Morgunblaðið - 20.03.2004, Qupperneq 75

MORGUNBLAÐIÐ LAUGARDAGUR 20. MARS 2004 75
DAGBÓK
STJÖRNUSPÁ
Frances Drake
FISKAR
Afmælisbörn dagsins:
Þú ert bæði hugmyndarík/ur
og skynsöm/samur og veist
því oft ekki í hvorn fótinn þú
átt að stíga. Á komandi ári
verður nánasta samband þitt
í brennidepli.
Hrútur
(21. mars - 19. apríl)

Næstu fjórar vikurnar hef-
urðu einstakt tækifæri til að
hlaða batteríin og safna orku
fyrir allt næsta ár.
Naut
(20. apríl - 20. maí) 
Þótt þér finnist þú hafa mikla
orku þarftu á mikilli hvíld að
halda þessa dagana. Þú þarft
á því að halda að hægja á og
láta þig dreyma.
Tvíburar
(21. maí - 20. júní) 
Búðu þig undir að taka virk-
an þátt í félagslífinu á næst-
unni. Þú verður sennilega í
óvenjumiklum samskiptum
við yngra fólk. Vertu opin/n
fyrir nýjum hugmyndum.
Krabbi
(21. júní - 22. júlí) 
Þú vekur óvenjumikla athygli
þessa dagana. Þér verður
hugsanlega falin aukin
ábyrgð og það mun draga at-
hyglina að þér.
Ljón
(23. júlí - 22. ágúst) 
Þetta er góður tími til að gera
ferðaáætlanir eða ráðstafanir
varðandi fyrirhugað nám. Þú
hefur mikla þörf fyrir að
víkka sjóndeildarhring þinn.
Meyja
(23. ágúst - 22. sept.) 
Þú þarft að ganga frá skött-
um og skuldum, trygginga-
eða erfðamálum. Brettu bara
upp ermarnar og byrjaðu að
vinna.
Vog
(23. sept. - 22. okt.) 
Sólin er langt frá merkinu
þínu og því þarftu á óvenju-
mikilli hvíld að halda. Hikaðu
ekki við að dekra við þig.
Sporðdreki
(23. okt. - 21. nóv.) 
Leggðu þig fram um að
skipuleggja þig betur. Los-
aðu þig við allt það sem þú
þarft ekki lengur á að halda.
Bogmaður
(22. nóv. - 21. des.)
Þetta er góður tími til hvers
konar skemmtana. Bjóddu til
veislu, farðu í frí eða gerðu
eitthvað skemmtilegt með
börnunum. Þú munt hugsan-
lega verða ástfangin/n á
næstunni.
Steingeit
(22. des. - 19. janúar)

Á næstu vikum þarftu að láta
þarfir fjölskyldu þinnar hafa
forgang. Gefðu þér tíma til að
vera með foreldrum þínum
og hugaðu að viðgerðum á
heimilinu.
Vatnsberi
(20. jan. - 18. febr.) 
Það er að færast meiri hraði í
lífið hjá þér. Það verður mik-
ið að gera hjá þér í vinnunni
auk þess sem þú munt fara í
stutt ferðalög og hafa aukin
samskipti við systkini þín.
Fiskar
(19. feb. - 20. mars) 
Ekki meta sjálfa/n þig á
grundvelli eigna þinna. Hug-
aðu frekar að því hver þú ert
og hvernig þú kemur fram
við þína nánustu.
Stjörnuspána á að lesa sem
dægradvöl. Spár af þessu tagi
eru ekki byggðar á traustum
grunni vísindalegra staðreynda.
HAMINGJA JARÐAR
Rótgróið sem þöllin
í sendnu hjarta landsins
er þorp mitt á jörðu.
Verkamenn
með ryk í hári
og marðar hendur,
konur sem dilla
jarðneskum hlátrum
bak við tjöld eldhúsgluggans.
Berfætt í grasinu
standa börnin,
og stráin vaxa
milli moldugra tánna,
krossfest hamingju jarðar
með grænum nöglum.
