Morgunblaðið - 18.10.2003, Blaðsíða 8
FRÉTTIR
8 LAUGARDAGUR 18. OKTÓBER 2003 MORGUNBLAÐIÐ
Þú ert nú bara svoleiðis í laginu, Össi minn.
Félag handavinnuleiðbeinenda
Möguleikarnir
óendanlegir
FÉLAG handavinnu-leiðbeinenda varformlega stofnað 1.
október 1988 og fagnaði
því nýverið 15 ára afmæli
sínu. Að stofnun félagsins
stóðu fjórar konur sem
allar voru starfsmenn
Hrafnistu í Hafnarfirði,
þær Guðrún Helgadóttir,
Halldóra Jóhannsdóttir,
Jóhanna Möller og
Rebekka Gunnarsdóttir.
Fyrsti formaður félagsins
var Karin Sveinbjörns-
dóttir.
Félaginu var gefið nafn-
ið Félag leiðbeinenda fatl-
aðra, aldraðra og geð-
sjúkra. Að sögn Huldu
Guðmundsdóttur, for-
manns félagsins, hefur
starfsemi félagsins í
Reykjavík hins vegar
breyst í þá veru að fé-
lagsstarf aldraðra hefur
verið opnað fyrir alla ald-
urshópa og er þannig opið öllum
sem hafa áhuga á að njóta fé-
lagsstarfs.
„Þessa dagana eru því uppi
hugmyndir um að breyta nafni
félagsins en það er þrautin
þyngri að skipta um nafn á 15 ára
gömlu félagi. Við erum samt að
velta ýmsum möguleikum fyrir
okkur en ekki ákveðið neitt
ennþá í því sambandi.“
Hvert er markmið félagsins?
„Í lögum félagsins er kveðið á
um að tilgangur þess sé að efla
samheldni og samvinnu, stuðla að
menntun, fræðslu og bættri
þekkingu félagsmanna. Einnig að
hafa samstarf við innlend og er-
lend félög er inna af hendi sams-
konar þjónustu. Það hefur hins
vegar komið á daginn að sam-
bærileg félög eru afar sjaldgæf
erlendis og reyndar hefur okkur
ekki ennþá tekist að hafa uppi á
slíku félagi. Ég þekki til í Dan-
mörku og þar er öldruðum til
dæmis ekki boðið upp á neitt fé-
lagsstarf af þessu tagi.“
Hvers konar störf inna fé-
lagsmenn af hendi?
„Félagið er áhugamannafélag
og félagssvæðið er allt landið. Á
stofnfundinn mættu áttatíu
manns sem sýnir vel hversu mikil
þörf var fyrir félagsskap af þessu
tagi. Félagsmenn eru nú hátt í
tvö hundruð talsins. Við erum
ekki hagsmunafélag í þeim skiln-
ingi, erum ekki að berjast fyrir
launakjörum eða neinu slíku,
enda hafa leiðbeinendur ekki lög-
verndað starfsheiti. Það hefur því
kannski farið lítið fyrir félaginu í
gegnum tíðina og þess eru dæmi
að leiðbeinendur hafi hafið störf
án þess að vita um tilvist félags-
ins.
Félagsmenn eru bæði konur og
karlar sem starfa í félagsstarfi á
dagvistunarheimilum fyrir aldr-
aða, eða fólk yfir sextíu ára aldri,
um allt land. Í félagsmiðstöðvum
Reykjavíkurborgar, sem gjarnan
eru starfræktar í tengslum við
þjónustuíbúðir og
sjálfseignaríbúðir, er
starfsemin þó ekki að-
eins bundin við aldr-
aða heldur er hún öll-
um opin. Hjá þessum
heimilum og félagsmiðstöðvum er
boðið upp á mat og kaffi og hvers
konar afþreyingu, ásamt leiðsögn
við ýmiskonar handverk. Þar fær
fólk leiðsögn við smíði, bútasaum,
perlusaum, bókband, myndlist,
útskurð og prjónaskap svo fátt
eitt sé nefnt en möguleikarnir
eru nánast óendanlegir. Fólk
þarf að greiða mánaðargjald fyrir
viðveruna og fyrir skömmu var
sett námskeiðsgjald á sérhæfðari
námskeið, á borð við glerskurð
og postulínsmálun.“
Fellur þessi starfsemi vel í
kramið, t.d. meðal aldraðra?
