Morgunblaðið - 08.10.2003, Blaðsíða 14
VIÐSKIPTI/ATHAFNALÍF
14 MIÐVIKUDAGUR 8. OKTÓBER 2003 MORGUNBLAÐIÐ
ÚR VERINU
GREININGARDEILD Íslands-
banka mælir í nýrri verðmatsskýrslu
með kaupum á hlutabréfum í Lands-
bankanum. Verðmatsgengi grein-
ingardeildarinnar er 5,78 og verðbil
miðað við breytingu á ávöxtunar-
kröfu um +/- 0,50% er 5,45 til 6,14,
en 12,4% ávöxtunarkrafa er gerð til
bankans. Gengi Landsbankans við
útgáfu verðmatsins var 5,45, en loka-
gengi í gær var 5,55.
Greiningardeild Íslandsbanka
segir að umtalsverðar breytingar
hafi orðið á rekstrarspá frá síðasta
verðmati og Landsbankinn sé að lok-
inni einkavæðingu mun framsækn-
ari, kvikari og áhættusæknari banki
en áður hafi verið og sóknarhugur sé
í nýjum stjórnendum og eigendum.
Væntingar séu um bætta rekstrar-
afkomu með vaxandi tekjum og hag-
ræðingu í rekstri.
Þá telur greiningardeildin bjart
yfir bankarekstri um þessar mundir.
Væntingar séu um mikinn gengis-
hagnað banka á árinu auk þess sem
ytri aðstæður séu hagstæðar og
væntingar séu um aukin umsvif sam-
fara auknum hagvexti.
Neikvæð áhrif af fjárfestingum
með stærstu eigendum
Af neikvæðum þáttum segir í
skýrslunni að afskriftir og gæði út-
lána séu sögulegt vandamál og auk-
inn sóknarþungi auki áhættu og
sveiflur í rekstri. Þá segir að vaxandi
samkeppni stuðli að minnkandi
framlegð og að kostnaður bankans
sé mikill.
Einnig kemur fram að sameigin-
leg þátttaka bankans og stærstu eig-
enda hans í umbreytingarverkefnum
geti haft neikvæð áhrif á mat láns-
hæfisfyrirtækja og þar með aukið
kostnað við fjármögnun.
Greining Íslands-
banka mælir með
kaupum í LÍ
Morgunblaðið/Halldór Kolbeins
TVÖ rótgróin netagerðarfyrirtæki
sameinuð undir nafni Netagerðar
Friðriks Vilhjálmssonar. Jón Einar
Marteinsson verður framkvæmda-
stjóri félagsins. Þriðja fyrirtækið,
Netagerð Vestfjarða, verður dótt-
urfélag hins sameinaða félags. Sam-
einað félag og dótturfélög þess reka
alhliða veiðarfæraþjónustu á sex
stöðum á landinu, auk einnar
starfsstöðvar þar sem rekin er
þvottastöð fyrir fiskeldispoka.
Áætluð heildarvelta hinna samein-
uðu fyrirtækja, ásamt dótturfélög-
um, er um 450 milljónir á þessu ári
og heildarstarfsmannafjöldi er um
40.
Ákveðið hefur verið að sameina
Netagerð Friðriks Vilhjálmssonar
hf. og Neta- og veiðarfæragerðina
hf. undir nafni Netagerðar Friðriks
Vilhjálmssonar hf. Skiptihlutföll
hafa verið samþykkt í stjórnum fé-
laganna. Framundan eru hluthafa-
fundir í báðum félögunum þar sem
sameiningin verður lögð fyrir, en
gert er ráð fyrir að hún gildi frá og
með 1. júlí 2003.
Hampiðjan hf. á meirihluta hluta-
fjár í Neta- og veiðarfæragerðinni
og á einnig hlut í Netagerð Friðriks
Vilhjálmssonar. Stærsu hluthafar í
sameinuðu félagi verða Hampiðjan,
Eignarhaldsfélag Austurlands hf.,
sem er í meirihlutaeigu Síldar-
vinnslunnar hf., og Jón Einar Mar-
teinsson framkvæmdastjóri Neta-
gerðar Friðriks Vilhjálmssonar.
Jón Einar verður framkvæmda-
stjóri hins sameinaða félags.
Samtímis hefur verið ákveðið að
Netagerð Vestfjarða hf. verði dótt-
urfélag hins sameinaða félags.
Hampiðjan er meirihlutaeigandi í
Netagerð Vestfjarða og sameinað
félag mun kaupa hlutabréf Hamp-
iðjunnar í Netagerð Vestfjarða og
greiða fyrir með bréfum í Netagerð
Friðriks Vilhjálmssonar.
