Morgunblaðið - 09.10.2003, Blaðsíða 4

FRÉTTIR
4 FIMMTUDAGUR 9. OKTÓBER 2003 MORGUNBLAÐIÐ
KOMA ætti upp alþjóðlegum grunn-
skóla fyrir börn erlendra sérfræð-
inga sem koma hingað til lands til að
starfa tímabundið og mundi það eitt
og sér hafa mikil áhrif á áhuga er-
lendra sérfræðinga til að koma hing-
að til að vinna.
Stofnun alþjóðlegs grunnskóla á
höfuðborgarsvæðinu þar sem kennt
væri á ensku eftir alþjóðlegri nám-
skrá er meðal þess sem starfshópur
erlendra sérfræðinga, í samvinnu við
Verslunarráð Íslands, segir að
mundi gera sérfræðingunum auð-
veldara að flytjast tímabundið hing-
að til lands með fjölskyldu sína. Slík-
ir skólar eru þekktir víða um heim og
væri hægt að samnýta námskrá og
námsefni með svipuðum skólum er-
lendis, segir Lára Sólnes frá Versl-
unarráði. Skólinn gæti einnig hugs-
anlega verið sér deild í íslenskum
grunnskóla.
Adam Baker, sem stýrir einni af
deildum Íslenskrar erfðagreiningar,
segir að Ísland hafi upp á margt að
bjóða: „Við vildum bara benda á ein-
hver af þeim atriðum sem voru mik-
ilvæg fyrir okkur þegar við vorum að
íhuga að koma til Íslands og eftir að
við fluttum hingað.“
Lára segir að ekki sé vitað hversu
mörg börn gætu sótt slíkan skóla, en
segir að í undirbúningi sé að kanna
þörfina meðal erlendu sérfræðing-
anna.
Þegar rætt er um erlenda sérfræð-
inga í þessu samhengi er átt við mik-
ið menntað fólk á ákveðnu sviði sem
kemur hingað vegna þess að þörf er á
sérfræðikunnáttu þess í ákveðið
verkefni. Sérfræðingarnir sækjast
sjaldnast eftir ríkisborgararétti
heldur hyggjast búa hér í einhver ár.
Ekki náðist í Tómas Inga Olrich
menntamálaráðherra vegna málsins
í gær.
Leigumál í ólestri
Annað vandamál sem erlendir sér-
fræðingar hafa áhyggjur af er leigu-
markaðurinn hér á landi. Starfshóp-
urinn var sammála um að leigumál
hér á landi væru í ólestri og leiga á
húsnæði allt of há. Ebenhard Wie-
land, framkvæmdastjóri Wurth á Ís-
landi, sagði að hann hafi fljótlega
ákveðið að kaupa frekar íbúð en að
leigja og við það hafi mánaðar-
greiðslur vegna íbúðarinnar lækkað
talsvert á mánuði.
Langtímaleiga er einnig eitthvað
sem hefur lítið þróast hér á landi, að
mati Wieland, og ekki hægt að skrifa
undir samninga til nokkurra ára og
vera öruggur um að fá að vera út tím-
ann í sömu íbúðinni.
Starfshópur sérfræðinganna skor-
ar einnig á bankana að taka meira til-
lit til erlendra viðskiptavina sem eiga
yfirleitt ekki hægt um vik að fá ein-
hvern til að skrifa upp á lán fyrir sig.
Baker segir mikilvægt að erlendir
ríkisborgarar geti gert grein fyrir
sinni viðskiptasögu hjá erlendum
bönkum þegar þeir komi hingað, og
að íslensku bankarnir veiti a.m.k.
einhver lán byggð á góðri viðskipta-
sögu erlendis.
Hópurinn vill þó taka fram að
margt sé jákvætt við að flytja hingað
til lands. Félagslega kerfið segja þeir
gott, og flest í kerfinu gengur vel eft-
ir að menn hafa fengið sér kennitölu.
Verslunarráð og hópur erlendra sérfræðinga sem vinna á Íslandi
Vilja alþjóðleg-
an grunnskóla
hér á landi
Morgunblaðið/Þorkell
Eberhard Wieland, Adam Baker og Lára Sólnes kynna hugmyndirnar.
