Morgunblaðið - 08.10.2003, Blaðsíða 2

FRÉTTIR
2 MIÐVIKUDAGUR 8. OKTÓBER 2003 MORGUNBLAÐIÐ
FÉKK TÓG Í SKRÚFUNA
Litlu mátti muna að illa færi þeg-
ar Fossá ÞH fékk tóg í skrúfuna um
tvær sjómílur út af Langanesi um
klukkan 19 í gærkvöldi. Skipið rak
stjórnlaust að landi en náði að festa
akkeri um mílu frá landi.
Skylduaðild ekki heimil
Ekki eru lagalegar forsendur fyr-
ir því að meina verslunar- og skrif-
stofufólki að greiða iðgjöld til ann-
arra lífeyrissjóða en Lífeyrissjóðs
verslunarmanna. Þetta má lesa út úr
lögfræðiáliti sem unnið var fyrir
Samtök atvinnulífsins.
Gjöld á bíleigendur hækka
Útgjöld bíleigenda hækka að með-
altali um 8–12 þúsund krónur á ári
vegna hækkunar annars vegar á al-
mennu vörugjaldi af bensíni og hins
vegar sérstöku vörugjaldi af bensíni.
Fjármálaráðherra segir hækkunina
vera tæplega helming þess sem al-
mennt verðlag hefur hækkað frá
árinu 1999.
Tyrkir sendi herlið til Íraks
Þing Tyrklands samþykkti í gær
með 358 atkvæðum gegn 183 beiðni
stjórnarinnar um að senda þúsundir
hermanna til friðargæslu í Írak.
Mikil andstaða er þó meðal almenn-
ings í Tyrklandi við þessi áform
stjórnarinnar og hermt var að íraska
framkvæmdaráðið í Bagdad hefði
hafnað því að Tyrkir tækju þátt í
friðargæslunni.
Sharon sagður vilja styrjöld
Forseti Sýrlands, Bashar al-
Assad, sakaði í gær Ariel Sharon,
forsætisráðherra Ísraels, um að hafa
reynt að draga Sýrlendinga og fleiri
arabaþjóðir inn í átök Palest-
ínumanna og Ísraela og hefja nýja
styrjöld í Mið-Austurlöndum. Shar-
on sagði að Ísraelar myndu ekki
hika við að ráðast á hryðjuverka-
menn hvar sem þeir væru í Mið-
Austurlöndum til að vernda ísr-
aelska borgara.
Þrír fá Nóbelsverðlaun
Þrír vísindamenn, Alexei Abriko-
sov, Vitaly L. Ginzburg og Anthony
J. Legget, hljóta Nóbelsverðlaunin í
eðlisfræði í ár fyrir rannsóknir á
sviði skammtafræði, svo sem á of-
urleiðni og ofurflæði.

