Morgunblaðið - 21.12.2003, Blaðsíða 77

AUÐLESIÐ EFNI
MORGUNBLAÐIÐ SUNNUDAGUR 21. DESEMBER 2003 77
SADDAM Hussein, fyrrum
forseti Íraks, er á valdi
Bandaríkjamanna. Hann var
handtekinn á laugardag í
síðustu viku. Sagt er að hann
sé í fangelsi nærri Bagdad,
höfuðborg Íraks.
Bandaríkjamenn vilja ekki
skýra frá því hvar Saddam er
geymdur. Sagt hefur verið að
hann hafi jafnvel verið fluttur
úr landi. Fjórir Írakar fengu að
hitta Saddam um síðustu
helgi. Hann var þá í fangelsi
skammt frá flugvellinum í
Bagdad.
Bandarískir hermenn
handtóku Saddam á
laugardag í fyrir viku. Hann
var þá í felum á bóndabæ.
Bóndabærinn er skammt frá
Tikrit en þar fæddist Saddam
árið 1937.
Saddam var í felum í holu
þegar hann fannst. Holan
hafði verið grafin við
bóndabæinn. Hann gafst upp
án þess að byssuskoti væri
hleypt af. Saddam hafði verið
átta mánuði á flótta.
Saddam verður dreginn
fyrir rétt. Ekki er vitað hvenær
réttarhöldin hefjast. Ekki
hefur heldur verið ákveðið
hverjir dæma hann. Líklegast
er þó að það geri Írakar.
Saddam Hussein lét taka
af lífi hundruð þúsunda
manna í Írak. Hann kom á
ógnarstjórn í Írak og réðst á
nágrannaríki sín.
Hugsanlegt er að hann
verði dæmdur til dauða.
Búist er við því að margir
mánuðir líði áður en
réttarhöldin hefjast. Þau geta
líka staðið yfir í mörg ár.
Saddam í haldi í Bagdad?
Reuters
Saddam Hussein í læknis-
skoðun eftir að hann var
handtekinn.
Eitt
smyglmál
á dag
TOLLGÆSLAN á
Keflavíkurflugvelli hefur á
þessu ári náð 57 mönnum
sem hafa verið að smygla
fíkniefnum til landsins. Af
þeim hefur hún tekið
næstum 20 kíló af
fíkniefnum. Tollgæslan hefur
aldrei náð jafn mörgum
smyglurum á einu ári.
Mjög mörg smyglmál hafa
verið í desember, næstum
eitt á dag að meðaltali.
Tollgæslan notar
leitarhunda sem eru
sérstaklega þjálfaðir til að
finna fíkniefni. Smyglarar
reyna með ýmsum ráðum að
leika á hundana. Tollgæslan
segir að það sé leyndarmál
hvaða brögðum sé reynt að
beita til að leika á hundana
og tollgæsluna. „Við reynum
að standa okkur og sjá við
smyglurunum,“ segir Kári
Gunnlaugsson sem vinnur
hjá Tollgæslunni.
MARLON Shirly frá
Bandaríkjunum er með
gervifót. Hann vann í vikunni í
60 metra hlaupi innanhúss í
keppni við ófatlaða íslenska
spretthlaupara. Hann segir
þetta besta tímann sem
hann hefur hlaupið á
innanhúss. Marlon er
heimsmeistari í 100 metra
hlaupi fatlaðra. Hann er fyrsti
fatlaði íþróttamaðurinn sem
hleypur 100 metrana á innan
við 11 sekúntum.
Marlon var á Íslandi til að
prófa nýjan gervifót sem
hann hefur hannað í
samvinnu við fyrirtækið
Össur hf.
Marlon varð munaðarlaus
þriggja ára gamall. Þá fór
móðir hans frá honum. Á
munaðarleysingjahælinu
varð hann fyrir því óhappi að
sláttuvél ók yfir hægri fót
hans svo að hann missti
fótinn fyrir neðan hné.
Morgunblaðið/Jim Smart
Marlon Shirley sigraði ófatlaða íslenska spretthlaupara í 60 metra hlaupi innanhúss.
