Morgunblaðið - 22.12.2003, Blaðsíða 6

FRÉTTIR
6 MÁNUDAGUR 22. DESEMBER 2003 MORGUNBLAÐIÐ
Opið til 22.00
í kvöld
...
e
r
m
eð
a
llt
f
yr
ir
jó
lin
Jóladagskrá í dag
17.00 Sigga Beinteins, Grétar Örvars og
jólasveinarnir á Kringlutorgi.
19.00 Kátir jólasveinar ganga um gólf,
syngja, spjalla og spila.
Þægilegur jólajazz á klukkutímafresti
frá kl. 14.00.
BORINN risavaxni sem fluttur var
á virkjanasvæðið á Kárahnjúkum
er nú kominn á leiðarenda, en
ferðalagið tók rúmar níu klukku-
stundir.
Borinn var fluttur í hlutum og er
þyngsti hlutinn um 75 tonn. Nú
verður farið að vinna við samsetn-
ingu borsins, og hefst vinna með
honum um miðjan apríl, segir Ómar
R. Valdimarsson, talsmaður
Impregilo.
„Flutningarnir gengu prýðisvel,
það voru engin áföll, þetta tók að
vísu rúma níu tíma, en að öðru leyt-
inu til gekk þetta bara mjög vel,“
segir Ómar.
Ómar segir að von sé á tveimur
borum sömu gerðar til viðbótar,
annar borinn er væntanlegur til
landsins í lok febrúar, en hinn um
miðjan apríl. Borarnir þrír eru
eins, eru allir samtals um 600 tonn
og 120 metrar að lengd sam-
ansettir.
Ljósmynd/Helgi Garðarsson
Vel gekk að flytja borinn en ferðin tók rúmlega níu klukkutíma.
Tveir borar til viðbót-
ar væntanlegir í vor
SAMKEPPNISSTOFNUN hefur
beint þeim tilmælum til Icelandair
að birta ekki aftur óbreyttar auglýs-
ingar undir fyrirsögninni „Ódýrari“
en auglýsinganefnd samkeppnisráðs
telur að auglýsingarnar séu villandi
fyrir neytendur þar sem ekki komi
skýrt fram í yfirskrift eða meginmáli
auglýsinganna hvað verið sé að bera
saman. Auglýsingarnar brjóti því í
bága við samkeppnislög. Iceland
Express kvartaði til Samkeppnis-
stofnunar yfir auglýsingunum.
„Þannig gefur yfirskrift auglýs-
inganna til kynna að fargjöld Ice-
landair séu almennt ódýrari en
keppinautarins þrátt fyrir að ein-
göngu sé verið að bera saman far-
gjöld sem ná yfir helgi,“ segir í nið-
urstöðu auglýsinganefndarinnar. Þá
kemur fram að auglýsingarnar
brjóti í bága við ákvæði 21. grein
samkeppnislaga, sem hljóðar svo:
„Óheimilt er að veita rangar,
ófullnægjandi eða villandi upplýs-
ingar í auglýsingum eða með öðrum
hætti að beita öðrum slíkum við-
skiptaaðferðum sem sama marki eru
brenndar, enda séu upplýsingar
þessar og viðskiptaaðferðir fallnar
til að hafa áhrif á eftirspurn eða
framboð vara, fasteigna, þjónustu
eða annars þess sem haft er á boð-
stólum í atvinnustarfsemi sem lög
þessi taka til.“
Iceland Express benti á það í er-
indi sínu að samanburðurinn í aug-
lýsingunum næði eingöngu til helg-
arfargjalda, en lægstu fargjöld
Icelandair bjóðist aðeins ef gist sé
fram á sunnudag á áfangastað.
Lægstu fargjöld Iceland Express
standi hins vegar til boða alla daga
og séu ekki háð hámarks- eða lág-
marksdvöl.
