Morgunblaðið - 11.03.2004, Blaðsíða 64
ÍÞRÓTTIR
64 FIMMTUDAGUR 11. MARS 2004 MORGUNBLAÐIÐ
ARSENE Wenger, knattspyrnustjóri Arsenal, er
þeirrar skoðunar að enska úrvalsdeildin sé sterk-
asta deildakeppnin í Evrópu og hafi skotist fram
úr deildunum á Spáni og Ítalíu. „Ég man að fyrir
um tíu árum voru flestir sammála um að A-
deildin á Ítalíu væri sú sterkasta í álfunni. Síðan
komst spænska deildin upp að hlið þeirri ítölsku
hvað styrkleika varðar en núna finnst mér enska
úrvalsdeildin hafa náð þeim og sé að ná yfirhönd-
inni sem sterkasta deildin. Þó svo að Manchester
United hafi fallið úr leik í Meistaradeildinni er
ekki nema sanngjarnt að segja að United,
Chelsea og Arsenal hafi bætt sig og tekið fram-
förum með hverju árinu. England er eftirsóttasta
landið fyrir bestu leikmenn Evrópu til að spila í
og ef litið er á topp framherjanna í mörgum
ensku úrvalsdeildarliðunum þá koma þeir erlend-
is frá,“ segir Wenger í viðtali við London Even-
ing Standard.
Enska deildin sú
sterkasta í Evrópu
GRAEME Souness knattspyrnustjóri enska úr-
valsdeildarliðsins Blackburn Rovers hefur
bannað fleiri keppnisferðir til útlanda en ráðist
var á einn leikmann liðsins í æfingaferð þess á
La Manga á Spáni í síðustu viku.
Vandræðin voru ekki af sama toga og hjá
Leicester, þar sem þrír leikmenn sitja enn á
bak við lás og slá í fangelsi á Spáni sakaðir um
kynferðislegt ofbeldi gagnvart þremur konum,
heldur var ráðist á Nils-Eric Johnsson varn-
armann liðsins þar sem reynt var að stela far-
síma hans.
„Fleiri svona ferðir verða ekki farnar hjá
Blackburn á meðan ég er við stjórnvölinn. Þeg-
ar leikmenn eru margir saman í hóp er alltaf
hætta fyrir hendi að þeir verði fyrir áreitni
fólks,“ segir Souness.
Souness
bannar fleiri
keppnisferðir
FÓLK
ÓLAFUR Stefánsson skoraði 3
mörk, 2 þeirra úr vítaköstum, þegar
Ciudad Real vann Altea, 27:20, á úti-
velli í spænsku 1. deildinni í hand-
knattleik í gærkvöld. Barcelona vann
Portland, 35:29, þar sem Carlos Ort-
ega skoraði 8 mörk fyrir Barcelona
og Sven Lakenmacher 7 fyrir Port-
land. Ciudad er með 40 stig, Barce-
lona 35, Portland og Ademar Leon 33
stig hvort.
RAGNAR Óskarsson skoraði 3
mörk fyrir Dunkerque sem vann Sél-
estat, 33:24, í frönsku 1. deildinni í
handknattleik í gærkvöld. Dunkerq-
ue komst með sigrinum í þriðja sætið
með 42 stig en fyrir ofan eru Mont-
pellier með 49 stig og Créteil með 43.
ADRIAN Mutu rúmenski fram-
herjinn hjá Chelsea hvetur kollega
sinn, Jimmy Floyd Hasselbaink, til að
vera um kyrrt hjá Chelsea á næstu
leiktíð en Hasselbaink sagði í viðtali
við hollenska sjónvarpið í vikunni að
hann vildi komast í burtu frá Lund-
únaliðinu. Hasselbaink er ósáttur við
að fá ekki að spila meira en Claudio
Ranieri hefur verið gjarn á að stokka
upp framlínu liðsins milli leikja.
