Morgunblaðið - 10.03.2004, Blaðsíða 22

LISTIR
22 MIÐVIKUDAGUR 10. MARS 2004 MORGUNBLAÐIÐ
Bæjarlind 3 \ 201 Kópavogur \ Sími 555 4020 \ Fax 565 4021
tvohjortu@tvohjortu.is \ www.tvohjortu.is
Brúðarkjólar og herraföt
Hátíðarbúningur fyrir
fermingardrengi
Bæjarlind 1 - Sími 554 2350 - www.start.is
Fermingartilboð
tölvur frá
59.990.-
B æ j a r l i n d
ferming
Þ
ótt margt sé á döfinni á
heimaslóðum sem at-
hyglin beinist að þykir
mér rétt að halda áfram
þar sem frá var horfið í
siðasta skrifi. Einfaldlega svo mikið
að gerast víða sunnar í álfunni sem
kemur myndlist og fjöltækni við, að
ég tel skyldu mína að vekja athygli
hér á. Þannig held ég að sjaldan hafi
jafn fágætt úrval sýninga verið í
London í upphafi árs og um þessar
mundir. Heimsborgina þá svo er
komið við bæjardyrnar, jafnvel ódýr-
ara að halda þangað en til Akureyrar,
Egilsstaða og Ísafjarðar svo öllum
landsfjórðungunum séu gerð skil.
Innan hand-
ar að taka til
nesti og nýja
skó að
morgni og
koma heim
að kvöldi ef
vill, skoða einn eða fleiri úrskerandi
viðburði, svona eins og löngu er farið
að tíðkast varðandi dagsfundi í við-
skiptaheiminum sem og öðrum til-
gangi. Fyrir utan öll aðalsöfnin sem
kynna flestar hliðar myndlista og fjöl-
tækni, hér getur hver og einn tekið
stefnuna í samræmi við áhugamál sín
og uppskorið stórum víðari yfirsýn
yfir heimslistina, allt frá upphafi vega
til dagsins í dag.
Meðal helstu viðburða í London má
nefna sýningu Portrettsafnsins í til-
efni þess að hundrað ár eru liðin frá
fæðingu ljósmyndarans Cecil Beaton
(1904–1980), stendur til 31 maí. Ný-
opuð er sýning í Þjóðlistasafninu á
málverkum, teikningum og högg-
myndum(!) hins grískfædda Spán-
verja El Grecos, Dominikos Theot-
okopuolos (1541–1614), stendur til 23.
maí. Opinberun Prärafaelistanna
(forrafaelitanna) nefnist sýning á
Tate Brittain, Millbank. Um að ræða
hóp skálda, rithöfunda og málara sem
höfðu endurreisn listar fyrir daga
Rafaels að takmarki og stofnuðu með
sér bræðralag 1848. List forrafealit-
anna, sem hafði afturhvarf til náttúr-
unnar á dagskrá með tilfinningaríku
skreytikenndu og rómantísku ívafi,
hefur á síðustu árum verið tekin til
rækilegs endurmats, risið upp úr
öskustó að segja má. Nafnkenndastir
þeirra munu þeir Dante Gabriel Ros-
setti, Edvard Burne Jones og Ford
Maddox Brown. Forrafaelitarnir sem
sagt komnir í forgrunninn eftir að
hafa verið eitthvað langt í burtu og til
hliðar eins og mætti orða það, þessu
hefði margur síður búist við en dauða
sínum, aðrir verið lúmskt hrifnir af
þeim en ekki endilega gefið það upp,
þar á meðal skrifari, – til 3. maí.
