Morgunblaðið - 28.02.2004, Blaðsíða 27
SUÐURNES
MORGUNBLAÐIÐ LAUGARDAGUR 28. FEBRÚAR 2004 27
Njarðvík | Framkvæmdir við sjóvarnargarð í
Njarðvíkinni ganga vel. Lokið er að mestu við
að leggja 500 metra garð að norðanverðu og
byrjað að byggja upp hinn hluta garðsins sem
gengur út frá Seylutanga í Innri-Njarðvík en
hann verður 160 metra langur. Á milli garð-
anna verður 150 metra bil þannig að það mun
gæta flóðs og fjöru á leirunum fyrir innan.
Reykjaneshöfn stendur fyrir byggingu sjó-
varnargarðsins. Tilgangur hans er að verja
ströndina fyrir landbroti, ekki síst útivist-
arsvæðið á Njarðvíkurfitjum og mannvirki
við ströndina.
Íslenskir aðalverktakar annast fram-
kvæmdina. Um 60 þúsund rúmmetrar af efni
fara í sjóvarnargarðinn. Það er flutt með
vörubílum og prömmum úr Helguvík þar sem
verið er að sprengja fyrir lóð væntanlegrar
stálröraverksmiðju. Ef allt efnið væri flutt
með vörubílum þyrftu þeir að fara 4.600 ferð-
ir úr Helguvík. Áætlaður kostnaður er um 40
milljónir, að sögn Péturs Jóhannssonar hafn-
arstjóra.
Ýmsir möguleikar skapast við gerð sjó-
varnargarðsins. Áformað er að byggja naust
víkingaskipsins Íslendings og jafnvel byggja
upp Víkingaland skammt frá Stekkjarkoti.
Víkingaskipið gæti einnig verið í vari úti á
Njarðvíkinni, innan við varnargarðinn. Þá
gætu skapast möguleikar fyrir tómstunda-
starf, til dæmis siglingaklúbb, að sögn Pét-
urs.
Liðlega 600 metra varnargarður við Fitjar
Morgunblaðið/RAX
BÆJARSTJÓRAR sveitarfélaga á
höfuðborgarsvæðinu, utan Reykjavík-
ur, og í nágrenninu hafa verið að at-
huga möguleika á samstarfi um stofn-
un bæjarfræðaseturs. Tilgangurinn er
að skapa vettvang til að vinna að
rannsóknum í þágu sveitarfélaganna.
Nokkrir bæjarstjórar hafa verið að
kanna grundvöllinn fyrir stofnun bæj-
arfræðaseturs í samvinnu við Ragnar
Árnason prófessor við Háskóla Ís-
lands og hafa hugmyndirnar verið
kynntar óformlega í viðkomandi sveit-
arfélögum. Þannig kynnti Árni Sigfús-
son, bæjarstjóri Reykjanesbæjar,
frumhugmyndir á fundi bæjarráðs í
vikunni. Hann segir að bæjarráðs-
fulltrúar hafi lýst yfir áhuga á þeim.
Tekin verður afstaða til málsins þegar
formlegt erindi berst.
Margt sameiginlegt
Að sögn Árna eiga bæjarfélögin í ná-
grenni höfuðborgarinnar, frá Árborg til
Borgarbyggðar að Reykjanesi og bæj-
unum í kringum höfuðborgina meðtöld-
um, margt sameiginlegt. Hugmyndin sé
að efna til samstarfs um rannsóknir í
þeirra þágu, svo sem á félagsþjónustu,
íþróttastarfi, menntun og félagsmálum.
Árni vekur athygli á því að Reykja-
nesbær hafi ítrekað boðið háskólanem-
um verkefni sem sveitarfélagið hafi
áhuga á að láta vinna í sína þágu. Það
hafi gengið misjafnlega. Vonast hann til
að í bæjarfræðasetri geti skapast far-
vegur til að vinna að slíkum rannsókn-
um.
Hugmyndin er ekki að setja á fót
stóra stofnun, heldur verði þar eitt
stöðugildi en sveitarfélögunum boðið að
taka þátt í einstökum verkefnum.
Ekki er ætlunin að leita til Reykja-
víkurborgar um þátttöku enda er hug-
myndin um bæjarfræðasetur að hluta
til sótt til Borgarfræðaseturs sem
borgin stendur að ásamt Háskóla Ís-
lands. Borgarfræðasetur gengst fyrir
rannsóknum á sviði borgarfræða, ekki
síst með samanburði við þróun í borg-
arsamfélögum erlendis.
