Morgunblaðið - 11.03.2004, Blaðsíða 1
Sólóplata með
hækkandi sól
Jón Ólafsson gefur senn út sína
fyrstu plötu í eigin nafni Fólk
Viðskiptablað Morgunblaðsins | Ábyrgð endurskoðenda
Skyldur stjórnarmanna Yfirtökuskylda og stærri hluthafar
Úr verinu | Vertíðarstemning Skötustofnar í skötulíki
VÍSINDAMENN eru nú að þróa lyf sem
á að hjálpa fólki að hætta að reykja og
leggja af um leið, að því er greint er frá á
fréttavef breska ríkisútvarpsins, BBC.
Lyfið, rimonabant, hefur áhrif á heila-
stöðvar sem stjórna ýmsum löngunum,
þ.á m. í mat og reykingar. Svo virðist sem
lyfið komi í veg fyrir að líkamanum berist
boð frá þessum heilastöðvum.
Framleiðendur lyfsins, franska fyrir-
tækið Sanofi-Synthelabo, vonast til að það
komi á markað á næsta ári. Í einni af
rannsóknunum sem gerðar hafa verið á
lyfinu tvöfaldaði það möguleika reykinga-
manna á að hætta, að minnsta kosti til
skamms tíma. Í annarri rannsókn tókst
þeim sem tóku lyfið að léttast um níu kíló
á einu ári.
Lyf gegn
offitu og
reykingum
VEÐUR kom í veg fyrir að reynt
yrði að ná Baldvini Þorsteinssyni
EA af strandstað í Skálafjöru í
gær. Þrátt fyrir erfiðar aðstæður
tókst að slaka skipverjum úr þyrlu
Landhelgisgæslunnar um borð í
skipið og komu þeir öryggislínu
um borð áður en þeir voru hífðir
aftur í land. Norskt dráttarskip er
væntanlegt til landsins í dag og
verður þá freistað að koma 2,5
kílómetra langri taug í skipið. /6
Morgunblaðið/RAX
Jóhannnes Gissurarson, björgunarsveitinni Lífgjöf í Álftaveri, og félagi hans fylgjast með þyrlu Gæslunnar slaka skipverjum um borð í skipið.
Björgunaraðgerðir í Skálafjöru
MÁLVERK sem eignað er Jóhannesi Kjarval
og til stendur að bjóða upp hjá þekktu uppboðs-
húsi í Kaupmannahöfn í lok mánaðarins er að
öllum líkindum falsað, samkvæmt heimildum
Morgunblaðsins.
Málverkið er kynnt á vefsíðu Bruun Ras-
mussen, eins stærsta og kunnasta uppboðshald-
ara Danmerkur, sem eitt verka sem til stendur
að bjóða upp 31. mars næstkomandi. Verkið er
nefnt Pige med harpe eða Stúlka með hörpu og
sagt merkt Jóhannesi Kjarval. Um eigendasögu
er vísað til þess að verkið hafi áður verið selt á
uppboði númer 480 hjá Bruun Rasmussen, í
desember árið 1985, og þá borið númerið 222.
Við nánari eftirgrennslan kemur í ljós að það
verk sem þá var selt undir þessu númeri var eft-
ir annan listamann, Mogens Hoff. Verkin eru
jafnstór, 61x100 cm.
Sama málverk og nú stendur til að bjóða upp
hjá Bruun Rasmussen kom fram á uppboði hjá
Gallerí Borg í maí árið 1994, þá undir heitinu
Vorkoma. Var meðal annars mynd af verkinu á
baksíðu bæklings sem gefinn var út fyrir upp-
boðið. Pétur Þór Gunnarsson, þáverandi eig-
andi Gallerís Borgar, hefur tvisvar hlotið dóma í
málum sem tengjast málverkafölsunum.
Að sögn Ólafs Inga Jónssonar, forvarðar hjá
Morkinskinnu, bendir allt til þess að umrætt
málverk sé falsað. Líklegt sé að málað hafi verið
yfir fyrrgreint verk Mogens Hoff, en falsararnir
hafi séð sér hag í því að nota blindrammann og
strigann með uppboðsnúmerinu á bakhliðinni.