Jón úr Vör
LJÓÐABROT
ÁRNAÐ HEILLA
80 ÁRA afmæli. Í dag,laugardaginn 20.
mars, er áttræð Ásdís Arn-
finnsdóttir, Krókahrauni 6,
Hafnarfirði. Eiginmaður
hennar er Þorleifur Finns-
son. Ásdís tekur á móti ætt-
ingjum á heimili sínu í dag
eftir kl. 16.
70 ÁRA afmæli. Í dag,laugardaginn 20.
mars, er sjötugur Birgir
Hallvarðsson, Botnahlíð 14,
Seyðisfirði (Asparfelli 4,
Reykjavík). Birgir og eigin-
kona hans, Sigfríð Stella
Ólafsdóttir, taka á móti
gestum á heimili Huldu og
Stefáns í Giljaseli 11 í kvöld
eftir kl. 20.
SVÍNING er neyðar-
úrræði sem reyndir spil-
arar grípa ekki til fyrr en
í lengstu lög. Ástæðan er
augljós – útkoman ræðst
af duttlungum legunnar,
en ekki kunnáttu spil-
arans.
Suður gefur; allir á
hættu.
Norður
♠ÁKG8752
♥DG10
♦G9
♣7
Suður
♠D943
♥Á42
♦KD73
♣Á10
Vestur Norður Austur Suður
-- -- -- 1 grand
Pass 2 hjörtu * Pass 2 spaðar
Pass 4 lauf ** Pass 6 spaðar
Pass Pass Pass
* Yfirfærsla í spaða.
** Splinter – stutt lauf og
slemmuáhugi.
Útspil vestur er tromp-
sexa. Hvernig er best að
spila?
Svíning fyrir hjartakóng
er augljós kostur, en áður
en til þess kemur er rétt
að nýta þá möguleika sem
tígulliturinn býður upp á.
Það er fráleitt að spila
tígli á níuna, enda væri
það að skipta einni svín-
ingu fyrir aðra. En milli-
spilin í tígli – nían í borði
og sjöan heima – skapa
ýmsa möguleika.
Best er að gera ráð fyr-
ir tígulásnum í vestur og
tíunni í austur:
Norður
♠ÁKG8752
♥DG10
♦G9
♣7
Vestur Austur
♠6 ♠10
♥K97 ♥8653
♦Á862 ♦1054
♣KG854 ♣D9632
Suður
♠D943
♥Á42
♦KD73
♣Á10
Sagnhafi byrjar á því að
hreinsa laufið með tromp-
un. Fer svo heim á spaða
og spilar tígli á gosann og
níunni úr borði. Hug-
myndin er að hleypa ní-
unni ef austur setur lítið,
en hann hefur enga
ástæðu til að spara tíuna.
Vestur drepur kónginn og
þarf nú að spila hjarta frá
kóng eða tígli frá 86 upp í
D7.
BRIDS
Guðmundur Páll
Arnarson
1. c4 e5 2. Rc3 Rf6 3. g3 Bb4
4. Bg2 O-O 5. e4 Bxc3 6.
dxc3 d6 7. De2 Rbd7 8. Rf3
Rc5 9. Rd2 a5 10. b3 Bg4 11.
f3 Bd7 12. O-O Db8 13. Ba3
Da7 14. Kh1 Hfe8 15. Hae1
h5 16. f4 Bg4 17. De3 h4 18.
f5 hxg3 19. Dxg3 Kf8 20.
Rb1 Ke7 21. b4 Rcd7
22. c5 Hg8 23. Hf2
axb4 24. cxb4 b5 25.
Bc1 dxc5 26. Be3
Kd8 27. Hd2 Kc8 28.
bxc5 Db7 29. Rc3 c6
Staðan kom upp á
Reykjavík-
urskákmótinu sem
lauk nýverið í Ráð-
húsi Reykjavíkur.
Lettneski stórmeist-
arinn Normunds
Miezis (2521) hafði
hvítt gegn Stefáni
Kristjánssyni
(2404). 30. Rd5! við
þetta tekst hvítum að opna
lykillínur að svarta kóngn-
um. 30...cxd5 31. exd5 Bxf5
32. c6 Db8 33. d6 Re4 33...