TÓNAHÁTÍÐ hefst í Þjórsárveri í
kvöld í þriðja sinn. Þrennir tónleikar
verða á hátíðinni; í kvöld syngja
óperusöngvararnir Bergþór Pálsson
og Ólafur Kjartan Sigurðarson, en
með þeim leikur Jónas Ingimundar-
son.
„Við ætlum að flytja Glúntana,
dagskrá sem við höfum flutt um allt
land, en höfum enn ekki fengið tæki-
færi til að flytja á þessum slóðum,“
segir Ólafur Kjartan Sigurðarson.
„Þetta eru bráðskemmtilegir söngv-
ar eftir Gunnar Wennerberg um tvo
háskólastráka, skólaárin og þeirra
gleðiríka líf. Við sviðsetjum þetta að
nokkru leyti, og klæðumst auðvitað
viðeigandi búningum.“
Listamenn á
landsmælikvarða
Gunnar Wennerberg var tvívegis
kirkjumálaráðherra í Svíþjóð og
mikils metinn. Hann var líka tón-
skáld – náttúrutalent – og samdi tón-
verk fyrir kirkjuna. Í dag væri hann
sennilega flestum gleymdur ef ekki
væri fyrir þann eina ópus sem hann
sór af sér og skammaðist sín fyrir.
Það voru einmitt Glúntarnir, laga-
flokkur um líf mátulega kærulausra
en afar lífsglaðra stúdenta í Upp-
sölum um miðja 19. öld. Wennerberg
samdi bæði lögin og ljóðin. Glúnt-
arnir nutu gríðarlegra vinsælda hér
á landi í áratugi og sönghneigðir
herramenn heyrðust gjarnan taka
einn eða tvo Glúnta í gleðskap.
Valdimar Össurarson, umsjónar-
maður Þjórsárvers, var ráðinn af
Villingaholtshreppi fyrir fjórum ár-
um til þess að byggja upp samkomu-
staðinn Þjórsárver; – utan jafnt sem
innan, að hans sögn. „Uppbygging
felst ekki aðeins í verklegu viðhaldi
og slíku, heldur ekki síður í uppbygg-
ingu ímyndar og annarrar starfsemi.
Liður í því er að gera Þjórsárver að
menningarhúsi og sinna listunum af
myndarskap. Annað verkefni er svo
að laða hingað hópa til hvers konar
funda og móta. Þriðja verkefnið snýr
að innansveitarstarfsemi í Þjórs-
árveri, en hún er gífurlega mikil, –
félagslíf í hreppnum er mjög öflugt.
Við höfum haldið Tónahátíð tvisv-
ar áður, en aðeins í eitt kvöld hvort
ár. Nú vildum við stækka hátíðina og
fengum til þess stuðning frá Alþingi.
Við gætum vel fengið óþekkt fólk til
að raula eitthvað hérna, en við vild-
um gera þetta almennilega og vera
eingöngu með listamenn á lands-
mælikvarða. Í kvöld er Sígilda kvöld-
ið, – vegna forfalla er dagskráin þó
svolítið breytt frá því sem áður var
auglýst. Annað kvöld er Söngkvöld,
þegar átta manna hljómsveit, South
River Band, upprunnin á Ólafsfirði,
leikur og syngur. Við munum varpa
öllum söngtextum upp á skjá svo allir
geti sungið með, og þetta verður
örugglega dúndrandi fjör, og lögin
ættuð úr öllum heimshornum. Á
laugardagskvöldið leikur stærsta
tríó í heimi, Ríó tríó, – með þeim
Birni Thoroddsen og Gunnari Þórð-
arsyni. Um það þarf ekki meira að
segja; þetta eru höfuðsnillingarnir
sjálfir.“
Valdimar segir að þótt hátíðin
standi ekki nema eina helgi hafi verið
ákveðið að hafa dagskrána fjöl-
breytta og góða. „Ég held að við
hljótum að vera að gera mjög vel –
kannski að slá heimsmet, því það eru
einungis 180 manns sem búa í Vill-
ingaholtshreppi, sem stendur fyrir
Tónahátíðinni.“
Tónleikarnir í kvöld og annað
kvöld hefjast kl. 20.30, en kl. 21 á
laugardagskvöld. Hægt er að kaupa
afsláttarkort á alla þrenna tónleika
Tónahátíðarinnar.
