Morgunblaðið - 18.10.2003, Blaðsíða 33

LISTIR
MORGUNBLAÐIÐ LAUGARDAGUR 18. OKTÓBER 2003 33
ÞÓTT nýjungagirni landans sé við
brugðið, virðist það ekki gilda í sama
mæli um erlenda hljómlistamenn,
sem hvað eftir annað hafa mætt
ótrúlegu tómlæti tónleikagesta þá
sjaldan þá ber að
okkar fjörum,
nema því aðeins
auglýsingar-
bumbur séu ræki-
lega knúnar fyrir
fram. Sama gilti
um tónleika
Nönnu Hovmand
og Jónasar Ingi-
mundarsonar í
Salnum sl. laug-
ardag, þar sem danska óperusöng-
konan trúlega galt þess að vera enn
ekki nægilega „þekkt“ hér um slóðir,
þrátt fyrir ágæta frammistöðu í
Krýningu Poppeu nú í ágúst. Og enn
og aftur má herma og harma að
margir misstu af miklu. Segin saga
og tímanna tákn, þegar rabbfroðu-
þættir sjónvarpsstöðva eru óðum að
fyllast af fólki sem aðallega er þekkt
fyrir að vera þekkt.
Dagskráin átti sér til ágætis að
vera fjölbreytt, vönduð og óvenju-
laus við ofbrúkaða stríðsfáka (að
maður segi ekki „lummur“). Því þó
að íslenzku lögin eftir hlé væru flest
alkunn, var það oftast að góðu einu.
Verkefnavalið hófst og endaði á
dönskum lögum. Fyrst eftir síðróm-
antíska söngvajöfurinn P.E. Lange-
Müller (Himlen ulmer svagt) og ást-
sælan meistara danska alþýðulags-
ins, Carl Nielsen (Studie efter
Naturen, Tidt er jeg glad, Sænk kun
dit Hoved, du Blomst & Æble-
blomst), en í tónleikalok eftir gullald-
arrómönzuhöfundinn Peter Heise
(Skjønne Fru Beatriz, Skovensom-
hed & Din Fader skal ikke skjænde).
Óneitanlega sjaldheyrðar ljóðrænar
perlur á íslenzkum söngpalli, og
hefði því verið tilefni til að kynna lít-
illega höfunda og verk í tónleikaskrá,
þó sízt beri að lasta útprentun allra
texta á bæði frummáli og í prósaþýð-
ingum Reynis Axelssonar.
Eftir dönsku inngangslögin fylgdu
þrjú sænsk lög eftir Ture Rang-
ström, svipmikil en látlaus í senn
(Villemo, Villemo, hvi gick du, Bön
till natten & Den enda stunden) og
fjögur norsk eftir Edvard Grieg þótt
við þýzk ljóð væru (Die verschwieg-
ene Nachtigall, Dereinst, Gedanke
mein, Zur Rosenzeit og hið alþekkta
Ein Traum). Þótt varla bæri á
snöggum bletti, hvorki í verkefnavali
né túlkun, höfðuðu kannski mest til
manns miðlögin tvö eftir Nielsen og
hin síðustu eftir Rangström og
Grieg, sem líkt og hin voru sungin af
frábærri innlifun og eftirtektar-
verðri stimamýkt, borin uppi af þaul-
músíkalskri eðlisávísun og ólíkt lit-
ríkari fjölbreytni í raddbeitingu en
maður á að venjast hjá íslenzkum
söngvurum – og sízt þeim óperuskól-
uðustu – nema í allra fremstu röð.
Næsta fáheyrt er að erlent að-
komufólk ráðist til atlögu við íslenzk
sönglög, hvað þá á frummálinu, og
man maður í svipinn aðeins eftir
undantekningu Judithar Gans, sem
hingað kom fyrir nokkrum árum frá
Texas. Nanna Hovmand söng níu
slík eftir hlé, flest með eftir aðstæð-
um lygilega góðum textaframburði.
Kata litla í koti (Sigvaldi Kaldalóns)
geislaði af viðeigandi glettinni léttúð.
Söknuður (Hallgrímur Helgason)
skartaði afburðagóðri söngtækni á
veiku nótunum, og lögin tvö eftir
Karl O. Runólfsson, Síðasti dansinn
og Sofðu, unga ástin mín (með
„dauðadjúpum“ bassatremólóum úr
flyglinum), nutu hvort sinna ólíku
sérkenna. Hjá lygnri móðu eftir
stórafmælisbarn dagsins, Jón Ás-
geirsson, var líðandi fagurt, og hið
litla en snotra lag píanistans, Vor,
komst og vel til skila. Þjóðvísa Jór-
unnar Viðar var við hæfi telpulega
feimin og lífsþyrst í senn, en hið
vandmeðfarna schumennska lag
hennar Gestaboð um nótt öryggið
uppmálað í seiðandi meðförum söng-
konunnar.
Íslenzku deildinni lauk með elsku-
legri útfærslu á Þú ert (Þórarinn
Guðmundsson). Við tóku loks fyrr-
getin Heise-lög, af hverjum reis
hæst hið síðasta. Kannski ekki sízt
fyrir sindrandi tæran píanóleik Jón-
asar Ingimundarsonar, er studdi þar
sem fyrr við eðalmezzorödd Nönnu
Hovmand af sinni landskunnu nettu
vandvirkni.
Dönsk eðalmezzorödd
TÓNLIST
Salurinn
Verk eftir Lange-Müller, Carl Nielsen,
Rangström, Grieg, Sigvalda Kaldalóns,
Hallgrím Helgason, Karl O. Runólfsson,
Jón Ásgeirsson, Jónas Ingimundarson,
Jórunni Viðar, Þórarin Guðmundsson og
Heise. Nanna Hovmand mezzosópran,
Jónas Ingimundarson píanó. Laugardag-
inn 11. október kl. 14:30.
EINSÖNGSTÓNLEIKAR
Nanna Hovmand
Ríkarður Ö. Pálsson
ALAN James opnar sýningu á verk-
um sínum í sal Íslenskrar grafíkur,
Hafnarhúsinu, hafnarmegin, kl. 15 í
dag, laugardag. Yfirskriftin er
„Elusive moorings – A kaleidoscopic
world of visiual disorientation“ og
eru þar nýjar blýantsteikningar.
Sýningin er opin fimmtudaga til
sunnudaga kl. 14-18 og lýkur 2. nóv-
ember.
Morgunblaðið/Ásdís
Alan James með verk sín í bakgrunni.
Nýjar
teikningar
í Íslenskri
grafík