Morgunblaðið - 24.08.2003, Blaðsíða 33

MINNINGAR
MORGUNBLAÐIÐ SUNNUDAGUR 24. ÁGÚST 2003 33
Ástkær móðir okkar, tengdamóðir og amma,
JÓHANNA GUÐMUNDSDÓTTIR
frá Hellissandi,
Austurgerði 6,
Reykjavík,
lést sunnudaginn 17. ágúst.
Útförin fer fram frá Bústaðakirkju, mánudaginn
25. ágúst kl. 13.30.
Blóm og kransar vinsamlega afþakkaðir, en þeir, sem vilja minnast
hennar, láti Landakotsspítala njóta þess.
Ellert Róbertsson, Bryndís Theódórsdóttir,
Guðbjörg Róbertsdóttir, Jósavin Helgason,
Birna Róbertsdóttir,
Birgir Róbertsson
og barnabörn.
Ástkær faðir okkar, sonur, bróðir og afi,
GÍSLI ÞORVALDSSON,
Jörfabakka 14,
Reykjavík,
lést á Landspítalanum við Hringbraut þriðju-
daginn 19. ágúst.
Jarðsett verður frá Fossvogskirkju mánu-
daginn 25. ágúst kl. 15.00.
Margrét og Ingibjörg Gréta Gísladætur,
móðir, systkini og barnabörn.
Ástkær móðir okkar, tengdamóðir og amma,
ANNA LUISE ELISABETH JAKOB,
lést á sjúkraheimili í Þýskalandi sunnudaginn
17. ágúst sl.
Þeim, sem vildu senda samúðarvott, er bent á
Félag aðstandenda Alzheimers-sjúklinga eða
aðrar líknarstofnanir.
Fyrir hönd fjölskyldunnar,
Hilke Jakob Magnússon.
Útför móður okkar, tengdamóður, ömmu
og langömmu,
MARÍU PÉTURSDÓTTUR,
áður til heimilis
í Hólmgarði 49, Reykjavík,
verður gerð frá Bústaðakirkju miðvikudaginn
27. ágúst nk. kl. 10.30.
Þeir, sem vilja minnast hennar, vinsamlegast
láti dvalar- og hjúkrunarheimilið Holtsbúð í Garðabæ njóta þess, reikn-
ingur nr. 0318-13-110053.
Ragnar Jörundsson, Svanhvít Sigurðardóttir,
Sigrún Jörundsdóttir, Sveinn Áki Lúðvíksson,
barnabörn og barnabarnabörn.
Innilegar þakkir til allra þeirra, sem sýndu
okkur samúð, hlýhug og vináttu við andlát og
útför okkar áskæru eiginkonu, móður, tengda-
móður og ömmu,
ANDREU BENEDIKTSDÓTTUR,
Seljavegi 19,
Reykjavík.
Sérstakar þakkir til starfsfólks krabbameinsde-
ildar Landspítalans við Hringbraut fyrir frábæra umönnun.
Sæmundur Haraldsson,
Hrólfur Sæmundsson, Guðný Magnúsdóttir,
Sigurbjörg Sæmundsdóttir,
Kolbeinn Sæmundur, Andri og Glóey,
Elskulegur eiginmaður minn, stjúpfaðir, faðir
okkar, tengdafaðir, afi og langafi,
JÓN AXELSSON
kaupmaður,
Nónvörðu 11,
Keflavík,
sem lést þriðjudaginn 19. ágúst, verður
jarðsunginn frá Keflavíkurkirkju þriðjudaginn
26. ágúst kl. 14.00.
Blóm og kransar vinsamlegast afþakkaðir en þeim, sem vildu minnast
hans, er bent á Landsamband hjartasjúklinga.
Bergþóra Þorbergsdóttir,
Guðmundur Jóelsson, Anna Margrét Gunnarsdóttir,
Axel Jónsson, Þórunn Halldórsdóttir,
Vignir Jónsson, Marteinn Tryggvason,
Þorsteinn Jónsson, Katrín Hafsteinsdóttir,
Íris Jónsdóttir, Gylfi Kristinsson,
barnabörn og barnabarnabörn.
