Morgunblaðið - 25.09.2003, Blaðsíða 34

MINNINGAR
34 FIMMTUDAGUR 25. SEPTEMBER 2003 MORGUNBLAÐIÐ
✝ Ástfinna Páls-dóttir fæddist á
Siglufirði 16. október
1916. Hún lést 22. júlí
síðastliðinn. Foreldr-
ar hennar voru: Páll
Guðmundsson vél-
stjóri, f. 1875, d. 1948
og Halldóra Stefáns-
dóttir húsfreyja f.
1882, d. 1964, oftast
nefnd Páll og Hall-
dóra í Bænum. Ást-
finna var 10. í röð 15
systkina. Elst var Að-
albjörg, f. 1905, Guð-
mundur, f. 1907,
Lovísa, f. 1908, Axel Vilberg, f.
1909, Marselína, f. 1910, Sigrún, f.
1912, Guðmundur, f. 1914, Nanna,
f. 1915, Ástfinna, sem hér er
minnst, f. 1916, Gyða, f. 1918,
Anna, f. 1919, Guðrún, f. 1920,
Stefán, f. 1921 og yngst Valgerð-
ur, f. 1923. Ein systir er á lífi,
Nanna, og býr í Reykjavík.
Vegna veikinda Halldóru var
Ástfinnu komið á heimili Björns
Pálssonar útgerðarmanns, f.
1860, d. 1948 og barna hans, heim-
ilið var oftast var nefnt Þöngla-
skáli. Systkinin sem Ástfinna ólst
upp með hétu: Sveinn, f. 1883, d.
1947 , Páll, f. 1887, d. 1943, Anna
Guðrún, f. 1890, d. 1943, Árný, f.
1892, d. 1965, Steinunn, f. 1900, d.
1942, Þorvaldur, f.
1901, d. 1942 og
Árni, f. 1905, d.
1969. Þær Guðrún
og Árný hugsuðu um
Ástfinnu í uppvext-
inum, Björn var
henni mjög góður
faðir og var hún sem
eitt af börnum hans.
Árið 1946 kynntist
Ástfinna manni sín-
um Haraldi Alberts-
syni bifreiðastjóra, f.
10. ágúst 1906, d. 9.
okt. 1983. Synir
þeirra eru: 1) Guð-
björn, f. 29. febr. 1948, kona hans
er Anna Óskarsdóttir og á hann
fimm börn, þau eru: Ásta Kristín,
Haraldur, Guðbjörn, Heiðrún
Erla og Margrét. 2) Kristján Flóv-
ent, f. 14. jan. 1952, kona hans er
Pálína Pálsdóttir, börn þeirra eru
Kristján og Guðrún. 3) Árni Val-
garð, f. 27. nóv. 1955, kona hans
er Hafdís Eyland Gísladóttir og
börn þeirra eru Guðleif Ósk, Har-
aldur Gísli og Hafdís Ósk. Barna-
barnabörnin eru sjö.
Ástfinna vann við fisk nánast
alla sína starfsæfi og var í síld á
sumrin á meðan hún var, síðast
vann hún í frystihúsinu Ísafold.
Útför Ástfinnu fór fram frá
Siglufjarðarkirkju 29. júlí.
Elsku amma.
Það var svolítið áfall þegar
pabbi hringdi og lét vita að þú
værir dáin, þótt við höfum lengi
vitað að þetta væri á næsta leiti.
Maður hélt alltaf að þú yrðir alltaf
hér hjá okkur, búin að vera hjá
okkur alla okkar ævi og orðin
þetta gömul. Og við búin að bralla
margt saman í gegnum árin, það
var alltaf best að vera hjá ömmu,
því þar mátti maður allt og öll boð
og bönn hjá mömmu og pabba, ja
þau gleymdust stundum eða þar til
mamma og pabbi komust að því.
Marga daga og kvöld áttum við
saman og alltaf var til nóg af
nammi, og þótt það væri að koma
matur þá var alltaf fenginn einn
moli í nesti (eða kannski tveir) til
að borða á leiðinni heim. Einnig
var alltaf hægt að plata þig í
sjoppuna til að kaupa ís, pitsu eða
einhvern ruslmat, mamma og
pabbi sögðu oft að ef þú hefðir
verið unglingur í dag þá myndir
þú lifa á hamborgurum, pitsum og
svoleiðis skyndimat því þér fannst
það svo gott og okkur fannst það
frábært. Það var alltaf fundið eitt-
hvað að gera þegar maður kom í
heimsókn, að syngja, lita, spila eða
leika með Púlla, plastdúkkuna sem
allur tíminn fór í að láta þig setja
lappirnar og hendurnar á fyrir
mann af því það var alltaf að detta
af, en maður fékk samt aldrei leið
á að leika með hana. Það var líka
alveg sama þótt við værum öll hjá
þér, við systkinin og hin barna-
börnin þá var aldrei neinn hafður
út undan, þú fannst tíma fyrir alla
og reyndir að láta öllum líka og
líða vel.