Samkeppnisstofnun telur
auglýsingarnar vera villandi
MENNTASKÓLINN á Ísafirði mun
starfrækja svonefnda nýbúabraut á
vormisseri 2004 og hafa þegar 36
nemendur verið teknir inn í námið,
auk þess sem nokkrir eru á biðlista.
Kennslan fer fram í kvöldskóla á
fyrsta misserinu og verða fjórir
áfangar kenndir, íslenska fyrir byrj-
endur og lengra komna, enska sam-
félagsfræði og tölvunotkun.
Ólína Þorvarðardóttir, skólameist-
ari MÍ, sagði að Iðnskólinn í Reykja-
vík væri með nýbúabraut, en að öðru
leyti vissi hún ekki til þess að aðrir
framhaldsskólar væru með náms-
framboð af þessu tagi.
Ólína sagði að námið færi fram á
forsendum almennrar námsbrautar,
en hún væri ætluð þeim nemendum
sem ekki uppfylltu öll inntökuskil-
yrði í framhaldsskóla. Þarna væri
því um að ræða undirbúning fyrir
nám í framhaldsskóla og með tíð og
tíma gætu þeir sem héldu áfram og
lykju þessum áföngum sótt um í
Menntaskólanum sem almennir
nemendur.
Hún sagði að hingað til hefðu mjög
fáir nemendur af erlendum uppruna
verið í MÍ miðað við fjölda nýbúa á
svæðinu og þeim hefði því fundist tími
til kominn að auka þessa hlutdeild og
kynna skólann fyrir þessum hópi.
Ólína sagði að stærstu hópar þeirra
sem hefðu innritað sig í námið væru
frá Póllandi og Taílandi, en fólk væri
auk þess af ýmsum þjóðernum. Nem-
endurnir væru alveg frá því að vera
17-18 ára gamlir og upp úr, auk þess
sem flestir væru vinnandi og ætluðu
að stunda námið meðfram vinnu.
„Þetta ætti að vera skemmtileg ný-
breytni hjá okkur sem nýtist bæði
skólanum og atvinnulífinu og auðvitað
sérstaklega þessum einstaklingum
með því að auka hæfni þeirra og
sjálfstraust á vinnumarkaði,“ sagði
Ólína ennfremur.
Nám á nýbúabraut á
Ísafirði á vormisseri
HVALAMIÐSTÖÐIN á Húsavík bauð á dögunum öllum
börnum á Húsavík og Norðurlandi í heimsókn í Hvala-
miðstöðina í tilefni þess að vika var síðan háhyrningurinn
Keikó drapst við Noregsstrendur. Með þessu boði vildi
Ásbjörn Björgvinsson, forstöðumaður safnsins, minnast
háhyrningsins og fræða börnin um hann í leiðinni.
Fjöldi áhugasamra barna kom í Hvalamiðstöðina og
fékk m.a. að sjá uppblásinn Keikó í fullri stærð og annað
sem honum tengist og er á safninu. Einnig var sýnt
myndband um hann og Ásbjörn fræddi börnin um sögu
hans alveg frá því hann var fangaður hér við Íslands-
strendur til dauðadags. Þá var börnunum boðið að horfa
á kvikmyndina Free Willy sem Keikó lék í og varð heims-
frægur fyrir.
Erlendir fjölmiðlar, s.s. Reuters-fréttastofan og AP,
hafa fjallað um dauða Keikós og hefur urðun, eða útför
hans á landi, ekki hvað síst vakið athygli þar sem vaninn
sé að kasta hræjum sjávarspendýra í sjóinn. Norsk yf-
irvöld heimiluðu hins vegar urðun hans og voru sjö
manns viðstaddir athöfnina.
Morgunblaðið/Hafþór Hreiðarsson
Krakkarnir á Húsavík fylgdust áhugasamir með frásögn af íslenska háhyrningnum Keikó sem nýlega drapst í Noregi. Á myndinni
eru frá vinstri Rafnar Smárason, Birgir Þór Þórðarson, Tanja Mjöll Magnúsdóttir og Veronika Arnardóttir.
