Morgunblaðið - 24.08.2003, Blaðsíða 34
34 SUNNUDAGUR 24. ÁGÚST 2003 MORGUNBLAÐIÐ
!
!!"
!!
# BRÉF
TIL BLAÐSINS
Kringlunni 1 103 Reykjavík Sími 569 1100
Símbréf 569 1329 Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
GETUR verið að þrátt fyrir slæma
reynslu af umhverfisslysum vegna
heimsku og eigin fyrirhyggjuleysis,
hafi menn ekkert lært?
Rjúpan er landsprýði, vinaleg og
laðast fljótt að því
fólki sem ekki of-
sækir hana. Hún
er mjög mikilvæg-
ur hlekkur í vist-
kerfi landsins.
Stærsti og glæsi-
legasti fálki ver-
aldar, Íslands-
fálkinn, mundi
trúlega deyja út
án hennar. En
eigingjarnir veiðimenn og vopnasalar
láta sér slíkt í léttu rúmi liggja.
Gróðasjónarmið og sjálfselska eru
þar í fyrirrúmi. Þegar nú rjúpan loks
var friðuð og það aðeins í þrjú ár, varð
upphlaup þeirra og fyrirgangur eins
og hjá ofdekruðum börnum sem ekki
fá sitt fram. Fólk sem veit hvað um-
hverfisþátturinn er öllum nauðsyn-
legur, kom sínu svo vel til skila að ráð-
herra þeirra mála sá þann kost
vænstan að taka til hendinni. Rök for-
manns Skotvíss fyrir framhaldi
rjúpnaveiða eru svo fáránleg að hann
verður nánast aumkunarverður. Vist-
fræðilegur misskilningur er að halda
því fram að því fleiri sem vargarnir
séu sem drepa rjúpur, muni minna
um nokkur þúsund veiðimenn. For-
manninum er nær að þakka umhverf-
isvinum fyrir að hafa vit fyrir honum,
því í þessum efnum þvælist það ekki
fyrir hans líkum. Að gráta kostnað í
hundum og skotfærum er ekki háttur
sannra veiðimanna. Hundar eru alltaf
skemmtilegir og mörg ár þarf til að
fyrna skot. Þeir menn sem ennþá eru
ofurseldir dýrseðlinu eða ástríðu
veiðimennsku, geta bætt sér skaðann
og orðið þjóðhagslegir. Það skýrist af
því að núverandi umhverfisráðherra
viðheldur skilningsleysi forvera síns í
umhverfismálum og friðar mink og
ref á stórum svæðum. Göfugir veiði-
menn geta verið mótvægi við skað-
ræði það sem Össur Skarphéðinsson
kom á sem umhverfisráðherra með
friðun vargs og Siv lætur sem hún viti
ekki af. Refur er mikill skaðvaldur í
náttúrunni og minkur enn verri. Nú-
verandi umhverfisráðherra hefur
sannað að hún er alls ófær að taka á
þeim málum og meðan þjóðin bíður
eftir betri ráðherra getið þið slegið
margar flugur í einu höggi. Gert þjóð-
inni gagn um leið og þið fáið eðlinu út-
rás í drápi á minki og ref. Með þess-
um veiðum þróið þið þolinmæði ykkar
og náttúrulegan skilning. Karl Th.
Birgisson skrifar í anda óheillakráku
um rjúpur í Fréttablaðinu. Eða voru
það bara andlegar náttúruhamfarir?
Þótt skítamórall sé gegnum gangandi
í Mbl.-grein Kristins Péturssonar 2.
ágúst, hefur hann mikið til síns máls,
nema hvað hann skilur ekki að raun-
verulegu umhverfisvargarnir eru þeir
sem einskis svífast þegar náttúran
stangast á við græðgi og eiginhags-
muni. Aðeins ofstækisfullt fólk vill al-
friða hvali og seli. Þá sem friða mink
og ref er ekki hægt að taka alvarlega.
Það er hræðilegt þegar slíkt fólk
kemst til valda. Rjúpnaveiðimenn og
áhangendur þeirra eiga að hætta
þessu væli og snúa sér að gagnlegri
iðju. Nú þegar Siv loks gerir góðan
hlut á þjóðin að standa með henni
gegn vargaskap og eigingirni.
ALBERT JENSEN,
Sléttuvegi 3,
Reykjavík.
Rjúpan, eigingirnin
og skammsýnin
Frá Albert Jensen
Albert Jensen
ALLA tíð hefur íslensk þjóð alið með
sér hugsjónamenn. Þeir hafa verið af
ýmsum toga. Sumir trúðu á ein-
hverja sýn, lífsskoðun eða ættjörðina
og voru jafnvel tilbúnir að fórna nán-
ast öllu fyrir það sem þeir trúðu á.
Sem betur fer eru aðrir tímar og
svona gamaldags lummulegt hug-
sjónafólk nánast horfið. Núna eru
komnir alvöru menn með sjarma og
stíl með þá einu hugsjón sem ein-
hvers er virði, að græða peninga.
Kaupa ódýrt, selja dýrt, samrunar
og yfirtökur. Það er málið. Eins og
einn af dýpstu mönnum þjóðarinnar
sagði er hann var spurður í sjón-
varpsþætti um aldahvörfin: „Kapít-
alisminn vann og kommúnisminn
tapaði.“
Meira að segja hafa gamlir óstýri-
látir vinstri gemsar hafa áttað sig á
villu síns vegar. Í stað þess að hanga
í úreltri baráttu fyrir lummó gildum
er betra að vera með. Fá gott jobb á
fínum launum – þægindi, friður og
ró. Ferðast, njóta lífsins, kokteilboð
og þegar ellin sest að, öryggi drjúgra
eftirlauna.
Við getum bara séð hvernig allt í
gegnum söguna hafa hugsjónamenn
lent í tómum vandræðum og jafnvel
verið drepnir. Jesús, Gandhi, Martin
Luther King, Steve Biko og elsku
karlinn hann John Lennon. Sá harð-
asti á Íslandi, rauðliðinn frá Ísafirði,
áður fulltrúi smælingja og tekjulít-
illa, sá er gerði „skítlegt eðli“ að lög-
giltu orðfæri í stjórnmálum. Já, jafn-
vel hann er búinn að átta sig á að
ferðalög, demantar og lúxus er mikið
betri en gamaldags hugsjónir. „Gull
og metorð gagna ekki, gangir þú
með sálarhnekki“ söng Bergþóra
Árna – þvílíkt bull.
Í nafni Dabba, Dóra og heilags
Dollara. Amen.
ÁSMUNDUR
GUNNLAUGSSON,
Auðbrekku 14, Kópavogi.
Hugsjónamenn
Frá Ásmundi Gunnlaugssyni