Morgunblaðið - 11.03.2004, Blaðsíða 24

AUSTURLAND
24 FIMMTUDAGUR 11. MARS 2004 MORGUNBLAÐIÐ
JÓHANNESARPASSÍAN verður
flutt í Egilsstaðakirkju og Kirkju-
og menningarmiðstöðinni á Eskifirði
í lok mánaðarins. Magnús Magn-
ússon, skólastjóri Tónlistarskóla
Austur-Héraðs, segist ekki vita til
þess að verkið hafi verið flutt áður
utan höfuðborgarsvæðisins og rísi
flutningur Jóhannesarpassíunnar
hæst af vetrarverkefnum skólans.
„Um 60 manns taka þátt í upp-
færslunni og þar af er kórinn um 30
manns,“ segir Magnús. „Uppfærslan
er samstarfsverkefni kórs tónlistar-
skólans og Kammerkórs Austur-
lands, undir stjórn Keith Reed, sem
hefur stjórnað kórnum frá stofnun
og verið listrænn stjórnandi Óp-
erustúdíós Austurlands frá upphafi.
Langflestir söngvarar Kamm-
erkórsins stunda nám við skólann
eða hafa gert og einsöngvarar í
verkinu koma allir af Austurlandi og
hefur meginþorri þeirra lært við
skólann hér. Þá er hljómsveitin skip-
uð kennurum og nemendum í
bland.“
„Dýrðarinnar drama-
tíska og fagra verk“
Magnús segir flutning Passíunnar
tónlistarviðburð sem fólk eigi ekki
að láta fram hjá sér fara. „Við hvetj-
um fólk einnig til að mæta á fyr-
irlestur með tóndæmum um Pass-
íuna sem Árni Heimir Ingólfsson
tónlistarfræðingur verður með í Eg-
ilsstaðakirkju 21. mars nk. Það er
góð leið til að skilja enn betur þetta
dýrðarinnar, dramatíska og fagra
verk.“
Einsöngvarar í verkinu eru Pétur
Örn Þórarinsson, Suncana Slamnig,
Torvald Gjerde, Keith Reed, Muff
Worden, Ragnhildur Rós Indr-
iðadóttir, Vígþór Sjafnar Xophonías-
son og Þóra Guðmannsdóttir. Með
hlutverk Guðspjallamannsins fer
Þorbjörn Rúnarsson, en stjórnandi
er Keith Reed.
Nú eru 220 nemendur við Tónlist-
arskóla Austur-Héraðs og 13 kenn-
arar, auk skólastjóra. Beiðnum hef-
ur nú verið skilað inn fyrir 13
áfangapróf, en í vor verða öll próf
samræmd og gömlu stigsprófin not-
uð sem innanhússpróf í skólanum,
sem er skv. nýrri aðalnámsskrá tón-
listarskóla. Flestir nemendur skól-
ans leggja stund á píanónám, en
einnig er talsverður fjöldi að læra
söng og á þverflautu.
Sérstaða skólans margir
nemendur á efri stigum söng-
og hljóðfæranáms
„Við höfum þá sérstöðu að hafa
töluvert af nemendum á efri stigum,
einkum í söng“ segir Magnús.
„Núna eru til dæmis tveir nemendur
sem hafa farið beint héðan í há-
skólanám erlendis, annar til Þýska-
lands og hinn til Ameríku. Þá var
söngnemi frá okkur á dögunum að
prufusyngja við nokkra háskóla í
Bandaríkjunum og er þegar búinn
að fá jákvætt svar frá einum þeirra.