MUTU segir í viðtali við London
Evening Standard; „Jimmy er mjög
góður leikmaður og ég vona innilega
að hann falli frá þeirri ósk sinni að
komast í burtu. Mér finnst eðlilegt að
Ranieri geri breytingar enda leik-
mannahópurinn stór.“
JUAN Sebastian Veron, argent-
ínski miðjumaðurinn í liði Chelsea,
sem ekkert hefur getað leiki með
Lundúnaliðinu síðan í byrjun nóvem-
ber, er sagður á góðum batavegi.
Claudio Ranieri, knattspyrnustjóri
Chelsea, vonast til að geta notið
krafta Verons á lokaspretti tímabils-
ins en hann er væntanlegur til Eng-
lands frá Argentínu í lok vikunnar
þar sem hann hefur verið í læknis-
meðferð.
BANDARÍKJAMAÐURINN Dar-
on Rahlves varð hlutskarpastur í
bruni á heimsbikarmóti í Sestriere á
Ítalíu í gær. Austuríkismaðurinn
Fritz Strobl varð annar og Stephan
Ebertharter þriðji en hann hefur
þegar tryggt sér heimsbikarinn í
bruni. Eberharter er annar í heild-
arstigakeppninni á eftir Herman
Maier, sem lenti í 18. sæti í bruninu.
KA byrjaði ágætlega, skoraði tvöfyrstu mörkin og vörnin var
mjög framliggjandi og hreyfanleg.
Stjarnan brá á það
óvænta ráð að taka
Arnór Atlason og
Jónatan Magnússon
fljótlega úr umferð
og riðlaðist leikur heimamanna veru-
lega. Blíðlyndi berserkurinn Magnús
Stefánsson, kenndur við Fagraskóg,
var þá settur inn á og stimplaði sig
fljótt inn í leikinn. Hins vegar urðu
KA-menn fyrir áfalli þegar Árni
Björn Þórarinsson haltraði af velli
eftir að hafa skorað fallegt mark og
kom ekki aftur inn á. Staðan í leikhléi
var 16:12 og ekki öll nótt úti enn hjá
gestunum.
Í seinni hálfleik rifu KA-menn sig 6
mörkum frá Stjörnunni og komust í
21:15 og síðan 29:23 þegar 9 mínútur
voru eftir og fæstir sem bjuggust við
mikilli mótspyrnu Stjörnunnar eftir
það. Þá spýttu Garðbæingar sannar-
lega í lófana og skoruðu fjögur mörk í
röð á rúmlega 3 mínútum og staðan
skyndilega 29:27. Þá skoraði Arnór
mikilvægt mark fyrir KA auk þess
sem Kekelia var rekinn út af fyrir að
hanga í honum. Stjarnan svaraði með
marki en missti annan mann út af og
var það dýrkeypt. Engu að síður
héldu leikmenn Stjörnunnar áfram
að bíta frá sér, Arnar Theodórsson
skoraði lagleg mörk eftir gegnum-
brot og Arnar Jón Agnarsson minnk-
aði muninn í 31:30 þegar hálf mínúta
var eftir. Einar Logi Friðjónsson
skellti sér síðan í gegnum vörn
Stjörnunnar og gulltryggði sigur KA.
Leikurinn var ekkert sérlega
áferðarfallegur en býsna spennandi í
lokin. Andrius Stelmokas var bestur
KA-manna og skoraði 10 mörk og
Arnór Atlason sýndi stundum hvað
hann á auðvelt með að skora með fjöl-
breyttum stíl. Sævar Árnason átti
prýðilegan leik og á góðum degi er
hann enn besti vinstri hornamaður
liðsins. Einar Logi og Jónatan Magn-
ússon skiluðu sínu þokkalega. Hjá
Stjörnunni voru Bjarni og Kekelia at-
kvæðamestir en Arnar Theodórsson
og Björn Friðriksson sýndu ágæt til-
þrif, svo og Guðmundur Karl Geirs-
son í markinu í seinni hálfleik.
