Morgunblaðið - 18.12.2003, Síða 24
SUÐURNES
24 FIMMTUDAGUR 18. DESEMBER 2003 MORGUNBLAÐIÐ
Munið
að slökkva
á kertunum
Kertakveikur á ekki að
vera lengri en 1 cm.
Klippið af kveiknum
svo að ekki sé hætta
á að logandi kveikur
detti af og brenni
út frá sér.
Slökkvilið
Höfuðborgarsvæðisins
Keflavík | „Þegar mér var sagt að ég
væri ágætis dægurlagasöngkona
var ég staðráðin í að fara lengra. Ég
hafði ekkert ætlað mér að verða óp-
erusöngkona og foreldrum mínum
fannst ég ekki eiga neitt erindi í tón-
listarháskóla, en ég vildi gera betur
en þetta,“ sagði sópransöngkonan
Alexandra Chernyshova í samtali
við Morgunblaðið, en hún ætlar að
reyna fyrir sér í íslenskum tónlist-
arheimi og fer í dag í áheyrnarpróf í
Íslensku óperunni. Hún er búsett í
Keflavík og gift Keflvíkingnum Jóni
R. Hilmarssyni.
Það var ástin sem dró Alexöndru
til Íslands og þótt hún hefði farið
víða um heim vissi hún ekkert um
Ísland. „Við Jón kynntumst á Spáni
síðastliðið sumar, ég var að vinna
þar sem túlkur en Jón var í
skemmtiferð.“ Alexandra fluttist til
Íslands í lok október og hefur frá
þeim tíma verið að kynna sig í ís-
lenska tónlistarheiminum. Hún hef-
ur einu sinni komið fram op-
inberlega hér á landi en það var á
Bókakonfekti í Listasafni Reykja-
nesbæjar í byrjun desember. Þeir
sem á hlýddu voru heillaðir og einn
af rithöfundunum hafði á orði að
hann vildi að hann gæti skrifað eins
vel og Alexandra gæti sungið.
Hún sagðist í samtali við blaða-
mann vera bjartsýn á að fá tækifæri
til að syngja á Íslandi. „Mér sýnist
tónlistarlífið á Íslandi vera blóm-
legt. Íslendingum finnst gaman að
syngja og gaman að hlusta, ná-
kvæmlega eins og okkur í Úkraínu.“
Alexandra hefur fullan hug á því
að komast fljótt inn í íslenskan
menningarheim, hún hefur þegar
hafið íslenskunám og hyggst nema
íslenskuna enn frekar í Háskóla Ís-
lands eftir áramót, en auk söng-
námsins hefur hún háskólagráðu í
spænsku, ensku og heimsbók-
menntum. „Mér fannst skrítið að
koma hingað fyrst, allt þetta hraun
og svo öll jólaljósin núna. Í Kiev er
ekki skreytt eins mikið. Rafmagnið
þar er dýrt, þannig að aðeins helstu
verslunargötur eru vel skreyttar.
Kiev er annars mjög falleg borg, ein
af elstu borgum Evrópu. Á heim-
ilunum notum við annars konar
skraut og kertaljós í stað rafmagns-
ljósa. Okkar hátíð er líka meira í
kringum áramótin, enda okkar jól
og frelsisdagurinn í janúarbyrjun.“
Vildi verða meira en
dægurlagasöngkona
Þegar Alexandra er innt eftir því
hvort hún sé fædd inn í mikla lista-
fjölskyldu, segir hún svo ekki vera.
Þó má finna listamenn í ættinni.
„Móðurafi minn bjó til kvikmyndir
og var mjög þekktur á sínum tíma í
heimalandi sínu og mamma hans
var sviðsleikkona. Bróðir hennar
var aftur óperusöngvari.“
Alexandra segir hins vegar að
það hafi aldrei verið ætlun sín að
verða óperusöngkona og reyndar
bar það að á mjög skemmtilegan
hátt. „Ég hafði verið að læra á pí-
anó, lauk því námi 1993, og langaði
til að komast í þekktan barnakór,
sem ég vissi um. Um þetta leyti var
ég 15 ára og þessi unglingakór söng
klassísk lög. Ég fór í áheyrnarpróf
með gítarinn minn og söng afar fal-
legt lag eftir sjálfa mig. Lagavalið
þótti ekki hæfa kórnum svo ég var
látin prófa klassískan söng, sem féll
ekki í kramið. Mér var sagt að ég
væri fyrirtaks dægurlagasöngkona,
en með það var ég ekki sátt. Ég varð
því staðráðin í að fara lengra,“
sagði Alexandra og það er greini-
legt að þarna er ákveðin kona á
ferð.
Hún var síðan í einkanámi hjá
söngkennara þar til hún fór í Tón-
listarháskólann í Kiev og þaðan í
áframhaldandi söngnám við Tónlist-
arakademíuna í Odessa. Alexandra
fékk mjög góða umsögn frá kenn-
urum sínum og vegna hæfileika
sinna var hún styrkt til söngnáms-
ins. Þá hefur hún unnið til margra
verðlauna, var m.a. verðlaunuð fyr-
ir bestu ungu ljóðaröddina í al-
þjóðlegri tónlistarkeppni í Kiev í
fyrra og hefur verið boðið að taka
þátt í Masterclass-námskeiðum víða
um Evrópu.
Fyrr á þessu ári söng Alexandra í
Óperuleikhúsinu í Kiev og und-
anfarna mánuði hefur hún sungið
einsöng með strákakórnum Boyan,
sem er þekktur bæði í Úkraínu og
víðar, önnur tveggja kvenna.
Þessa dagana fer hins vegar
mestallur tími Alexöndru í að æfa
sig fyrir áheyrnarprófið í Íslensku
óperunni. Nágrannar hennar njóta
góðs af söngnum og hún passar sig á
því að byrja ekki æfingar fyrr en
bjart er orðið. Alexandra er orðin
spennt og þó að hún segi að erfitt sé
að komast inn í tónlistarlífið á
miðjum vetri, sé hún vongóð um
tækifæri á Íslandi.
Úkraínsk söngkona vonast til að fá hlutverk í tónlistinni
Morgunblaðið/Svanhildur Eiríksdóttir
Stefnir sífellt hærra: Alexandra Chernyshova æfir sig mikið þessa dagana fyrir áheyrnarpróf en gaf sér tíma til að
leiðbeina eiginmanninum, Jóni R. Hilmarssyni, við píanóið á heimili þeirra í Keflavík. Hann þykir ekki fingralipur.
Var alltaf staðráðin
í að fara lengra
Suðurnes | Fleiri stelpulið en stráka voru að
þessu sinni í billjarðsmóti Samsuð sem ný-
lega var haldið í félagsmiðstöðinni Fjör-
heimum í Reykjanesbæ.
Alls tóku þátt 27 krakkar frá frélags-
miðstöðvunum á Suðurnesjum. Keppt var í
drengja- og stúlknaflokkum. Stelpurnar úr
félagsmiðstöðinni Þrumunni í Grindavík sigr-
uðu í sínum flokki sem og drengirnir úr fé-
lagsmiðstöðinni Skýjaborg í Sandgerði.
Fleiri stelpulið
en stráka í
billjarðsmótinu
Þrumustúlkur sigruðu: Jenný Ósk Óskarsdóttir, Katla Vilmund-
ardóttir og Þóra Kjartansdóttir.