Við systkinin eigum eftir að
sakna þín sárt, en vitum að nú líð-
ur þér vel og þú finnur ekki til, við
vitum líka að einhvern tíman eig-
um við eftir að hitta þig aftur, það
verður líka gott að vita að nú bæt-
ist einn í hópinn þarna uppi sem
mun vaka yfir okkur.
Hvíl í friði, elsku amma.
Þín
Guðleif, Haraldur og
Hafdís Árnabörn.
Elsku amma mín, þá ertu farin
og ég vona þér líði vel þar sem þú
ert, hjá afa, Árnu, og systkinum.
Siglufjörður var sveitin mín þegar
ég var lítil og voru ófáar ferðirnar
sem farnar voru þangað, hvort
sem var um sumar eða vetur og
minnist ég þesssa daga með hlýju
og brosi í hjarta. Þar var ætíð gist
hjá þér og afa á Laugaveginum og
seinna á Eyrargötunni, og þótt
þröngt væri þar fór aldrei illa um
okkur. Þá leið tíminn hratt, spilað
á spil og hlegið mikið þegar heið-
arleg tilraun var gerð til að svindla
í ólsen ólsen. Og minnist ég eins
skiptis þegar borðuð voru bráðnuð
páskaegg.
Aldrei heyrðum við þig tala illa
um einn eða neinn eða kvarta und-
an einu eða neinu, hvorki veik-
indum eða þótt svolítið langt liði
milli heimsókna.
Það skipti mig miklu máli að ég
fékk að kveðja þig daginn áður, en
þú fórst ekki langt því við fundum
öll fyrir nærveru þinni þann fal-
lega dag sem þú varst jörðuð, sólin
braust fram eftir rigningu fyrr um
morguninn, falleg blóm í fallegri
og vinalegri kirkju sem fylltist af
fólki sem vildi kveðja þig.
Elsku amma mín, við eigum eft-
ir að sakna þín, við sjáumst síðar.
Af eilífðarljósi bjarma ber,
sem brautina þungu greiðir.
Vort líf, sem svo stutt og stopult er,
það stefnir á æðri leiðir.
Og upphiminn fegri en auga sér
mót öllum oss faðminn breiðir.
(Einar Benediktsson.)
Heiðrún Erla Guðbjörnsdóttir.
Elsku amma, ég man þegar ég
kom til Siglufjarðar á Laugarveg-
inn á yngri árum með pabba. Þá
voru ein jól mér sérstaklega
minnistæð, en það var þegar við
komun seint um kvöldið og það var
vont verður, við komum um mið-
nætti en samt beiðst þú með mat-
inn handa okkur, það skipti þig
engu máli hvenær við komum,
bara að við komum, þá varst þú
búin að búa um rúmið fyrir mig og
svo færðir þú þitt rúm að mínu.
Húsið á Laugarveginum var
stórt svo það var hægt að hlaupa
um, og háaloftið var í uppáhaldi
hjá mér, en þar sat ég í stiganum
og var að teikna myndir handa þér
sem þú hengdir svo upp. Eitt sum-
arið var ég hjá þér, þá bjóst þú á
Eyrargötunni, það var gott sumar
og við kynntumst hvor annarri
mun betur og við sátum stundum
við eldhúsborðið og spiluðum og
töluðum saman um hitt og þetta.
Allar þessar ferðir til Siglufjarð-
ar eru mér mjög minnisstæðar á
mínum yngri árum og eftir að ég
eignaðist sjálf fjölskyldu var gam-
an að koma á Siglufjörð til þín. Al-
dís mín hlakkaði alltaf til að sjá
langömmu sína með fallegu augun
og talaði mikið um hvað henni
þótti vænt um þig.
Elsku amma mín, núna ertu
komin til afa og ég veit að þér líð-
ur vel og megi guð geyma þig og
varðveita þig, elsku amma mín.
Ásta Kristín Guðbjörnsdóttir.
ÁSTFINNA
PÁLSDÓTTIR
Nú er baráttunni
lokið, kæri vinur, og við
sem eftir erum verðum að horfast í
augu við lífið án þín.
Þú varst minn vetrareldur.
Þú varst mín hvíta lilja,
bæn af mínum bænum
og brot af mínum vilja.
