Morgunblaðið - 25.09.2003, Blaðsíða 13
ERLENT
MORGUNBLAÐIÐ FIMMTUDAGUR 25. SEPTEMBER 2003 13
Þ j ó n u s t u f y r i r t æ k i á h e i l b r i g ð i s s v i ð i
B L Ó Ð Þ R Ý S T I N G S M Æ L I R
GD
J
TVEIR kanadískir þingmenn hafa
sagt sig úr sendinefndinni sem fylgir
Adrienne Clarkson, landstjóra Kan-
ada, í opinbera heimsókn til Rúss-
lands, Finnlands og Íslands. Vilja
þingmennirnir með þessum hætti
mótmæla þeim kostnaði sem lagt er
í vegna ferðarinnar, að sögn kan-
adíska dagblaðsins National Post.
Kostnaður við ferðina er sagður
nema um einni milljón Kanadadoll-
ara, eða um 56 milljónum íslenskra
króna.
Clarkson og fylgdarlið hennar er
nú í Rússlandi og átti hún þar fund
með Vladimír Pútín forseta í gær.
Að honum loknum sögðu þau m.a.
við fréttamenn að brýna nauðsyn
bæri til að Kanadamenn og Rússar
störfuðu saman að vernd norður-
heimskautssvæðisins sem löndin
væru bæði hluti af. Kemur þetta
fram á fréttavef kanadíska blaðsins
The Globe and Mail í gær.
Miklar deilur hafa staðið í kan-
adískum fjölmiðlum undanfarið um
ferð Clarksons, eiginmanns hennar
og tæplega 60 annarra fulltrúa úr
kanadísku stjórnmála-, lista- og at-
vinnulífi til landanna þriggja undir
yfirskriftinni „norðrið nú á dögum“.
Þannig sagði National Post í leiðara
fyrr í mánuðinum að fyrirhuguð
„skemmtireisa“ landstjórans virtist
ekki þjóna neinum réttmætum til-
gangi og því væri réttast að þeir sem
í hana færu myndu sjálfir borga
brúsann.
„Ég held að gagnrýni eigi sér
ýmsar ástæður, og í þessu tilviki
held ég að meginorsökin sé van-
þekking á því hvað við ætlum að
gera, og skortur á vilja til að vita
það,“ sagði Clarkson um þessa gagn-
rýni er hún ræddi við rússneska,
finnska og íslenska blaðamenn í
Ottawa í síðustu viku. „Og sumir
halda að það sé hægt að reka utan-
ríkisstefnu og kynna menningarlíf
landsins og umhverfismál án þess að
það kosti peninga. En það er óhugs-
andi.“ Clarkson benti ennfremur á,
að ferðin væri farin að undirlagi
kanadísku ríkisstjórnarinnar, ekki
landstjóraembættisins sjálfs.
Þingmenn er sæti eiga í nefnd
sem hefur eftirlit með fjárreiðum
hins opinbera hafa farið fram á það
að rannsakað verði í hvað Clarkson
verji fjármunum landstjóraembætt-
isins, að því er The Globe and Mail
greindi frá fyrr í vikunni. Segir í
frétt blaðsins að þingmennirnir
bendi á ferðina til Rússlands, Finn-
lands og Íslands sem eina helstu
ástæðuna fyrir því að slíkrar rann-
sóknar sé þörf.
Þó er ekki útlit fyrir að af slíkri
rannsókn verði, að því er fram kem-
ur í frétt National Post í fyrradag,
og hefur blaðið eftir stjórnarand-
stöðuþingmönnum að stjórnarþing-
menn í nefndinni hafi „guggnað á að
takast á við þetta mál“.
Landstjóri Kanada svarar gagnrýni á opinbera heimsókn
Tveir þingmenn af-
boða þátttöku sína
Morgunblaðið/KGA
Clarkson ræðir við erlenda blaðamenn í landstjórabústaðnum í Ottawa.DÚKKAN Razanne er allt það sem
dúkkan Barbie er ekki – er í kjól
með löngum ermum, hefur slæðu,
svonefnda hijab, um höfuðið, og
eins og hönnuður hennar, Ammar
Saadeh, viðurkennir sjálfur er
mittið ekki sérlega grannt. Barbie
lætur mikið á sér bera og leggur
allt upp úr kynþokkanum, en Raz-
anne er hógvær og trúrækin. Það
er einmitt þess vegna sem margir
múslímar í Bandaríkjunum vilja
heldur gefa börnum sínum Raz-
anne en Barbie.
