Morgunblaðið - 18.11.2003, Blaðsíða 15
ERLENT
MORGUNBLAÐIÐ ÞRIÐJUDAGUR 18. NÓVEMBER 2003 15
SKÝRT var frá því í gær að fjöl-
miðlajöfurinn Conrad Black myndi
á næstu dögum hætta sem aðal-
framkvæmdastjóri Hollinger-sam-
steypunnar sem meðal annars gef-
ur út dagblöðin The Daily
Telegraph í Bretlandi og Chicago
Sun-Times í Bandaríkjunum. Hann
verður áfram stjórnarformaður út-
gáfufélags Telegraph. Bandarískir
hluthafar í Hollinger-samsteypunni
hafa að sögn AP-fréttastofunnar
brugðist ókvæða við upplýsingum
um vafasamt atferli Blacks og fleiri
ráðamanna samsteypunnar.
Black mun nú verða stjórnarfor-
maður án ákvarðanavalds. „Nú er
rétti tíminn til að kanna hvaða ráð
séu best til að auka sem allra mest
verðmæti hlutabréfanna í Holl-
inger International,“ sagði Black í
yfirlýsingu sem hann gaf út í gær.
Við starfi hans tekur til bráða-
birgða Gordon A. Paris en hann er
nú undirforstjóri Hollinger.
Einn af helstu samstarfsmönn-
um Blacks, F. David Radler, sem
hefur verið stjórnarformaður Holl-
inger, mun hætta störfum en hann
hefur einnig verið ritstjóri Chicago
Sun-Times. Í stað Radlers kemur
Daniel W. Colson sem verið hefur
framkvæmdastjóri Telegraph-út-
gáfufélagsins.
Ráðgjafafyrirtækið Lazard LLC
hefur verið fengið til að kanna
hvaða stefnu Hollinger geti mótað.
Er sagt að til greina komi að selja
allt fyrirtækið eða ákveðna hluta
þess. Sumir fréttaskýrendur velta
því fyrir sér hvort Telegraph-fé-
lagið muni nú feta í fótspor eins
keppinautanna, The
Independent, og hefja
útgáfu á götublaði sem
yrði saga til næsta
bæjar enda hefur Daily
Telegraph lengi verið
eitt virðulegasta blað
Bretlands.
Ýmsir nefndir
Verði Hollinger selt
eru nokkrir líklegir
kaupendur nefndir,
einkum útgáfufélag
The Washington Post
og breska fyrirtækið
Daily Mail & General
Trust. Einnig er að
sögn The Sunday Times talið að
litríkur bandarískur auðkýfingur
og fjárfestir, Nelson Peltz, muni ef
til vill leggja fram fé í Hollinger.
Ásakanir um vafasamt athæfi
Blacks hafa síðustu mánuði orðið æ
umfangsmeiri um leið og sögu-
sagnir um erfiða skuldastöðu Holl-
ingers hafa verið staðfestar.
Auk áðurnefndra fjölmiðla rekur
Hollinger fjölda annarra blaða og
tímarita í Bretlandi, Bandaríkjun-
um, Kanada og Ísrael, þ. á m. syst-
urblað The Daily Telegraph, The
Sunday Telegraph, einnig The
Spectator, The National Post, Ott-
awa Citizen og Jerusalem Post.
En hvað gerði Black af sér? Ef
marka má skrif breskra blaða er
algengt að fjölmiðlafyrirtæki sem
kaupa blöð af sam-
steypu greiði seljand-
anum myndarlega
fjárhæð til að tryggja
að hann hefji ekki
samkeppni á sama
markaði og blaðið
sem hann var að
selja. Komið hefur í
ljós að Black og aðrir
æðstu ráðamenn
stungu í eigin vasa
73,7 milljónum doll-
ara, um 5,5 milljörð-
um króna, af
greiðslum sem kaup-
andi nokkurra blaða
samsteypunnar
greiddi til að firra sig samkeppni.