Stjarnan
beit frá
sér í lokin
KA fékk Stjörnuna í heimsókn í
gærkvöld og bjuggust flestir við
þægilegum og öruggum sigri
heimamanna enda gengi lið-
anna ólíkt. Úrvalsdeildin virðist
vera nokkuð tvískipt; KA meðal
fjögurra liða í efri hlutanum og
Stjarnan meðal hinna fjögurra í
neðri hlutanum. Heimamenn
leiddu vissulega allan leikinn en
gestirnir bitu hraustlega frá sér
í lokin og voru ekki fjarri því að
jafna. Úrslitin urðu 32:30.
Stefán Þór
Sæmundsson
skrifar
Það eru fjölmörg spurningar-merki í sambandi við þessa
keppni. Það hafa nokkir „jókerar“
komið inn í spilin hjá
liðunum að undan-
förnu og spurning
hversu miklu þeir
geta breytt. Mér
finnst þetta í raun skelfilegt og
óheppilegt fyrir körfuna hér á landi.
Ég vildi sjá þetta einhvern veginn
allt öðruvísi. Við verðum að setja
meira traust og trú á herðar ís-
lenskra leikmanna, sem geta þá ráð-
ið úrslitum,“ segir Jón Arnar, sem
spáir í viðureignirnar fjórar.
Keflavík – Tindastóll 2:1
„Keflavík er það lið sem hefur sýnt
hvað mestan stöðugleika í vetur,
bæði í deildinni og Evrópukeppn-
inni. Ég held að Keflvíkingar taki
þetta og því spái ég 2:1 fyrir þá.
Tindastóll er með mjög góðan mann-
skap en hefur ekki spilað nógu vel
saman sem lið. Hæfileikinn er til
staðar og strákarnir geta gert mjög
góða hluti, en mér finnst þeir ekki
búnir að pússa sig nógu vel saman,
altént ekki til að slá lið eins og Kefla-
vík út. Þeir vinna heimaleikinn og ef
þeir ætla lengra verða þeir að hægja
á leik Keflvíkinga. Þeir hafa verið
drifnir áfram af tveimur framúr-
skarandi góðum útlendingum og
Tindastólsmenn verða að klippa
Derrick Allen út úr leiknum ætli þeir
sér að komast áfram.“
Snæfell – Hamar 2:1
Pétur, bróðir Jóns Arnars, þjálfar
Hamar og spurður um hvað hann
myndi gera sagðist Jón Arnar búast
við að hann yrði á bekknum að bora í
nefið. „Hamar hefur komið á óvart á
hverju ári, sérstaklega í úrslita-
keppninni en að þessu sinni held ég
að þeir komi eitthvað á óvart en ná
samt ekki að slá Snæfell út. Leik-
irnir vinnast allir á heimavelli. Snæ-
fellingar hafa verið mjög stöðugir í
vetur og róteringin hjá þeim er ansi
góð. Liðið er rútínerað og það stend-
ur framar mörgum öðrum liðum
hvað það varðar. Hamar hefur spilað
illa upp á síðkastið og nær ekki að slá
Snæfell út.“
Grindavík – KR 2:1
„Þetta er mest spennandi viður-
eignin held ég. Bæði lið eru með
mjög öflugan mannskap og hafa
fengið nýja menn inn í hópinn að
undanförnu og þar eru á ferðinni öfl-
ugir leikmenn í báðum tilvikum.
Spurningin er hversu fljótir þeir eru
að aðlagast leik síns liðs og hvor
passar betur inn í leikmannahópinn.
KR hefur ekki verið traustvekjandi
eftir áramót og liðið hefur valdið
vonbrigðum, það er með miklu betri
mannskap en staða þess segir til um.
Murray skilar góðu verki en liðið
hefur ekki náð að fylgja því eftir.
