Morgunblaðið - 18.10.2003, Blaðsíða 55
KIRKJUSTARF
MORGUNBLAÐIÐ LAUGARDAGUR 18. OKTÓBER 2003 55
Kirkjudagur Fríkirkj-
unnar í Hafnarfirði
ÁRLEGUR hátíðisdagur Fríkirkj-
unnar í Hafnarfirði, kirkjudag-
urinn, er á morgun, sunnudaginn
19. október.
Dagurinn hefst að venju með
barnaguðsþjónustu kl. 11 en barna-
starfið hefur verið afar vel sótt það
sem af er þessu hausti. Guðsþjón-
usta verður svo kl. 13 þar sem
prestarnir, Sigríður Kristín Helga-
dóttir og Einar Eyjólfsson, flytja
samtalspredikun og djákni kirkj-
unnar, Sigríður Valdimarsdóttir,
les ritningarorð. Örn Arnarson,
tónlistarstjóri kirkjunnar, sér svo
um söng og tónlist ásamt kór og
hljómsveit kirkjunnar.
Að lokinni guðsþjónustu hefst
svo hin glæsilega kaffisala Kven-
félagsins í safnaðarheimilinu en
Kvenfélag kirkjunnar stendur öfl-
ugan vörð um allt starf kirkjunnar
og hefur fært kirkjunni stórar gjaf-
ir á liðinni tíð.
Á kirkjudaginn er þess vænst að
safnaðarfólk og velunnarar kirkj-
unnar fjölmenni og styrki málefni
safnaðarins en á þessu ári eru liðin
90 ár frá stofnun safnaðarins og
vígslu kirkjunnar.
Seljakirkja í
syngjandi sveiflu
HRESSANDI samfélag um Guðs
orð og borð verður í Seljakirkju
sunnudagskvöldið 19. október kl.
20.
Um er að ræða kvöldguðsþjón-
ustu með Þorvaldi Halldórssyni og
kirkjukór Seljakirkju, sem leiða
okkur í kraftmiklum lofgjörð-
arsöng. Sr. Bolli Pétur Bollason
prédikar og eins og áður sagði
verður þetta einnig samfélag um
Guðs borð, þar sem við hljótum þá
næringu, sem hvetur og styrkir.
Verið hjartanlega velkomin í
Seljakirkju.
Kvöldmessa og kaffi-
sala í Grensáskirkju
ANNAÐ kvöld, sunnudagskvöldið
19. okt., verður kvöldmessa í
Grensáskirkju og hefst hún kl. 20.
Að venju er yfirbragð kvöldmess-
unnar létt og formið einfalt. Lögð
er
áhersla á hlýlegt og kyrrlátt and-
rúmsloft til lofgjörðar og bænar en
töluðu máli er stillt í hóf. Hægt er
að leggja fram fyrirbænarefni og
altarisganga er í messunni.
Að þessu sinni syngur stúlknakór
Grensáskirkju undir stjórn
Ástríðar Haraldsdóttur.
Eftir messuna stendur stúlkna-
kórinn fyrir kaffisölu en ágóði
hennar fer í ferðasjóð kórsins sem
hyggur á utanlandsferð næsta vor.
Komum í kvöldmessu í Grens-
áskirkju – og njótum andlegrar og
líkamlegrar næringar.
Tónlistarmessa í
Hafnarfjarðarkirkju
Á MORGUN, sunnudaginn 19. októ-
ber, kl. 11.00 fer fram tónlist-
armessa í Hafnarfjarðarkirkju.
Hún er svo nefnd vegna þess að
þá eru flutt valin sígild tónlist-
arverk af einsöngvara eða hljóð-
færaleika jafnframt því sem kirkju-
kórinn syngur sálma í messunni. Að
þessu sinni syngur Kristín K. Sig-
urðardóttir, sópransöngkona og
söngkennari, eftirfarandi verk við
píanó- eða orgelundirleik Antoníu
Hevesi, organista og tónlistar-
stjórnanda kirkjunnar: „Gratias
agimus“ eftir Sigurð Þórarinsson,
„Ave verum corpus“ eftir W.A.
Mozart og Ave Maria eftir Percy B.
Kahn. Prestur er sr. Gunnþór Þ.
Ingason, sóknarprestur. Slíkar tón-
listarmessur munu fara fram með
reglulegu millibili í Hafnarfjarð-
arkirkju á komandi misserum.
Guð og ljóðin mín
HALLA Jónsdóttir, kennari og
hugmyndasagnfræðingur, mun
fjalla um Guð og ljóðin sín á sunnu-
dagsfundi í Hallgrímskirkju. Halla
hefur kennt á öllum skólastigum í
Reykjavík og verið fræðslustjóri
kirkjunnar. Hún hefur stýrt og leið-
beint á trúfræðslunámskeiðum um
land allt. Þúsundir íslenskra
kvenna hafa sótt námskeiðið Konur
eru konum bestar, sem Halla stað-
færði og stýrði.