„Allt eru þetta
rótgróin fyrir-
tæki og þekkt
fyrir starfsemi
sína og þjónustu
við sjávarútveg-
inn í áratugi. Fé-
lagið mun eiga
náið samstarf við
Hampiðjuna hér
á landi og dótt-
urfélög hennar,
ekki síst á Írlandi, í Litháen og í
Danmörku. Í því samstarfi mun fé-
lagið koma að vöruþróun grunnein-
inga veiðarfæra og fiskeldiskvía og
mun draga að sér þekkingu í því
samstarfi þar sem hennar er þörf,“
segir meðal annars í frétt um sam-
eininguna. Ásmundur Helgi Stein-
dórsson hefur verið ráðinn í starf
fjármálastjóra hjá Netagerð Frið-
riks Vilhjálmssonar og kemur hann
til starfa hjá sameinuðu félagi í
Neskaupstað 1. desember næst-
komandi. Ásmundur er með meist-
arapróf í viðskiptafræði og starfar í
dag hjá Brim sem er útgerðarsvið
Hf. Eimskipafélags Íslands.
Sameinað félag með dótturfélög-
um mun eftir sameininguna bjóða
alhliða veiðarfæraþjónustu á sex
stöðum á landinu: á Fáskrúðsfirði, í
Neskaupstað, á Seyðisfirði, á Ak-
ureyri, á Siglufirði og á Ísafirði,
ásamt þvottastöð fyrir fiskeldispoka
á Reyðarfirði. Einnig rekur félagið
gúmmíbátaþjónustu á tveimur af
áðurnefnum stöðum, í Neskaupstað
og á Ísafirði. Fyrirtækið veitir al-
hliða veiðarfæraþjónustu á öllum
starfsstöðvunum og framleiðir og
þjónustar allar gerðir veiðarfæra.
Einnig verður það leiðandi fyrir-
tæki í þjónustu við fiskeldi, með
framleiðslu á netpokum og festing-
um til fiskeldis, rekstri á þvottastöð
fyrir fiskeldispoka og sölu á kvíum
og öðrum búnaði til fiskeldisstöðva.
Netagerðir
sameinast
Bjóða alhliða veiðarfæraþjónustu
á sex stöðum á landinu
Jón Einar
Marteinsson
VILHJÁLMUR Bjarnason, hluthafi
í Eimskipafélagi Íslands, hefur sent
stjórn Fjármálaeftirlitsins bréf þar
sem hann óskar eftir því að öðrum
hluthöfum í Eimskipafélaginu verði
gefinn kostur á að selja bréf í félag-
inu á sama gengi og Samson keyptu
hlut sinn af Lífeyrissjóðum Banka-
stræti 7.
„Undirritaður hluthafi í Hf. Eim-
skipafélagi Íslands fer þess á leit við
stjórn Fjármálaeftirlitsins að
stjórnin leggi fyrir aðila að samningi
um verðbréfaviðskipti dags. 19.
september sl.; þ.e. um viðskipti með
hlutabréf í Hf. Eimskipafélagi Ís-
lands, alla fyrir einn og einn fyrir
alla, að gefa öðrum hluthöfum í Hf.
Eimskipafélagi Íslands kost á að
kaupa af þeim hlutabréf þeirra í Hf.
Eimskipafélagi Íslands á gengi
a.m.k. 7,60 sem gengi í viðskiptum
„Samson“ og Lífeyrissjóða í Banka-
stræti. Hafi einhver samningsaðila
keypt hlutabréf í Hf. Eimskipafélagi
Íslands á hærra gengi sl. 6 mánuði,
þá verði það innlausnargengi.
Aðilar að samningnum eru eftir-
taldir: Fjárfestingarfélagið Straum-
ur hf. Burðarás hf. / Hf. Eimskipa-
félag Íslands, Sjóvá-Almennar
tryggingar hf., Landsbanki Íslands
hf., Samson Global Holdings, Ltd.
Ástæður þessarar beiðni eru eft-
irfarandi: Samningurinn og hliðar-
samningar frá 19. september eru
hluthafasamkomulag hluthafa sem
eiga a.m.k. 40% hlutafjár í Hf. Eim-
skipafélagi Íslands.
Samningurinn felur í sér samráð
um skiptingu eigna Hf. Eimskipa-
félags Íslands.
Hluthafasamkomulagið felur í sér
breytingu á samþykktum Hf. Eim-
skipafélags Íslands.
Samningurinn felur í sér samráð
um stjórnun á Hf. Eimskipafélagi
Íslands.
