Morgunblaðið - 18.11.2003, Blaðsíða 42
ÍÞRÓTTIR
42 ÞRIÐJUDAGUR 18. NÓVEMBER 2003 MORGUNBLAÐIÐ
RETIEF Goosen frá S-Afríku lagði sænsku kon-
una Anniku Sörenstam á sýningarmóti sem fram
fór í Singapúr um sl. helgi. Um var að ræða
„skinnaleik“ sem er sérstakt fyrirkomulag í
holukeppni. Keppendur hljóta tiltekna fjárhæð
fyrir að vinna holu en geta tapað henni aftur á
þeirri næstu. Ef enginn vinnur holuna getur fjár-
hæðin bæst við upphæðina sem sett er á næstu
holu. Það getur því komið fyrir að kylfingar tapi
eða vinni stórfé á einu höggi. Þess háttar mót eru
mjög vinsælt sjónvarpsefni og þá sérstaklega í
Bandaríkjunum.
Jesper Parnevik frá Svíþjóð og heimamað-
urinn Lam Chih Bing tóku einnig þátt í mótinu.
Goosen vann alls 10 milljónir kr. á mótinu. Sö-
renstam fékk um 3 millj. í sinn hlut en hún vann
eina holu á öllu mótinu.
„Hún lék mjög vel og í raun var ég heppinn að
standa uppi sem sigurvegari,“ sagði Goosen.
„Það vita það allir að hún er góður kylfingur og
ég vona að hún taki þátt í fleiri mótum á PGA-
mótaröðinni,“ sagði Goosen.
Sörenstam varð fyrsta konan í 58 ár til þess að
taka þátt PGA-móti í maí á þessu ári.
Parnevik segir að Sörenstam sé líklega í hópi
kylfinga sem aðeins komi fram á sjónarsviðið
einu sinni á öld.
Sörenstam mun leika á samskonar móti um
næstu helgi í Bandaríkjunum.
„Árið í ár hefur verið stórkostlegt. Minning-
arnar eru margar, tveir sigrar á stórmótum en
ég hef ekki hug á því að leika við karlana á PGA-
mótaröðinni á ný. Það var skemmtileg reynsla,“
segir Sörenstam.
AP
Annika Sörenstam slær inn
á braut í Singapúr.
Goosen hafði betur
gegn Sörenstam
BJARNI Skúlason og Þormóður Jónsson náðu
bestum árangri íslensku keppendanna á opna
sænska meistaramótinu í júdó sem fram fór um
sl. helgi. Báðir glímdu þeir um um bronsið en
töpuðu báðir og lentu þar með í 5. sæti, Bjarni
í -90 kg flokki og Þormóður í +100 kg flokki.
Bjarni tapaði fyrir breskum júdómanni en Þor-
móður fyrir þýskum.
Margrét Bjarnadóttir hafnaði í 7. sæti í -63
kg flokki en hún tapaði fyrstu viðureign sinni
en hafði betur á móti finnskri stúlku þar á eft-
ir.
Gígja Guðbrandsdóttir og Anna Soffía Vík-
ingsdóttir voru í sterkum riðlum. Þær töpuðu
fyrir andstæðingum sínum í fyrstu viðureignum
en fengu ekki uppreisnarglímur.
Fimmta sætið
hjá Bjarna
og Þormóði
DANSKI handknattleiksmaðurinn
Bo Stage sem lék með KA-mönnum
fyrir nokkrum árum missti meðvit-
und í nokkrar mínútur í leik með liði
sínu Otterup á móti Silkeborg í
dönsku 1. deildinni í handknattleik á
sunnudaginn. Stage hné niður og lá
meðvitundarlaus í um það bil 10 mín-
útur áður en hann komst til meðvit-
undar. Hann var fluttur á sjúkrahús
í Silkeborg til frekari rannsóknar og
síðan á sjúkrahúsið í Odense en þar
kemur hann til með að dvelja næstu
daga þar sem læknar reyna að finna
hvað hafi valdið meðvitundarleysinu.