Nýlega tók nemandi hér 8. stig í
þverflautuleik og um þessar mundir
eru nokkuð margir að vinna á þessu
sviði, þ.e. á fimmta til áttunda stigi.“
Jón Guðmundsson aðstoð-
arskólastjóri bendir á að mikil
breidd sé í aldri nemenda. „Elsti
nemandi skólans er á níræðisaldri og
nokkrir á sjötugsaldri. Það er því
mikil vídd bæði í nemendum og námi
þeirra. Hitt er annað mál að auðvit-
að er ýmislegt í skólastarfinu sem
má bæta. Til dæmis vildum við
gjarnan auka málmblásturskennslu,
sem hefur verið afar lítil undanfarin
ár.
Það er líka mjög slæmt fyrir okk-
ur að geta ekki verið meira með
dægurtónlistina hér inni, en til þess
þarf alveg sérstaka aðstöðu sem við
höfum ekki yfir að ráða. Við erum
uppeldisstofnun og viljum vera inn-
legg inn í samfélagið, jafnt með
flutningi Jóhannesarpassíunnar sem
og kennslu í tónlist dagsins í dag.“
„Við erum uppeldisstofnun og
viljum vera innlegg í samfélagið“
Morgunblaðið/Steinunn Ásmundsdóttir
Þverflautudeildin blæs út: Annað vinsælasta hljóðfæri Tónlistarskóla
Austur-Héraðs. Jón Guðmundsson aðstoðarskólastjóri leiðbeinir hér
Fanneyju Vigfúsdóttur um hina fínni þætti þverflautublásturs.
Nú standa yfir æfingar hjá Tónlistar-
skóla Austur-Héraðs á Jóhannesarpassí-
unni, stórbrotnu kór- og hljómsveit-
arverki eftir J.S. Bach. Steinunn
Ásmundsdóttir kom við í skólanum.
Morgunblaðið/Steinunn Ásmundsdóttir
Hættir í haust eftir þrjátíu og þrjú
ár við stjórnvölinn: Magnús
Magnússon skólastjóri segist sáttur
við afraksturinn.
LANDIÐ
Hveragerði | Menningarhús fyrir
fólk á aldrinum sextán til tuttugu og
fimm ára, verður opnað í mars. Búið
er að ráða forstöðumann í fullt starf,
Matthías Frey Matthíasson, sem hóf
störf fyrir hálfum mánuði. Matthías
hefur starfað í æskulýðs- og fé-
lagsmálum frá árinu 1998, m.a. á
Akranesi, Snæfellsnesi, Reykjavík
og Garðabæ. Matthías er Skagamað-
ur en er um þessar mundir að flytja
hingað í Hveragerði.
Nýlega lauk samkeppni um nafn á
húsið og verða úrslit kynnt þegar
formleg opnun verður. Heimasíða
hússins er í vinnslu og eru það ungir
Hvergerðingar, þeir André Berg
Bragason, Atli Þór Jónsson, Daði
Jónsson og Einar Þór Guðmundsson
sem hafa unnið að gerð hennar.
„Húsið verður einhverskonar mið-
stöð, þannig að við getum boðið upp
á heilbrigða afþreyingu,“ segir
Matthías. Ungmennaráð er til staðar
í bænum og mun það koma að skipu-
lagningu vinnunnar. „Við ætlum að
nota það sem til er í bænum. Ef við
efnum til ljósmyndasamkeppni kom-
um við til með að fá að sýna í Lista-
safninu, ef við setjum upp leiksýn-
ingu þá vinnum við í samvinnu við
Leikfélagið og fleira í þeim dúr.“
Allir geta komið með hugmyndir
og þær verða framkvæmdar ef
möguleiki er á því. Skipulag hússins
er í fullum gangi og ákveðið hefur
verið að halda fyrsta LAN mótið í
apríl, um páskana stendur til að hafa
maraþon-sjónvarpsþáttagláp, sem
verður haldið eftir kosningar á
heimasíðunni. Í húsinu verður lítið
svið, þar sem hægt verður að vera
t.d. með uppistand, tónleika eða hvað
sem er.
