
Skógarhlíðinni í Reykjavík og farið
yfir stöðu mála. Samráð var haft við
almannavarnanefndir á höfuðborgar-
svæðinu og á Suðurnesjum. Ekki
þótti ástæða til að fara út í frekari að-
gerðir. Ávallt er þó bakvakt hjá al-
mannavarnadeild ríkislögreglustjóra
að sögn Jóns.
Stærsti skjálftinn 1929
Að sögn Páls Halldórssonar, jarð-
skjálftafræðings hjá jarðeðlissviði
Veðurstofunnar, varð stærsti mældi
skjálftinn á umræddu svæði, þ.e.
vestan við Hengil á Reykjanesskaga,
árið 1929. Var hann um 6,3 stig á
Richterskvarða og átti upptök sín í
Brennisteinsfjöllum.
Stór skjálfti, upp á um 5,6 til 5,8 á
Richter, átti einnig upptök sín á sama
stað árið 1968. Þá urðu tveir stórir
skjálftar, sá fyrri upp á 5,3 og sá síð-
ari upp á 5,5, á svæðinu árið 1973. Sá
fyrri átti upptök sín vestan við Kleif-
arvatn en sá síðari rétt við Grindavík.
Að lokum má geta þess að stór
skjálfti, upp á 5 til 5,5 á Richter, átti
upptök sín í norðurjaðri Kleifarvatns
hinn 17. júní árið 2000, eða um þrjátíu
sekúndum eftir fyrri Suðurlands-
skjálftann, sem átti upptök sín norður
af Hellu. Páll segir að skjálftinn við
Kleifarvatn það árið hafi í raun
„týnst“ vegna Suðurlandsskjálftans.
Jarðskjálfti sem mældist rúmlega fimm stig á Richter við Krísuvík
Engin slys á mönnum og
lítið sem ekkert eignatjón
Morgunblaðið/Kristinn
Ferðalangar frá Spáni og Ítalíu höfðu haft fregnir af skjálftunum og fóru að skoða hverasvæðið í Krísuvík þar sem
mikið gekk á í skjálftunum árið 2000. Þeir fóru þó með gát enda enn titringur í jörðu á svæðinu.
Skjálftar sem fóru yfir 3 á Richter eru merktir með stjörnu á kortinu.
FRÉTTIR
2 SUNNUDAGUR 24. ÁGÚST 2003 MORGUNBLAÐIÐ
MATARVERÐ LÆKKAR
Hækkun á verði matvæla á árinu
2001, sem varð í kjölfar lækkunar á
gengi krónunnar, hefur að verulegu
leyti gengið til baka. Frá ársbyrjun
2002 hefur verð á matvælum lækkað
um 6,7%. Á sama tíma hefur neyslu-
verðsvísitala hækkað um 2,2%. Mat-
arverð hefur ekki verið lægra síðan í
maí 2001. Frá ársbyrjun 2001 hefur
matvælaverð hækkað um 5,8%, en
neysluverðsvísitala hefur á sama
tímabili hækkað um 11,8%.
Breskir hermenn felldir
Óþekktir árásarmenn réðust á bíl
breskra hermanna í Basra í Suður-
Írak í gærmorgun og féllu þrír her-
menn auk þess sem einn særðist illa.
Fjórir óbreyttir borgarar úr röðum
Íraka særðust einnig, þar af kona og
tvö börn sem urðu fyrir bíl her-
mannanna. Íraska lögreglan hand-
tók tíu manns, þar af nokkra fyrr-
verandi liðsmenn Saddams
Husseins, í skyndiáhlaupi í einu
hverfa Bagdad snemma í gær og
lagði hald á mikið af vopnum og
skotfærum.
SÞ-menn aftur til starfa
Skrifstofa Sameinuðu þjóðanna í
Bagdad tók í gær aftur til starfa í
tjöldum við Canal-hótelið þar sem
hún starfaði áður en hermdar-
verkamenn réðust á húsið í liðinni
viku. Þeir urðu þá allt að 23 að bana,
þ.á m. aðalfulltrúa SÞ, Sergio Vieira
de Mello, og er enn leitað í rústunum
að líkamsleifum. Lík Vieira de Mell-
os var flutt áleiðis til ættjarðar hans,
Brasilíu, á föstudag. Við starfi hans
hefur tekið landi hans, Lopes da
Silva.
Metuppskera á grænmeti
Útlit er fyrir mjög mikla upp-
skeru á korni, kartöflum og útirækt-
uðu grænmeti á Suðurlandi og víðar.
Byrjað er að þreskja korn, þremur
vikum fyrr en venjulega, og græn-
metið er sömuleiðis tíu dögum til
tveimur vikum á undan því sem ger-
ist í meðalári. Þá hefur grasspretta
verið með eindæmum í sumar og í
Hreppunum byrjuðu bændur á
þriðja slætti í vikunni.
