Morgunblaðið - 11.03.2004, Blaðsíða 65

ÍÞRÓTTIR
MORGUNBLAÐIÐ FIMMTUDAGUR 11. MARS 2004 65
VEIGAR Páll Gunnarsson, knatt-
spyrnumaður, varð að fresta för
sinni til Noregs um tvo sólarhringa
vegna veikinda, en hann er sem
kunnugt er á leið til norska úrvals-
deildarliðsins Stabæk frá KR-
ingum. Veigar hugðist halda utan á
þriðjudag en það var ekki fyrr en í
morgun sem hann hélt utan.
„Ég veiktist heiftarlega á mánu-
dagsnóttina. Ég nældi mér í ein-
hverja pest og ældi alla nóttina svo
ég gat ekki farið í gær eins og ég
ætlaði að gera. Þetta var dæmigert
fyrir það sem á undan er gengið,“
sagði Veigar Páll við Morgunblaðið
í gær, en hann var þá allur að
braggast og tilbúinn að halda utan
nú í morgunsárið.
Veigar Páll segist gangast undir
læknisskoðun hjá Stabæk í vikunni
og að öllu óbreyttu muni hann í
framhaldinu skrifa undir samning
við félagið. „Ég er búinn að semja
um kaup og kjör og Stabæk og KR
eru búin að ná samningi sín á milli
svo þetta á allt að vera klárt. Þetta
er hins vegar ekkert öruggt fyrr en
ég er búinn að skrifa nafn mitt und-
ir samninginn.“
Forráðamenn Stabæk bíða
óþreyjufullir eftir því að fá að njóta
krafta Veigars Páls, en liðinu hefur
vegnað afleitlega í æfingaleikjum
sínum á undirbúningstímabilinu.
Stabæk mætir Bodö/Glimt á laug-
ardaginn og sagði Veigar ekki víst
hvort hann yrði með í þeim leik.
Veikindi frestuðu för
Veigars Páls til Noregs
LÆRISVEINAR Alfreðs Gísla-
sonar í Magdeburg töpuðu mjög
óvænt fyrir Wilhelmshavener,
28:25, í þýsku 1. deildinni í hand-
knattleik í gærkvöld. Þar með
missti Magdeburg stöðu sína sem
það lið sem fæstum stigum hefur
tapað í deildinni, í hendur Flens-
burg. Gylfi Gylfason skoraði 3 mörk
fyrir Wilhelmshavener í leiknum en
Sigfús Sigurðsson var ekki með
Magdeburg. Stefan Kretzschmar og
Stefan Just skoruðu 6 mörk hvor
fyrir Magdeburg.

Kiel setti markamet í deildinni
þegar liðið rótburstaði Minden á
útivelli, 47:25. Ótrúlegar tölur, ekki
síst þar sem um útileik var að ræða
hjá Kiel. Markus Ahlm skoraði 11
mörk fyrir Kiel og Stefan Lövgren
8.

Flensburg var nærri metinu því
toppliðið vann stórsigur á Wallau-
Massenheim, 44:30. Lars Christian-
sen skoraði 15 mörk fyrir Flens-
burg í leiknum. Rúnar Sigtryggs-
son skoraði 3 mörk fyrir Wallau og
Einar Örn Jónsson eitt.

