Morgunblaðið - 09.10.2003, Blaðsíða 33

ýmsu sveitum og staðarháttum.
Minni hennar var einstakt allt fram á
síðasta dag. Fljótlega fóru kjall-
arabúarnir að byggja eins og flest
ungt fólk, og þá var ómetanleg hjálp
að leigja hjá góðu fólki.
Eftir að við fluttum í eigið húsnæði
breyttist ekki vinátta okkar. Börnin
hugsuðu um þau hjón eins og afa og
ömmu. Ef eitthvað stóð til í fjölskyld-
unni var ætíð spurt: „Er búið að bjóða
Möggu og Bjössa?“
Hver sunnudagsmorgun hófst með
heimsókn í morgunkaffi í Öldutúnið
og notalegu rabbi um daglegt líf í
bænum. Oft bættust aðrir vinir eða
ættingjar í hópinn og var þá stundum
þröngt í litla eldhúsinu á Öldunum.
Ekki hættum við sunnudagsmorg-
unkaffinu, þótt fjölskyldan stækkaði
hjá mér, fleiri börn og síðan barna-
börnin, allir voru velkomnir í Öldu-
túnið.
Fyrir nokkrum árum lést Bjössi og
flutti þá Magga vinkona mín fljótlega
á Hrafnistu í Hafnarfirði. Ekki
breyttum við okkar venju með sunnu-
dagana því samræður og kaffi má líka
hafa þar. Hvern einasta sunnudags-
morgun sátum við saman og ræddum
um lífið og tilveruna, og fékk ég mörg
góð ráð og ekki síst stuðning og upp-
örvun hjá minni gömlu vinkonu, er
mér fannst lífið ekki brosa nógu blítt.
Ég fór ætíð andlega ríkari og léttari í
lund úr morgunkaffinu á Hrafnistu.
Nú hefur mín góða vinkona kvatt
þennan heim eftir langan ævidag. Ég
og fjölskylda mín eigum mikið að
þakka fyrir að hafa borið gæfu til að
kynnast og njóta samvistar við slíka
sómakonu eins og mín góða vinkona
var. Hafi hún að leiðarlokum þökk
fyrir alla þá vináttu, tryggð og stuðn-
ing, sem hún veitti mér og mínum
börnum í gegnum lífið í rúm þrjátíu
ár.
Hjördís Guðbjörnsdóttir.
Hafnfirsk alþýðukona, Margrét
Jónsdóttir, hefur lokið göngu sinni.
Hún hefur gengið veg sinn í þessum
heimi á enda. Hljóðlát og hjartahlý
hefur hún búið hér í Hafnarfirði og
unað sér þar vel, fylgst með því sem
var að gerast dag frá degi, trú og
trygg þeim lífsviðhorfum sem hún
snemma tileinkaði sér og einkennd-
ust af ríkri réttlætiskennd og mann-
kærleika. Konum þeirrar gerðar
fylgja hlýjar kveðjur og þökk á skiln-
aðarstund.
Margrét ólst upp við kröpp kjör og
harða lífsbaráttu, sem einkenndist af
heiðarleika og sjálfsvirðingu. Hún
þekkti af eigin skinni fátækt og ójöfn-
uð samfélagsins. Hún horfði fram á
veginn til betra þjóðfélags, þar sem
misrétti var á undanhaldi, þar sem
manngildið var meira metið en auð-
hyggjan.
Mannúð og mannréttindi, um-
hyggja fyrir þeim sem höllum fæti
stóðu í samfélaginu voru þær meg-
instoðir sem lífsýn hennar hvíldi á.
Þess vegna gerði hún jafnaðarstefn-
una að sinni stefnu. Þess vegna varð
hún áhugasamur þátttakandi í verka-
lýðsbaráttunni. Þess vegna lagði hún
lag sitt við Kvenfélag Alþýðuflokks-
ins í Hafnarfirði. Og hún hélt órofa
tryggð við þessa aðila allt til loka-
dags.