Minntust
Keikós í Hvala-
miðstöðinni
Húsavík. Morgunblaðið.
Ríkið fær 15–30%
afslátt af tölvum
RÍKIÐ sparar verulegar fjárhæðir í
tölvukaupum með nýjum ramma-
samningi sem gerður hefur verið við
helstu seljendur einmenningstölva og
skylds búnaðar. Algengur afsláttur er
15–30% af listaverði en í ákveðnum
vöruflokkum upp undir 40%.
Ríkisstofnanir kaupa mikið af tölv-
um og tölvubúnaði. Velta samkvæmt
rammasamningi sem fellur úr gildi
um áramót er komin yfir milljarð á
ári. Þrettán fyrirtæki sendu inn tilboð
þegar tölvukaup næstu tveggja ára
voru boðin út og hefur nú verið skrif-
að undir samninga við ATV, EJS, Ný-
herja og Opin kerfi í öllum flokkum en
það eru sömu fyrirtækin og hafa haft
rammasamning við ríkið undanfarin
fjögur ár. Nú var bætt við samningi
við Öflun ehf. um Apple-búnað og
Sensa ehf. um netbúnað og Pennann
og Odda um rekstrarvörur eingöngu.
Páll Grétarsson verkefnastjóri,
sem vann að samningunum fyrir Rík-
iskaup, kveðst ánægður með árangur
útboðsins. Mikill áhugi hafi reynst á
útboðinu og fyrirtækin viljað leggja
mikið á sig til að vera með. Þá hafi
náðst fram veruleg verðlækkun en
Páll segir erfitt að meta hana í fjár-
hæðum.
Rammasamningar um tölvukaup
eru langstærstu einstöku samning-
arnir sem gerðir eru í þessu kerfi.
Rammasamingur felur í sér að ríkið
velur sér birgja í ákveðnum vöru-
flokkum og lofar um leið að skipta við
þá. Magn innkaupanna er ekki til-
greint enda liggur það ekki fyrir.
Áfram er samkeppni milli þessara
birgja þegar ríkisstofnanirnar ráðast
í tövukaup. Þá eru ákvæði um að allar
vörur þessara fyrirtækja verði boðn-
ar á rafrænu markaðstorgi.
SAMNINGAR tókust á föstu-
dag milli Verzlunarmannafélags
Reykjavíkur og Sumarferða um
ódýrar ferðir fyrir félagsmenn
VR í sumar, og er verð fyrir
tvær vikur, með gistingu og
sköttum, frá 37.000 krónum.
Helgi Jóhannsson, fram-
kvæmdastjóri Sumarferða, seg-
ir samninginn mjög ánægjuleg-
an fyrir báða aðila. Alls eru um
700 sæti í boði, og kosta tveggja
vikna ferðir á bilinu 37.000 til
45.000 kr. fyrir fjóra til sex í
íbúð. Innifalið er flug, íbúð og
skattar, og verður flogið aðra
hverja viku með leiguflugi.
Farið verður til bæjarins
Calpe, sem er fiskimannabær
miðja vegu milli Alecante og
Valencia á austurströnd Spánar,
en þetta er í fyrsta skipti sem
boðið er upp á ferðir þangað.
Helgi segir að þær ferðir sem
boðið er upp á í ár séu talsvert
öðruvísi en ferðir undanfarinna
ára. Þannig er boðið upp á gist-
ingu í loftkældum íbúðum sem
eru við ströndina. Einnig sé
margt við að vera á þessu svæði,
hægt að fara í golf, skemmti-
garð, safarí-garð, köfun, og stutt
að fara til borgarinnar Valencia.
Hægt er að sækja um ferðir á
heimasíðu VR, www.vr.is, fram
til 20. janúar.
VR semur
um sumar-
ferðir fyrir
félagsmenn