Einnig verða þar tvær nettengdar
tölvur sem gestum verður frjálst að
nota sér að kostnaðarlausu. Þráð-
laust net verður í húsinu, sem gefur
fólki möguleika á því að koma með
sínar tölvur. Einnig verður skjávarpi
Heilbrigð afþreying
í setri ungmenna
Nýtt kaffihús | Opnaður hefur ver-
ið veitingastaðurinn Café Kósý á
Reyðarfirði. Opið er frá kl. 20 til 01
virka daga, en til kl. 03 um helgar, en
þá er oftast lifandi tónlist. Einnig er
opið þegar íþróttaviðburðir eru, en á
efri hæð er breiðtjald og verið að
koma upp fleiri afþreyingartækifær-
um.
Húsið var byggt af Kaupfélagi
Héraðsbúa um 1920 og var fyrst not-
að sem vörugeymsla, pakkhús og
hluti af því sem sláturhús og kjöt-
afgreiðsla. Síðustu árin sem Kaup-
félagið notaði húsið var í því bygg-
ingavöruverslun og var hún almennt
nefnd Bjössabúð eftir verslunar-
stjóranum. Margir eiga skemmtileg-
ar minningar úr þessu húsi, því oft
var líf og fjör innan veggja, sérstak-
lega í „slagteríinu“ á haustin.
Morgunblaðið/Hallfríður Bjarnadóttir
Rekstur Breiðdalshrepps |
Frumvarp að þriggja ára áætlun
Breiðdalshrepps er nú í athugun hjá
hreppsnefnd og var tekið til fyrri
umræðu í febrúarlok. Frumvarpið
gerir ráð fyrir svipuðum rekstri árin
2005–2007 og í ár. Er í áætluninni
gert ráð fyrir framkvæmdafé sem
nemur 13 milljónum fyrir árið 2006
og 7, verja á einni og hálfri milljón
til íþróttamála og greiða niður
skuldir árið 2007 og stefnt að því að
halda áfram með framkvæmdir við
fráveitu og aðalskipulag, götur og
gangstéttir og úrbætur í sorpmál-
um. Þá hefur verið samþykktur
verksamningur við Teiknistofu arki-
tekta, Gylfa Guðjónsson og félaga
ehf. um framkvæmd skipulagsvinnu
við aðalskipulag Breiðdalshrepps.
Breiðdals- og Djúpavogshreppar
vinna nú að könnun um hagkvæmni
hugsanlegrar sameiningar sveitar-
félaganna tveggja.
Grunnskóli Reyðarfjarðar | Bæj-
arráð Fjarðabyggðar hefur hafnað
tilboði Eikarsmiðjunnar í byggingu
Grunnskólans á Reyðarfirði. Eikar-
smiðjan bauð lægst í framkvæmd-
irnar, en að fengnu mati arkitekta-
stofunnar Batterísins á tveimur
lægstu tilboðum, þykir sýnt að
lægstbjóðandi uppfyllir ekki skil-
mála útboðsins. Verður því næst-
lægsta tilboði tekið, en það kom frá
Byggðaholti á Eskifirði og nemur
429,5 milljónum króna og er um
milljón krónum hærra en lægsta til-
boð.
VIÐFANGSEFNI Tónlistarskóla Austur-Héraðs eru, auk hefðbundinnar
kennslu og flutnings Jóhannesarpassíunnar, margvísleg þennan veturinn.
Má sem dæmi nefna tónleikaröðina Stund með sellóinu og nú síðast Stund
með þverflautunni, þeir síðast töldu verða haldnir í vor.
Alls er áætlað að halda átta opinbera tónleika á vegum skólans fram til
vors.
Nýlokið er námskeiði um fiðluna sem þjóðlagahljóðfæri, en það var hald-
ið á Eiðum með þátttöku fjölda nemenda frá Austurlandi og Reykjavík.
