Morgunblaðið - 18.11.2003, Blaðsíða 25

LISTIR
MORGUNBLAÐIÐ ÞRIÐJUDAGUR 18. NÓVEMBER 2003 25
SÖNGSKÓLINN í Reykjavík fékk
óvænta heimsókn á föstudaginn var
þegar ein fremsta óperusöngkona
heims, Dame Kiri Te Kanawa, leit
þar við og tók þátt í masterklass-
námskeiði hjá hinum kunna stjórn-
anda Robin Stapleton. Inntur eftir
tildrögum heimsóknarinnar segir
Garðar Cortes, skólastjóri Söngskól-
ans, þau Kanawa og Stapleton marg-
oft hafa unnið saman í gegnum tíð-
ina.
„Upphaflega stóð náttúrlega til að
Kiri kæmi fram með Sinfón-
íuhljómsveit Íslands og þá átti Robin
að stjórna þeim tónleikum, en hann
hefur ferðast með henni út um allan
heim til að stjórna tónleikum hennar.
Þegar við fréttum af því bað ég Rob-
in um að halda námskeið fyrir óp-
erusöngvara á vegum Söngskólans
dagana 13.–19. nóvember, en hann
hefur komið reglulega til landsins og
stjórnað við Íslensku óperuna sl. 20
ár. Þegar svo var horfið frá því að
Kiri syngi með hljómsveit þá var ég
ekkert að breyta plönunum varðandi
Robin. Mér skilst að þau hafi síðan
hist á fimmtudaginn var og þegar
Kiri frétti af námskeiðinu hans hér
bað hún um að fá að líta við og hitta
söngnemana. Í framhaldinu boðaði
ég aukatíma á föstudeginum og þar
birtist hún svo öllum að óvörum.“
Kanawa hafði, að sögn Garðars,
nefnilega tekið af honum loforð um
að segja engum fyrirfram af heim-
sókn hennar, m.a. til að gera sem
minnst úr málinu. „Kiri er fremur
hlédræg og vildi ekki fá fullt af blaða-
mönnum og ljósmyndurum á svæðið.
Hún vildi bara fá að koma og hitta
þennan hóp sem sækir námskeiðið.
Hún mætti síðan á föstudaginn og
byrjaði á sinn eðlilega og elskulega
máta að segja söngvurunum til og
miðla þeim af reynslu sinni.“
Mikilvæg reynsla fyrir
unga söngvara
Spurður um gildi þess að fá eina
fremstu söngkonu veraldar til að
heimsækja skólann segir Garðar ná-
vígið gríðarlega mikilvægt. „Það er
auðvitað ótrúlega sterk upplifun og
mikilvæg reynsla fyrir nemana að
vera í návígi við söngvara sem hefur
náð svo langt að það verður ekki
komist lengra. Kiri er svo mikill lista-
maður og laus við allan hroka. Hún
var afar elskuleg, kurteis og gefandi;
og hvatti þau alveg óendanlega.“
Aðspurður segir Garðar Cortes að
Kanawa hafi látið vel af Söngskól-
anum. „Eftir tímann lýsti hún hrifn-
ingu sinni á skólanum, húsnæðinu,
aðstöðunni og fyrirkomulaginu hér,
en ekki síst þessum góðu söngvurum.
Svo kom það mér virkilega á óvart að
heyra hana, í upphafi tónleika sinna í
Háskólabíói, segja frá heimsókninni
hingað og lýsa því hve ánægjulegt
hafi verið að hitta stjórnendur skól-
ans og tjá sig um hve hrifin hún hefði
verið af því að heyra í söngvurunum
hér og lýsa því hversu ánægð hún var
með þá. Þetta kom mjög á óvart og
snart mig djúpt. Nú er það von okkar
að við getum fengið hana til að halda
masterklass-námskeið hjá okkur
þegar hún kemur aftur.“
Ætlaði aldrei að geta
náð af mér brosinu
Aðeins örfáir söngvarar fengu
tækifæri til að syngja fyrir Kanawa á
námskeiðinu á föstudag. Meðal
þeirra heppnu var Sigrún Hjálmtýs-
dóttir, Diddú, sem verið hefur í
einkatíma hjá Robin Stapleton og
ákvað að mæta í þennan auka mast-
erklass-tíma sem boðað var til með
stuttum fyrirvara. „Það var nú vel
liðið á tímann þegar Kiri gekk inn í
stofuna, en þegar hún kom inn var
hreinlega eins og tíminn stæði í stað.
Það var náttúrlega stórkostlegt að fá
leiðsögn hjá henni og í örfáum orðum
tókst henni að miðla svo ótrúlega
miklu,“ segir Sigrún Hjálmtýsdóttir
sem var mjög ánægð með hvað Kan-
awa gekk beint til verks. „Hún hefur
náttúrlega af mjög miklu að miðla og
kann að gera það á svo réttan og auð-
skiljanlega hátt. Hún er afar gefandi
og iðaði hreinlega í skinninu því
henni fannst greinilega mjög gaman
að geta gefið eitthvað af sér,“ segir
Sigrún.
„Ég söng eina aríu og var svo
stressaður að ég klikkaði aðeins,
enda að syngja fyrir frægustu söng-
konu í heimi,“ segir Garðar Thór
Cortes tenór og brosir við tilhugs-
unina. „En Kiri var mjög elskuleg,
sagði röddina mína fallega og sagði
að þetta kæmi fyrir alla. Hún kom
síðan með góðar ábendingar fyrir
mig, t.d. varðandi öndunina og gaf
okkur öllum smá sýnikennslu,“ segir
Garðar Thór. „Þetta var þvílík upp-
lifun og eftir á ætlaði ég aldrei að
geta náð af mér brosinu,“ segir Dóra
Steinunn Ármannsdóttir mezzósópr-
an. „Ég ætlaði reyndar ekki að
þekkja hana strax þegar hún kom inn
í stofuna, en brá þvílíkt þegar ég
uppgötvaði að þetta var raunveru-
lega hún. Eftir á var ég nánast eins
og í leiðslu og tengingin við jörðu
kom ekki aftur fyrr en daginn eftir.
Ég fékk auðvitað góðar ábendingar,
sérstaklega varðandi framburðinn á
ítölskunni. Hún sagði að ég hefði
góða rödd og ég var auðvitað mjög
stolt af að heyra það. Þetta var tví-
mælalaust ein af bestu stundum lífs
míns,“ segir Dóra Steinunn.
„Ég söng háa kóleratúr-aríu fyrir
Kiri og hún var mjög ánægð með háu
tónana mína. Hún ráðlagði mér að
fara vel með röddina til að halda
hæðinni góðri og syngja ekki hluti
sem eru of þungir á lægra raddsvið-
inu. Það er náttúrlega mjög fínt að fá
ábendingar frá söngvara á borð við
hana, því ég efast ekki um að hún viti
fullkomlega hvað hún er að segja. Og
auðvitað var það mikil uppörvun að
heyra hana segja eitthvað jákvætt
um mann,“ segir Lára Bryndís Egg-
ertsdóttir sópran.
Óperusöngkonan Dame Kiri Te Kanawa kom í óvænta heimsókn í Söngskólann í Reykjavík
„Eins og tíminn
stæði í stað“
Garðar Cortes og Kiri Te Kanawa fyrir utan Söngskólann.
silja@mbl.is
Garðar Cortes, Kiri Te Kanawa og Robin Stapleton í æfingasalnum.