Á sumarkvöldi fyrir
25 árum kom saman á
Smárahvammsvelli í Kópavogi hóp-
ur stuðningsmanna Breiðabliks til að
leika knattspyrnu sér til ánægju og
heilsubótar. Var ákveðið að hittast
eitt kvöld í viku og sparka fótbolta.
Þegar haustaði og veður gerðust
válynd fækkaði í hópnum og einn
rigningardaginn mættu aðeins fjórir
og enginn með fótbolta. Réðu menn
nú ráðum sínum og í stað þess að
hver færi til síns heima var farið í
gönguferð sem teygðist í tvo tíma.
Að göngu lokinni var ákveðið að
hittast næsta sunnudagsmorgun og
ganga ekki skemur en í tvær klukku-
stundir, hvernig sem viðraði. Einn
þessara fjögurra göngumanna var
Guttormur Sigurbjörnsson.
Þessi fjögurra manna hópur hélst
óbreyttur í 22 ár. Gengið var hvern
sunnudag í tvær klukkustundir, líka
í óveðrum. Það eina sem hindraði
mætingu var ef menn voru á ferða-
lagi eða veikir. Gengið var um ná-
grenni höfuðborgarsvæðisins.
Áður en þessar gönguferðir hóf-
ustþekktumst við lítið, en við kynnt-
umst vel og kunningsskapurinn varð
að vináttu.
Guttormur var léttur í spori, hafði
áður verið góður íþróttamaður og
var m.a. íþróttakennari að mennt.
Í þessum gönguferðum okkar var
mikið spjallað og ósjaldan rætt um
nýjustu uppákomur í pólitíkinni.
Guttormur var mikill framsóknar-
maður og hafði verið bæjarfulltrúi
fyrir Framsóknarflokkinn bæði á
Ísafirði og í Kópavogi.
Ekki vorum við allir framsóknar-
menn, því gátu umræðurnar orðið
líflegar, en ætíð voru þær á léttu nót-
unum.
Pólitíkin var áður fyrr persónu-
legri og grimmari, en ekki minnist
ég þess að Guttormur hafi nokkru
sinni hallmælt pólitískum andstæð-
ingum.
Stundum, einkum á veturna, þeg-
ar við komum blautir og kaldir eftir
göngu í slagviðri, settumst við niður
eftir heitt bað og héldum áfram að
spjalla um lífið og tilveruna.
Guttormur var sannfærður um
framhaldslíf eftir dauðann. Á jörð-
inni ættum við stuttan stans.
Nú er hann lagður af stað í ferðina
yfir móðuna miklu sem skilur að líf
og dauða.
Við göngufélagarnir tveir sem eft-
ir erum, Jóhann Baldurs og ég,
þökkum samferðastundirnar og ósk-
um Guttormi góðrar ferðar.
Þórir Hallgrímsson.
Kveðja frá
Rótaryklúbbi Kópavogs
Þegar Rótaryklúbbur Kópavogs
var stofnaður árið 1961 var Guttorm-
ur Sigurbjörnsson valinn til að verða
fyrsti forseti klúbbsins, enda marg-
reyndur félagsmálamaður og fyrrum
Rótaryfélagi frá Ísafirði. Hann var
frá upphafi áhrifamikill og virkur fé-
lagi og skilaði klúbbnum drjúgu og
farsælu starfi. Hann var snjall ræðu-
maður, ágætur húmoristi og fylginn
sér í félagsmálum.
Hinn prúðbúni dagfarsprúði félagi
var og góður sessunautur á fundum,
sem með lágum rómi kom af stað
umræðu um málefni sem efst voru á
baugi á hverjum tíma og miðlaði af
reynslubrunni sínum, oft kryddað
góðlátlegri kímni, en alvaran þó
ávallt skammt undan.
Guttormur var að verðleikum út-
GUTTORMUR
SIGURBJÖRNSSON
✝ Guttormur Sig-urbjörnsson
fæddist á Ormsstöð-
um í Skógum í Valla-
hreppi í Suður-Múla-
sýslu 27. september
árið 1918. Hann lést
á Hjúkrunarheim-
ilinu Sunnuhlíð í
Kópavogi 11. ágúst
síðastliðinn og var
útför hans gerð frá
Digraneskirkju 22.