Á sunnudagsfundi lýkur hún upp
ljóðakompu sinni og segir frá
skáldskapnum og Guði. Fundurinn
hefst kl. 13 og eru allir velkomnir.
Æðruleysismessa
í Dómkirkjunni
ÆÐRULEYSISMESSA, tileinkuð
fólki sem leitar bata eftir tólf-
sporaleiðinni, verður í Dómkirkj-
unni sunnudaginn 19. október kl.
20.
Einhver mun segja þar af reynslu
sinni úr baráttunni við áfengissýk-
ina. Bergþór Pálsson, Hjörleifur
Valsson og Birgir og Hörður
Bragasynir sjá um fjölbreytta tón-
list. Sr. Jóna Hrönn Bolladóttir flyt-
ur hugleiðingu. Sr. Jakob Ágúst
Hjálmarsson leiðir samkomuna og
sr. Karl V. Matthíasson leiðir fyr-
irbæn.
Sjá heimasíðu Dómkirkjunnar,
www.domkirkjan.is.
Þorvaldur Halldórs-
son í Lindasókn
SUNNUDAGINN 19. nóvember sér
Þorvaldur Halldórsson tónlist-
armaður um undirleik og leiðir
safnaðarsöng í Lindakirkju í Linda-
skóla í Kópavogi. Sr. Guðmundur
Karl Brynjarsson þjónar. Sunnu-
dagaskóli fer fram í kennslustofum
meðan á guðsþjónustu stendur.
Boðið verður upp á akstur fyrir
íbúa Vatnsenda- og Salahverfis.
Hópferðabíll mun stansa á sömu
stöðum og skólabíllinn gerir í
Vatnsendahverfi (fyrsta stopp
10.45) en á Salavegi verður stansað
við strætisvagnabiðstöðvar. Allir
velkomnir.
Góðir gestir
í Neskirkju
KIRKJUKÓR Ísafjarðarkirkju
ásamt sóknarpresti sínum, org-
anista og fylgdarliði kemur í heim-
sókn til Neskirkju sunnudaginn 19.
október kl. 11.00 og tekur þátt í
messu safnaðarins.
Kórar beggja safnaða syngja
undir stjórn organistanna, Huldu
Bragadóttur og Steingríms Þór-
hallssonar. Séra Magnús Erlings-
son, sóknarprestur Ísfirðinga, pré-
dikar og þjónar fyrir altari ásamt
séra Erni Bárði Jónssyni, presti
Neskirkju. Skírð verða tvö börn af
ísfirskum ættum og sungnir sálm-
ar, m.a. eftir ísfirsk tónskáld.
Barnastarf er á sama tíma en það
hefst í kirkjunni og síðan eru börn-
in leidd í safnaðarsal til frekari
fræðslu við þeirra hæfi.
Kaffisopi að messu lokinni.
Sýndar verða teikningar að nýju
safnaðarheimili sem hafin er bygg-
ing á og mun formaður sókn-
arnefndar, dr. Guðmundur Magn-
ússon, segja frá framkvæmdum.
Með bréfi þessu eru sóknarbörn í
Nessókn svo og Ísfirðingar á höf-
uðborgarsvæðinu hvattir til að
koma til messu og eiga samfélag í
góðra vina hópi.
Tekið skal fram að Neskirkja er
við Hagatorg eins og Hótel Saga,
Háskólabíó, Melaskóli og Hagaskóli
en ekki úti á Seltjarnarnesi.
Morgunblaðið/Ómar
Fríkirkjan í Hafnarfirði.
FRÉTTIR
RAUÐI krossinn er þessa dagana
að dreifa 10.000 endurskins-
merkjum til barna og aldraðra víða
um land. Meðal annars hafa starfs-
menn og sjálfboðaliðar Reykjavík-
urdeildar Rauða krossins farið á
dvalarheimili og í íbúðir fyrir aldr-
aða og gefið endurskinsmerki.
Dreifing endurskinsmerkjanna
er liður í umferðaröryggisátaki
evrópskra Rauða kross félaga sem
einnig miðar að því að kynna al-
menningi skyndihjálp. Toyota á Ís-
landi kostaði gerð merkjanna en
Toyota styrkir átakið um alla Evr-
ópu.
Á næstunni munu deildir Rauða
kross Íslands, sem eru 51, gefa
börnum í grunnskólum í Reykjavík
og víða um land endurskinsmerki.
Ljósmynd/Þórir Guðmundsson
Lilja Guðmundsdóttir frá Reykjavíkurdeild Rauða krossins afhendir
endurskinsmerki í spilatíma Félagsstarfs aldraðra í Reykjavík.
