Morgunblaðið - 10.03.2004, Blaðsíða 33

MINNINGAR
MORGUNBLAÐIÐ MIÐVIKUDAGUR 10. MARS 2004 33
✝ Tryggvi Jónssonfæddist í Brekku,
Aðaldal í S-Þingeyj-
arsýslu 10. mars
1924. Hann lést í Sól-
túni, Reykjavík, 2.
mars síðastliðinn.
Foreldrar hans voru
Jón Bergvinsson,
bóndi í Brekku, f. 23.
janúar 1886, d. 19.
maí 1958, og Margrét
Sigurtryggvadóttir,
f. 5. mars 1890, d. 1.
sept. 1968. Systkini
Tryggva eru: Berg-
vin, f. 1. ágúst 1918,
d. 18. júní 1963, Ingvi Karl, f. 16.
mars 1920, d. 2. maí 1998, Elín
Rannveig, f. 15. maí 1921, Guðrún,
f. 26. apríl 1923, Hörður Bragi, f.
24. maí 1926, Þórður, f. 9. sept.
1927, Áslaug Nanna, f. 22. maí
1929, d. 25. desember 1950, og
Kristín, f. 22. júlí 1932.
Foreldrar Tryggva bjuggu á
Brekku í Aðaldal í S-Þingeyjar-
sýslu og ráku þar bú. Tryggvi ólst
þar upp fram á unglingsárin. Þá
hélt hann til Reykjavíkur þar sem
hann vann ýmis störf áður en hann
hóf að læra matreiðslu. Hann fékk
sveinsbréf 18. desember 1950 og
varð meistari í iðninni nokkrum
árum síðar.
Hinn 16. október 1948 kvæntist
Tryggvi Ásgerði S. Jónasdóttur, f.
á Ytri-Húsum í Dýrafirði 26. apríl
1928, d. 25. ágúst 2001. Foreldrar
hennar voru Jónas
Jón Valdimarsson,
vélstjóri, f. 25. júlí
1898, d. 2. nóvember
1974, og Kristbjörg
Ragnheiður Þór-
oddsdóttir, f. 27.
ágúst 1902, d. 21.
ágúst 1997. Börn
Tryggva og Ásgerð-
ar eru: 1) Jón Svavar,
f. 8. júní 1948, maki
Elínborg Jónsdóttir,
f. 11. apríl 1948, þau
slitu samvistir, börn
þeirra: Anna Sólveig,
f. 23. desember 1977,
d. 30. desember 1979, Tryggvi, f.
12. október 1982, Anna, f. 20. júní
1985. 2) Bjarni Þór, f. 2. desember
1955, maki Guðfinna Arnarsdóttir,
f. 27. október 1956, börn þeirra:
Unnur Ása, f. 21. nóvember 1988,
Jónas Þór f. 25. september 1994. 3)
Berglind, f. 24. júní 1965, maki
Karl Ómar Jónsson, f. 19. ágúst
1965, börn þeirra: Jón Óskar, f. 6.
september 1992, Sunna Björk, f. 1.
febrúar 1999, Sóley Edda, f. 1.
febrúar 1999.
Tryggvi starfaði sem mat-
reiðslumaður og kennari. Auk
þess sinnti hann ýmsum fé-
lagsstörfum, m.a. fyrir Félag mat-
reiðslumanna og lífeyrissjóð
þeirra.
Útför Tryggva fer fram frá Ár-
bæjarkirkju í dag og hefst athöfn-
in klukkan 13.30.
Þó sorgin sé sár,
og erfitt við hana að una.
Við verðum að skilja,
og alltaf við verðum að muna
að Guð hann er góður,
og veit hvað er best fyrir sína.
Því treysti ég nú,
að hann geymi vel sálina þína.
Þótt farinn þú sért,
og horfinn ert burt þessum heimi.
Ég minningu þína,
þá ávallt í hjarta mér geymi.
Ástvini þína, ég bið síðan
Guð minn að styðja,
og þerra burt tárin,
ég ætíð skal fyrir þeim biðja.
(Bryndís Jónsdóttir.)