RYAN Giggs landsliðsmaður Wal-
es segir ekki koma til greina að sag-
an frá 1993 endurtaki sig en þá
misstu Walesverjar naumlega af
sæti í lokakeppni HM 1994 með því
að klúðra vítaspyrnu í lokaleik riðla-
keppninnar á móti Rúmeníu. Wales-
verjar gerðu markalaust jafntefli við
Rússa í Moskvu á laugardagskvöld í
umspili Evrópumótsins og standa
því vel að vígi fyrir síðari leikinn sem
fram fer á Þúsaldarvellinum í Card-
iff annað kvöld.
GIGGS tók þátt í leiknum á móti
Rúmenum fyrir tíu árum og segist
enn muna eftir vonbrigðunum. „Ég
vil ekki upplifa svona aftur,“ segir
Giggs sem verður væntanlega búinn
að ná sér af meiðslum en hann var
tæklaður all svakalega af einum
varnarmanni Rússa. Mikil spenna
hefur magnast í Wales fyrir leiknum
enda hefur þjóðin ekki komist í úr-
slit á stórmóti í knattspyrnu síðan
1958.
SKOTINN Stephen Hendry bar
sigur úr býtum á opna breska meist-
aramótinu í snóker. Hendry, sem er
margfaldur heimsmeistari, hafði
betur gegn Englendingnum Ronnie
O’Sullivan í úrslitum, 8:5. Sullivan
byrjaði betur og var yfir 5:3 en
Hendry kom sterkur upp og vann
fimm síðustu rammana.
FRAMHERJI NBA liðsins Or-
lando Magic, Pat Garrity, var ekki
lengi heill heilsu eftir að hann hóf að
leika með liðinu á ný eftir meiðsli
þann 7. nóvember s.l. Garrity er
meiddur á ný og fer í aðgerð á hné á
næstunni og er þetta þriðja aðgerðin
sem hann fer í á stuttum tíma. Or-
lando hefur gengið afleitlega það
sem af er leiktíð, unnið einn leik af
10.
NEW Jersey Nets hafa fengið
hinn reynda bakvörð Robert Pack til
liðsins en er 34 ára gamall og lék 28
leiki með New Orleans Hornets á
síðustu leiktíð. Nets verður sjöunda
liðið sem Pack leikur með á sínum
ferli en hann hefur leikið alls 526
leiki í NBA með Portland, Denver,
Washington, New Jersey, Dallas,
Minnesota og New Orleans. Pack
hefur skorað tæp 10 stig að með-
altali og gefið um 5 stoðsendingar í
leik.
FÓLK
ÞÓ svo að Brynjar Gunnarsson
sé aðeins 14 ára – nefndu marg-
ir hann sem aldursforsetann í
frjálsíþróttahópnum hjá ÍR.
Ástæðan? Jú, hann hefur æft
lengst allra – í níu ár. Brynjar
byrjaði að æfa í gamla ÍR-
húsinu við Túngötu, sem nú er
líklega á leiðinni á Árbæjarsafn.
„Ætli ég hafi ekki æft lengst
af krökkunum sem eru hér, en
margir hafa verið í fimm ár.
Þetta er góður og samheldinn
hópur, sem kemur sér vel á mót-
um því þá er góður stuðningur.
Ég hef ekki verið í öðrum
íþróttum, það kom til greina að
prófa annað en ekki þegar ég
var byrjaður í frjálsíþróttum.
Mér finnst gaman að prófa allar
greinarnar en byrja að æfa tug-
þraut næsta sumar. Þjálfarinn
segir að hún henti mér,“ sagði
Brynjar, sem stundar nám í
Hagaskóla. Hann klæddist
finnska landliðsbúningnum í
knattspyrnu – merktum Litma-
nen, leikmanni Ajax. Búninginn
keypti hann er hann var í heim-
sókn hjá afa sínum í Finnlandi.
Fyrirmyndir hans eru tugþraut-
arkappinn Erki Nool ... og Bern-
hard Williams, ef hann fellur
ekki á lyfjaprófi.