Samningurinn er að eðli og efni
samráð og hluthafasamkomulag um
eignir og stjórnun Hf. Eimskipa-
félags Íslands, samanber lög nr. 33/
2003 um verðbéfaviðskipti, VI.
kafla.
Þess er farið á leit að stjórnin taki
beiðni þessa til afgreiðslu fyrir 9.
október nk., en þá verður haldinn
hluthafafundur í Hf. Eimskipafélagi
Íslands,“ að því er segir í bréfi til
Fjármálaeftirlitsins.
Vilhjálmur Bjarnason um viðskipti með bréf í Eimskip
Allir sitji við sama borð
MORGUNBLAÐINU hefur borizt
til birtingar eftirfarandi ályktun frá
aðalfundi Útvegsmannafélags Suður-
nesja:
„Aðalfundur Útvegsmannafélags
Suðurnesja, haldinn 30. september
2003, mótmælir harðlega áformum
stjórnvalda um að tekin verði upp
sérstök ívilnun í kvóta til dagróðra-
báta sem róa með línu.
Slík ívilnun mun óhjákvæmilega
leiða til mismununar fyrirtækja inn-
an atvinnugreinarinnar, þar sem ein-
um útgerðarflokki yrðu veittar aukn-
ar veiðiheimildir á kostnað annarra.
Heildarafli á Íslandsmiðum er tak-
markaður og því er ljóst að ef til
slíkrar mismununar kemur mun það
leiða til þess að veiðiheimildir ann-
arra verða skertar að sama skapi. Ef
línubátum verður leyft að veiða meira
en núverandi aflamark þeirra kveður
á um mun það ekki aðeins koma niður
á fyrirtækjunum sem fyrir skerð-
ingnni verða og starfsfólki þeirra til
sjós og lands, heldur einnig á þeim
byggðarlögum þar sem útgerð bygg-
ist ekki á línuveiðum dagróðrabáta.
Frá því aflamarkskerfi var tekið
upp á Íslandi hafa smábátar aukið
afla sinn gríðarlega á kostnað afla-
marksskipanna. Ljóst að markmið
útgerða smábáta með svonefndri „lí-
nuívilnun“ er að ná til sín enn stærri
hluta af veiðiheimildum þeirra. Við
það verður ekki unað.“
Mótmæla línuívilnun
SJÁVARÚTVEGSRÁÐHERRA,
Árni M. Mathiesen, fer fyrir viðskipa-
sendinefnd sem sem er í Noregi þessa
dagana. Farið er til þriggja borga sem
allar eru mikilvægar á sviði sjávarút-
vegs og fiskeldis, en þær eru Tromsö,
Álasund og Bergen. Markmið ferðar-
innar er að styrkja núverandi við-
skiptasambönd á markaðssvæðinu og
koma á nýjum.
Megináherslan er lögð á að skipu-
leggja viðskiptafundi fyrir þátttakend-
ur en einnig verða ráðstefnur og litlar
sýningar í áðurnefndum borgum. Sér-
stök áhersla verður lögð á að fá lyk-
ilaðila á hverjum stað úr áðurnefndum
atvinnugreinum. Aðstaða fyrir um-
rædda fundi, ráðstefnur og sýningar
verður á Radison SAS-hótelunum. Bú-
ist er við góðri þátttöku, en gert er ráð
fyrir því að allt að 20 íslensk fyrirtæki
sem þjónusta sjávarútveginn, fisk-
vinnslu og fiskeldi, muni taka þátt í
sendinefndinni. Útflutningsráð hefur
valið samstarfsaðila sem þekkja vel til í
sjávarútvegi í Noregi og eru búsettir
ytra.
Þrátt fyrir bágt ástand sjávarútvegs
og fiskeldis í Noregi síðustu misseri, er
talið mikilvægt að vinna að kynning-
armálum á þessum markaði sem þegar
er orðinn mikilvægur fyrir mörg ís-
lensk fyrirtæki. Augljóst má vera að
mikið hagræði skapast fyrir kaupendur
í þessum borgum sem fá á einu bretti
þennan fjölda íslenskra fyrirtækja, í
stað þess að þurfa að ferðast um langan
veg til að sækja sýningar á sínu sviði.
Viðskiptasendi-
nefnd til Noregs
SPILLING er næstminnst á Ís-
landi og minnst í Finnlandi, ef
marka má lista með 133 löndum
sem stofnunin Transparency Int-
ernational hefur raðað saman. Í
þriðja til fjórða sæti listans eru
Danmörk og Nýja-Sjáland, í
fimmta sæti er Singapúr, þá Sví-
þjóð og í sjöunda sæti er Holland.