ágúst.
nefndur Paul Harris-
félagi árið 1985, sem er
æðsta viðurkenning
fyrir mikil og góð störf í
þágu klúbbsins og Rót-
aryhreyfingarinnar.
Málefni og verkefni
Rótary voru honum
hjartans mál, svo sem
sjá má í grein í veglegu
afmælisriti sem gefið
var út er minnst var 50
ára afmælis hreyfing-
arinnar á Íslandi, en
þar fjallaði Guttormur
um sögu klúbbs okkar
og þar farast honum
m.a. svo orð: „Merkasta átak klúbbs-
ins á sviði mannúðarmála er án efa
þátttaka hans í byggingu sjúkra-
heimilis fyrir aldraða að Sunnuhlíð í
Kópavogi.“
Guttormur naut þar á allra síðustu
æviárum sínum skjóls, aðhlynningar
og hjúkrunar og hafði oft orð á því
hve ánægður hann væri með hve vel
hefði til tekist um byggingar og
þjónustu. Okkur félögum í Rótary-
klúbbi Kópavogs er það við leiðarlok
ánægjuefni að svo skyldi til takast að
einn af frumherjum okkar nyti
ávaxtar þess starfs sem klúbburinn
okkar hefur átt aðild að.
Syni og fjölskyldu Guttorms vott-
um við samúð okkar og þökkum
Guttormi góð störf fyrir klúbbinn og
ánægjulegar samverustundir og
biðjum vini okkar góðrar heimkomu.
Jóhann Árnason, forseti
Rótaryklúbbs Kópavogs.
Vinur okkar Guttormur er allur.
Kynni okkar af honum og konu hans
Aðalheiði, sem lést fyrir tveimur ár-
um, hófust þegar við byggðum með
Byggingasamvinnufélagi Reykjavík-
ur íbúð í Álftamýri 58. Þá var hann
formaður félagsins og hún starfaði á
skrifstofunni. Á þessum tíma ný-
komin úr námi, varð oft að fá
greiðslufrest meðan á byggingu
hússins stóð, ekkert nema liðlegheit
hans og síðan verkefni sem ég fékk
við bygginguna urðu þess valdandi
að dæmið gekk upp. Síðan þetta
gerðist varð náinn vinskapur milli
okkar og þeirra. Þegar ég kom til
starfa hjá Fasteignamati ríkisins var
hann forstjóri þar, miklar breytingar
voru þá í aðsigi, almenn tölvunotkun
var að hefjast og miklar breytingar á
vinnslu gagna fóru fram undir hans
stjórn. Var hann með fyrstu stjórn-
endum hjá ríkinu sem tóku tölvur í
almenna notkun hjá starfsmönnum.
Hann vildi að starfsfólkið fengi sem
besta þekkingu á verkefnum fast-
eignamatsins og setti á stofn Mats-
mannaskólann í tengslum við End-
urmenntunarstofnun Háskólans þar
sem matsmenn Fasteignamatsins og
starfsmenn annarra stofnana sem
unnu að matsstörfum tóku síðan próf
frá. Í framhaldi af þessu stofnaði
hann Matsmannafélagið og var for-
maður þess fyrstu árin. Þá fékk hann
fjölda erlendra matsmanna til
kennslu í matsstörfum, meðan hann
var forstjóri Fasteignamatsins.
Guttormur starfaði ávallt mikið að
félagsmálum og kom víða við í þeim
málum sem ekki verða rakin hér, að-
eins það sem ég þekki til. Hann var
mikill Breiðabliksmaður og formað-
ur félagsins í tvö ár. Þá var hann
ávallt einn af forustumönnum Fram-
sóknarflokksins í Kópavogi eftir að
hann flutti þangað. Starf hans er
ómetanlegt fyrir flokkinn, ekki síst
sú vinna sem hann lagði á sig sem
ritstjóri Framsýnar til margra ára.
Samvistir okkar við Guttorm og Að-
alheiði í sumarferðum framsóknar-
manna og tjaldferðum ásamt reglu-
legum heimsóknum hvert til annars
eru okkur ómetanlegar. Við kveðjum
mikinn vin okkar og velgjörðarmann
sem ávallt lagði vel til okkar. Ingva,
Herdísi og börnunum biðjum við
guðs blessunar.