Dímon hugbúnaðarhús ehf. er
metnaðarfullt og ört vaxandi hug-
búnaðarfyrirtæki sem sérhæfir sig
í samþættingarlausnum fyrir farsíma
og lófatölvur. Hugbúnaður Dímon
tengist tölvukerfum fyrirtækja og
gerir virkni þeirra aðgengilega í nýjum
miðlum.
Fyrirtækið er með traustan rekstur
og fjölmarga innlenda og erlenda
viðskipavini.
Dímon sækist nú eftir að ráða nokkra
einstaklinga í tæknideild félagins.
Umsækjendur skulu senda umsóknir ásamt ferilskrá með tölvupósti til job@dimonsoftware.com merktar „umsókn mbl 240803“ fyrir 29. ágúst næstkomandi
Starf: Hugbúnaðarsérfræðingur
Hæfniskröfur:
> Háskólagráða í verkfræði eða tölvunarfræði
nauðsynleg eða sambærileg menntun.
> Meistaragráða æskileg.
> 2–4 ára starfsreynsla á sviði
hugbúnaðarþróunar æskileg.
> Þekking á J2EE og XML nauðsynleg.
Einnig leitar Dímon að einstaklingi sem mun bera
ábyrgð á skráningu og utanumhaldi einkaleyfa félagsins.
Starf: Einkaleyfissérfræðingur
Hæfniskröfur:
> Reynsla af gerð einkaleyfaumsókna og þekking
á umsóknarferli einkaleyfa í Bandaríkjunum
og Evrópu er nauðsynleg.
> Þekking og reynsla á einkaleyfum á sviði
hugbúnaðar.
> Háskólagráða í verkfræði eða tölvunarfræði
nauðsynleg eða sambærileg menntun.
> Menntun á sviði lögfræði æskileg.
ar
g
u
s
–
03
-0
38
9
Sindra-Stál hf. er eitt af stærstu innflutnings- og þjónustufyrirtækjum
á landinu með um 60 starfsmenn. Markmið fyrirtækisins er að þjóna
íslenskum fyrirtækjum með fjölbreytt vöruval í stáli og málmum
og bjóða upp á úrval af vélum og tækjum í hæsta gæðaflokki.
Sölumaður í
iðnaðarmannaverslun
Sindra-Stál óskar eftir að ráða sölumann til
afgreiðslustarfa í verslun Sindra-Stáls hf. í
Hafnarfirði.
Verslanir Sindra-Stáls í Reykjavík, Hafnarfirði
og á Akureyri sérhæfa sig í þjónustu við iðnað-
armenn og fyrirtæki með því að bjóða fjöl-
breytt úrval af vélum, tækjum og rekstrarvör-
um.
Við leitum að líflegum og þjónustulunduðum
starfsmanni. Reynsla og þekking af sölustörf-
um úr hliðstæðum rekstri er æskileg.
Upplýsingar veita Örn Gylfason, og@sindri.is
og Jón Emil Halldórsson, jeh@sindri.is
Skriflegar umsóknir óskast sendar til Sindra -
Stáls hf., Klettagörðum 12, 105 Reykjavík, merkt-
ar: „SINDRI — Hafnarfjörður“, fyrir 1. sept. nk.
Sölumaður
54 ára ötull og samviskusamur sölumaður
óskar eftir starfi á fasteignasölu.
Vinsamlegast sendið fyrirspurnir á
salmon_x@hotmail.com.
Sunnudagur
24. ágúst 2003
atvinnatilboðútboðfundirtilsölutilleigutilkynningarkennslahúsnæðiþjónustauppboð
mbl.is/atvinna Gestir í vikunni 8.053
Innlit 15.099
Flettingar 69.979
Heimild: Samræmd vefmæling
Hitler á háaloftinu
Sunnudagur
24. ágúst 2003
ferðalögSöfn BerlínarsælkerarVænleg vínuppskerabörnHestamennskabíóProximitas
Kaldir og hlýir straumar
Ævintýraleg ferð til Svalbarða
Norðurslóðir
góð mælistika
á loftslags-
breytingar.
Prentsmiðja
Morgunblaðsins
Heimildir leynast víða.
Hlynur Ómar Björnsson
rakst á skjöl um félag Ís-
lendinga í Þýskalandi á
stríðsárunum og nokkur
sendibréf úr fórum afa síns
og komst að því að þau
gefa einstaka innsýn í líf á
viðsjárverðum tímum./8
Yf ir l i t
Í dag
Skissa 6 Myndasögur 34
Sigmund 8 Bréf 34
Af listum 20 Dagbók 36/37
Listir 20/23 Krossgáta 38
Forystugrein 24 Hugvekja 39
Reykjavíkurbréf
24
Leikhús 40
Skoðun 26/29 Fólk 40/45
Minningar 30/33 Bíó 42/42
Þjónusta 31 Sjónvarp 46
Kirkjustarf 31 Veður 47
* * *
JÚLÍUS Fossberg, staðarhaldari
meðferðarheimilisins í Krísuvík,
segir nóttina hafa verið langa og lít-
ið sem ekkert hafi verið sofið. „Ég
bý í húsi um þrjú hundruð metra frá
Krísuvíkurskóla og vaknaði við
fyrsta skjálftann um tvö um nóttina.