Í endurbættu Hayward Gallery við
bakka Thamesár, stendur yfir yf-
irlitssýning á myndverkum popp-
listamannsins Roy Lichtenstein
(1923–1997), gæti verið sama fram-
kvæmd og gisti Lousiana í Humle-
bæk og lauk 11. janúar, á Kon-
unglegu akademíunni stendur yfir
sýning á ameríska málaranum Philip
Guston (1913–1980), sem vel að
merkja telst amerískur og af New
York-skólanum þrátt fyrir að vera
fæddur og hafa látist í Montreal. Svo
er það auðvitað sýning Unilever (The
Unilever series) á fjöltækni-inn-
setningu hins dansk, þýsk, íslenzka
Ólafs Elíassonar á Tate, Bankside
sem lýkur 21. mars. En hurðir því
miður fallnar að stöfum varðandi sýn-
ingar á verkum Rubens í Hermitage-
sölum, Somerset House, og, Gothic-
Art for England 1400–1547, á Vict-
oria og Albert Museum sem ef ég
þekki rétt til hefur verið algjört fá-
gæti. Rétt að upplýsa að þar var opn-
uð 4. janúar sýning á 150 verkum
fatahönnuðarins nafnkennda Vivi-
enne Westwood. Stendur allar götur
til 11. júlí.
Hvað hinn flæmska stórmálara og
diplómat Peter Paul Rubens (1577–
1644) snertir, er hann í kastljósinu
allt árið. Eftir að sýningunni í London
lauk beinast augun að Lille í Frans,
annarri menningarborg Evrópu 2004.
Í Fagurlistahöllinni var opnuð mikils-
háttar yfirlitssýning á verkum hans 3.
mars, stendur til 14. júní. Sama dag
var opnuð sýningin Safnarinn Rub-
ens, í Rubens húsi í Antwerpen;
myndverk eftir Tizian, Jan Brueghel
og Anthonis van Dyck, ásamt teikn-
ingum, höggmyndum og mynt, til 13.
júní. Í Kassel verður opnuð sýningin
Pan og Syrinx í málverkasafni eldri
meistara, hefur með erótísku hliðina
á myndsköpun meistarans að gera,
svo og myndverk Jan Brueghels
(1568–1625) og samtíðarmanna
þeirra, til 13. júní, heldur þarnæst til
Frankfurt/ Main.
Þá er komið að hinni menningar-borg Evrópu 2004 sem er Genúa. Í Ducale-höllinni verð-
ur opnuð 20. mars sýning á 120
myndverkum Rubens og samtíð-
armanna, meðal annars van Dyck,
Tintoretto, Caravaggio, og Tizian. Þá
er röðin aftur komin til Antwerpen,
fæðingarborgar meistarans, hvar
sýningin, Uppgötvun landlags-
málverksins, verður opnuð 8. maí í
Konunglega fagurlistasafninu, inni-
ber flæmsk landlagsmálverk frá Pat-
inir til Rubens, stendur til 8. ágúst.
Joachim Patenir (um 1485–1524), var
sérstæður og undursamlegur lands-
lagsmálari. Loks verður opnuð í
Braunshweig 8. ágúst sýningin Peter
Paul Rubens, barroskar ástríður, í
safni kenndu við Anthon Ulrich her-
toga og lýkur 31. október. Hér upp-
taldir helstu viðburðirnir en um fleiri
er að ræða og upplýsingar má finna á
vefnum www. Rubens 2004.
Barrokkið er að vísu löngu liðin tíð
en menn sjá þó skýr áhrif þess í póst-
módernismanum, einkum arkitektúr;
nokkurs konar gamalt vín á nýjum
belgjum. Meðal stórviðburða fortíðar,
sem dregnir eru fram í dagsljósið, er
að 140 ár eru liðin frá fæðingu Henri
de Toulouse-Lautrec (1864–1901) og
mun eins konar forsmekkur þess sem
menn geta búist við að tíu árum liðn-
um. Í listasafninu í Baltimore var
opnuð sýningun Toulouse-Lautrec,
meistari Moulin Rouge, og stendur til
23. maí. Í Käthe Kollwits-safninu í
Köln verður það Touloise-Lautrec og
fagra tímabilið, Belle Epoqe, stendur
frá 26. mars til 16. maí. Listasafnið í
Chemnitz býður upp á heildarverk
snillingsins í grafík 4. apríl–25. júlí.
Listhöll veðlánarastofnunarinnar í
München kynnir Parísar líf, frá nóv-
ember, inniber þá hlið sem veit að
veggspjöldum úr safni Gerstenberg,
ásamt málverkum, pastel og fljót-
rissum, stendur frá 30. júní til 21.
nóvember. Loks ber að nefna 100
teikningar úr koparstungusafninu í
Dresden, steinþrykk, riss, vatns-
litamyndir og ljósmyndir, þar á meðal
mappan Hún (Elle), sem hann gerði
1896, stendur frá 22. nóvember til 17.
janúar 2005.