Ha3 gekk ekki upp vegna
34. c7. 34. cxd7+ Kd8 35.
Dxe5 og svartur gafst upp.
Landsbanki Íslands, Guð-
mundur Arason ehf. og
Reykjavíkurborg styrktu
mótið með rausnarlegum
framlögum.
SKÁK
Helgi Áss
Grétarsson
Hvítur á leik.
70 ÁRA afmæli. Í dag,laugardaginn 20.
mars, er sjötug Hrefna
Magnúsdóttir, textílhönn-
uður, Beykihlíð 4, Reykja-
vík. Hún heldur uppá af-
mælisdaginn með fjölskyldu
sinni.
MEÐ MORGUNKAFFINU
Jónas minn. Þú átt að segja „já“,
ekki „já, eins og vanalega“.
SAMFYLKINGARDAGAR svo-
kallaðir voru haldnir á Akureyri um
síðustu helgi. Níu þingmenn flokks-
ins fóru þá norður ásamt starfs-
mönnum flokksins, heimsóttu Há-
skólann, Menntaskólann og
Verkmenntaskólann, þar sem rætt
var við nemendur og kennara.
Samfylkingarfélag var stofnað í
Eyjafjarðarsveit á laugardaginn,
sama dag var haldinn aðalfundur
flokksfélagsins á Akureyri og einn-
ig tekið í notkun framtíðarhúsnæði
jafnaðarmanna í höfuðstað Norður-
lands, í Lárusarhúsi við Eiðsvalla-
götu. Fyrr um daginn var þar fund-
ur um stefnumótun í heilbrigð-
ismálum.
Umræðuefni fundarins var
stjórnkerfisbreytingar, flutningur
verkefna milli ráðuneyta, flutningar
verkefna til sveitarfélaga, öldrunar-
mál og málefni geðfatlaðra og fatl-
aðra.
Formaður Samylkingarinnar
Össur Skarphéðinsson, kynnti
stefnumótunarvinnu flokksins í
þeim málum og starfsmenn Akur-
eyrarbæjar ræddu lærdóma sem
Akureyringar hafa dregið af
reynsluverkefnum í heilbrigðisþjón-
ustu.
Morgunblaðið/Skapti Hallgrímsson
Fundur um stefnumótun í heilbrigðismálum, sem fram fór í Lárusarhúsi.
Samfylkingardagar
haldnir á Akureyri
Bútasaumshátíð í Gerðubergi
Laugardaginn 20. mars kl. 14–17
verður basar/flóamarkaður og opið
hús hjá Íslenska bútasaumsfélag-
inu í Gerðubergi í tengslum við
aðalfund félagsins. Aðalfundurinn
verður í stóra fundarsalnum í
Gerðubergi kl. 13–14 og að honum
loknum verða þar helstu búta-
saumsverslanir með sölu- og
kynningarbása. Sýning verður á
teppum sem félagsmenn hafa
saumað fyrir verkefnið „Teppi fyr-
ir hetju“.
Námskeið verða allan daginn fyrir
félagsmenn, en það þarf að skrá
sig á þau fyrirfram. Gestur félags-
ins þennan dag er Liselotte Kan-
nik-Marquardsen, stjórnarkona í
Dansk Patchwork Forening og
mun hún leiðbeina á námskeiðum
og kynna saum á Dear Jane-
teppum.
Svartárbotnahátíð haldin í Ara-
tungu á morgun, laugardaginn
20. mars kl. 21. Heiðursgestur
kvöldsins verður Guðni Ágústsson,
landbúnaðarráðherra. Karlakór
Hreppamanna syngur, stjórnandi
Edit Molnár, undirleikari Miklos
Dalmay. Hjalti í Fossnesi, Krist-
ján í Ásakoti og Jón í Gígj-
arhólskoti skemmta og Hekla
Hrönn syngur. Ingimar Einarsson
leikur á dragspil. Kynnir verður
Hilmar Einarsson bygginga-
fulltrúi. Þá verður einnig böggla-
uppboð.
