Morgunblaðið - 11.03.2004, Blaðsíða 6

FRÉTTIR
6 FIMMTUDAGUR 11. MARS 2004 MORGUNBLAÐIÐ
VONIR manna um að bjarga Bald-
vini Þorsteinssyni EA í gærkvöldi af
strandstað í Skálafjöru urðu að engu
vegna veðurs og er spáin fram undan
ekki heldur hagstæð. Búist er við
komu norsks dráttarskips til lands-
ins fyrir hádegi á morgun, föstudag,
og verður þá haldið áfram með
björgunaraðgerðir og þess freistað
að koma 2,5 km langri taug á milli
Baldvins Þorsteinssonar og dráttar-
skipsins.
Áhöfn á TF-LÍF, þyrlu Landhelg-
isgæslunnar, flutti 11 skipverja út í
skipið síðdegis í gær. Þyrlan kom til
Víkur í Mýrdal um miðjan dag í gær
og var fyrsti skipverjinn kominn um
borð í skipið skömmu eftir kl. 16 og
sá ellefti og síðasti um þremur
stundarfjórðungum síðar. Skutu þeir
línu í land til björgunarsveitarmanna
og drógu svera öryggislínu til sín um
borð en hún á að vera til taks næstu
daga með björgunarstól ef ekki verð-
ur unnt að hífa skipverjana um borð í
þyrlu þegar þeir þurfa að fara um
borð til að kanna ástand mála. Skip-
verjar voru tvær og hálfa klukku-
stund um borð í skipinu til að tengja
björgunarlínuna við land og „taka
til“, eins og þeir orðuðu það. Þeir
ræstu vél skipsins og gangsettu
ljósavélina sömuleiðis og sögðu „allt í
góðu um borð“.
Þegar þeir höfðu unnið sína vinnu
um borð var tímabært að sækja þá á
þyrlunni sem beið við Bakkakot
skammt frá. Vind herti þegar þyrlan
hafði híft sex frá skipinu en það kom
þó ekki að sök við hífinguna á hinum
fimm.
Björgunarsveitarmenn vakta
skipið að næturlagi og fylgjast með
hreyfingum þess. Akkerisfestingar
skipsins höfðu slitnað aðfaranótt
miðvikudags og færðist það lengra
upp í fjöruna. Þegar líða tók á daginn
í gær fór skipið að hallast nokkuð á
stjórnborða í brimrótinu en rétti sig
við stuttu síðar. Þá var jarðýta feng-
in á strandstað í gærkvöldi í örygg-
isskyni ef rétta þarf skipið af.
Morgunblaðið/RAX
Þyrla Landhelgisgæslunnar lætur tvo áhafnarmeðlimi Baldvins Þorsteinssonar síga um borð í gærdag þar sem þeir könnuðu ástand skipsins.
Morgunblaðið/Jónas Erlendsson
Björgunarsveitarmenn frá Vík og Kirkjubæjarklaustri halda við línu sem liggur frá landi og út í skipið.
Ekki tókst að draga skip-
ið á flot vegna veðurs
TRYGGINGAMIÐSTÖÐIN hefur
tryggt um 5–6 skip af sömu stærð-
argráðu og fjölveiðiskipið Baldvin
Þorsteinsson EA, sem strandaði á
þriðjudagsmorgun í Skarðsfjöru
suður af Kirkjubæjarklaustri. Eitt
þeirra er Guðrún Gísladóttir KE-15,
sem strandaði undan Norður-Noregi
sumarið 2002.
Gunnar Felixson, forstjóri Trygg-
ingamiðstöðvarinnar, segir að félag-
ið hafi fulltrúa á strandstað, sem
komi að undirbúningi allra björgun-
araðgerða, en Samherji tryggir skip
sín hjá félaginu og ber TM því kostn-
að af björgunaraðgerðum. Gunnar
segir að þetta sé gert í samstarfi við
Þorstein Má Baldvinsson, forstjóra
Samherja, og Landhelgisgæsluna.
TM og Samherji hafi t.d. tekið á
leigu norskt dráttarskip, sem er á
leið hingað til lands. „Það kemur
einnig sérfræðingur á vegum drátt-
arskipsins, til að hafa hönd í bagga
með hvernig verði staðið að þessum
aðgerðum, með tengingar og annað,“
segir Gunnar. Hann segist ekki vita
hversu hár kostnaðurinn af björgun-
araðgerðum er orðinn nú þegar, en
vonast til að það takist að draga skip-
ið á flot. Talið er að skipið sé lítið sem
ekkert skemmt.