Þótt kastljósið á yfirstandandi ári
beinist helst að Dali, Rubens og Tou-
louse-Lautrec er fjarri því að menn
gleymi miklum áhrifavöldum næstlið-
innar nútíðar. Kemur okkur dálítið
við, að föstudaginn 12. mars verður
opnuð yfrlitssýning á verkum Dieter
Roth í MoMA, Quens, þ.e. bráða-
birgðahúsnæði safnsins meðan að-
albyggingin er í stækkun og end-
urnýjun, stendur til 7. júní. Þessi
fyrrum svissnesk/þýski tengdasonur
Íslands er að verða sígildur ekki síður
en annar góðkunningi og velunnari
okkar, Bandaríkjamaðurinn Donald
Judd. Er svo er komið eru mikils-
háttar verk Judds slegin á yfir millj-
ón dollara á uppboðum. Um þessar
mundir stendur yfir yfirlitssýning á
Tate Modern í tilefni að 10 ár eru frá
láti hans, stendur til 25. apríl. Þá
verður opnuð 25. september önnur
framkvæmd í Samtímalistasafninu í
Basel, sem hefur með seinni tíma
verk minimalistans að gera, stendur
til 9. janúar á næsta ári.
Mikið um að vera á myndlist-arvettvangi í Lille og Gen-úa, borgum menningarárs
2004. Í Lille hófust hátíðahöldin með
þrem sýningum með blóm sem þema,
og um síðustu helgi opnaði viðamikil
sýning í Fagurlistasafninu á verkum
Antonio Watteau (1684–1721), stend-
ur til 14. júní. Þá má nefna sýningu er
snertir hugmyndaflug eins af höf-
uðmeisturum klassíska tímabilsins
J.A.D. Ingres (1780-1867), kringum
hina stóru og frægu ódalísku mynd
hans, verður opnuð 26. júní og stend-
ur til 31. október. Sýningin Mexíkó-
Evrópa. Fram og aftur 1919–1960,
innber 250 myndverk mexíkóskra og
evrópskra listamanna frá fyrra helm-
ingi 20 aldar, hér innbyrðis áhrif í
kastljósinu. Um að ræða listamenn
sem flakkað hafa á milli heimsálf-
anna, þar á meðal ljósmyndarann
Manuel Alvaro Bravo, stendur frá 4.
apríl til 16. anúar 2005. Þá má nefna
sýningu á samanburðararkitektúr
borganna Lille, Barselóna, Man-
chester, Portó og Rotterdam, stendur
frá 14. september til 21. nóvember.
Loks ber að nefna sýningu á verkum
framúrstefnulistamannsins og áhrifa-
valdsins Anish Kapoor, stendur frá
25. október til 6. mars 2005.
Fyrsti stóri viðburðurinn í Genúa;
Tillögur um samtímalist frá Lille til
Genúa, verður opnaður 15. apríl,
stendur til 30. maí. Síðan fylgja fram-
kvæmdirnar: Hvítt og blátt. Fimm
hundruð ára saga leirlistar í Ligúríu,
samanstendur af fjórum sýningum og
400 hlutum í Savona, Albisola og
Vado, Ligúriu, stendur frá 7. maí til
30. júní. Einvígi – myndlist, arkitekt-
úr – hönnun á 20. öld, stendur frá 21.
maí til 31. ágúst. Myndlist & arkitekt-
úr 1900–2000 stendur frá 2. sept-
ember fram í janúar 2005. Genua De-
sign 2004 stendur frá 8. október til 28.
nóvember. Loks, List og menning í
Genúa milli 1960 og 1980, hápunktar
Meira af árinu 2004
Snillingurinn P.P. Rubens er í sviðsjósinu 2004. Hér í eigin pensilförum
ásamt fyrri konu sinni, Isabellu Brandt, um 1609.
SJÓNSPEGILL
Bragi
Ásgeirsson
bragi@internet.is