REYNIR HALLDÓR
HILMARSSON
✝ Reynir HalldórHilmarsson
fæddist í Reykjavík
21. júlí 1961. Hann
andaðist á krabba-
meinsdeild Landspít-
alans v. Hringbraut
fimmtudaginn 11.
september og var út-
för hans gerð frá
Fríkirkjunni í
Reykjavík 18. sept-
ember.
Við elskuðum hvort
annað,
en urðum þó að skilja.
Ég geymi gjafir þínar
sem gamla helgidóma.
Af orðum þínum öllum
var ilmur víns og blóma.
Af öllum fundum okkar
slær ævintýraljóma.
Og þó mér auðnist aldrei
neinn óskastein að finna,
þá verða ástir okkar
og eldur brjósta þinna
ljós á vegi mínum
og lampi fóta minna.
(D. Stef.)
Elskulega fjölskylda, megi góður
guð styrkja ykkur og hugga, hugur
minn er hjá ykkur öllum.
Guðrún Guðmundsdóttir,
Keflavík.
Lundi V/Nýbýlaveg
564 4566 • www.solsteinar.is
Sími 562 0200
Erfisdrykkjur
Ástkær eiginkona mín, móðir okkar, tengda-
móðir, amma og langamma,
RAGNHEIÐUR BERGMUNDSDÓTTIR
frá Látrum í Aðalvík,
síðast Víðihlíð,
Austurvegi 5, Grindavík,
andaðist á Heilbrigðisstofnun Suðurnesja sunnu-
daginn 21. september.
Jarðsungið verður frá Grindavíkurkirkju laugar-
daginn 27. september kl. 13.30.
Blóm og kransar vinsamlegast afþakkaðir, en þeir, sem vilja minnast
hennar, láti Sjálfsbjörg á Suðurnesjum njóta þess.
Gísli Hólm Jónsson,
Ester Gísladóttir, Vigfús Árnason,
Haraldur Gíslason,
Ágústa Halldóra Gísladóttir, Hafsteinn Sæmundsson,
Margrét Rebekka Gísladóttir, Gunnar Eyjólfs Vilbergsson,
Sigríður Jóna Gísladóttir, Þórarinn Heiðmann Guðmundsson,
Páll Gíslason, Ásta Agnes Jóhannesdóttir,
Inga Fríða Gísladóttir, Óttar Hjartarson,
ömmu- og langömmubörn.
Færum öllum þeim, sem sýndu okkur samúð,
vináttu og hlýhug, vegna andláts og útfarar
elskulegrar móður okkar, tengdamóður, ömmu
og langömmu,
GUÐRÚNAR ÁGÚSTU
SAMSONARDÓTTUR,
Hrafnistu, Hafnarfirði,
áður til heimilis
á Patreksfirði.
Stella Gísladóttir, Richard Kristjánsson,
Bjarney Gísladóttir, Eyjólfur Þorkelsson,
Sigríður Björg Gísladóttir, Jóhann Svavarsson,
Snæbjörn Gíslason, Kristín Finnbogadóttir,
Guðmundur Bjarni Gíslason,
Margrét Jóna Gísladóttir, Hálfdán Þórhallsson,
barnabörn og barnabarnabörn.
Elskuleg móðir okkar, tengdamóðir, amma
og langamma,
BOGA KRISTÍN KRISTINSDÓTTIR
MAGNUSEN,
Skarði 2,
Skarðsströnd,
verður jarðsungin frá Skarðskirkju laugar-
daginn 27. september kl. 14.00.
Ólafur Eggertsson, Svava Hjartardóttir,
Elinborg Eggertsdóttir, Kristinn Thorlacíus,
barnabörn og barnbarnabörn.
Elskuleg móðir okkar og tengdamóðir,
EYDÍS EINARSDÓTTIR,
áður til heimilis í Víðilundi 2F,
Akureyri,
andaðist á dvalar-og hjúkrunarheimilinu Hlíð
þriðjudaginn 23. september.
Sigurður B. Jónsson, Alda Ingimarsdóttir,
Ólafur B. Jónsson, Jóna Anna Stefánsdóttir,
Þórarinn B. Jónsson, Hulda Vilhjálmsdóttir.
Ástkær eiginmaður minn, faðir okkar, tengda-
faðir og afi,
ÓLAFUR BJÖRGVIN GUÐMUNDSSON,
Hafnarstræti 9,
Akureyri,
varð bráðkvaddur þriðjudaginn 23. september.
Ragnheiður Antonsdóttir,
Björgvin Ólafsson, Karólína Baldvinsdóttir,
Jóhanna Sigurbjörg Ólafsdóttir,
Anton Ólafsson,
Þorri og Sunna.