Þetta var alveg eins og sprengja,
það hristist allt og skalf,“ sagði Júl-
íus í samtali við Morgunblaðið.
Hann flýtti sér niður í skólann eft-
ir fyrsta skjálftann og voru þá vist-
menn á meðferðarheimilinu komnir
út. Þar dvelja nú 16 manns. „Ég hef
ekki orðið var við skemmdir á skól-
anum, hann er mjög sterkbyggður
og sérhannaður fyrir aðstæður hér.
Hins vegar hafa innanstokksmunir
hjá mér færst til og dottið um koll.
Ísskápurinn galopnaðist og snyrti-
dót hrundi úr hillum. Sömuleiðis
voru hljómflutningstækin dottin á
hliðina. Myndir og blómapottar í
skólanum höfðu einnig brotnað.“
Lögreglan í Hafnarfirði kom í
skólann í fyrrinótt að beiðni sam-
ræmingardeildar Almannavarna, til
að athuga hvort skemmdir væru á
híbýlum. Júlíus segir þær ekki telj-
andi.
Drunur og dynkir
Júlíus segir stanslausar drunur
og dynki í lofti, sem og stöðugan
titring jarðar. „Nú rétt áður en þú
hringdir kom enn einn snarpur
kippur og þess á milli titrar allt hjá
manni. Það kom um hálftíma hlé á
titringnum snemma í morgun, en nú
er allt farið af stað aftur. Þetta er
mjög óþægilegt, en þó bærilegra
eftir að birti. Það var mjög ónota-
legt meðan enn var svartamyrkur.
Ég hef ekkert lagt mig eftir að
fyrsti skjálftinn kom og er nú klukk-
an orðin rúmlega níu,“ sagði Júlíus.
Ekki hefur orðið vart aukinnar
brennisteinslyktar að mati Júlíusar,
en það myndi benda til þess að
sprungur hefðu opnast. „Hins vegar
vitum við að sjálfsögðu ekki hvað
verður, en vonum hið besta. Sömu-
leiðis er ég tilbúinn með rútu fyrir
íbúana hér ef við þurfum að yf-
irgefa staðinn,“ sagði hann að lok-
um.
Staðarhaldari í Krísuvík um skjálftana
„Þetta var alveg
eins og sprengja“ HREFNUVEIÐISKIPIÐ Sig-urbjörg BA-155 veiddi aðra
hrefnu sína undir kvöld á föstu-
dag, að sögn Gísla Víkingssonar
leiðangursstjóra. Stefnt er að
því að veiða 38 hrefnur í vís-
indaveiðum Hafrannsóknastofn-
unar sem standa yfir til loka
septembermánaðar.
Vitað er að hin hrefnuveiði-
skipin, Njörður KÓ og Halldór
Sigurðsson ÍS-14, hafa veitt sína
hrefnuna hvort, en ekki náðist
samband við þau skip á laug-
ardagsmorgun til að kanna
hvort þau hefðu náð fleiri hrefn-
um.
Gísli á Sigurbjörgu segir að
hrefnan sem veiddist á föstudag
hafi verið tæpir átta metrar að
lengd. Hann vildi ekki gefa upp
staðsetningu skipsins en sagði
að skipverjar hefðu mikið orðið
varir við hrefnu.
Sigurbjörg nær
annarri hrefnu
SIV Friðleifsdóttir umhverfisráð-
herra beinir þeim tilmælum til
veiðimanna að þeir hlífi grágæsa-
og blesgæsastofninum eins og þeir
frekast geta, en veiði frekar heiða-
gæs á komandi veiðitímabili.
Vegna rjúpnaveiðibanns hefur
ásókn í gæsaveiði aukist um 25–
30% og kom fram í Morgunblaðinu
í gær að Sigmar B. Hauksson, for-
maður Skotveiðifélags Íslands, ótt-
aðist að stofnar grágæsa og bles-
gæsa þyldu ekki meiri veiði en nú
er. Hins vegar væri stofn heiða-
gæsa mjög stór og þyldi aukna
veiði, en heiðagæsir væru erfiðari
til veiða.
„Það er ljóst að stofnarnir þola
ekki ótakmarkaða veiði, en heiða-
gæsastofninn má við meiri veiði.
Ég vonast til þess að veiðimenn
taki tillit til þessa. Að öðrum kosti
er hætta á að banna verði veiðar
þeirra tegunda, sem ekki þola auk-
ið álag,“ sagði Siv í samtali við
Morgunblaðið.
Veiði helst heiðagæs