Elsku pabbi minn. Alltaf svo ljúf-
ur og góður. Alltaf umhyggjusamur
og nærgætinn. Ósérhlífinn og dug-
legur.
Húmoristi. Einstakur maður.
Hann saknaði mömmu minnar
óskaplega og þráði ekkert heitar en
að komast til hennar.
Ég trúi því og treysti að þau séu
nú saman á ný, hamingjusöm og
heilbrigð í faðmi Guðs. Ég geymi
allar fallegu minningarnar um þau í
hjartanu mínu og held áfram að
segja börnunum mínum frá
Tryggva afa og Ásu ömmu. Guð
geymi þig, pabbi minn.
Þín
Berglind.
Elskulegur tengdafaðir minn er
látinn eftir erfið veikindi. Tryggvi
reyndist mér alla tíð svo einstak-
lega vel og það fæ ég aldrei full-
þakkað. Leiðir okkar lágu fyrst
saman þegar ég 14 ára gamall fór í
starfskynningu á vegum Árbæjar-
skóla til Olíufélagsins Essó. Þar
átti ég að mæta kl. átta að morgni
og spyrjast fyrir um matreiðslu-
mann fyrirtækisins sem myndi síð-
an leiða mig í allan sannleikann um
listir matargerðarinnar. Ég mætti
að sjálfsögðu stundvíslega og
spurðist fyrir í afgreiðslunni um
manninn sem réði ríkjum í eldhús-
inu. Hann kom fram og tók vel á
móti þessum litla skólastrák sem
vissi ekki að leiðir þeirra ættu eftir
að liggja svo þétt saman sem síðar
varð. Hann fór með mig niður í
kjallara og setti mig í slopp af sjálf-
um sér þannig að það þurfti að
bretta vel upp á ermarnar og fór
svo með mig upp í eldhús. Sagði
hann mér að það væri reyktur med-
ester í matinn í hádeginu og hann
ætlaði að laga súpuna, sósuna og
kartöflumúsina en ég þyrfti að
steikja medesterpylsuna og sýndi
mér svo hvernig ég átti að gera.
Næstu tvo klukkutímana stóð ég
við pönnuna og steikti eins ég ætti
lífið að leysa.
Þennan morgun kviknaði áhugi
minn á þessari skemmtilegu iðn-
grein sem matreiðslan er og átti
Tryggvi stóran þátt í því. Það var
einhver töfraljómi yfir kallinum
þegar hann stóð við eldavélina. Vet-
urinn eftir þetta fórum Berglind að
slá okkur upp og seinna flutti ég til
þeirra í Skaftahlíðina. Heima hjá
Tryggva og Ásu bjuggum við Berg-
lind í fimm ár eða þangað til við
keyptum okkur eigin íbúð.
Samband mitt við þau hjónin var
alltaf einstaklega gott en það þótti
svolítið sérstakt á þeim tíma að
taka inn á heimili sitt tilvonandi
tengdason sem var bara nýorðinn
17 ára og það lýsir líka vel hvernig
einstaklingar þau Tryggvi og Ása
voru. Tryggvi talaði við fyrrverandi
lærisveina sína sem voru tilbúnir að
taka stráksa á reynslusamning í
matreiðslu og það varð úr að ég
kláraði kokkanámið sem Tryggvi
lagði grunninn að. Eftir námið
störfuðum við Tryggvi oft saman í
veislum sem hann hafði tekið að sér
og þá fékk maður betur að kynnast
hver afbragðs kokkur hann var.
Tryggvi var mikill áhugamaður
um félagsmál og átti hann lengi
sæti í stjórn Félags matreiðslu-
manna og í stjórn lífeyrissjóðs
sama félags. Félagsmálin áttu stór-
an þátt í lífi hans og þau voru unnin
af miklum áhuga og elju. Eins og
þetta var á þeim tíma var því ekki
fyrir að fara að menn fengju greidd
laun fyrir slíka vinnu en Tryggvi
taldi það aldrei eftir sér að eyða frí-
tíma sínum í sjálfboðavinnu fyrir
sitt félag.
