Morgunblaðið - 28.02.2004, Blaðsíða 6

FRÉTTIR
6 LAUGARDAGUR 28. FEBRÚAR 2004 MORGUNBLAÐIÐ
Plúsfer›ir • Hlí›asmára 15 • Sími 535 2100
Be
nid
orm
35.942kr.
Sama sólin - sama fríi›
-en á ver›i fyrir flig!
á mann miðað við að 2 fullorðnir og 2 börn, 2ja-11ára, ferðist saman.
44.430 kr. á mann ef 2 ferðast saman.
Innifalið er flug, gisting í 7 nætur á Halley, 10.000 kr. bókunarafsláttur
og ferðir til og frá flugvelli erlendis.
DAVÍÐ Oddsson forsætisráðherra
fjallar um eignarhald á fjölmiðlum í
pistli sem birtur var á vefmiðlinum
tikin.is í gær og segir eðlilegt að um-
ræða fari fram um það efni, m.a. í
ljósi þeirra miklu breytinga sem orð-
ið hafa á fjölmiðlamarkaðinum. „Í
þessari umræðu verður að gæta þess
að taka þarf tillit til fleiri sjónarmiða
en nauðsynlegt er þegar horft er til
annarra markaða. Það er til að
mynda ekki nóg að gæta þess að sam-
keppni ríki á milli fjölmiðla og að al-
menningur geti nýtt sér þá á hag-
stæðu verði. Ekki skiptir minna máli
að fjölmiðlarnir séu fjölbreyttir og að
mismunandi skoðanir eigi greiðan
aðgang að þeim. Síðast en ekki síst er
mikilvægt að fjölmiðlarnir sinni eft-
irlitshlutverki sínu, bæði með stjórn-
málamönnunum og viðskiptalífinu,“
segir forsætisráðherra í pistlinum.
Fyrirtækjamálgögn grafa und-
an trúverðugleika viðskiptalífs
Davíð fjallar í pistli sínum um sam-
hengi frjálsra óháðra fjölmiðla ann-
ars vegar og eft-
irlits með
markaðsráðandi
fyrirtækjum hins
vegar og segir
þær miklu svipt-
ingar sem hafa
orðið í íslensku
viðskiptalífi kalla
mjög á að fjöl-
miðlar sinni
skyldum sínum af kostgæfni. Síðan
segir Davíð:
„Því miður hefur tilkoma fyrir-
tækjamálgagna að undanförnu grafið
undan trúverðugleika íslensks við-
skiptalífs. Það þarf til dæmis engan
sérstakan speking til að sjá hversu
óheppilegt það er að viðskiptasam-
steypa með umtalsverð ítök í íslensku
viðskiptalífi er eigandi fjölmiðla.
Hvað þá að fjölmiðlar í eigu hennar
skuli vera í lykilstöðu á fjölmiðla-
markaði. Fjölmörg dæmi hafa verið
nefnd á opinberum vettvangi hvernig
fjölmiðlar í eigu Baugs hafa ítrekað
verið staðnir að því að láta hagsmuni
eigenda sinna ganga fyrir hagsmun-
um almennings. Nú nýverið bættist í
þann haug enn eitt dæmið um vinnu-
brögð á þessum fjölmiðlum, sem hlýt-
ur að auka á áhyggjur manna um
hæfi eigendanna til að reka fjölmiðil.
Hallur Hallsson, fyrrverandi frétta-
maður, birti nýlega grein í Morgun-
blaðinu. Þar ræddi hann á skilmerki-
legan hátt um hvernig Fréttablaðinu
var beitt í pólitískum tilgangi eigenda
þess. Meðal annars ræddi Hallur sér-
staklega hvernig trúnaðarskjöl
stjórnar Baugs bárust til ritstjóra
Fréttablaðsins. Þögn forráðamanna
fyrirtækisins um þetta mál og sú
staðreynd að tveir af stjórnarmönn-
um fyrirtækisins sögðu sig úr stjórn
vegna þessa hlýtur að vekja mikla at-
hygli. En það vekur einnig athygli að
Fréttablaðið neitaði Halli um birt-
ingu greinarinnar í blaðinu. Sú
ákvörðun forsvarsmanna blaðsins
sýnir, ásamt ótal öðrum dæmum,
með skýrum hætti stöðu Frétta-
blaðsins sem fyrirtækjamálgagns,“
segir í pistli forsætisráðherra.