Rauði krossinn gefur
endurskinsmerki
STJÓRN Fornleifasjóðs hefur ný-
lega lokið síðari úthlutun úr sjóðnum
fyrir árið 2003. Fornleifasjóður var
stofnaður með lögum árið 2001, en
hlutverk sjóðsins er að stuðla að
varðveislu og rannsóknum á fornleif-
um og forngripum. Sjóðnum bárust
að þessu sinni 30 umsóknir um styrki
að upphæð tæplega 30 milljónir
króna.
Ákveðið var að veita 6 styrki til eft-
irtalinna aðila og verkefna: Byggða-
safnið í Skógum fær 400.000 til jarð-
sjárkönnunar vegna rannsókna á
rústum í landi Keldudals í Mýrdal.
Fornleifafélag Öræfa fær 300.000
kr. til áframhaldandi rannsókna á
eyðibýlinu Salthöfða í Öræfum.
Fornleifastofnun Íslands fær
240.000 kr. til rannsókna á íslenskum
perlum.
Fornleifastofnun Íslands fær
525.000 kr. til teikninga gripa, sem
fundist hafa á Stóru-Borg undir
Eyjafjöllum.
Torfi Tulinius, Jón Sigurpálsson
og Adolf Friðriksson fá 125.000 kr. til
skráningar fornleifa á jörðinni Vatns-
firði, hluti af stærra verkefni.
Þá fær Húsavíkurbær 375.000 kr.
til skráningar fornleifa í Reykja-
hverfi.
Úthlutun til
sex aðila
úr Forn-
leifasjóði
ANNAÐ mótið í Tívolísyrpu Hróks-
ins og Húsdýragarðsins fer fram í
Vísindatjaldinu á morgun, sunnu-
daginn 19. október, kl. 13 en mæting
er milli kl. 12–12.45. Mótaröðin er
fyrir börn í 1.–6. bekk og teflt er í
tveimur flokkum en verðlaunað í
fjórum, þ.e. 1.–3. bekk, drengir og
stúlkur, og 4.–6. bekk, drengir og
stúlkur.
Átta mót gefa stig og lýkur Tívolí-
syrpu Hróksins og Húsdýragarðsins
með lokahófi í maí. Þar munu fimm
krakkar úr hverjum flokki með besta
heildarárangur yfir veturinn, alls 20
börn, etja kappi um ferð fyrir tvo í
Tívolíið í Kaupmannahöfn. Verðlaun
verða einnig veitt fyrir 2. og 3. sætið
sem og fyrir mætingu og framfarir.
Hætt verður að taka við skráning-
um klukkan 22 á laugardag.
Tívolísyrpa
Hróksins og
Húsdýra-
garðsins
Tveir fyrir einn – ekki ókeypis
Í Fólkinu í gær var missagt að allir
sem væru með armband frá Iceland
Airwaves-hátíðinni fengju ókeypis að-
gang að tónleikum við Bláa lónið í
dag. Hið rétta er að þeir sem eru með
armband fá tvo miða á verði eins.
Orðinu ekki ofaukið
Á baksíðu Morgunblaðsins í gær
slæddist orðið ekki inn í ummæli sem
höfð voru eftir Jafet Ólafssyni, fram-
kvæmdastjóra Verðbréfastofunnar.
Rétt var haft eftir Jafet á innsíðu
blaðsins, en hann sagði: „Reynslan í
Þýskalandi, þar sem bankarnir hafa
mjög mikið farið inn í fyrirtækja-
rekstur, er slæm og þeir hafa játað
það. Og nú eru þeir á hraðri útleið úr
þeim fyrirtækjum sem þeir geta selt.“
Beðist er velvirðingar á þessum
mistökum.
Millifyrirsögn féll niður
Í grein Svanhildar Gunnarsdóttur,
safnkennara Árnastofnunar, sem
birtist á bls. 36 í blaðinu í gær, urðu
mistök í vinnslu blaðsins. Millifyrir-
sögn, sem sagði „Dýrgripir íslensku
þjóðarinnar til sýnis gestum og
gangandi“ féll niður og varð að meg-
intexta, en í upphafi málsgreinarinn-
ar, sem tók við eftir að millifyrirsögn-
inni sleppti, féll niður stórt M og þar
sagði frá „eðalhandritum“, sem átti að
hljóma „meðal handrita“ o.s.frv.
Höfundur og lesendur eru beðnir
afsökunar á þessum mistökum.
Kvenfélagasambandið stóð líka
að degi kvenna í dreifbýli
Vegna fréttar í Morgunblaðinu um
alþjóðadag kvenna í dreifbýli 15.
október skal tekið fram að Kven-
félagasamband Íslands stóð að deg-
inum ásamt konum í dreifbýli. Þetta
kom ekki fram í frétt blaðsins um al-
þjóðadaginn.
LEIÐRÉTT
B&L frumsýnir þrjá bíla í dag úr
nýju Megane-línunni frá Renault.