Aðgangseyrir er 2.000 kr. og veit-
ingar verða seldar á staðnum. All-
ur ágóði rennur til uppbyggingar
á Svartárbotnaskálanum.
Fræðslufundur Geðhjálpar verð-
ur haldinn í dag, laugardaginn 20.
mars, kl. 14 á Túngötu 7. Sigurður
Örn Hektorsson geðlæknir fjallar
um meðferðarúrræði geðsjúkra
sem hann m.a. starfaði við í
Bandaríkjunum. Þá mun hann
svara spurningum gesta að lokinni
framsögu. Boðið upp á veitingar.
Málþing VG um menntamál
Vinstrihreyfingin – grænt framboð
stendur fyrir málþingi um
menntamál laugardaginn 20. mars
kl. 10 á Hótel Loftleiðum. Yf-
irskrift málþingsins er „Framsýni
á faglegum grunni“. Þingið er lið-
ur í mótun nýrrar mennta- og
skólamálastefnu VG sem unnið er
að um þessar mundir. Málþingið
er öllum opið.
Erindi halda: Katrín Jakobsdóttir,
varaformaður VG, Þröstur Brynj-
arsson, varaformaður Félags leik-
skólakennara, Finnbogi Sigurðs-
son, formaður Félags
grunnskólakennara, Elna Katrín
Jónsdóttir, varaformaður Kenn-
arasambands Íslands, Þórólfur
Þórlindsson, formaður Félags pró-
fessora, Emil Björnsson, Fræðslu-
neti Austurlands, og Ingólfur Ás-
geir Jóhannesson, prófessor við
Háskólann á Akureyri. Fund-
arstjóri Drífa Snædal, ritari VG.
Smáhundasýning í Garðheimum
Í dag, laugardaginn 20. og sunnu-
daginn 21. mars, standa Garð-
heimar, í samstarfi við Hunda-
ræktarfélag Íslands, fyrir
smáhundasýningu í Garðheimum
við Stekkjarbakka. Sýndar verða
16 tegundir smáhunda, sem eru
flestar þær tegundir hreinrækt-
aðra smáhunda sem finnast hér á
landi.
Opnuð hefur verið ný og stærri
gæludýradeild í Garðheimum þar
sem m.a. er boðið upp á dýrafóður
frá framleiðendunum Proplan,
Royal Canin. Verslunin er opin til
kl. 21 öll kvöld.
Vináttufélag Íslands og Kúbu
stendur að opinni dagskrá í dag,
laugardaginn 20. mars, í MÍR-
salnum, Vatnsstíg 10 í Reykjavík,
í kjölfar aðalfundar. Kl. 18.30 er
léttur kvöldverður og kl. 20 verð-
ur sýnd kvikmyndin „The Cuban
Rebel Girls“ (70 mín.). Einnig seg-
ir ungt fólk frá nýlegri heimsókn
til Kúbu.
Samtök herstöðvaandstæðinga
mótmæla við stjórnarráðið Sam-
tök herstöðvaandstæðinga munu
andæfa stríðsrekstrinum, stuðn-
ingi íslenskra stjórnvalda og veru
bandaríska hersins á Íslandi, fyrir
framan stjórnarráðið kl. 12 í dag,
laugardag. Þar munu einnig ís-
lenskir friðarsinnar veita verð-
laun, segir í fréttatilkynningu.
Hraðskákmót Kópavogs í barna-
og unglingaflokki verður haldið í
dag, laugardaginn 20. mars, kl. 14,
í félagsheimili Taflfélags Kópa-
vogs, Hamraborg 5, þriðju hæð.
Mótið er fyrir nemendur 1.–10.
bekkjar.
Aðalfundur Hollvinasamtaka
um Gufubað- og smíðahús á
Laugarvatni verður í dag, laug-
ardaginn 20. mars, kl. 16, í Smíða-
húsinu við Laugarvatn. Kynntar
verða endurbætur sem unnar hafa
verið á sl. vikum. Heimasíða sam-
takanna kynnt (www.gufa.is).
Í DAG
FRÉTTIR