Brotthvarf 14 til 16 ára unglingaúr íþróttum hefur lengi verið
vandamál. Margt togar í þá – stöð-
ugt áreiti á vænleg-
an neytendahóp.
Auk þess fara marg-
ir á þessum aldri að
efast um hvort þeir
muni ná frama í íþróttum. Mörg
íþróttafélög leggja því ekki alla
áherslu á sentimetra og sekúndur,
heldur taka æfingar föstum tökum
með góðum þjálfurum sem kunna
vel til verka og þá skiptir fé-
lagsskapurinn og agi líka miklu
máli, að unglingurinn sé hluti af
hóp.
Haustið 2000 hóf frjálsíþrótta-
deild ÍR að auka æfingar og leggja
meiri áherslu á félagsþáttinn undir
stjórn Þráins Hafsteinssonar og
fleiri þrautþjálfaðra kennara. Til að
byrja með voru 14 unglingar í hópn-
um en eru nú 55 á aldrinum 15 til 18
ára.
Þegar Morgunblaðið leit inn á æf-
ingu hjá þeim var upphitun í gangi:
kósakkadans, diskósveiflur,
hjólböruakstur og fleira undir
stjórn Natalíu Jónsdóttur, rúss-
neskrar afrekskonu, sem gengin er
til liðs við þjálfarahóp ÍR. Það dugði
til að hita fólkið rækilega upp með
bros á vör en síðan tóku við stífar
æfingar. „Við byrjuðum á 50 mín-
útna æfingum en jukum upp í 90
ásamt heimaæfingum, til dæmis
maga- og bakæfingum og foreldrar
sögðu heimalærdóminn tekinn föst-
um tökum,“ sagði Þráinn. „Við höf-
um lagt áherslu á að hafa foreldra
upplýsta um hvað er í gangi og af
hverju unglingarnir eru stundum
þreyttir. Foreldrar aðstoða einng
mikið við félagssstörf, mót og utan-
landsferðir og ekkert mál að kalla
til 40-50 manns, þeir eru svo margir
að við getum dreift vinnunni svo að
hún er ekki um hverja helgi.“
Þegar byrjað er að æfa frjálsar
íþróttir eru allar greinar teknir fyr-
ir því oftast sést ekki hvaða grein
hentar hverjum og hvar hæfileikar
liggja. Það kemur síðar í ljós og
einnig hvar áhuginn liggur, þá er
tímabært að taka einhverja grein
fyrir ef áhugi er fyrir því. Næsta
mál er því að mæta á æfingu, prófa
og hver veit nema einhver falli fyrir
sleggju, spjóti, spretti eða öllu hinu.
Morgunblaðið/Stefán Stefánsson
Sandra Pétursdóttir, Soffía Felixdóttir og Kári Kolbeinsson, sem
hyggst leggja kastgreinar fyrir sig. Kári sagði að rúmum mánuði
eftir að hann byrjaði að æfa, fyrir fjórum árum, hefði þjálfarinn
sagt við sig að stökk væru ekki hans sterkasta hlið. „Ég vissi það
alveg sjálfur og sneri mér að köstunum,“ sagði Kári, sem fékk
silfur á bikarmótinu í fyrra. „Stefnan er sett á Íslandsmeist-
aratitil. Síðasta sumar setti ég markið á 30 metra og náði því,
næst á 35 og svo 40 metra en lengsta kastið mitt var 38,98
metrar. Ég næ bara 40 metrum næst og stefni svo lengra.“
Morgunblaðið/Stefán Stefánsson
Helga Þráinsdóttir og Ásdís Eva Lárusdóttir teygðu duglega
eftir æfingarnar í Egilshöllinni.
Morgunblaðið/Stefán Stefánsson
Bergrós Arna Jóhannesdóttir, Fanney Björk Tryggvadóttir og
Brynjar Gunnarsson gerðu sig klár í stangarstökkið.
Ekki bara
sekúndur og
sentimetrar
Í heimsókn hjá frjálsíþróttadeild ÍR
Stefán
Stefánsson
skrifar
„Aldursforsetinn“