Morgunblaðið - 20.03.2004, Side 30

AKUREYRI
30 LAUGARDAGUR 20. MARS 2004 MORGUNBLAÐIÐ
SORPEYÐING Eyjafjarðar
horfir nú til jarðarinnar Syðri-
Bakka, norðan Dysness í Arn-
arneshreppi, sem hugsanlegan
stað fyrir sorpurðun fyrir sveit-
arfélög í firðinum. Syðri-Bakki
er ríkisjörð og að sögn Guð-
mundar Guðlaugssonar fram-
kvæmdastjóra Sorpeyðingar
Eyjafjarðar verður leitað eftir
leyfi landbúnaðarráðuneytisins
til að gera jarðvegsrannsóknir á
jörðinni.
Fulltrúar Sorpeyðingar Eyja-
fjarðar funduðu með hrepps-
nefnd Arnarneshrepps nýlega og
sagði Guðmundur að hrepps-
nefndin hefði ekki lagst gegn því
að svæðið yrði skoðað, þótt
vissulega hafi komið upp efa-
semdir. Hann sagði fljótlegt að
gera jarðvegsrannsóknir á jörð-
inni en ef farið yrði í enn frekari
rannsóknir væri um að ræða
margra mánaða vinnu. Jafnframt
þyrfti að vinna skýrslu um mat á
umhverfisáhrifum. Guðmundur
sagði þó að ekki yrði ráðist í dýr-
ar og umfangsmiklar rannsóknir
til viðbótar nema fyrir liggi að
svæðið standi til boða undir þá
starfsemi sem um er rætt.
Hjördís Sigursteinsdóttir odd-
viti Arnarneshrepps sagði að
hreppsnefnd hefði ekki tekið af-
stöðu með eða á móti, að farið
yrði í jarðvegsrannsóknir á
Syðri-Bakka. „Við höfum ekki
myndað okkur neina skoðun á
málinu á þessu stigi en vildum
ekki drepa það fyrirfram.“ Hjör-
dís sagði að hreppsnefnd myndi
taka afstöðu til málsins kæmi
fram beiðni þar að lútandi í
framhaldi af þessum jarðvegs-
rannsóknum. „Við teljum jafn-
framt að þetta sé eina svæðið
innan hreppsins sem hugsanlega
gæti komið til greina.“
Hjördís sagði að á fundinum
með fulltrúum Sorpeyðingar
hefðu fengist svör við mörgum
spurningum en þó væri mörgum
spurningum ósvarað. „Við vorum
m.a. að leita svara við því hvort
sorpsamlagið væri að horfa til
fleiri svæða og hvort leitað hafi
verið til fleiri sveitarstjórna. Það
eru svæði innan annarra sveitar-
félaga sem ekki hefur fengist
leyfi til skoða. Ekki bara í Hörg-
árbyggð, heldur líka í Dalvík-
urbyggð, en við fengum engin
svör um hvort skoða ætti það
nánar. Sorpeyðingin þarf jafn-
framt að svara því og rökstyðja
af hverju eingöngu sé horft til
urðunar og af hverju sorp-
brennsla er útilokuð.“
Sorpeyðing Eyjafjarðar leitar að svæði undir sorpurðun
Ríkisjörðin Syðri-Bakki
hugsanlega fyrir valinu
ÞAÐ voru bæjarbúum á Akureyri
nokkur viðbrigði að vakna upp í
gærmorgun við alhvíta jörð. Tíð
hefur verið einstök undanfarnar
vikur og blóm og runnar hafa tek-
ið upp á því að springa út á
miðjum vetri. En það er ekki
öruggt á meðan enn er rétt miður
mars. Snjólítið var orðið í Hlíð-
arfjalli, en þar brosa menn nú út í
bæði og fagna snjókomunni. Það
gerðu líka börnin á leikskólanum
Iðavelli sem þustu út með snjóþot-
ur og farartæki af svipuðu tagi og
brunuðu niður hól sem þar er, á
meðan aðrir hnoðuðu snjóbolta
eða útbjuggu snjókarla og kerl-
ingar.
Morgunblaðið/Kristján
Ánægja: Starfsmenn í Hlíðarfjalli eru ánægðir með snjóinn svo og yngsta
kynslóðin. Þessir krakkar á Iðavelli kunnu vel að meta himnasendinguna.
Líf og fjör í snjónum
Morgunblaðið/Kristján
Börnin glöð: Það var mikið líf á
leikvellinum við leikskólann Iðavöll
í gær og börnin hin ánægðustu.
Skapadægri lýkur | Sýningu Að-
alheiðar S. Eysteinsdóttur og Jóns
L. Halldórssonar í Gallerí+ við
Brekkugötu 35 lýkur á sunnudag
kl. 18. Þetta er skúlptúrsýning sem
ber nafnið Skapadægur. Þetta er
fyrsta samsýning Jóns og Að-
alheiðar og varð til með rými gall-
erísins í huga. Á sýningunni eru
bæði ný og gömul verk sem ekki
hafa verið sýnd áður. Jón og Að-
alheiður eru bæði fyrrverandi bæj-
arlistamenn á Akureyri og hafa
sett verulegan svip á listalíf bæj-
arins.
Sýningin er opin frá kl.14-18.
TÓNLEIKAR til styrktar
minningarsjóði um Þorgerði
S. Eiríksdóttur verða haldnir
í sal Tónlistarskólans á Ak-
ureyri, Hvannavöllum 14 á
mánudagskvöld, 22. mars og
hefjast þeir kl. 20.
Þorgerður lauk burtfarar-
prófi frá Tónlistarskólanum á
Akureyri og var nýkomin til
London í framhalds-nám er
hún lést af slysförum í febr-
úar 1972. Ári síðar stofnuðu
aðstandendur Þorgerðar
ásamt Tónlistarskólanum og
Tónlistarfélagi Akureyrar
minningarsjóð, til að styrkja
efnilega nemendur Tónlistar-
skólans til framhaldsnáms.
Eru árlegir minningartón-
leikar helsti vettvangurinn til
að styrkja sjóðinn, auk þess
sem hann hefur tekjur af sölu
minningarkorta.
Að þessu sinni eru það 10
strákar sem eru í framhalds-
námi við skólann sem koma
fram ásamt meðleikurum úr
röðum kennara við skólann.
Aðgangur er ókeypis, en
tekið er á móti frjálsum fram-
lögum í sjóðinn.
Þorgerð-
artón-
leikar
Parakeppni | Skákfélag Akureyrar
heldur sína árlega parakeppni á
sunnudag, 21.mars kl. 14. Kepp-
endum er þar skipað saman í pör eft-
ir skákstigum og hraðskákir tefldar.
Að venju er teflt í Íþróttahöllinni og
eru allir velkomnir.ÁSKRIFTARDEILD netfang: askrift@mbl.is, sími 569 1122
AUGLÝSINGADEILD
netfang: augl@mbl.is eða sími 569 1111