Á fundi verkakvennafélagsins
Framtíðin í Hafnarfirði 14. mars 1932
vakti Sigríður Erlendsdóttir máls á
því, að nauðsynlegt væri að stofna og
reka dagheimili fyrir börn í Hafnar-
firði. Þetta þótti baráttukonunum í
Verkakvennafélaginu og Alþýðu-
flokknum orð í tíma töluð og fylgdu
málinu eftir af áhuga og harðfylgi. Í
þeirra hópi var Margrét Jónsdóttir,
ákveðin, baráttuglöð og bjartsýn.
Hún fylgdi þessu máli eftir af lífi og
sál, enda þótt hún ætti sjálf engin
börnin.
Dagheimilið tók til starfa 19. maí
1933 í bæjarþingsalnum í gamla
barnaskólanum við Suðurgötu og þar
var það með starfsemi sína þangað til
að Dagheimilið á Hörðuvöllum var
reist 1935 og tekið í notkun 1. júlí
sama ár.
Margrét var í sveit þeirra kvenna
sem hafði forustu um byggingu þess
og lét á næstu árum til sín taka við
rekstur og uppbyggingu dagheimilis-
ins.
Þótt Margrét tæki á seinni árum
lítinn beinan þátt í störfum í Verka-
kvennafélagsins og Kvenfélags Al-
þýðuflokksins í Hafnarfirði, var hún
þó þar áfram traustur félagi og bar
hag þeirra og málefni mjög fyrir
brjósti. Hún var alltaf sama sanna og
góða jafnaðarkonan.
Á efri árum sínum minntist hún
þess stundum, hve pólitíkin var lífleg
hér áður fyrr, t.d. þegar fólkið stóð í
biðröðum til að ná í bestu sætin á
framboðsfundum í bæjarstjórnar- og
alþingiskosningum. Augun leiftruðu
og bros færðist yfir andlit hennar við
þessar endurminningar.
Við í Kvenfélagi Alþýðuflokksins í
Hafnarfirði kveðjum Margréti Jóns-
dóttur í dag með þökk í huga. Jafn-
aðarstefnan og kærleiksboðskapur
kristninnar var henni handhægur
áttaviti í lífinu hérna megin grafar og
sá áttaviti mun duga henni vel á veg-
ferðinni hinum megin.
Guð blessi minningu Margrétar
Jónsdóttur.
Kvenfélag Alþýðuflokksins
í Hafnarfirði.
Við ætlum að minnast Möggu
frænku með örfáaum orðum. Okkar
fyrstu minningar eru tengdar henni
og Bjössa heitnum, eiginmanni henn-
ar, og heimili þeirra að Öldutúni 6.
Við bjuggum í kjallaranum hjá þeim
þegar við vorum litlar en við vorum 7
og 12 ára gamlar þegar við fluttum af
Öldutúninu. Oftar en ekki fórum við
til Möggu og ávallt gaf hún okkur
eitthvað gott að borða og svo átti
Bjössi alltaf lakkrís í skápnum sínum.
Eftir að við fluttum í Norðurbæinn
voru áfram tíðar helgarheimsóknir á
Öldutúnið. Alltaf heitt á könnunni og
kandís með. Kandís mun alltaf minna
okkur á Möggu. Öll jól heimsóttum
við þau á Öldutúnið og mikið var gott
að skríða upp í stóra hjónarúmið
þeirra og hvíla sig eftir alla spennuna
á aðfangadag. Og eftir að Bjössi féll
frá þá kom Magga til okkar á Heið-
vanginn.
Minningarnar eru margar af Öldu-
túninu þar sem auðvelt er að sjá
Möggu fyrir sér í eldhúsinu.