Þorvaldur og Dóra.
Trúlega hafa fáir menn mér
óskyldir haft jafn mikil áhrif á lífs-
hlaup mitt og Guttormur Sigur-
björnsson. Ég kynntist Guttormi
haustið 1972 þegar hann sem for-
maður bæjarráðs Kópavogs hvatti
mig til að sækja um stöðu bæjarrit-
ara í Kópavogi. Þá var við völd í
Kópavogi meirihluti Framsóknar-
flokks og Sjálfstæðisflokks. Hygg ég
að á engan sé hallað að segja að
Guttormur hafi verið hryggjarstykk-
ið í þeim meirihluta, sem að mínu
áliti lagði grunninn að þeirri upp-
byggingu sem síðar varð í Kópavogi.
Nægir að minna á Gjána í gegnum
Kópavogshálsinn með tilheyrandi
brúm, uppbyggingu miðbæjarins,
þar sem gert var ráð fyrir húsi milli
brúnna sem nú er í byggingu, fyrsta
upphitaða knattspyrnuvöllinn á Ís-
landi, samningana um hitaveituna og
mætti lengi áfram halda.
Í bæjarstjórninni, frá 1970-1974
undir forystu Guttorms, voru stór-
huga menn og konur úr öllum flokk-
um. Þar var enginn maður lítilla
sanda né sæva og oft hugsað stórt.
Guttormur var lipur og skemmti-
legur fundastjórnandi og engum hef
ég kynnst sem átti jafn auðvelt með
að koma strax að aðalatriðum hvers
máls og skilja kjarnann frá hisminu.
Á þessum árum var pólitíkin eins
og svo oft í Kópavogi hörð og mis-
kunnarlaus og fór Guttormur ekki
varhluta af því frekar en aðrir
stjórnmálamenn sem standa upp úr
fjöldanum og bitnar það oft meira en
skyldi á fjölskyldu viðkomandi.
Hygg ég að það hafi ráðið miklu um
að Guttormur gaf ekki kost á sér til
áframhaldandi setu í bæjarstjórn-
inni og var það miður fyrir íbúa
Kópavogs, en að sama skapi sjálf-
sagt gott fyrir fjölskylduna sem
hann mat mikils, en hann var gæfu-
maður í einkalífi og kvæntist ungur
Aðalheiði Guðmundsdóttur frá Ísa-
firði, sem lést fyrir nokkrum árum
og saman áttu þau soninn Ingva.
Gegnum árin myndaðist góð vin-
átta milli okkar og áttum við lengi
gott samstarf í Rótaryklúbbi Kópa-
vogs og í Framsóknarflokknum þar
sem hann tók virkan þátt. Það var
gott að leita til Guttorms sem var úr-
ræða- og tillögugóður og vildi hvers
manns vanda leysa.
Blessuð sé minning hans.
Jón Guðlaugur.
Afmælis- og minningargreinum má skila í
tölvupósti eða á disklingi (netfangið er
minning@mbl.is, svar er sent sjálfkrafa um
leið og grein hefur borist). Ef greinin er á
disklingi þarf útprentun að fylgja. Nauð-
synlegt er að símanúmer höfundar og/eða
sendanda (vinnusími og heimasími) fylgi
með. Þar sem pláss er takmarkað getur
þurft að fresta birtingu greina, enda þótt
þær berist innan hins tiltekna frests. Nán-
ari upplýsingar eru á mbl.is. Um hvern lát-
inn einstakling birtist formáli og ein aðal-
grein af hæfilegri lengd á útfarardegi, en
aðrar greinar skulu ekki vera lengri en 300
orð, u.þ.b. 1.500 slög (með bilum) eða um 50
línur í blaðinu (17 dálksentimetrar). Tilvitn-
anir í sálma eða ljóð takmarkast við eitt til
þrjú erindi. Einnig er hægt að senda ör-
stutta kveðju, HINSTU KVEÐJU, 5–15 lín-
ur, og votta virðingu án þess að það sé gert
með langri grein. Greinarhöfundar eru
beðnir að hafa skírnarnöfn sín en ekki stutt-
nefni undir greinunum.