En það er ekki einungis að Raz-
anne fylli upp í tómarúm á mark-
aðinum, segir Saadeh, heldur
finna íslamskar stúlkur þar sálu-
félaga. „Það sem við viljum segja
með því að framleiða þessa dúkku
er að það sé hinn innri maður sem
máli skipti, ekki það hvernig mað-
ur lítur út,“ segir Saadeh, sem
stofnaði fyrirtækið NoorArt ásamt
konu sinni og nokkrum fjár-
festum, með bækistöðvar í Livonia
í Michigan í Bandaríkjunum.
Mimo Debryn, í West Bloom-
field, keypti Razanne-dúkku
handa 11 ára dóttur sinni, Jennu,
fyrir fjórum árum. „Razanne er
eins og flestar þær konur sem
Jenna þekkir,“ sagði Debryn.
„Jennu þykir mjög vænt um Raz-
anne og hugsar vel um hana, og
hún á sérstakan stað í herberginu
hennar Jennu, sem hefur aldrei
tekið af henni slæðuna. En Barbie
er yfirleitt tekin úr öllum föt-
unum.“
APJenna Debryn, 11 ára, með Razanne-dúkkuna sína.
Ekki Barbie
BANDARÍSKUR hermaður, sem
starfaði sem túlkur í Guantanamo,
þar sem föngum úr Afganistanstríð-
inu er haldið, hefur verið handtekinn,
grunaður um njósnir og aðstoð við
óvininn. Verið er að kanna hvort
stjórnvöld í Sýrlandi séu viðriðin mál-
ið.
Talsmaður Pentagons,
bandaríska hermálaráðu-
neytisins, skýrði frá þessu
í fyrrakvöld en hermaður-
inn, sem um ræðir, heitir
Ahmad I Al Halabi, 24 ára
gamall múslími frá
Detroit. Að sögn NBC-
sjónvarpsstöðvarinnar er
hann sakaður um að hafa
sent upplýsingar um nöfn
og númer fanga til fjand-
manna Bandaríkjanna og
einnig, að í fartölvunni
hans hafi verið 180 tölvu-
póstbréf, sem hann átti
eftir að senda til Sýr-
lands.
Al Halabi er að auki sakaður um að
hafa haft í fórum sínum tvö hand-
skrifuð bréf frá föngum með upplýs-
ingum um upplýsingaöflun Banda-
ríkjamanna og áætlanir þeirra í
hryðjuverkastríðinu og hann er sagð-
ur hafa haft undir höndum nákvæmar
upplýsingar um ferðir herflugvéla til
og frá Guantanamo og kort af mann-
virkjum þar. Al Halabi á dauðadóm
yfir höfði sér verði hann fundinn sek-
ur.
Um síðustu helgi var skýrt frá því,
að annar hermaður, James Yee, kapt-
einn og herprestur, hefði verið hand-
tekinn 10. september sl. og einnig fyr-
ir njósnir. Virðist sem málin séu ekki
tengd þótt þau hafi komið upp á sama
tíma.
Fékk trúarlega upp-
fræðslu í Sýrlandi
Sagt er, að Yee, sem er af kínversk-
um ættum og snerist til íslamstrúar,
hafi einnig verið tekinn með leynileg-
ar upplýsingar í fórum sínum, meðal
annars nákvæman
uppdrátt af fanga-
búðunum í Guant-
anamo. Starfaði hann
þar sem trúarlegur
sálgæslumaður fang-
anna og ráðunautur
yfirmanna sinna í
málefnum múslíma.
Yee útskrifaðist frá
West Point-herskól-
anum en hætti í hern-
um og fór til Sýrlands
þar sem hann hlaut
trúarlega upp-
fræðslu. Að því búnu
gekk hann aftur í her-
inn.
Herstöðin á Guant-
anamo á Kúbu var valin sem búðir
fyrir fanga í hryðjuverkastríðinu
vegna þess hve einangruð hún er og
vegna þess, að hún er utan lögsögu
bandarískra dómstóla. Þrátt fyrir það
virðist sem njósnarar hafi verið þar
að verki í einhvern tíma.
Bandarísk yfirvöld eru nú að kanna
hvort stjórnvöld í Sýrlandi tengist
þessum málum á einhvern hátt en
Ahmad al-Hassan, upplýsingaráð-
herra landsins, vísaði slíkum vanga-
veltum á bug í gær.
Hermaður sak-
aður um njósnir
í Guantanamo
James Yee
Tveir meintir
njósnarar teknir
á hálfum mánuði
Washington. AFP.