Lemgo sigraði Wetzlar, 29:23, og
er áfram við toppinn. Daniel Steph-
an skoraði 11 mörk fyrir Lemgo.
Róbert Sighvatsson gerði 4 mörk
fyrir Wetzlar og Gunnar Berg Vikt-
orsson 2.
Óvænt tap Magdeburg
og markamet hjá Kiel
Byrjunin lofaði góðu fyrir HK-inga. Þeir komust í 3:1 og voru
fastir fyrir í vörninni. En Haukar
svöruðu góðri byrjun
HK-manna með því
að skora fimm mörk í
röð og eftir það má
segja að þeir hafi haft
undirtökin allt til leiksloka. HK-ingar
voru þó aldrei langt undan og hvað
eftir annað skorti þá herslumuninn.
Haukar virtust vera búnir að tryggja
sér öruggan sigur þegar um tíu mín-
útur voru til leiksloka. Forysta þeirra
var þá sex mörk en með gríðarlegri
baráttu tókst HK að minnka muninn í
eitt mark, 27:26, með marki Andrius
Rackauskas fjórum mínútum fyrir
leikslok. Haukar reyndust sterkari á
lokamínútunum og ungur leikmaður í
liði þeirra, Gísli Jón Þórisson, átti
stóran þátt í að innsigla sigur þeirra
rauðklæddu en tvö mörk hans í röð
gerðu líklega gæfumuninn.
„Við urðum að vinna eftir rýra upp-
skeru í tveimur síðustu leikjum. Þetta
var barningur eins og alltaf þegar
þessi lið mætast. Okkur gekk illa að
hrista þá af okkur en við náðum þó
sem betur fer að hafa þetta í lokin og
ég verð að hrósa Gísla Jóni en það má
segja að hann hafi unnið leikinn fyrir
okkur. Sigurinn var gott veganesti
fyrir leikinn gegn Val á laugardaginn.
Þann leik ætlum við að vinna og ég
vona bara að stuðningsmenn okkar
hjálpi okkur til að láta það verða að
veruleika,“ sagði Andri Stefan, leik-
stjórnandi Hauka, við Morgunblaðið.
Ásgeir Örn Hallgrímsson og Vignir
Svavarsson fóru fremstir í flokki í liði
Hauka, sem léku án Halldórs Ingólfs-
sonar, og þá þurfti Robertas Pauzuol-
is að hætta um miðjan fyrri hálfleik
vegna meiðsla í öxl. Gísli Jón Þórisson
tók stöðu hans og leysti hana með
miklum sóma. Hann skoraði fjögur
mörk og fiskaði tvö vítaköst og átti
stóran þátt í sigri sinna manna. Birkir
Ívar varði ágætlega, einkum þó í fyrri
hálfleik, en ákveðin þreytumerki
mátti merkja á liði Hauka eftir tvo
hörkuleiki um síðustu helgi.
Í liði HK var Andrius Rackauskas
yfirburðamaður og þá átti Björgvin
Gústavsson góða innkomu í markið í
síðari hálfleik. HK-menn börðust vel
en þeir voru sjálfum sér verstir. Þeir
misnotuðu mörg góð marktækifæri,
fjögur vítaköst fóru í súginn hjá þeim
og mikil orka fór hjá leikmönnum liðs-
ins í að agnúast út í dómgæsluna.
„Við reyndum okkar besta en eigin
klaufaskapur varð okkur að falli. Við
létum reka okkur út af fyrir kjaftbrúk
og fleira í þeim dúr og fórum illa að
ráði okkar í góðum færum og ég tala
nú ekki um vítaköstin. Það vantaði
herslumuninn hjá okkur og ég er al-
veg sannfærður um að ef okkur hefði
tekist að jafna í síðari hálfleik þá hefði
sigurinn endað HK- megin. Við erum
að missa liðin of langt fram úr okkur
og það fer mikil orka í að vinna mun-
inn upp. Við sitjum því enn á botn-
inum en við gefumst ekki upp og mun-
um berjast fram á síðustu stundu,“
sagði Árni Stefánsson, þjálfari HK.
Morgunblaðið/Árni Sæberg
Andri Stefan Haukamaður reynir að brjótast í gegnum vörn HK
en Haukur Sigurvinsson er til varnar hjá Kópavogsliðinu.
Haukar á
sigurbraut
ÍSLANDSMEISTARAR Hauka komust á sigurbraut að nýju þegar þeir
lögðu HK-inga, 31:28, í baráttuleik í Digranesi. Haukar innbyrtu að-
eins eitt stig úr leikjunum tveimur um síðustu helgi og því fögnuðu
þeir vel stigunum tveimur í gær en HK-ingar sitjast sem fastast á
botninum og verða að taka sig á ef þeim á að takast að komast í úr-
slitakeppnina.
Guðmundur
Hilmarsson
skrifar