„Já, afskaplega vel. Flestir
þeir sem nú eru aldraðir tilheyra
þeirri kynslóð sem hafði tak-
markaðan tíma til að sinna svona
hugðarefnum, hvort sem það var
úr bæjum eða sveitum. Tíminn
fór allur í að afla sér viðurværis
og daglegt amstur. Ég fullyrði
því að það eru ótal margir sem á
efri árum leyfa sér það í fyrsta
sinn að gera það sem hugurinn
hefur lengi staðið til en aldrei
gefist tími til. Þessi starfsemi
gefur fólkinu því mjög mikið,
heldur við bæði líkamlegu og
andlegu þreki, svo ekki sé nú tal-
að um þann félagsskap sem það
fær af því að hittast.“
Hvernig er starfsemi félagsins
háttað?
„Við höfum mjög reynt að hlúa
að endurmenntun félagsmanna.
Við höldum námstefnu annað
hvert ár þar sem við fáum til
okkar utanaðkomandi aðila til að
halda fyrirlestra og námskeið um
eitt og annað á þessu sviði. Á
hverju ári höldum við auk þess
skemmtifund þar sem við mætum
með sýnishorn af því sem unnið
er undir okkar leiðsögn. Þannig
reynum við að miðla af reynslu
okkar hvert til annars og það hef-
ur reynst okkur afar dýrmætt og
er reyndar grundvöll-
urinn í okkar endur-
menntun. Innan fé-
lagsins hefur verið
starfrækt nefnd sem
kannaði menntunar-
möguleika fyrir leiðbeinendur.
Niðurstaðan var sú að möguleik-
arnar voru ekki ýkja margir. Við
eigum þess þó meðal annars kost
að sækja um námskeið til
menntamálaráðuneytisins sem
eingöngu eru ætluð leiðbeinend-
um. Þá hefur Reykjavíkurborg
boðið upp á fjölbreytt námskeið
innan félagsþjónustunnar,“ segir
Hulda Guðmundsdóttir.
Hulda Guðmundsdóttir
Hulda Guðmundsdóttir er
fædd og uppalin í Reykjavík en
er nú búsett í Mosfellsbæ. Hún
hefur gegnt formennsku í Félagi
leiðbeinenda í tvö ár en starfaði
sem leiðbeinandi hátt í tvo ára-
tugi og sérhæfði sig í glerskurði.
Hún er í sambúð með Erni Guð-
mundssyni húsasmíðameistara.
Hulda á tvo uppkomna syni, þá
Pál Ríkharðsson og Þór Melsteð,
sem báðir eru búsettir erlendis.
Leiðsögn við
ýmiskonar
handverk
600 milljónir með afnámi frádráttar
vegna séreignasparnaðar, atvinnu-
leysisbætur eru lækkaðar um 170
milljónir, sjúkratryggingar lækkað-
ar um 740 milljónir með auknum
álögum á sjúklinga. „Þessi lækkun
tilfærslna til heimilanna hefur sömu
áhrif og hækkun skatta og er greini-
lega ætlað að lækka ráðstöfunar-
tekjur heimilanna og þar með einka-
neyslu.“
Vakin er athygli á því að fjárfest-
ingar og tækjakaup ríkisins séu
lækkuð um 1,5 milljarða króna, en
ekki hafi verið kynnt hvaða fram-
kvæmdum áætlað sé að fresta. Þá sé
lagt til að rekstrarútgjöld ríkissjóðs
verði lækkuð um 100 milljónir með
hagræðingarkröfu á stjórnsýslu-
stofnanir.