Þegar svo önnur okkar byrjaði svo
sjálf að búa fluttist hún aftur í kjall-
arann hjá Möggu. Bjössi hafði þá fall-
ið frá og Magga orðin ein. Mikið sakn-
aði hún hans Bjössa síns. Það var gott
að búa hjá Möggu. Iðulega á kvöldin
lamdi hún stafnum sínum í ofninn í
stofunni og það var merki um að ég
ætti að koma upp í kaffi. Við spjöll-
uðum um heima og geima og Magga
vissi svo margt því hún fylgdist svo
vel með. Það var svo gaman að tala
við hana því hún var svo jákvæð og
vissi allt sem var að gerast í heim-
inum. Þannig laðaði hún að sér fólk og
öllum fannst gaman að koma til henn-
ar. Önnur okkar endaði svo með að
kaupa Öldutúnið og það þótti Möggu
mjög vænt um. Hún vildi helst halda
Öldutúninu í fjölskyldunni og alltaf
spurði hún frétta, hvað væri nú verið
að gera og fylgdist grannt með öllum
breytingum. Góður andi Möggu og
Bjössa verður án efa áfram á Öldu-
túninu.
Magga var mikill húmoristi og
fundum við fyrir því örfáum vikum
fyrir andlát hennar að húmorinn var
enn til staðar og stutt í hláturinn.
Hún var einnig mjög hreinskilin og
svo óhemju jákvæð kona.
Sem dæmi um hennar jákvæðni og
víðsýni var þegar Soffía og Raggi
sögðuhenni að þau væru að fara flytja
til Los Angeles. Flestir skildu ekkert
í þeim, fussuðu og fannst þetta algjör
vitleysa í þeim að fara rífa sig upp
þegar þau væru komin með heimili og
góða vinnu en nei, ekki henni Möggu.
Henni fannst þetta stór sniðugt.
„Gott að prófa eitthvað nýtt, mikill
skóli fyrir ykkur. Þið verðið bara ekk-
ert mjög lengi, bara svona 3-4 ár, er
það ekki“. Þetta var svo dæmigert
fyrir hana Möggu.
Möggu var mikið farið að langa að
komast til hans Bjössa síns og ræddi
hún það oft. Magga náði nærri tíræð-
isaldri en hún lést 30. september.
Mikill friður færðist yfir Möggu
okkar rétt áður en hún kvaddi þetta
jarðlíf og er öruggt að Bjössi hafi tek-
ið hana í faðm sér þegar hún dró and-
ann í síðasta sinn. Okkur mömmu
fannst yndislegt að fá að vera hjá
Möggu þessar síðustu mínútur í lífi
hennar og fá að kveðja hana.
Elsku Magga okkar, þú varst ein-
stök kona og kenndir okkur margt
sem við verðum þér ævinlega þakk-
látar fyrir. Jákvæðni, hreinskilni og
víðsýni munum við ávallt reyna að til-
einka okkur sem við lærðum svo vel
af þér. Við munum segja börnum okk-
ar og barnabörnum frá þér og Bjössa.
Við vitum að við hittumst á ný og þá
fáum við okkur örugglega kaffi og þú
býður upp á kandís.
Guð blessi minningu þína elsku
frænka.
Þínar
Soffía og Ágústa.
MINNINGAR
MORGUNBLAÐIÐ FIMMTUDAGUR 9. OKTÓBER 2003 33
Elsku Magga systir, með sökn-
uð í hjarta minnumst við þín og við
hugsum um hve lánsamar við er-
um, því þú varst hluti af okkar lífi
og við hluti af þínu.
Þó að kali heitur hver,
hylji dali jökull ber,
steinar tali og allt hvað er,
aldrei skal ég gleyma þér.
(Vatnsenda-Rósa.)
Ásta Sigríður og Jónína Dögg.
HINSTA KVEÐJA
Elskulegur faðir okkar, tengdafaðir, afi og lang-
afi,
ÓLI MAGNÚS ÞORSTEINSSON,
Kárastíg 13,
Hofsósi,
sem lést mánudaginn 29. september, verður
jarðsunginn frá Hofsóskirkju laugardaginn
11. október kl. 11.00.
