Morgunblaðið - 04.10.2003, Qupperneq 9

FRÉTTIR
MORGUNBLAÐIÐ LAUGARDAGUR 4. OKTÓBER 2003 9
UMBOÐSMAÐUR Alþingis
hefur hafnað því að taka til efn-
islegrar meðferðar kvörtun
ASÍ um að starfsmönnum rík-
isins sé á „ómálefnalegan hátt
mismunað“ í lífeyriskjörum
vegna stéttarfélagsaðildar
sinnar. Að sögn Grétars Þor-
steinssonar, forseta ASÍ, og
Magnúsar M. Norðdahl, lög-
fræðings ASÍ, veldur niður-
staðan vonbrigðum. Segir
Grétar við Morgunblaðið að
niðurstaðan hafi komið sér á
óvart. Haft er eftir Magnúsi á
vef ASÍ að umboðsmaður hafi
haft verulegt tilefni til að kanna
málið og án þess að þurfa til
þess formlega kvörtun.
ASÍ sendi umboðsmanni Al-
þingis erindi 29. ágúst sl. þar
sem kvartað er yfir „brotum“
fjármálaráðuneytisins gegn
ákvæðum stjórnarskrár og
stjórnsýslulaga en ráðuneytið
kæmi fram sem launagreiðandi
og vinnuveitandi gagnvart öll-
um starfsmönnum ríkisins.
Taldi ASÍ ríkið mismuna
starfsmönnum sínum mjög
gróflega í lífeyrisréttindum eft-
ir því hvort þeir ættu aðild að
opinberu félögunum og þá Líf-
eyrissjóði starfsmanna ríkisins
eða þeim sem tilheyrðu ASÍ og
almennu lífeyrissjóðunum.
Umboðsmaður Alþingis til-
kynnti svo ASÍ það með bréfi 1.
október sl. að taka málið ekki til
meðferðar þar sem það félli ut-
an starfssviðs embættisins.
Aðildin takmörkuð
frá upphafi
Í bréfi umboðsmanns segir
m.a. að frá stofnun Lífeyris-
sjóðs starfsmanna ríkisins hafi
aðild að honum verið takmörk-
uð með lögum. Rekur umboðs-
maður ýmsar lagabreytingar
frá stofnun sjóðsins árið 1921.
Kvörtun ASÍ snúi að fyrir-
komulagi sem löggjafarvaldið
hafi ákveðið að skuli gilda í
þessum efnum. Samkvæmt lög-
um um umboðsmann taki
starfssvið hans ekki til starfa
Alþingis. Það sé því ekki al-
mennt í verkahring umboðs-
manns að leggja dóm á það
hvernig til hafi tekist með lög-
gjöf sem Alþingi hafi sett. Um-
boðsmanni sé heimilt að taka til
athugunar hvort meinbugir séu
á gildandi lögum, en lögin um
embættið geri ekki ráð fyrir því
að hægt sé að bera fram kvört-
un til umboðsmanns beinlínis af
því tilefni. „Ég tel því ekki til-
efni til að taka mál það sem
kvörtunin beinist að til frekari
umfjöllunar af minni hálfu,“
segir loks í bréfi umboðsmanns
til ASÍ.
Umboðs-
maður Al-
þingis hafn-
ar kvörtun
ASÍ
TVEIR þriðju hlutar þjóðarinnar
eru hlynntir og þriðjungur þjóðar-
innar andvígur aðskilnaði ríkis og
kirkju eða jafnmargir og fyrir einu
ári, að því er kemur fram í nýjum
Þjóðarpúlsi Gallups. Einungis eru
tekin svör þeirra sem taka afstöðu.
Þegar á hinn bóginn eru tekin svör
allra þá eru tæplega 59% hlynnt,
tæplega 29% andvíg og tæplega 13%
hvorki hlynnt eða andvíg aðskilnað-
inum. Stjórnarandstæðingar eru
hlynntari aðskilnaði en þeir sem
fylgja ríkisstjórnarflokkunum.
