Morgunblaðið - 11.03.2004, Blaðsíða 20

HÖFUÐBORGARSVÆÐIÐ
20 FIMMTUDAGUR 11. MARS 2004 MORGUNBLAÐIÐ
AKUREYRI
Garðabær | Foreldrum í Garðabæ er
í kvöld boðið á sérstakan kynning-
arfund um val á skóla, þar sem þeir
geta fræðst um kosti þeirra þriggja
grunnskóla sem
starfa á yngra
stigi í Garðabæ.
Auk þess verður
kynning á starfi
leikskóla í Garða-
bæ fyrir 5 ára
börn. Fundurinn
verður haldinn í
Tónlistarskóla
Garðabæjar, frá
17.30 til 18.45.
Foreldrar barna
fædd 1998 eru sérstaklega hvattir til
að mæta, en allir eru velkomnir á
fundinn.
Í Garðabæ eru þrír grunnskólar
sem innrita börn í fyrsta bekk, Flata-
skóli, Hofsstaðaskóli og Barnaskóli
Hjallastefnunnar, og er foreldrum
frjálst að velja milli þeirra eftir því
sem þeir telja henta sínum börnum
best. Þá starfa í Garðabæ sjö leik-
skólar þar sem fram fer markvisst
starf með fimm ára börnum.
Engin skólagjöld í einkaskólum
Grunnskólarnir þrír sem foreldrar
í Garðabæ geta valið um hafa mis-
munandi áherslur að leiðarljósi. Á
fundinum munu stjórnendur skól-
anna þriggja kynna áherslur sinna
skóla og foreldrum mun gefast kost-
ur á að ræða við starfsmenn skól-
anna.
Þegar barnaskóli Hjallastefnunnar
tók til starfa í haust var samið við
Garðabæ um að sveitarfélagið kost-
aði nám barna úr Garðabæ. Börn úr
Garðabæ borga því engin skólagjöld í
honum. Einnig var samþykkt að
sveitarfélagið greiddi sömu upphæð
með börnum sem fara í aðra einka-
rekna skóla. Þetta var gert í ljósi
þeirrar áherslu sem Garðabær legg-
ur á að bæjarbúar hafi val um hvert
börn þeirra sækja nám og geta for-
eldrar sjálfir valið þann skóla sem
þeir telja að henti sínu barni best.
Í Barnaskóla Hjallastefnunnar
geta börn byrjað fimm ára og greiða
þá gjald samkvæmt gjaldskrá leik-
skóla Garðabæjar. Vegna þess verð-
ur á fundinum einnig kynnt starf leik-
skóla Garðabæjar fyrir fimm ára
börn en það miðar í æ meira mæli að
því að undirbúa börnin fyrir grunn-
skólann.
Upplýst og frjálst val mikilvægt
Ásdís Halla Bragadóttir, bæj-
arstjóri Garðarbæjar, segir þennan
kynningarfund koma í kjölfar mik-
illar vinnu undanfarin ár við að auka
valfrelsi í námsframboði í Garðabæ.
„Með bæklingnum sem við gáfum út
og fundinum sem við höldum í dag er-
um við að hvetja foreldra til að velta
fyrir sér þeim valkostum sem eru í
boði, vegna þess að börnin eru ólík,
þarfirnar eru ólíkar og skólarnir eru
ólíkir. Við viljum að foreldrar axli þá
ábyrgð að velta fyrir sér þessum
ólíku valkostum og velja þá skóla sem
þeir telja að best henti þörfum
barnanna þeirra,“ segir Ásdís Halla
og bætir því við að hún undirstriki að
með þessu sé alls ekki verið að segja
að hverfisskólar séu ekki eðlilegt og
gott val. „Við gerum ráð fyrir því að
flestir muni velja þann skóla sem
næst þeim er, en við viljum ekki að
foreldrar geri það án þess að hafa
hugsað málið.“
Ásdís Halla segist telja frjálst val
og upplýsingu foreldra mjög mikla
hvatningu fyrir skólana og stuðli að
því að þeir verði enn duglegri við það
að láta vita af því góða starfi sem þar
fer fram. „Þetta er í fyrsta skipti sem
íslenskt sveitarfélag heldur svona
fund og hvetur foreldra til að íhuga
val á milli skóla,“ segir Ásdís og bætir
því við að mikilvægt sé að leggja það
ekki einvörðungu á foreldra að leita
upplýsinga um skólana og grennslast
fyrir um mismunandi áherslur þeirra
og kosti. „Það á að vera frumkvæði
sveitarfélagsins að kynna hvaða þjón-
usta stendur bæjarbúum til boða,“
segir Ásdís Halla að lokum.
Grunnskólar í Garðabæ kynntir á fundi með foreldrum
Morgunblaðið/RAX
Margt er sér til gamans gert í grunnskólum Garðabæjar. Hér æfa börnin í Flataskóla götudans.
Áhersla á frjálst val
Ásdís Halla
Bragadóttir
Það er slæmt að þjóna tveim
þegar illa stendur.
Óli Ragnar út í heim
á afmæli var sendur.
Svo hljómaði vísan sem hlaut flest atkvæði dómnefnd-
ar á hagyrðingakvöldi sem Lionsklúbbur Kópavogs hélt
á dögunum. Þar varpaði stjórnandi kvöldsins, skáldið í
Skerjafirðinum, Kristján Hreinsson, fram tveimur fyrri-
pörtum.
Fjölmargir botnar bárust frá gestum kvöldsins en sá
sem fékk flest atkvæði á endanum var botn Baldurs
Garðarssonar Kópavogsbúa, sem fór hér að ofan.