Davíð Oddsson forsætisráðherra fjallar um eignarhald á
fjölmiðlum í pistli sem birtur er á vefritinu tikin.is
Ekki nóg að gæta þess að sam-
keppni ríki á milli fjölmiðla
Davíð Oddsson
B&L, umboðsaðili Renault á Íslandi,
hefur flutt sérstaklega til landsins
eitt eintak af nýjum Volkswagen
Golf og mun sýna hann um leið og
B&L kynnir Renault Megane.
Í tilkynningu B&L segir að þetta
geri fyrirtækið til þess að gefa al-
menningi kost á að bera nýja Golfinn
saman við Renault Megane.
Í tilkynningu frá B&L segir að
Hekla, sem er umboðsaðili
Volkswagen á Íslandi, hyggist ekki
frumsýna nýja Golfinn fyrr en eftir
rúma viku og því geti almenningur
tekið forskot á sæluna með því að
koma upp í B&L um helgina og um
leið gefast kostur á að bera hann
saman við Renault Megane.
Stefnt gegn VW Golf
Þar kemur einnig fram að Renault
hafi tekið þá stefnu allt frá frum-
hönnun á Megane að honum yrði
stefnt gegn VW Golf.
„Volkswagen Golf er vinsæll bíll á
Íslandi en við teljum að Renault
Megane standist honum fyllilega
snúning. Við berum mikla virðingu
fyrir Volkswagen en við treystum
Renault Megane jafnframt fyllilega
til að standast samanburð við nýja
Golfinn. Það er auðvitað viðskipta-
vinurinn sem kveður upp hinn end-
anlega dóm,“ er haft eftir Guðmundi
Gíslasyni, markaðsstjóra B&L.
Í tilkynningu B&L er bent á það
að Renault Megane hafi verið valinn
bíll ársins í Evrópu í fyrra og hafi
hlotið góða dóma fyrir frábæra akst-
urseiginleika, nýtískulega útlits-
hönnun og fyrsta flokks öryggi. Þá
hafi Renault jafnframt verið sölu-
hæsta tegundin í Evrópu undanfarin
sex ár.
B&L sýna nýjan Golf um
leið og Renault Megane
Í fyrsta sinn sem
íslenskt umboð
flytur inn bíl frá
keppinaut
Morgunblaðið/Kristinn
Nýr Renault Megane sem B&L kynnir um helgina.
HEKLA segir ljóst að sá
Volkswagen Golf sem B&L hafi
fest kaup á og ætli að sýna sé alls
ekki samanburðarhæfur við þá
Volkswagen Golf-bíla sem Hekla
muni bjóða hér á landi. Afar und-
arlegt sé hvernig B&L kynni mál-
ið, bæði með fullyrðingum við við-
skiptavini Heklu, sem fyrirtækið
telji að brjóti í bága við sam-
keppnislög, og einnig með því að
gefa út yfirlýsingar um hvenær
Hekla hyggist frumsýna
Volkswagen Golf.
Jón Trausti Ólafssson, markaðs-
stjóri Heklu, tekur þó fram að
Hekla hyggist ekki kæra B&L til
samkeppnisyfirvalda þrátt fyrir
að B&L hafi vísvitandi gefið út
rangar dagsetningar um frumsýn-
ingu til að villa fyrir við-
skiptavinum Heklu. Hann segir að
þrátt fyrir allt sé ánægjulegt að
sjá hversu mikið B&L leggi upp
úr því að reyna að kynna sína bíla
sem sambærilega við VW Golf.
Það breyti því þó ekki að hinn
eiginlegi Golf verði bara frum-
sýndur einu sinni og það hjá
Heklu um miðjan mars.