Meirihluti enn
hlynntur að-
skilnaði ríkis
og kirkju
UMFJÖLLUN þáttarins „Ísland í
bítið“ á Stöð 2 þann 1. apríl sl. um
starfsemi erótískrar nuddkonu og
daginn eftir um starfsemi vændis-
konu felur ekki í sér brot á 3. grein
siðareglna Blaðamannafélags Ís-
lands, samkvæmt úrskurði siða-
nefndar BÍ.
Kærð var upptaka og birting um-
rædds dagskrárefnis og þar sem
málin voru hliðstæð um flesta hluti
ákvað siðanefndin að fjalla um þau
sameiginlega, samkvæmt frétt á
heimasíðu BÍ. Kærendur sögðu
upptökurnar gerðar í algjöru leyf-
isleysi og án sinnar vitundar. Dag-
skrárgerðarmaðurinn hefði haft
brögð í tafli til að koma „athæfi sínu
og verknaði í kring“. Eftir kynningu
31. mars á væntanlegu dagskrárefni
hefði verið óskað eftir að útsending-
arnar færu ekki fram en því hefði
verið hafnað. Kærendur töldu þetta
brot á 3. gr. siðareglna BÍ. Forstjóri
Norðurljósa taldi að kærunni væri
beint gegn röngum aðilum, þar sem
hvorki félagið né yfirmaður ís-
lenskrar dagskrár ætti aðild að BÍ
og engin rök væru færð fyrir lög-
sögu siðanefndar BÍ í málinu. Í um-
fjöllun siðanefndar kemur fram að í
samræmi við lokamálsgrein 6. gr.
siðareglna BÍ sé ljóst að siðanefndin
hafi lögsögu í kærumálinu og geti
lagt rökstutt álit á kæruefnið. „Siða-
nefnd er sammála lögmanni kær-
enda um að að öðru jöfnu hefðu hin
óhefðbundnu vinnubrögð við efnis-
öflun hjá kærendum getað falið í sér
brot á siðareglum BÍ. Á hinn bóginn
ber að líta til þess að um er að ræða
starfsemi sem erfitt er að afla upp-
lýsinga um en óhjákvæmilega kallar
á umfjöllun fjölmiðla, starfsemi þar
sem ólíklegt var að hefðbundin
vinnubrögð fréttamanns hefðu skil-
að fullnægjandi árangri. Þess var
gætt við útsendingu efnisins að
kærendur þekktust ekki. Hljóð og
mynd voru brengluð þannig að jafna
má við nafnleynd kærenda. Því tel-
ur siðanefnd að kærðu hafi ekki í
umrætt sinn, eins og sérstaklega
stóð á, brotið 3. gr. siðareglna BÍ.
Hin kærða umfjöllun var innan
þeirra marka sem kærendur máttu
búast við,“ segir í umfjöllun nefnd-
arinnar.
Siðanefnd Blaðamannafélagsins
Ísland í bítið
ekki brotlegt Síðar peysur
Eddufelli 2 Bæjarlind 6
s. 557 1730 s. 554 7030
Opið mán.—fös. frá kl. 10—18
lau. kl. 10—16
Laugavegi 63, sími 551 4422
Ítölsk
fágun
og gæði
Laugavegi 63, sí i 551 4422
Ný sending
Tweed-jakkar, flauelsjakkar,
flauelspils
Engjateigi 5, sími 581 2141.
Opið virka daga frá kl. 10.00—18.00, laugardaga frá kl. 10.00—16.00.
Laugavegi 84, sími 551 0756
Síðir kjólar, samkvæmisbuxur og jakkar
Neðst við Dunhaga, sími 562 2230 Opið í dag kl. 10-15.
Flauelsbuxur,
vesti og bolir
Laugavegi 4, sími 551 4473
• www.lifstykkjabudin.is
Póstsendum
Langur laugardagur
15% afsláttur
af öllum vörum
Neðri hæðin opin
30-70% afsláttur þar
OG FLEIRI GÓÐ TILBOÐ
SKÓLAVÖRÐUSTÍG 2, SÍMI 551 1080
TVEIR FYRIR EINN
AF VARALITUM OG GLOSSUM