DUCATI REYNSLUEKIÐ

AUKNAR ÁLÖGUR

IVECO STRALIS
DEMANTS LINCOLN

Á SILVERSTONE

DÍSIL EÐA BENSÍN

FORD MONDEO
MEÐ 170 HESTAFLA V6 VÉL
FLATAHRAUNI 31 • HAFNARFIRÐI
SÍMI 555 6025 • www.kia.is
KIA ÍSLAND
Bílar sem borga sig!
Láttu flér ekki ver›a kalt!
Fjarstart með eða án þjófavarnar.
Hlýleg tilhugsun.
S u ð u r l a n d s b r a u t 2 2
S í m i 5 4 0 1 5 0 0
w w w. l y s i n g . i s
LÝSING
Alhliða
lausn í
bílafjármögnun
Yf ir l i t
Í dag
Sigmund 8 Viðhorf 30
Viðskipti 14 Umræðan 30/31
Erlent 15/17 Minningar 32/34
Heima 18 Kirkjustarf 34
Höfuðborgin 19 Bréf 36
Akureyri 20 Dagbók 38/39
Suðurnes 21 Sport 40/43
Landið 22 Fólk 44/49
Daglegt líf 23 Bíó 46/49
Listir 24/25 Ljósvakamiðlar 50
Forystugrein 26 Veður 51
* * *
* 5 línur, tilboðið gildir til 31. desember 2003
Smáauglýsing
á aðeins 500 kr.*
Alltaf á laugardögum
Áskrifendum Morgunblaðsins býðst smáauglýsing fyrir aðeins 500 kr.*
Almennt verð er 1.689 kr.
Pantanafrestur er til kl. 12.00 á föstudögum.
Hafðu samband!
Auglýsingadeild Morgunblaðsins
sími 569 1111 eða augl@mbl.is
inga hafi náð tilskildum 70% meirihluta.
Málið dæmdu hæstaréttardómararnir Markús
Sigubjörnsson, Árni Kolbeinsson og Gunnlaugur
Claessen. Lögmaður Móa var Sigmundur Hann-
esson hrl. og lögmaður Hamars og Reykjagarðs
Jóhann H. Níelsson hrl.
Dómurinn áfall fyrir Móa
Kristinn Gylfi Jónsson, stjórnarformaður Móa
hf., segir dóm Hæstaréttar áfall fyrir félagið, en að
allra ráða verði leitað til að verja hagsmuni félags-
ins og kröfuhafa þess. „Við munum skoða alla
möguleika, en við höfum unnið ötullega og sam-
kvæmt lögum að því að ná fram fjárhagslegri end-
urskipulagningu félagins,“ segir hann. „Við höfum
haft trú á starfsemi félagsins til framtíðar litið og
munum leita allra leiða til þess að forða því frá
gjaldþroti.“
HÆSTIRÉTTUR hnekkti í gær dómi Héraðs-
dóms Reykjavíkur með því að fallast á kröfu lán-
ardrottna fuglabúsins Móa hf. um að hafna stað-
festingu nauðasamnings Móa við lánardrottnana,
sem voru Hamar ehf. og Reykjagarður. Í nauða-
samningnum var gert ráð fyrir 70% eftirgjöf af
samningskröfum. Héraðsdómur Reykjavíkur
hafði áður staðfest nauðasamninginn en Hæsti-
réttur taldi að frumvarp Móa að nauðasamningi
hefði í raun verið fellt þegar það var borið upp á
fundi með kröfuhöfum í júní því 30,5963% atkvæða
hefðu verið andvíg en 70% atkvæða þurftu að sam-
þykkja frumvarpið.
Héraðsdómur komst að þeirri niðurstöðu, að
niðurstaða atkvæðagreiðslu um staðfestingu
nauðasamnings Móa hefði verið sú, að eftir kröfu-
fjárhæðum hefðu 70,38% fallið til samþykkis
nauðasamningafrumvarpinu og 109 greitt því at-
kvæði, eða meira en 70% atkvæða, bæði eftir
kröfufjárhæðum og höfðatölu.
Tollstjórinn í Reykjavík var meðal kröfuhafa og
var krafa hans 48,6 milljónir króna eða 6,759% af
heildarkröfunum. Fulltrúi tollstjóra mætti ekki á
fundinn, þar sem atkvæði voru greidd um nauða-
samningsfrumvarpið en þar gerði fulltrúi Móa at-
hugasemdir við kröfu tollstjóra sem umsjónar-
maður með nauðasamningsumleitunum féllst á og
lækkaði fjárhæð samningskröfu tollstjóra í 25,5
milljónir þannig að vægi atkvæðis hans eftir
kröfufjárhæð taldist 4,4049%.
Hæstiréttur telur hins vegar að umsjónarmann-
inum hafi borið að virða að vettugi athugasemdir
Móa við kröfu tollstjórans í Reykjavík og láta hana
standa óbreytta í skrá um samningskröfur með
fjárhæðinni 48,6 milljónir. Þegar það er virt telur
Hæstiréttur ekki að frumvarpið um nauðasamn-
Móar hf. fá ekki nauða-
samning sinn staðfestan
ÁTTA hjúkrunarfræðingar úr svo-
kallaðri greiningardeild slysa- og
bráðamóttökunnar í Fossvogi, sem
er send á vettvang ef stórt hópslys
verður, æfði í gærdag sig úr þyrlu
Landhelgisgæslunnar, TF-SIF.
Ellen Björnsdóttir var nýstigin út
um dyr þyrlunnar í 30 til 40 metra
hæð þegar ljósmyndari smellti af.
„Ég gæti ekki unnið mér það til lífs