Rætt um bæjarfræðasetur Reykjanesbær | Talsvert hefur verið um innbrot á Suð ur-nesjum að undanförnu. Þjófar fóru inn í þrjú íbúðarhús við
Suðurvelli og Norðurgarð í Keflavík aðfaranótt miðviku-
dags. Í öllum tilvikum var fólk sofandi heima.
Veski með peningum og greiðslukortum var stolið úr
tveimur húsanna og handtösku með veski, peningum og
greiðslukorti í einu. Málið er í rannsókn. Samkvæmt upplýs-
ingum lögreglunnar er ekki sjáanlegt að brotist hafi verið
inn í húsin og í að minnsta kosti einu tilviki var notaður lyk-
ill.
Að morgni fimmtudags var tilkynnt um þjófnað í húsnæði
Kaupfélags Suðurnesja við Hafnargötu í Keflavík. Hafði far-
tölvu verið stolið í hjá Samkaupum um kl. 18 daginn áður.
Einnig hafði verið farið inn í afgreiðslu og stolið einhverju af
Happaþrennum með vinningi. Fékkst lýsing á manni sem
var að þvælast þarna og starfsfólk kannaðist ekki við.
Síðdegis á fimmtudag var lögreglu tilkynnt að farið hafi
verið í tvo báta í Sandgerðishöfn nóttina áður og farið í lyfja-
kistur þeirra.
Þjófar að nóttu sem degi
Evrópuvegavinna á Castro | Hera kemur fram á Castro í
Keflavík næstkomandi mánudagskvöld ásamt Adam Mast-
erson frá Bretlandi og Fiamma frá Ítalíu. Tónleikarnir eru
liður í svokallaðri Evrópuvegavinnu.
Evrópuvegavinna er verkefni sem stuðlar að því að koma á
samvinnu milli lagahöfunda og söngvara í Evrópu og kynna
þá. Að loknum tónleikunum á Castro halda þau tónleika í
Nýheimum á Höfn í Hornafirði á þriðjudagskvöld, á Drauga-
barnum á Stokkseyri á miðvikudagskvöld og í Þjóðleik-
húskjallaranum í Reykjavík á fimmtudagskvöld.
Sviptur með fíkniefni | Þegar lögreglumenn stöðvuðu bif-
reið á Grindavíkurvegi í fyrrinótt kom í ljós að ökumaðurinn
var ekki með ökuréttindi. Hann hafði verið sviptur öku-
skírteini.
Þá fundust í bifreiðinni efni sem lögreglan taldi vera fíkni-
efni og tæki til fíkniefnaneyslu. Ökumaður og fjórir farþegar
voru handteknir og færðir í fangaklefa vegna frekari máls-
rannóknar.
TÓNLISTARSKÓLARNIR á Suð-
urnesjum halda sameiginlega tónleika í
dag, á degi tónlistarinnar. Tónleikarnir
verða í Kirkjulundi, félagsheimili Kefla-
víkurkirkju, og hefjast klukkan 14. Með-
al annars sameinast söngnemendur úr
öllum skólunum um að flytja lög úr
þekktum söngleikjum.
Dagur tónlistarskólanna er orðinn ár-
viss viðburður hérlendis, en tilgang-
urinn er að vekja athygli á því mikla
starfi sem unnið er í tónlistarskólum
landsins og til að vekja athygli á gildi
tónlistarmenntunar, að því er fram kem-
ur í fréttatilkynningu. Í tilefni dagsins
hafa tónlistarskólarnir á Suðurnesjum
hrint af stað samstarfsverkefni, sem lýk-
ur með stór-tónleikum í Kirkjulundi.
Efnisskrá fyrri hluta tónleikanna sam-
anstendur af tónlistaratriðum frá tón-
listarskólunum. Seinni hlutinn er tileink-
aður söngleikjum en þá munu
söngnemendur Tónlistarskólans í Garði,
Tónlistarskólans í Grindavík, Tónlistar-
skóla Reykjanesbæjar og Tónlistarskóla
Sandgerðis koma saman fram og flytja
lög úr þekktum söngleikjum við undir-
leik hljómsveitar. Meðal annars eru
sungin lög úr West Side Story, My Fair
Lady og Sound of Music.
Flytja söngleikjalög
Morgunblaðið/Billi