Morgunblaðið - 25.09.2003, Blaðsíða 21

Morgunblaðið/Margrét Ísaksdóttir
Unnið var í skólanum í mörgum starfshópum í vikutíma áður en Kjartan Jakob Hauksson kom
í heimsókn. Gestgjafarnir höfðu margs að spyrja og mikið var spjallað.
Hveragerði | Kjartan Jakob Hauksson sem
varð landsþekktur fyrir þor og kjark, þegar
hann gerði fyrstu tilraun sína til að róa í
kringum landið á árabát sínum Rödd hjart-
ans, kom á dögunum í heimsókn í Hvera-
gerði. Tilgangur heimsóknarinnar var að
þakka krökkunum í 6. bekk grunnskólans
fyrir kveðjurnar sem þeir sendu honum á
meðan á róðrinum stóð.
Þegar krakkarnir fréttu af fyrirhugaðri
heimsókn var ákveðið að skipta bekknum
upp í vinnuhópa sem myndu leysa ákveðin
verkefni. Þegar tekið er á móti gestum þarf
að undirbúa heimsóknina eins vel og kostur
er og myndaðir voru vinnuhópar. Nethópur
sá um að leita upplýsinga um róður Kjart-
ans og afla gagna til að skreyta stofuna.
Spurningahópur samdi spurningar þær sem
átti að spyrja gestinn. Kortahópur útbjó Ís-
landskort og teiknaði inn leiðina sem Kjart-
an fór. Upptökuhópur tók upp heimsóknina
á myndband og að sjálfsögðu var einn köku-
hópur sem skipulagði veitingarnar sem boð-
ið var upp á.
Bekkurinn vann að þessu verkefni í tæpa
viku og svo kom Kjartan. Að sjálfsögðu voru
honum færð blóm að hætti Hvergerðinga við
komuna. Hann brást ekki vonum barnanna
og voru þau í sjöunda himni yfir því að fá að
taka á móti honum og fræðast um hann
sjálfan og eins ferðina sem búin er og ekki
síður þá sem hann ætlar að leggja í næsta
sumar. Meðal veitinga var skúffukaka með
bláu kremi sem átti að tákna sjóinn, ofan á
henni var bátur úr pappír og inni í bátnum
var að sjálfsögðu pappakarl.
Leiddist ekki en saknaði
barnanna sinna
Kjartan spjallaði heilmikið við krakkana
og hjálpaði þeim að setja pappabáta inn á
Íslandskortið, sem tákn um þær vegalengdir
sem hann fór á degi hverjum á meðan hann
reri. Það var greinilegt að krakkarnir höfðu
mikið hugsað út í það hvernig Kjartani leið
á meðan hann var einn úti á sjó, því þau
vildi vita hvort honum hefði ekki leiðst.
Kjartan aftók með öllu að honum hefði
leiðst en sagðist játa það að hann hefði
saknað barnanna sinna þeirra Hauks, Lífar
og Sögu. Ljóst er eftir þessa heimsókn að
Kjartan Jakob hefur eignast vini sem koma
til með að fylgjast grannt með ferðinni sem
hann fer í júní á næsta ári.
Pappabátar mörkuðu siglingaleiðina
Krakkarnir í Hveragerði höfðu um margt að
ræða við Kjartan Jakob Hauksson ræðara
Grímsey | Fyrir ári komu nokkrir
ungir menn til Grímseyjar til að
kanna huldubyggðir. Þeir voru frá
Þýskalandi, Sviss og Svíþjóð. Alex-
ander frá Stokkhólmi, sem var einn
úr hópnum, kom nú hér ásamt 12
konum frá ýmsum Evrópulöndum,
til að skynja og skoða byggðir
huldufólks hér í eyjunni.
Alexander segir Grímsey magn-
aðan álfastað og tóku samferða-
konur hans einróma undir það. Al-
exander hafði fyrr í Íslandsferðinni
heimsótt bæði Þingvelli og Mývatn
með konunum, í sömu erindagjörð-
um. Alexander segir Grímsey mik-
ilvæga í þessu sambandi og stefnir
á ferð hingað næsta sumar og þá
með stóran hóp álfaáhugamanna.
Hann segir nauðsynlegt að tengja
þessa tvo heima..
Enn í álfaferð
til Grímseyjar
Morgunblaðið/Helga Mattína
Álfaáhugamenn: Alexander og samferðakonur við heimskautsbaug.
LANDIÐ
MORGUNBLAÐIÐ FIMMTUDAGUR 25. SEPTEMBER 2003 21
Reykjavík: Ármúla 11 - sími 568-1500
Akureyri: Lónsbakka - sími 461-1070
PALLALYFTUR
Húsavík | Þeir brugðust skjótt við
frændurnir Einar Traustason og
Valtýr Guðmundsson á Húsavík á
dögunum þegar fullorðin kona þar í
bæ auglýsti eftir því hvort ein-
hverjir væru tilbúnir að slá grasið í
garði hennar.
Ekki viðraði vel þann dag sem
auglýsingin birtist, enda snjóföl yf-
ir görðum bæjarins. En um leið og
skóla lauk daginn eftir voru þeir
frændur mættir þrátt fyrir að veðr-
ið væri ekki upp á það besta fyrir
garðslátt. Þeir létu það ekki stöðva
sig í því að ganga í verkið, og ljúka
því, enda daglaunin góð að þeirra
sögn.
  
Morgunblaðið/Hafþór Hreiðarsson
Frændur: Einar og Valtýr vel
klæddir við garðsláttinn.
Brugðust
skjótt við
Óæskilegt rafsegulsvið | Hafn-
arstjórn Ísafjarðarbæjar telur úr-
bóta þörf vegna rafsegulsviðs frá
spenni Orkubús Vestfjarða í Hafn-
arhúsinu, sem hýsir alla starfsemi
Ísafjarðarhafnar. Síðan hafa öðru
hverju komið upp
umræður um
sterkt segulsvið
og hugsanleg
slæm áhrif þess á
heilsu starfs-
manna og einnig
raftæki í húsinu,
svo sem tölvu-
skjái, að því er kemur fram á
fréttavef Bæjarins besta á Ísafirði.
Að beiðni hafnarstjórnar hefur ver-
ið gerð úttekt á upphleðslu rafsviðs
og rafsegulsviði í húsinu. Í skýrslu
um úttektina kemur fram að talin
er þörf á ýmsum úrbótum til að
minnka líkur á óæskilegum áhrifum
rafsegulsviðsins. Hafnarstjórn bók-
aði um málið að hún teldi það for-
gangsverkefni að Orkubúið skermi
af eða geri jafngildar viðeigandi
ráðstafanir til að loka rafsegulsvið
frá spenni Orkubúsins, þannig að
ekki verði um að ræða óæskilegt
rafsegulsvið á hafnarskrifstofunni,
eins og segir í bókun hafn-
arstjórnar.