Tryggvi var lengi í stjórn sum-
arbústaðaeigenda í Eilífsdal við
Meðalfellsvatn þar sem þau Ása
áttu sinn sælureit. Þar var einstakt
að koma því þar höfðu þau ræktað
landið svo fallega í kringum litla
bústaðinn sinn. Eilífsdalurinn var
þeirra annað heimili í 20 ár og þar
eyddu þau mestum frítíma sínum
þegar þau fóru að eldast.
Tryggvi starfaði lengi á tveimur
vinnustöðum á sama tíma. Auk þess
að starfa sem matreiðslumaður á
daginn sá hann um svokölluð sjó-
kokkanámskeið á kvöldin sem voru
á vegum Hótel- og veitingaskóla Ís-
lands. Þar kenndi hann tilvonandi
sjókokkum allt það helsta um mat-
argerð í yfir 20 ár. Margir sem
sóttu þessi námskeið fengu mikinn
áhuga á faginu og héldu áfram og
var Tryggvi þá mjög ötull að reyna
að koma þessum einstaklingum í
læri hjá einhverjum af sínum fyrri
nemendum sem þá voru oft komnir
með eigin atvinnurekstur.
Seint mun ég gleyma öllum þeim
yndislegu stundum sem ég átti á
heimili Tryggva og Ásu og hvernig
þau snerust endalaust í kringum
alla sem litu inn hjá þeim í Skafta-
hlíðinni og síðar í Laxakvíslinni.
Þangað var maður alltaf velkominn
og aldrei komið að tómum kofunum
því þau áttu alltaf eitthvað gott að
bjóða svöngum gestum sínum.
Tryggvi og Ása eignuðust átta
barnabörn og áttu þau hug þeirra
allan. Þau hafa nú misst afa og
ömmu með stuttu millibili og það
verður okkar sem eftir erum að
taka við þeirra hlutverki. Ekki er
auðvelt að útskýra þessa hluti þeg-
ar lítil fimm ára stúlka spyr mann
af hverju afi og amma hafi þurft að
fara frá okkur en tíminn mun lækna
sársaukann og þau skilja þetta bet-
ur þegar þau eldast. Minningarnar
munum við geyma í hjörtum okkar
alla tíð um Tryggva og Ásu og bið
ég Guð að styðja okkur öll.
Elsku Begga mín, þú hefur misst
mikið á stuttum tíma og ég skal
gera allt sem ég get til að hjálpa
þér á þessum erfiðu tímamótum.
Karl Ómar Jónsson.
Ég fel í forsjá þína,
Guð faðir, sálu mína,
því nú er komin nótt.
Um ljósið lát mig dreyma
og ljúfa engla geyma
öll börnin þín, svo blundi rótt.
(M. Joch.)
Við söknum þín, elsku afi.
Jón Óskar, Sunna Björk
og Sóley Edda
Tryggvi afi okkar var fínn karl
sem skemmtilegt var að heim-
sækja. Hann hafði góðan húmor og
alltaf var stutt í hláturinn. Hann
hafði ávallt mikinn áhuga á því sem
við vorum að gera og var duglegur
að hvetja okkur áfram í hverju sem
við tókum okkur fyrir hendur. Eins
og þegar við systkinin vorum í fjár-
öflun fyrir íþróttafélagið átti hann
það til að kaupa næstum allt upp-
lagið sem við áttum að selja. Afi var
kokkur og var hann það vinnusam-
ur að hann var að kokka alveg fram
í andlátið þó að seinustu árin hafi
það aðeins verið í huganum og ef-
laust heldur hann því áfram hinum
megin með ömmu. Afi gaf sér alltaf
tíma til að spjalla og gera ýmislegt
með okkur, t.d. fara í berjamó þeg-
ar við vorum í sumarbústaðnum
hans og ömmu.
Við kveðjum afa með línum úr
ljóði Valdimars Briem:
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
Anna og Tryggvi.
TRYGGVI
JÓNSSON
Minningargreinum þarf að
fylgja formáli með upplýsing-
um um hvar og hvenær sá sem
fjallað er um er fæddur, hvar
og hvenær dáinn, um foreldra
hans, systkini, maka og börn og
loks hvaðan útförin verður gerð
og klukkan hvað. Ætlast er til
að þetta komi aðeins fram í for-
málanum, sem er feitletraður,
en ekki í greinunum sjálfum.