Aðspurður um óskráðar siða-
reglur á bílamarkaðinum segir
Jón Trausti að hingað til hafi
menn ekki gengið jafnlangt og
B&L hafi gert. „Að vissu leyti
finnst okkur þeir ganga heldur
langt. Við myndum að minnsta
kosti ekki gera þetta sjálfir með
þeirra bíla. Við þökkum þeim auð-
vitað þessa athygli sem þeir sýna
Volkswagen en því er þó ekki að
neita að við höfum orðið varir við
pirring hjá viðskiptavinum okkar
vegna þessa framferðis hjá B&L
og raunar einnig hjá aðilum í bíl-
greininni. En Golfinn er mest
seldi bíll í heiminum, það er búið
að framleiða hann í 23 milljónum
eintaka og það er auðvitað ekki
skrýtið þótt menn reyni að halda
því fram að þeirra bílar séu sam-
bærilegir.“
Ekki sambærilegur bíll
Jón Trausti segir að Hekla
muni á engan hátt reyna að
stöðva sýningu B&L. „En Golfinn
sem þeir sýna er „lágmarkstýpa“
og ekki sambærilegur við þá bíla
sem við flytjum inn. Við tökum
bíla með sérstökum búnaði sem
hentar fyrir íslenskar aðstæður og
bílar með þeim búnaði eru fyrst
núna að koma úr framleiðslu. Við
erum komnir með bíla til landsins
og verðum með mikla kynningu á
bílnum nú um helgina fyrir starfs-
menn og umboðsmenn en sjálf
kynningin verður 13. og 14.
mars,“ segir Jón Trausti.
Hekla segir B&L vísvitandi villa um
fyrir viðskiptavinum
Hyggjast ekki kæra til
samkeppnisyfirvalda
Nýr Volkswagen Golf sem Hekla mun kynna 13.–14 mars.
FÖÐUR tíu ára drengs blöskraði
svo skrif um son sinn á Netinu að
hann kærði þau til lögreglu í fyrra-
dag. Ellefu ára kunningi sonarins
hafði skrifað lítilsvirðandi athuga-
semdir um hann og lýst lífshorfum,
sem voru ekki bjartar. Faðirinn
segir að í þeim orðum hafi falist
óbein hótun um „afhausun“.
„Ég get ekki annað en tekið
þetta alvarlega,“ segir faðirinn,
Höskuldur Erlingsson, og taldi
nauðsynlegt að kæra þessi skrif til
lögreglunnar. Talaði hann við rann-
sóknarlögreglumann og afhenti af-
rit af skrifunum máli sínu til stuðn-
ings.
Höskuldur segist vera steinhissa
á að ellefu ára drengur hafi hug-
myndaflug til að skrifa svona ógeð-
felldan texta. Hann búi ekki yfir
slíkum orðaforða sjálfur. Sonur
sinn sé miður sín yfir þessu og
skilji ekki þessa heift. Foreldrar
drengsins, sem skrifaði umræddan
texta á Netið, hringdu í Höskuld í
fyrrakvöld og tjáðu honum að búið
væri að eyða þessu af Netinu.
Hann furðar sig á því að þeir sem
hýsa þessar vefsíður bera enga
ábyrgð á þeim skrifum sem þar
birtast.
Börn yngri en 15 ára eru ekki
sakhæf og verða ekki dæmd. Því er
þeim ekki refsað samkvæmt refsi-
löggjöfinni. Foreldrar ósakhæfs
barns bera ekki refsiábyrgðina á
gjörðum þess og baki barn sér
bótaskyldu er það sjálft ábyrgt fyr-
ir henni. Ekki er hægt að ganga á
foreldra til að fá bætur greiddar.
Ekki refsimeðferð
Kæra Höskuldar verður því ekki
tekin til refsimeðferðar hjá lög-
reglunni heldur til meðferðar hjá
forvarnardeild, sem hefur það
verkefni að upplýsa málið. Farið
verður með það sem barnavernd-
armál og afhent barnaverndar-
nefnd.
Oft er óljóst hver ber ábyrgð á
skrifum sem birtast á Netinu. Erla
S. Árnadóttir, lögmaður hjá Lex
lögmannsstofu, segir í grein í
Morgunblaðinu í gær að höfundur
efnis á Netinu, sé vitað hver hann
er, beri refsi- og skaðabótaábyrgð.
Sé ekki unnt að rekja efni til tiltek-
ins höfundar kunni málið að vand-
ast. Tilskipun Evrópusambandsins
um rafræn viðskipti byggist á því
að milligönguaðilar beri ekki
ábyrgð svo framarlega sem þeim
sé ekki kunnugt um innihald þess
efnis sem þeir hýsi eða flytji. Það
eigi við þá sem veiti aðgang að
Netinu og einnig þá sem starfræki
fréttahópa og spjallrásir. Erla seg-
ir vandséð að skynsamlegt væri að
setja reglur um að í öllum tilfellum
væri einhver dreginn til ábyrgðar á
efni eftir óþekkta einstaklinga á
Netinu.
Skrif ellefu ára drengs um annan dreng á Netinu kærð
Forvarnardeild lögreglu
falið að upplýsa málið