Tónahátíð í Þjórsárveri hefst í þriðja sinn í kvöld
„Vildum gera þetta almennilega“
Glúntarnir: Ólafur Kjartan Sigurð-
arson og Bergþór Pálsson, en í
hnakkadrambið á þessum vinsælu
„eilífðarstúdentum“ tekur Jónas
Ingimundarson píanóleikari.
MINNISVARÐI um bandaríska
hermenn sem týndu lífi sínu á Ís-
landi í síðari heimsstyrjöldinni var
afhjúpaður við hátíðlega athöfn í
Fossvogskirkjugarði í gær, að við-
stöddum Ólafi Ragnari Grímssyni
forseta Íslands. Fulltrúar erlendra
ríkja voru einnig viðstaddir auk al-
mennings. Minnisvarðann létu liðs-
menn Heiðursherfylkis Massachus-
etts reisa, en það er félagsskapur
manna sem þjónað hafa í Banda-
ríkjaher og hafa það að markmiði
að heiðra minningu bandarískra
hermanna.Morgunblaðið/Kristinn
Heiðra
minningu
hermannaMORGUNBLAÐINU hefur
borist eftirfarandi yfirlýsing frá
Læknavaktinni er varðar um-
fjöllun fjölmiðla síðustu daga
um drög að álitsgerð Land-
læknisembættisins vegna veik-
inda og andláts ungs barns í vor.
„Að gefnu tilefni vill Lækna-
vaktin koma því á framfæri að
læknar vaktarinnar komu
hvergi að þessu alvarlega og af-
drifaríka máli. Læknavaktin
harmar einnig ótímabæra um-
fjöllun um drögin.
F.h. Læknavaktarinnar,
Þórður G. Ólafsson yfirlæknir.“
Yfirlýsing
frá Lækna-
vaktinni
„MÍNUM spurningum var ekkert
svarað í þessu bréfi Rithöfundasam-
bandins. Það virðist ætla að leiða
málið hjá sér,“ segir Hannes Hólm-
steinn Gissurarson prófessor um
efni svarbréfs við
spurningum hans
um lögmæti þess
að takmarka að-
gang að bréfa-
safni Halldórs
Kiljans Laxness á
Landsbókasafni
Íslands – há-
skólabókasafni.
Eins og komið
hefur fram vinn-
ur Hannes að rit-
un ævisögu Halldórs og hefur meðal
annars lesið bréfasafn skáldsins sem
geymt er á Landsbókasafninu. Bréf-
in hafa verið aðgengileg fyrir gesti
og fræðimenn í sjö ár eða frá því að
Auður Laxness, ekkja Halldórs, af-
henti þau til varðveislu á degi ís-
lenskrar tungu árið 1996.
Í september óskaði Auður hins
vegar eftir því að aðgangur að bréfa-
safninu yrði takmarkaður við tvo
einstaklinga. Hannesi og aðrir gestir
geta því ekki lesið bréfin og deilt er
um hvort vitna megi í þau án leyfis
þeirra sem fara með höfundaréttinn.
Óskaði eftir aðstoð
Í byrjun vikunnar sendi Hannes
því Rithöfundasambandi Íslands
bréf og óskaði eftir lögfræðiaðstoð
vegna þessa máls. Lagði hann fram
átta spurningar, þar á meðal hvort
heimild væri í lögum fyrir Lands-
bókasafn að takmarka aðgang að
bréfasafninu með þessum hætti og
framfylgja þannig ósk Auðar og ann-
arra aðstandenda skáldsins.
Hannes telur að þessum spurning-
um sé enn ósvarað en vill að öðru
leyti ekki tjá sig um svar Rithöf-
undasambandsins. Hann sé að und-
irbúa fyrsta bindi ævisögunnar til
prentunar og hafi ekki tekið ákvörð-
un um framhald málsins.
Rithöfundasam-
bandið svarar Hannesi
Hólmsteini
Spurning-
um mínum
ósvarað
Hannes Hólm-
steinn Gissurarson