Sigríður Óladóttir,
Kristbjörg Óladóttir, Hilmar Hilmarsson,
Bryndís Óladóttir, Pálmi Rögnvaldsson,
Þorsteinn Ólason, Guðrún Sigtryggsdóttir,
Kristján Ólason,
Birgir Ólason, Veronika S.K. Palamiandy,
Ellert Ólason, Lára Guðmundsdóttir,
barnabörn og barnabarnabörn.
Eiginmaður minn, faðir okkar, tengdafaðir,
bróðir og afi,
ÞORSTEINN SIGURBJÖRN JÓNSSON
Bogahlíð 15,
Reykjavík,
verður jarðsunginn frá Ólafsfjarðarkirkju
laugardaginn 11. október kl. 15.00.
Blóm og kransar vinsamlegast afþakkaðir.
Hólmfríður Jakobsdóttir.
Bergþóra S. Þorsteinsdóttir, Jóhann Runólfsson,
Jón Þorsteinsson, Gerrit Schuil,
Þorsteinn J. Þorsteinsson, Sigríður H. Þórðardóttir,
Þyri E. Þorsteinsdóttir, Karl Geirsson,
Ragnhildur F. Þorsteinsdóttir,
Kristín Þorsteinsdóttir , Pálmar Magnússon,
Arnheiður S. Þorsteinsdóttir, Gunnlaugur Magnússon,
Fanney Jónsdóttir, Sigurveig Jónsdóttir
og barnabörn.
Ástkær eiginmaður minn, faðir okkar, tengda-
faðir, afi og langafi,
HALLBJÖRN EÐVARÐ ODDSSON,
dvalarheimilinu Grund,
áður til heimilis
á Lynghaga 6,
sem lést laugardaginn 4. október, verður
jarðsunginn frá Bústaðakirkju föstudaginn
10. október kl. 13.30.
Fjóla Eiríksdóttir,
Helga Hallbjörnsdóttir,
Dóra Hallbjörnsdóttir,
Sigríður Hallbjörnsdóttir,
Erla Hallbjörnsdóttir, Ásgeir Guðmundsson,
Lilja Hallbjörnsdóttir, Atli Ingvarsson,
barnabörn og barnabarnabörn.
Elskulegur sambýlismaður minn og faðir okkar,
HAUKUR GÍSLASON,
Holti,
Breiðdalsvík,
lést á Fjórðungssjúkrahúsinu á Neskaupstað
fimmtudaginn 2. október sl.
Hann verður jarðsunginn frá Heydalakirkju
laugardaginn 11. október kl. 14.00.
Þeim, sem vildu minnast hans, er bent á Krabbameinsfélagið.
Guðbjörg Steinsdóttir,
Unnur Petersen, Erik Petersen,
Kristín Ellen Hauksdóttir, Hrafnkell Gunnarsson,
Aðalheiður Hauksdóttir,
Ingibjörg Hauksdóttir,
Gísli Baldur Hauksson,
Haukur Heiðar Hauksson, Sif Kjartansdóttir,
Vilberg Marinó Jónasson, Tania Li Nellado,
afabörn og langafabörn.
Ástkær móðir okkar, tengdamóðir og amma,
BJARNVEIG BORG PÉTURSDÓTTIR,
Blómvangi 13,
Hafnarfirði,
sem lést þriðjudaginn 30. september, verður
jarðsungin frá Víðistaðakirkju mánudaginn
13. október kl. 13.30.
Pétur Bergmann Eyjólfsson,
Þorri Freyr Eyjólfsson,
Garðar Rafn Eyjólfsson, Guðmunda Björk Matthíasdóttir,
Þóra Dís Garðarsdóttir.
Eiginkona mín og móðir okkar,
HELGA ÞORKELSDÓTTIR,
Borgarbraut 43,
Borgarnesi,
andaðist á Sjúkrahúsi Akraness þriðjudaginn
7. október.
Sigurður B. Guðbrandsson,
Ásta Sigurðardóttir,
Sigþrúður Sigurðardóttir,
Sigríður Helga Sigurðardóttir.