KR-ingar hljóta að vera vonsviknir
og nú er tækifærið fyrir þá að hífa
upp um sig buxurnar og sýna að þeir
séu með alvörulið. Grindvíkingar
voru ósigrandi langt fram eftir vetri
en eftir að þeir fóru í breytingar á er-
lendum leikmönnum hafa þeir misst
taktinn. Erlendu leikmennirnir þrír
eru allir mjög góðir og svo eru marg-
reyndir landsliðsmenn með þannig
að ég held að Grindavík vinni þetta
2:1.“
Njarðvík – Haukar 1:2
Jón Arnar lék lengst af með Hauk-
um í Hafnarfirði og segist ekki geta
annað en spáð sínu gamla félagi sigri
á móti Njarðvíkingum. „Ég verð að
spá Haukum sigri, það er ekki
spurning. Njarðvíkingar hafa verið
upp og niður upp á síðkastið. Þeir
eru með einn „jóker“ og með tilkomu
hans lítur dæmið glæsilega út og ef
allt smellur saman hjá þeim gætu
þeir orðið meistarar – það er ekki
spurning. Ég held að þeir lendi samt
á vegg í Hafnarfirði og falla út gegn
Haukum. Haukar hafa verið nokkuð
traustir í vetur, spila öfluga vörn og
eru með fína breidd þannig að ég trúi
því að þetta eigi eftir að ganga hjá
þeim núna.“
Jón Arnar Ingvarsson, þjálfari Breiðabliks, á von á
spennandi úrslitakeppni í körfuknattleik karla
Njarðvíkingar
lenda á vegg
Morgunblaðið/Brynjar Gauti
Edmund Dotson, leikmaður Snæfells, sækir að körfu Hauka –
Michael Manciel kemur engum vörnum við.
„ÉG á von á jöfnum og skemmti-
legum leikjum í átta liða úrslit-
unum og úrslitin liggja alls ekki
ljóst fyrir. Ég held að þetta verði
ansi tvísýnt,“ segir Jón Arnar
Ingvarsson, þjálfari meist-
araflokks Breiðabliks, spurður
um álit á gangi mála í úr-
slitakeppninni í úrvalsdeildinni í
körfuknattleik karla sem hefst í
kvöld með tveimur leikjum.
Keflavík mætir Tindastóli í kvöld
og Snæfell tekur á móti Hamars-
mönnum. Á morgun eru síðan
hinir tveir leikirnir, Grindavík og
KR mætast og Njarðvíkingar fá
Hauka í heimsókn.
Eftir
Skúla Unnar
Sveinsson
NOTTINGHAM Forest hafnaði í vikunni
ósk Stoke City um að fá íslenska lands-
liðsmanninn Brynjar Björn Gunnarsson
að láni í einn mánuð. Stoke fór þess á leit
við Forest um að fá Brynjar til að fylla
skarð miðjumannins John Eustace, sem
hefur verið meiddur undanfarnar vikur.
„Ég ræddi við Joe Kinnear og spurði
hann hvort möguleiki væri að fá Brynjar
en hann sagðist ekki vera reiðubúinn til
þess. Það hefði ekki verið neitt vandamál
að taka Brynjar í einn mánuð. Ég veit að
hann hefði getað leyst hlutverkið með
sóma enda Brynjar góður leikmaður,“
segir Tony Pulis, knattspyrnustjóri
Stoke.
Brynjar lék í þrjú og hálft ár með
Stoke, samtals 158 leiki en hann var
keyptur þangað frá Örgryte fyrir metfé,
600.000 pund, í
desember 1999.
Brynjar gekk í
raðir Nott-
ingham Forest í
sumar en hefur
gengið illa að
festa sig í sessi
hjá liðinu og hef-
ur aðeins spilað
14 leiki með því.
Brynjar er
annar íslenski
landsliðsmað-
urinn sem Stoke sækist eftir að fá að láni
á skömmum tíma. Á dögunum leituðu
Stoke-menn til Manchester City og ósk-
uðu eftir því að fá Árna Gaut Arason að
láni en þeirri beiðni var hafnað.
Brynjar Björn
Forest vildi ekki lána
Brynjar til Stoke