Þar er um að ræða nýjan Megane
Sport Tourer langbak, Megane Sal-
oon fólksbíl og fjölnotabílinn Meg-
ane Scenic. Af því tilefni verður opið
hús hjá B&L að Grjóthálsi 1 frá 12
til 16 bæði laugardag og sunnudag.
Ratleikur fyrir alla fjölskylduna Í
tengslum við alheimsmót skáta er al-
menningi boðið að taka þátt í pósta-
leik um Elliðaárdalinn í dag, laug-
ardag, kl. 13. Mæting er við
Skátamiðstöðina í Árbæ – ekkert
þátttökugjald.
Í DAG
Fræðslukvöld verður í Púlsinum í
Sandgerði á morgun 19. október,
kl. 20. Gestur verður Elísabet Jóna
Sveinbjörnsdóttir og mun hún fræða
gesti um áhrif Do in nudds og Pan-
eurhtyhmi dans, sem er búlgarskur
heilsubótardans. Miðaverð er 1.000
kr. Sjá nánar á www.pulsinn.is
Á MORGUN
ÓLAFUR F. Magnússon, borgar-
fulltrúi Frjálslynda flokksins, spurði
á fundi borgarstjórnar á fimmtudag
hvort borgarfulltrúar vinstri -
grænna innan R-listans hefðu staðið
að ályktun Félags VG í Reykjavík
sem lýsti yfir stuðningi við verkafólk
við Kárahnjúkavirkjun.
Las hann ályktunina í ræðustól þar
sem krafist var að Landsvirkjun og
eigendur hennar, þar með talin
Reykjavíkurborg og fulltrúar R-
listans í stjórn Landsvirkjunar, tækju
ábyrgð á gerðum samningum við
ítalska verktakafyrirtækið Impregilo.
Sjálfur hefur Ólafur ítrekað lagt
fram tillögur í borgarráði og borgar-
stjórn þar sem gagnrýni er beint að
Landsvirkjun og eigendum hennar
vegna vinnubragða sem hafa viðgeng-
ist að hans sögn við Kárahnjúkavirkj-
un. Hefur hann lýst furðu sinni á því
að kjörnir fulltrúar Samfylkingar og
vinstri - grænna innan R-listans sýni
ríkisstjórnarflokkunum samstöðu í
þessu máli.
Borgarfulltrúar R-listans hafa sagt
bókun og tillöguflutning Ólafs ein-
kennast af útúrsnúningi og rang-
færslum. Ítrekað hafi komið fram
gagnrýni á vinnubrögð Impregilo og
þeim sjónarmiðum hafi verið komið á
framfæri við stjórnendur Landsvirkj-
unar.
Ólafur sagði þessa ályktun VG í
Reykjavík fela í sér harða gagnrýni á
Reykjavíkurborg og spurði hvort
borgarfulltrúar VG hafi ekki risið upp
og mótmælt hástöfum útúrsnúning-
um í henni svipað og haldið hafi verið
fram varðandi hans tillögur, sem hafi
verið efnislega eins. Hann spurði
hvort borgarfulltrúarnir hafi verið í
pólitískri spennitreyju framsóknar-
manna í þessu máli. „Við getum ekki
skotið okkur undan þessari ábyrgð og
þessum ljótu, sóðalegu vinnubrögðum
sem flestum Íslendingum hlýtur að
misbjóða.“ Endurtók hann síðan
spurningu sína til fulltrúa VG.
Björk Vilhelmsdóttir sagði að hvor-
ugur borgarfulltrúa VG innan R-
listans hefðu ekki komið persónulega
að þeirri ályktun sem Ólafur vísaði í.
Aðbúnaður starfsmanna við Kára-
hnjúka tengist ekki ákvörðun um
sjálfa Kárahnjúkavirkjun. Sagði hún
það miður að Reykvíkingar hafi að-
eins tvo af sjö stjórnarmönnum
Landsvirkjunar. Samt treysti hún
þeim vel til að vinna að því að farið
verði að settum lögum.
Segir fulltrúa VG sýna
ríkisstjórn samstöðu
TAFLFÉLAGIÐ Hellir og Edda út-
gáfa standa sameiginlega að þriðja
mótinu á ICC-skákþjóninum, sem
kallast Bikarsyrpa Eddu útgáfu. Mót-
ið fer fram á morgun, sunnudag, kl.
20. Er þetta þriðja mótið af fimm en
það fimmta og síðasta verður haldið
23. nóvember en það verður jafnframt
Íslandsmótið í netskák. Verðlaun
verða í boði Eddu útgáfu. Þess má
geta að Íslandsmótið í netskák er
elsta landsmót í netskák í heiminum.
Skráning fer fram á Hellir.is.
Þriðja mótið í
Bikarsyrpu
Eddu útgáfu