Formáli
minning-
argreina
 Fleiri minningargreinar
um Tryggva Jónsson bíða birtingar
og munu birtast í blaðinu næstu
daga.
Ástkær eiginkona mín, dóttir mín, móðir okk-
ar, tengdamóðir og amma,
ELÍN B. BRYNJÓLFSDÓTTIR,
Seiðakvísl 36,
Reykjavík,
sem lést á heimili sínu sunnudaginn 29. febrú-
ar sl., verður jarðsungin frá Bústaðakirkju
fimmtudaginn 11. mars kl. 13.30.
Blóm og kransar vinsamlegast afþakkaðir en þeim, sem vilja minnast
hennar, er bent á Styrktarsjóð krabbameinssjúkra barna eða aðrar líknar-
stofnanir.
Hjörtur Benediktsson,
Brynjólfur Karlsson,
Brynjólfur Hjartarson, Edda Björk Viðarsdóttir,
Benedikt Hjartarson, Jóhanna M. Vilhelmsdóttir
og barnabörn.
Okkar ástkæra,
BRYNDÍS BJÖRNSDÓTTIR BIRNIR,
verður jarðsungin frá Kópavogskirkju fimmtu-
daginn 11. mars kl. 13.30.
Blóm og kransar eru vinsamlegast afþakkaðir,
en þeim, sem vilja minnast hennar, er bent á
Styrktarsjóð krabbameinssjúkra barna.
Helgi Björn Guðmundsson,
Margrét Þóra Guðmundsdóttir,
Davíð Örn Guðmundsson, Brynja Lúthersdóttir,
Brynjar Óli Guðmundsson,
Margrét Snæbjörnsdóttir, Björn Birnir,
Dagur, Anna Lísa, Högni Snær,
Snæbjörn Björnsson, Björn Björnsson,
Ólafur Björnsson, Sigríður Björnsdóttir.
Elskulegur eiginmaður minn, faðir okkar og
afi,
EINAR EMILSSON,
Karlsbraut 8,
Dalvík,
lést á Fjórðungssjúkrahúsinu á Akureyri þriðju-
daginn 2. mars sl.
Útförin fer fram frá Dalvíkurkirkju föstudaginn
12. mars kl. 13.30.
Sigríður Ingibjörg Stefánsdóttir,
Emil Júlíus Einarsson,
Ísak Einarsson,
Kolbrún Einarsdóttir,
Magnea Lind Óðinsdóttir.
Ástkær eiginkona mín, dóttir, móðir, tengda-
móðir og amma,
ÍRIS LILJA SIGURÐARDÓTTIR,
verður jarðsungin frá Víðistaðakirkju fimmtu-
daginn 11. mars kl. 13.30.
Blóm og kransar vinsamlega afþakkaðir, en
þeim, sem vilja minnast hennar, er bent á
Samtök sykursjúkra.
Guðmundur Kristinsson,
Olga Gísladóttir, Sigurður Sigurðsson,
Olga Gunnarsdóttir, Pétur Smári Richardsson,
Kristinn Þ. Guðmundsson, María E. Erlingsdóttir,
Erlendur G. Guðmundsson, Hildur B. Sigurðardóttir
og barnabörn.
Okkar innilegustu þakkir fyrir auðsýnda
samúð og hlýhug við andlát og útför elsku-
legrar ömmu okkar, tengdamóður og lang-
ömmu,
VILBORGAR ÁSLAUGAR
SIGURÐARDÓTTUR
Villu,
Hamarsbraut 17,
Hafnarfirði.
Sérstakar þakkir viljum við færa öllu starfsfólki deildar B-2
á Landspítala Fossvogi.
Vilborg Áslaug Sigurðardóttir, Ólafur Kristinn Hjörleifsson,
Guðrún Karla Sigurðardóttir,
Ingibjörg Sigurðardóttir,
Kristjana Ósk Sigurðardóttir, Stefán Sveinsson,
Sigurbjörg Hilmarsdóttir
og barnabarnabörn.