„MIÐSTJÓRN ASÍ gagnrýnir harð-
lega það óréttlæti og þá auknu mis-
skiptingu sem einkennir fjárlaga-
frumvarp ríkisstjórnarinnar fyrir
árið 2004. Miðstjórn ASÍ telur
ástæðu til þess að árétta afstöðu ASÍ
um nauðsyn þess að mótuð verði víð-
tæk sátt um heildstæða og sam-
tvinnaða stefnu í efnahags-, atvinnu-
og félagsmálum.“ Þetta segir m.a. í
ályktun miðstjórnar ASÍ um fjár-
lagafrumvarp ríkisstjórnarinnar.
Í ályktuninni segir að fjárlaga-
frumvarpið gangi þvert á þá sátt sem
ASÍ vill ná fram í efnahags-, atvinnu-
og félagsmálum. Einsýnt sé að rík-
isstjórnin telji að byrðarnar af nauð-
synlegri aðhaldssamri hagstjórn
komandi missera eigi að leggja á at-
vinnulausa, sjúka, öryrkja og skuld-
sett heimili. Á sama tíma telji rík-
isstjórnin nauðsynlegt að lækka
sérstaklega skattbyrði og auka ráð-
stöfunartekjur þeirra tekjuhærri.
„Miðstjórn ASÍ telur mikilvægt að
árétta að sú samfélagssýn og stefna
sem kemur fram í fjárlagafrumvarp-
inu fyrir árið 2004 getur aldrei orðið
grundvöllur að sátt á vinnumarkaði.“
ASÍ vekur athygli á að í fjárlaga-
frumvarpinu eiga að sporna gegn of-
þenslu og óðaverðbólgu af völdum
stóriðju- og virkjanaframkvæmda.
Spara eigi 3,7 milljarða króna með
þessum ráðstöfunum.
Í þessu sparnaðarátaki séu til-
færslur til heimilanna lækkaðar um
2,2 milljarða króna. Þar af eru vaxta-
bætur lækkaðar um 600 milljónir, al-
mennur tekjuskattur hækkaður um
Ályktun miðstjórnar ASÍ um fjárlagafrumvarpið
Misskipting einkennir
fjárlagafrumvarpið
„EINHVERN tíma var maður nú bæði línu-
maður og slökkviliðsmaður, en það kom í ljós
í dag að það er dálítið langt síðan það var,“
sagði Óskar Magnússon, forstjóri Og Voda-
fone, sem brá sér í hlutverk tæknimanns hjá
fyrirtækinu í fyrradag og þurfti meðal ann-
ars að fara upp í mastur á þaki Landakots-
spítala sem slíkur.
Óskar sagði að ástæðan fyrir að tæknivinn-
an hefði orðið fyrir valinu væri sú að nú væri
unnið að því að sameina farsímakerfin á höf-
uðborgarsvæðinu, sem væri flókið og erfitt
verk og skipti fyrirtækið miklu máli og því
hefði verið talið eðlilegt að hann kynnti sér
starfsemina á því sviði. Hann hefði þurft að
fara upp á þak Landakotsspítala vegna þessa
og upp á lyftuturn og utan í mastur þar og
hann hefði ekki viljað þurfa að fara mörgum
metrum hærra en það, en samstarfsmenn
hans hefðu ekkert verið feimnir við þetta.
Í þessari viku munu starfsmenn fyrirtæk-
isins almennt skiptast á störfum í samræmi
við eigin óskir þar um. Óskar sagði að til-
gangurinn með þessu væri að auka skilning á
ólíkum störfum innan fyrirtækisins, auk þess
sem þetta væri lokahnykkurinn á samruna
fyrirtækjanna.
Forstjóri í föt tæknimanns
Dálítið langt síðan maður var línumaður og slökkviliðsmaður
Morgunblaðið/Árni Sæberg
Óskar Magnússon, forstjóri Og Vodafone, klifraði upp í mastur á
þaki Landakotsspítala þegar hann brá sér í hlutverk tæknimanns.