Ólafur kveðst þess fullviss að myndin sé fölsun
sem byggist á málverkinu Landslag leikið á pí-
anó eftir Kjarval, en það er í eigu Listasafns Ís-
lands og hangir uppi í Ráðherrabústaðnum.
Með viðtali við Ólaf Inga í Morgunblaðinu í nóv-
ember 2002 voru birtar myndir af báðum mál-
verkunum og það fyrrnefnda sagt líkleg stæling
á því síðarnefnda.
Málið til lögreglu ef
verkið reynist falsað
Svo virðist sem uppboðshaldarinn, Bruun
Rasmussen, hafi ekki borið saman upplýsing-
arnar um verkið nú og skrár frá uppboðinu
1985, þegar mynd með fyrrgreindu númeri var
sem fyrr segir seld sem verk annars listamanns,
enda þótt uppboðshúsið vísi sjálft til þess að
myndin hafi þá verið seld á þess vegum.
Peter Christmas-Møller, yfirmaður nútíma-
listardeildar Bruun Rasmussen, tjáði blaða-
manni Morgunblaðsins, eftir að athygli hans var
vakin á misræminu í gær, að málið yrði að sjálf-
sögðu kannað. Ekki ætti að vera erfitt að kom-
ast að því hvort um fölsun væri að ræða og ef
það kæmi í ljós yrði haft samband við lögreglu.
Christmas-Møller kvaðst ekki geta gefið upp
hver hefði keypt verkið á uppboðinu 1985, né
hver hefði komið með það til sölu nú, enda væri
trúnaðar jafnan gætt við viðskiptavini.
Kjarvalsverk á dönsku
uppboði talið falsað
Efri myndin hangir í Ráðherrabústaðnum.
Neðri myndin er hin meinta fölsun, úr upp-
boðsskrá Gallerís Borgar frá árinu 1994.
Kaupmannahöfn. Morgunblaðið.
ÞÝSKT fyrirtæki hefur framleitt
hugbúnað til að hlaða völdum bak-
grunnshljóðum inn í farsíma og spila
í samtölum til að auka trúverð-
ugleika fullyrðinga símnotandans um
hvar hann sé staddur.
Hægt er að fá níu hljóð, þ.á m. frá
umferð, vegavinnu, skrúðgöngu,
tannlæknastofu og hringingu í öðr-
um síma ef maður vill losna úr símtali
með því að segja viðmælandanum að
annar sími sé að hringja.
„Ég er hjá
tannlækni“
París. AFP.
SKANDINAVÍSKA flugfélaginu SAS, sem
stofnað var fyrir rúmlega hálfri öld, verður
skipt í þrjú sjálfstæð landsflugfélög í Dan-
mörku, Noregi og Svíþjóð, og fjórða einingin
mun annast flug til annarra heimsálfa, að því
er félagið greindi frá í gær.
Með þessum hætti á að veita hverri ein-
ingu fyrir sig stóraukið sjálfstæði, og getur
hver um sig tekið ákvarðanir án samráðs við
hinar, sagði talsmaður SAS, Hans Ollengren.
„Nú geta Norðmenn til dæmis ákveðið að
bæta við flugleið án þess að þurfa að ræða
það fyrst við frændur sína Dani,“ sagði Oll-
engren. „Við vonum að þetta einfaldi sam-
skipti hverrar einingar fyrir sig við stéttar-
félög. Aðstæður á atvinnumarkaðinum eru
mjög ólíkar í Noregi, Svíþjóð og Danmörku.“
Þá verður norska einingin sameinuð þar-
lenda flugfélaginu Braathens, sem einnig til-
heyrir móðurfélagi SAS, SAS Group. Verður
sameinaða félagið kallað SAS Braathens.
SAS skipt
í fernt
Stokkhólmi. AFP.
Viðskipti og Úr verinu í dag
STOFNAÐ 1913 70. TBL. 92. ÁRG. FIMMTUDAGUR 11. MARS 2004 PRENTSMIÐJA ÁRVAKURS HF. mbl.is