Tryggingamiðstöðin tryggir rúm-
lega helming fiskiflota landsmanna.
„Við höfum tryggt skip í áratugi og
höfum oft tryggt skip sem hafa
strandað eða lent í öðru tjóni, en það
hafa ekki verið skip á stærð við
þetta, að undanskilinni Guðrúnu
Gísladóttur,“ segir Gunnar. Hann
segir að félagið hafi tryggt um 5–6
skip af þeirri stærð.
Mörg stórtjón á síðustu árum
Eftir að Guðrún Gísladóttir sökk
árið 2002 kom fram í Morgunblaðinu
að það væri sjöunda stjórtjónið sem
félli á Tryggingamiðstöðina síðustu 3
ár á undan. TM bætti fimm stór-
bruna, t.d. í togaranum Hannover,
sem Baldvin Þorsteinsson hét áður.
Þá tryggði félagið einnig togarann
Ögmund sem sökk árið 2001.
Tryggingamiðstöðin
tryggir Baldvin
Þorsteinsson EA
Annað tjón
vegna fjöl-
veiðiskips
RÁÐSTEFNA UM ATVINNUMÁL
Í HÚNAÞINGI VESTRA
í Félagsheimilinu á Hvammstanga 13. mars 2004 kl. 13:00.
DAGSKRÁ:
Kl. 13:00 Setning: Heimir Ágústsson, oddviti.
Kl. 13:10 Ávarp: Valgerður Sverrisdóttir, iðnaðar- og
viðskiptaráðherra.
Kl. 13:25 Stefnumótun í atvinnumálum fyrir Húnaþing vestra:
Tryggvi Þór Herbertsson, forstöðumaður
Hagfræðistofnunar Háskóla Íslands.
Kynning á niðurstöðum starfshópa:
Tækifærishópur, Sigríður Lárusdóttir.
Búsetuhópur, Guðbjörg Inga Guðmundsdóttir.
Þekkingarhópur, Jóhann Albertsson.
Landnýtingarhópur, Bjarni Þór Einarsson.
Kl. 14:45 Kaffihlé.
Kl. 15:15 Niðurstöður og tillögur:
Ásgeir Jónsson, verkefnisstjóri.
Kl. 16:00 Almennar umræður og fyrirspurnir.
Kl. 17:00 Ráðstefnuslit.
Ráðstefnustjóri er Elín R. Líndal, formaður byggðarráðs
Húnaþings vestra.
Að ráðstefnunni lokinni verður boðið uppá léttar veitingar.
Ráðstefnan er öllum opin.
SVEITARSTJÓRN HÚNAÞINGS VESTRA
HÚNAÞING
VESTRA
SÉRHÆFT dráttarskip verður
fengið til landsins til að aðstoða við
að koma Baldvini Þorsteinssyni EA
á flot og er gert ráð fyrir að það
verði komið til landsins eftir um það
bil einn og hálfan sólarhring eða
seinnipartinn á morgun, föstudag.
Það er útgerðaraðili skipsins,
Samherji hf., í samvinnu við Trygg-
ingamiðstöðina sem fær skipið til
landsins. Það lagði af stað til lands-
ins frá Bergen í gærmorgun.
Skipið heitir Normand Mariner
og er af gerðinni Ulstein A101. Það
Sérhæft dráttarskip á leiðinni
er 82 metra langt og 20 metra breitt
með samtals tæplega 24 þúsund
hestafla vélar, sem gefa 282 tonna
togátak frá skrúfum skipsins. Skip-
ið er einnig búið tveimur hlið-
arskrúfum að framan, 1100 kW og
1200 kW, svo og tveimur að aftan
sem hvor um sig er 880 kW. Skipið
er með tvær dráttarvindur, eina
400 tonna og aðra 500 tonna, þrjá
þilfarskrana, tvær hjálparvindur,
hvor með um 170 tonna átaki, og
ýmsan annan sérhæfðan búnað til
björgunaraðgerða. Þá er skipið bú-
ið sérstöku stýrikerfi, sem heldur
skipinu stöðugu á ákveðnum stað,
að því er fram kemur á heimasíðu
Samherja.
2.500 metra langt dráttartóg
Þá hefur einnig verið samið um
leigu á 2500 metra löngu drátt-
artógi, sem þolir 800 tonna átak.
Tógið flýtur á sjónum og er í 500
metra lengjum, sem lásaðar eru
saman, með sérstökum búnaði. Tóg-
ið er nú þegar komin um borð í
dráttarskipið, segir enn fremur.