Hagyrðingar kvöldsins voru þau Dagbjartur Dag-
bjartsson, Ómar Ragnarsson, Þórdís Sigurbjörnsdóttir,
Kristján Jóhann Jónsson og Ragnar Ingi Aðalsteinsson.
Tóku hagyrðingarnir á hinum ýmsu málum sem hafa ver-
ið í brennidepli síðustu vikna og smættuðu þau niður í
fjögurra lína vísur, eins og hagyrðingum einum er lagið.
Þannig kvað Kristján Jóhann um KB banka og Kaup-
félag Borgfirðinga:
Kappar þeir sem um kaupin þinga
og kunna til fjármála sjónhverfinga
þeir verða ríkir með ráðgjafa slynga
rétt eins og Kaupfélag Borgfirðinga.
Þá kvað Dagbjartur svo um opinberun barms Janetar
Jackson á dögunum.
Amríkönum illa brá
er þeir sáu pena,
systur Mikka með sogvörn á
sínum hægri spena.
Var það almennt mál manna að kvöldið hefði heppnast
vel og er áformað að halda annað hagyrðingakvöld á
næsta starfsári Lionsklúbbsins. Allur ágóði af kvöldinu
rennur til líknarmála.
Morgunblaðið/Jim Smart
Gleðistund: Það vantaði ekki kátínuna þegar vísurnar þutu á hagyrðingakvöldi Lionsklúbbs Kópavogs á dögunum.
Vel heppnað hagyrðingakvöld
GUNNAR M. Guðmundsson, fram-
kvæmdastjóri SBA-Norðurleiðar,
hefur keypt 37,5% eignarhlut Sjafn-
ar hf. í félaginu og á hann eftir
kaupin um 83% eignarhlut í félag-
inu. Aðrir hluthafar í SBA-Norð-
urleið eru Ferðaskrifstofan Atlan-
tik, Guðni Þórólfsson og Hafþór
Hermannsson. Gunnar hefur um
árabil verið stærsti einstaki hluthafi
félagsins og framkvæmdastjóri
þess. Félagið hefur verið í örum
vexti á síðustu árum og er orðið eitt
stærsta fyrirtæki landsins í fólks-
flutningum. Félagið er með 52 hóp-
ferðabíla í rekstri í hópferðum um
allt land og sinnir auk þess sérleyf-
isakstri m.a. á milli Akureyrar og
Reykjavíkur. Frá þessu er greint á
vef SBA-Norðurleiðar.
Gunnar kaupir hlut
Sjafnar í SBA
FJÖLMARGIR lögðu leið sína í
Verkmenntaskólann á Akureyri, en í
tilefni af 20 ára afmæli skólans var
gestum boðið að kynna sér fjöl-
breytta starfsemi sem þar fer fram.
Við skólann eru m.a. starfs- og verk-
námsbrautir af fjölbreytilegum toga
og voru kennarar og nemendur
þeirra að störfum á verkstæðum og í
kennslurými skólans.
Þá voru verk nemenda bæði í bók-
og verknámi til sýnis og vöktu
óskipta athygli gesta sem margir
hverjir komu nú í skólann í fyrsta
sinni.
Mörgum lék forvitni á að fá að sjá
þær deildir sem starfa í nýjasta
byggingaráfanganum sem lokið var
við síðastliðið haust, þ.e. rafiðn-
aðardeild, matvælabraut og list-
námsbraut
Fjölmargir þáðu veitingar, sem
boðið var upp á í Þrúðvangi, nýrri
aðstöðu í matvæladeild og skemmti-
dagskrá var í Gryfjunni sem gerði
lukku.
Fjölmargir gestir í VMA
Morgunblaðið/Rúnar Þór
Nemar á starfs- og verknámsbrautum voru að störfum ásamt kennurum
sínum á opnu húsi í VMA um helgina.
Morgunblaðið/Rúnar Þór
Jón Kristjánsson heilbrigðisráðherra og Dagný Jónsdóttir þingmaður
voru á meðal þeirra sem lögðu leið sína á opið hús í VMA og eru hér á ferð
með skólameistaranum, Hjalta Jóni Sveinssyni.
Stefán sýnir | Þessa dagana og til
loka aprílmánaðar stendur yfir
myndverkasýning Dalvíkingsins
Stefáns Björnssonar á veit-
ingastaðnum Friðriki V. á Strand-
götu 7 á Akureyri. Þetta er þriðja
einkasýning Stefáns á jafnmörgum
árum.
Sýningin ber yfirskriftina „Land-
sýn“ og sýnir Stefán fjórtán mynd-
verk sem öll eru til sölu.
Viðbrögð foreldra | Fundur verð-
ur hjá hópi foreldra og aðstandenda
samkynhneigðra á Norðurlandi á
Sigurhæðum á Akureyri á fimmtu-
dagskvöld, 11. mars klukkan 20–21.
Á fundinum
verður meðal annars fjallað um
viðbrögð foreldra þegar börn þeirra
koma úr felum. Nýir félagar eru allt-
af velkomnir og geta þeir sem og
aðrir sem það vilja átt spjall og ró-
lega stund fyrir fundinn og hitt þar
forsvarsmenn hópsins, en húsið er
opið frá klukkan 19.30.
„Markmið hópsins er að hittast,
fræðast og deila reynslu til þess að
geta betur stutt við samkynhneigða
ástvini, en velferð þeirra er mik-
ilvæg og varðar alla,“ segir í tilkynn-
ingu um fundinn.
Samhygð | Samhygð, samtök um
sorg og sorgarviðbrögð, efna til
fundar í safnaðarsal Akureyr-
arkirkju á fimmtudagskvöld, 11.
mars. Gestur fundarins verður sr.
Svavar A. Jónsson sóknarprestur í
Akureyrarkirkju.
Aðalfundur Samhygðar verður
svo haldinn 15. apríl.