Vill keppa við ófatlaða hlaupara
FRANSKI landsliðsmaðurinn
Zinédine Zidane var
útnefndur knattspyrnumaður
ársins hjá
Alþjóða-knattspyrnu--
sambandinu, FIFA. Kjörið var
kynnt í veislu í Basel í Sviss.
Landi hans Thierry Henry
varð annar og
Brasilíumaðurinn Ronaldo
þriðji.
142 landsliðsþjálfarar sem
greiddu atkvæði í kjörinu.
Zidane, leikur með Real
Madrid á Spáni, fékk 264
atkvæði – og var þetta í þriðja
skipti sem hann er útnefndur
besti knattspyrnumaður
heims – áður var hann
útnefndur 1998 og 2000.
Zidane fékk samtals 35
atkvæði í efsta sætið, 27
atkvæði í annað sæti og 8
atkvæði í þriðja sæti. Alls eru
fjórir leikmenn úr liði Real
Madrid í hópi tíu efstu á
þessum lista.
„Það skiptir ekki máli hvað
oft maður fær þessa
viðurkenningu. Það verður
alltaf heiður að taka á móti
útnefningunni og þá
sérstaklega þar sem það eru
landsliðsþjálfarar sem sjá
um valið. Það er mikill heiður
fyrir mig að fá þessa
útnefningu og ég er stoltur,“
sagði Zidane, sem er einn af
lykilmönnum franska
landsliðsins og Real Madrid.
Zidane hóf knattspyrnuferil
sinn hjá Cannes og hélt
þaðan til Bordeaux. Hann
gekk til liðs við Juventus á
Ítalíu 1996 og varð
Ítalíumeistari með liðinu
tvisvar – tvö fyrstu ár sín í
Tórínó. Hann varð
heimsmeistari með Frökkum
1998 í Frakklandi og
Evrópumeistari í Hollandi
2000.
Zidane gekk til liðs við Real
Madrid og tryggði liðinu
Evrópumeistaratitlinn 2002
með glæsilegu marki í leik
gegn Bayer Leverkusen í
Glasgow.
Landslið Brasilíu var
útnefnt lið ársins og
stuðningsmenn skoska
liðsins Celtic fengu
viðurkenningu fyrir háttvísi.
Þeir urðu liði sínu og
Skotlandi til mikils sóma í
Sevilla á Spáni, þar sem
Celtic mátti þola tap fyrir FC
Porto frá Portúgal í úrslitaleik
UEFA-bikarkeppninnar.
Þýska stúlkan og
heimsmeistarinn Birgit Prinz
var kjörin besti leikmaður
kvenna með 268 atkvæði, en
næstar í kjörinu voru Mia
Hamm, Bandaríkjunum, 133
atkvæði, og Hanna
Ljungberg, Svíþjóð, með 84
atkvæði.
Zidane besti
knattspyrnu-
maður heims
Reuters
Zinédine Zidane frá Frakk-
landi var valinn sá besti í
þriðja skiptið á ferlinum.
SÖNGVARINN Michael
Jackson hefur verið formlega
ákærður fyrir kynferðislegt
ofbeldi gagnvart barni.
Er ákæran í níu liðum og
verði hann fundinn sekur
getur hann átt yfir höfði sér
allt að 24 ára fangelsi. Á
fréttamannafundi, sem Tom
Sneddon saksóknari efndi til,
voru ákæruatriðin ekki
útskýrð að öðru leyti en því,
að sjö þeirra væru um
kynferðislegt ofbeldi og tvö
um það, að Jackson hefði
gefið barni áfengi með það í
huga að misnota það.
Jackson hefur kallað
ákærurnar „lygi“ og hyggst
berjast fyrir því með aðstoð
færustu lögmanna að sanna
sakleysi sitt.
Foreldrar hans segja, að
tilgangur saksóknaranna sé
sá einn að niðurlægja son
þeirra. Búist er við, að málið
gegn Jackson eigi eftir að
valda gífurlegu fjölmiðlafári í
Bandaríkjunum og jafnvel víð-
ar.
Reuters
Lögreglan í Santa Barbara
handtók Michael Jackson
fyrst 20. nóvember.
Jackson
ákærður