Ársalir- fasteignamiðlun
Ársalir- fasteignamiðlun

Nýttu þér áratuga reynslu
okkar og traust í
fasteignaviðskiptum
Björgvin Björgvinsson, lögg. fasteignasali.
Ársalir
FASTEIGNAMIÐLUN
Engjateigi 5 105 Rvk
533 4200
Þingvallastræti 14 Brekkugata 8
Gistiheimilið Gula villan á Akureyri er nú til sölu. Gistiheimilið er
rekið í tveimur húsum Annað í Þingvallastræti 14, gegnt sund-
lauginni, en þar er gisting fyrir 20 gesti í 10 herbergjum. Hitt í
Brekkugötu 8, rétt hjá miðbænum, þar er líka gisting fyrir 20 gesti
í 9 herbergjum. Húsið við Þingvallastræti er 254 fermetrar á
þremur hæðum og er eldhús og snyrting á hverri hæð. Húsið í
Brekkugötu er 278 fermetrar einnig á þremur hæðum með mikilli
lofthæð og mjög fallegt. Saman mynda húsin góða rekstrarein-
ingu sem býður upp á ýmsa möguleika hvað varðar gistiheimilis-
rekstur og/eða fasta leigu. Hægt er að útbúa umsjónarmannsíbúð
í báðum húsunum. Rekstur gistiheimilsins getur verið til afhend-
ingar nú þegar.
Allar frekari upplýsingar eru veittar á
Fasteignasölunni BYGGÐ
Sölumenn: Björn Guðmundsson
s. 462 1744 og 897 7832, Emelía Jóhannsdóttir,
Jón Kr. Sólnes hrl. lg. fasteignasali.
Einstakt tækifæri
Gistiheimili á Akureyri
Mikið endurnýjuð 4ra herbergja
íbúð 127 fm að stærð.
Vandaðar innréttingar og
gólfefni. Stigagangur mjög
snyrtilegur. Áhv. 7,4 millj. 40
ára húsbr. Íbúðin er laus. (Sjá
www.byggd.is) Verð 13,1 millj.
Nánari upplýsingar veittar á
Fasteignasölunni Byggð, sími 462 1744
eða í síma 862 2002,
Emelía Jóhannsdóttir.
Ráðhústorg 1, 3. hæð, Akureyri
Nú er tækifærið að eignast fallega
íbúð á Akureyri í hjarta bæjarins