Í áttunda til tíunda sæti eru Ástr-
alía, Noregur og Sviss. Í næstu
tíu sætum eru, í þessari röð: Kan-
ada, Lúxemborg, Bretland, Aust-
urríki, Hong Kong, Þýskaland,
Belgía, Írland, Bandaríkin og
Chile.
Neðsta sæti listans skipar ríkið
Bangladesh, en í öðru og þriðja
neðsta sæti eru ríkin Nígería og
Haítí.
Af öðrum ríkjum má nefna að
Búlgaría er í 54. sæti, Kína er í
66. sæti, Indland er í 83. sæti og
Rússland er í 86. sæti.
Samkvæmt mælingunni minnk-
aði spilling milli ára í Austurríki,
Belgíu, Kólumbíu, Frakklandi,
Þýskalandi, Írlandi, Malasíu,
Noregi og Túnis. Dæmi um ríki
þar sem ástandið fer versnandi
eru Argentína, Hvíta-Rússland,
Chile, Kanada, Ísrael, Lúx-
emborg, Pólland, Bandaríkin og
Simbabve.
Á lista Transparency Int-
ernational er ríkjum raðað eftir
því hve spilltir embættis- og
stjórnmálamenn eru taldir vera.
Stofnunin skilgreinir spillingu í
þessu sambandi sem misnotkun
opinbers embættis til persónulegs
ávinnings, svo sem mútuþægni.
Næstminnst spilling á Íslandi
SAMSKIP hafa opnað skrifstofu í
Larvík í Noregi. Er þetta gert í
framhaldi af því að félagið hóf sigl-
ingar á nýrri gámaflutningaleið milli
Belgíu, Hollands og Noregs í ágúst-
lok. Rekstur skrifstofunnar heyrir
undir Ólaf E. Jóhannsson, fram-
kvæmdastjóra Samskip Norge AS, í
Moss.
Í fréttatilkynningu frá Samskip-
um segir að tveir starfsmenn verði til
að byrja með á skrifstofunni í Lar-
vík. Muni þeir m.a. sjá um alla þjón-
ustu Samskipa í Noregi vegna gáma-
flutninganna milli Óslóar, Larvíkur,
Fredrikstad, Immingham, Antwerp-
en og Rotterdam. Einnig segir í til-
kynningunni að Samskip vænti þess
að reynsla þessara tveggja starfs-
manna og þekking á flutningamark-
aðnum nýtist til að efla starfsemi fé-
lagsins enn frekar í Noregi.
Samskip opna skrif-
stofu í Larvík í Noregi
KAUPÞING Búnaðarbanki hf. hef-
ur selt 118 milljónir króna að nafn-
verði hlutafjár í Kaldbaki hf. Þetta
eru 6,72% af heildarhlutafé félags-
ins. Fyrir söluna átti bankinn 7,96%
hlut í Kaldbaki en á 1,24% eftir söl-
una. Frá þessu var greint í tilkynn-
ingu til Kauphallar Íslands í gær.
Lokaverð hlutabréfa Kaldbaks í
Kauphöllinni í gær var 4,38. Ætla
má að söluverðið á þeim hlut sem
Kaupþing Búnaðarbanki seldi hafi
því verið í kringum 480 milljónir
króna.
Ekki fengust upplýsingar hjá
Kaupþingi Búnaðarbanka í gær um
hver eða hverjir keyptu hlutabréf
bankans í Kaldbaki né hvert verðið
var. Um ástæðu sölu bankans feng-
ust aðeins þær skýringar að verðið
hafi verið gott og þessi viðskipti
hafi einungis verið hefðbundin sala
á hlutabréfum í veltubók bankans.
Kaupþing
Búnaðar-
banki selur
í Kaldbaki
LANDSBANKI Íslands hefur keypt
49% hlut Íslenskra aðalverktaka í
fasteignafélaginu Landsafli. Fyrir
átti bankinn 25,5% hlut í félaginu en
á nú 74,5%. Framtak fjárfestingar-
banki, sem er í eigu Fjárfestingar-
félagsins Straums, á 25,5% hlut í
Landsafli, og á milli Framtaks og
Landsbankans er gagnkvæmur
kaup- og söluréttur á þeim hlut og
rennur hann út um miðja næstu
viku.
Fasteignafélagið Landsafl sér-
hæfir sig í eignarhaldi, umsýslu,
rekstri og útleigu fasteigna. Félagið
hefur yfir að ráða samtals 93 þúsund
fermetrum af húsnæði, svo sem
skrifstofu-, verslunar- og iðnaðar-
húsnæði. Meðal helstu eigna eru
Höfðabakki 9, Reykjaneshöllin og
Holtagarðar.
Landsbanki
með 74,5%
í Landsafli
♦ ♦ ♦