Ekki var skýrt frá þessari til-
högun í bókhaldi sem hluthöfum
var kynnt á ársfundum. Umrædd-
ur kaupandi var kanadíska fyrir-
tækið CanWest Global Comm-
unications Corp. í Íslendinga-
borginni Winnipeg í Kanada. Munu
þeir Black og Radler hafa fengið
7,2 milljónir dollara hvor árin 2000
og 2001. Bresk blöð segja að yfir-
leitt séu slíkar greiðslur látnar
renna til fyrirtækisins og njóta þá
allir hluthafar þess óbeint þar sem
fjárhagsstaða fyrirtækisins styrk-
ist.
Hollinger skýrði fyrir helgina
bandaríska fjármálaeftirlitinu frá
því að fyrirtækið gæti ekki skilað
ársfjórðungslegri skýrlu sinni um
afkomuna og væri ástæðan athuga-
semdir sem hluthafar, aðrir en
Black, hefðu gert við bókhald Holl-
inger. Sjálfur fékk Black nýlega
sérfræðinga til að fara yfir bók-
haldið og hreinsa andrúmsloftið en
niðurstöðurnar munu hafa staðfest
grunsemdir um að eitthvað væri
að.
Sakaður um að „mjólka“
Hollinger í eigin þágu
Black er Kanadamaður en flutt-
ist til Bretlands fyrir nær tveim
áratugum og er nú lávarður af
Crossharbour með sæti í efri deild
þingsins. Hann er þekktur fyrir að
vera eindreginn hægrimaður og
stuðningsmaður Ísraels. Eiginkona
hans, Barbara Amiel , er þekktur
dálkahöfundur á The Daily Tele-
graph sem hefur lengi verið helsta
fjölmiðavígi breskra íhaldsmanna
og tortryggið í garð Evrópusam-
bandsins. Þrátt fyrir nokkra
kreppu á breskum dagblaðamark-
aði gengur reksturinn vel, upplagið
er tæp milljón á dag. Er það um
50% stærra upplag en helsta
keppinautarins á sviði svonefndra
gæðablaða, The Times, sem er í
eigu annars og mun þekktari fjöl-
miðlakóngs, Ruperts Murdochs.
Gagnrýnendur Blacks segja að
hann hafi á undanförnum árum
beinlínis mjólkað Hollinger í eigin
þágu en hann vísar þeim ásökunum
harðlega á bug. Hann er þekktur
fyrir íburðarmikinn lífsstíl, á rán-
dýr hús í Bretlandi og Bandaríkj-
unum. Eiginkonan á geysistórt
safn af handunnum skóm.
Yfirmaður Hollinger-fjölmiðla-
samsteypunnar segir af sér
Conrad Black og samherjar sakaðir
um að hafa hrifsað fé úr fyrirtækinu
Conrad Black
FJÓRTÁN ára gömul dönsk
stúlka myrti eldri bróður sinn
um helgina og er talið að með
árásinni hafi hún viljað líkja
eftir atriði í hryllingsmynd.
Stúlkan setti á sig hrekkja-
vökugrímu og stakk sofandi
bróður sinn til bana á sunnu-
dag. Hann var 18 ára.
Stúlkan flúði á bíl föður síns
en var handtekin eftir nokkurn
eltingaleik. Vinir stúlkunnar
segja að hún hafi haft mikinn
áhuga á hryllingskvikmyndum,
þar á meðal myndinni Hallo-
ween, þar sem sýnd er árás af
þessu tagi.
Þessi harmleikur gerðist í
Hundested, um 50 km frá
Kaupmannahöfn. Að sögn
danskra fjölmiðla heyrði faðir
systkinanna hróp úr herbergi
sonar síns. Hann kom þar að
stúlkunni þar sem hún sat á
bróður sínum og lagði til hans
með eldhúshnífi. Faðirinn
reyndi að taka hnífinn af stúlk-
unni en hún veitti honum þá
áverka á höfði og flúði.
Flemming Poulsen, lög-
reglustjóri, segir að stúlkan
hafi viðurkennt að hafa farið
inn í herbergi bróður síns og
stungið hann. Stúlkan var lögð
inn á geðdeild. Hún mun hafa
átt við félagslega erfiðleika að
etja og fékk sérkennslu í skól-
anum.
Myrti
eldri bróð-
ur sinn
Kaupmannahöfn. AFP.
Danmörk