Þá eru tónlistarskólinn og Tónskóli þjóðkirkjunnar í samstarfi um nám
fyrir organista eystra. Er um að ræða svokölluð námshreiður, sem Tón-
skólinn er að stofna víða um land og ríður á vaðið á Egilsstöðum. Orgel-, pí-
anó- og söngkennsla verður í skólanum á Egilsstöðum, en bókleg fög
kennd í fjarnámi.
Um miðjan apríl verður námskeið í Alexandertækni fyrir tónlistarskóla
á Austurlandi í umsjá Sverris Guðjónssonar söngvara, en sífellt er hugað
að endurmenntun tónlistarkennara eystra. Í haust var t.d. farið í kennslu-
fræði píanósins og nýlega var haldið námskeið fyrir fiðlukennara Tónlist-
arskóla Austur-Héraðs.
Stjórnendur og starfsfólk skólans hafa á undangengnum vikum rýnt í
innri starfsemi og eru á lokaspretti í hugmyndavinnu að enn betri tónlist-
arskóla. Mótuðum tillögum þar að lútandi verður skilað inn til yfirstjórnar
skólans á vordögum.
Viðfangsefni skólans
margvísleg í vetur
♦♦♦
♦♦♦
Fljót | Kýrin Frigg á bænum Litlu-Brekku mjólkaði
mest kúa í Skagafirði á síðasta ári, afurðir hennar
voru 9.386 kíló. Næst koma Gola á bænum Marbæli
með 9.254 lítra og þriðja varð Hvítkolla í Efra-Ási
með 9.098 kíló. Ef horft væri á verðmæti mjólkur ein-
stakra kúa stæði Lóló á Skúfsstöðum efst yfir héraðið
annað árið í röð.
Leiðbeiningamiðstöðin á Sauðárkróki hefur tekið
saman helstu niðurstöður hvað varðar afurðir kúabúa
í Skagafirði árið 2003. Alls skiluðu 59 bú kúaskýrslum
allt árið en kúabú voru 75 alls. Meðalnyt á skýrslubú-
um var 5.131 kíló eftir hverja kú sem þýðir lækkun
um 7 kíló frá árinu á undan. Þetta er þónokkuð yfir
landsmeðaltali 2003 sem var 5.063 kg. Meðal kjarn-
fóðurgjöf var 867 kíló á kú og lækkaði um 167 kíló
milli ára. Heildargreiðslumark héraðsins var í árslok
um 10,5 milljónir lítra og meðalframleiðsluréttur á
hvert bú nærri 142 þúsund lítrar.
,,Þróunin í héraðinu hefur líkt og annars staðar
verið sú að kúabúum fækkar en þau stækka. Búin
hafa verið að bæta við sig framleiðslurétti sem hefur
verið keyptur bæði innan héraðs og utan. Menn hafa
verið mjög duglegir að bæta við sig rétti undanfarin
ár en heldur hefur hægt á því síðasta árið. Það er bú-
ið að vera talsvert um breytingar og stækkanir á
fjósum síðustu ár og nú eru nokkrir bændur búnir að
fylla þau og hafa einfaldlega ekki pláss fyrir fleiri
gripi,“ sagði Eiríkur Loftsson, nautgriparáðunautur
Skagfirðinga, í samtali við fréttaritara á dögunum.
Eiríkur sagði að þótt afurðir eftir hvern grip hefðu
minnkað lítilsháttar á síðasta ári gætu bændur mjög
vel við unað. Síðustu ár hafa hey almennt verið góð
og árið 2002 var meðalnyt kúa í Skagafirði sú mesta
sem verið hefur. Í fyrra voru heyin víðast góð en þó
var seinni sláttur sums staðar lakari að gæðum en
undanfarin ár. Kornuppskera var hinsvegar mikil,
bæði að magni og gæðum.
Frigg mjólkaði mest í Skagafirði
Morgunblaðið/Örn Þórarinsson
Halldór Jónsson, bóndi í Litlu-Brekku, með kúna Frigg
sem skilaði flestum mjólkurlítrum á síðasta ári.