að stökkva út úr flugvél með fallhlíf
og þegar ég var send í þetta í dag
fékk ég ærlegan hnút í magann. En
þegar ég var kominn í þessar að-
stæður með þessum mönnum sem
ég hef séð að störfum áður þá setti
ég allt mitt traust á þyrluáhöfnina,“
sagði Ellen eftir sigið. „Það er bara
verst að ég er hræðilega lofthrædd
líka svo þetta var ákveðinn sigur að
geta gert þetta. Það kom mér eig-
inlega á óvart hversu ótrúlega
skemmtilegt þetta reyndist vera.“
Ellen segir að þessi æfing muni
eflaust hjálpa mikið ef þær að-
stæður koma upp að hún eða aðrir
starfsmenn þurfa að síga úr þyrl-
unni við störf sín á vettvangi. „Ég
held að við séum bara vel í stakk
búnar til að takast á við eitthvað
svona,“
„Við vorum að kynna okkur
starfsemi þyrlusveitar Landhelg-
isgæslunnar, við erum að taka á
móti sjúklingum sem koma með
þyrlunni, og svo gæti það komið til
að við þyrftum að fara á vettvang.
Við vorum því í allsherjar kynning-
arheimsókn hjá þeim.“
Setti allt traust á áhöfnina
Morgunblaðið/Árni Sæberg
Hjúkrunarfræðingar æfa með Landhelgisgæslunni
HÉRAÐSDÓMUR Reykjavíkur
dæmdi þrítugan karlmann í tveggja
ára fangelsi í gær fyrir að nauðga
tveimur tvítugum konum á heimili
sínu í Reykjavík í janúar sl. Not-
færði hann sér að þær gátu ekki
spornað við kynferðisbrotunum sök-
um ölvunar og svefndrunga.
Ákærði krafðist sýknu í málinu og
að miskabótakröfum kvennanna
yrði vísað frá dómi. Hann játaði að
hafa haft mök við konurnar en sagði
það hafa verið með þeirra sam-
þykki.
Konurnar þekktu manninn og
báru fullt traust til hans, enda var
hann yfirmaður þeirra á vinnustað,
en þær fóru heim til hans síðla næt-
ur eftir að hafa skemmt sér í mið-
borg Reykjavíkur og neytt áfengis.
Hélt ákærði því fram að þær hefðu
átt frumkvæði að því að hefja um-
ræðu og athafnir til kynlífs við sig
og samfarir hafi síðan farið fram af
fúsum og frjálsum vilja allra.
Konurnar sögðust hins vegar hafa
sofnað í íbúðinni, önnur í sófa og hin
í svefnherbergi. Sú fyrrnefnda
vaknaði við að maðurinn hafði við
hana samræði. Mun hann þá áður
hafa komið fram vilja sínum við hina
konuna en hún ekki orðið neins vör.
Var það mat dómsins að fram-
burður ákærða um það hvað honum
og konunum fór á milli eftir að þær
komu á heimili hans hafi verið ótrú-
verðugur. Fengi hann heldur enga
stoð í vitnisburði stúlknanna, sem
þótti stöðugur, trúverðugur og í
góðu innbyrðis samræmi.
Auk fangelsisdómsins var ákærði
dæmdur til að greiða konunum 500
þúsund krónur hvorri í miskabætur
auk alls sakarkostnaðar.
Dæmdur í fangelsi
fyrir nauðgun
TVÆR bílveltur urðu við vestari
Héraðsvatnabrúna í Skagafirði milli
kl. 17 og 18 í gær. Fólksbíll og jeppi
eru gjörónýtir eftir velturnar, sam-
kvæmt upplýsingum lögreglunnar á
Sauðárkróki, en bílbeltin forðuðu
ökumönnunum frá meiðslum. Slysin
má rekja til ísingar er myndaðist
skyndilega í slydduéljum.
Upp úr klukkan fimm fór fólksbíll
á austurleið út af veginum við brúna
og valt út í ós Héraðsvatna. Bíllinn
endaði á hjólunum í grunnu vatninu
og gat ökumaðurinn stigið út
ómeiddur. Er verið var að koma bíln-
um upp úr ósnum rúmum hálftíma
síðar valt jeppinn út af skammt frá.
Tvær bílveltur
á sama tíma
HÉRAÐSDÓMUR Reykjavíkur
hefur dæmt karlmann í sjö mánaða
skilorðsbundið fangelsi og til
greiðslu 6,1 milljónar kr. sektar fyrir
brot á lögum um virðisaukaskatt,
lögum um tekju- og eignaskatt og
bókhaldsbrot. Ákærði játaði brot sín
fyrir dómi, en þau voru framin á ár-
unum 1998 og 1999. Efnahagsbrota-
deild ríkislögreglustjóra hafði málið
til rannsóknar og ákærði manninn,
sem var framkvæmdastjóri iðnfyrir-
tækis. Var hann ákærður fyrir að
stinga undan 2,1 milljón króna sem
hann átti að standa Tollstjóranum í
Reykjavík skil á sem virðisauka-
skatti. Þá var hann sakaður um und-
anskot upp á rúmar 900 þús. kr. í
formi tekjuskatts.
Sjö mánaða
fangelsi fyr-
ir skattsvik
♦ ♦ ♦