Morgunblaðið - 03.04.2004, Page 2

FRÉTTIR
2 LAUGARDAGUR 3. APRÍL 2004 MORGUNBLAÐIÐ
ÍSLENDINGAR MYNDAÐIR
Áætlun bandarískra stjórnvalda,
um að taka fingraför og myndir af
erlendum ferðamönnum áður en
þeir fá að fara inn í Bandaríkin,
verður færð út og á að ná einnig til
ríkisborgara í helstu bandalags-
ríkjum landsins, þar á meðal Bret-
landi, Japan og Ástralíu, sem til
þessa hafa fengið að koma inn í
Bandaríkin án vegabréfsáritunar.
Þessar breyttu reglur munu jafn-
framt gilda um Íslendinga.
Vélknúin ökutæki bönnuð
Hvannadalshnjúkur verður lok-
aður allt árið fyrir vélaumferð nái
tillögur nefndar um stofnun Vatna-
jökulsþjóðgarðs fram að ganga.
Öræfajökull sunnan Snæbreiðar,
Eyjabakkajökull og Skeiðarárjökull
verða lokaðir 1. apríl til 15. sept-
ember samkvæmt tillögunum.
Metallica til Íslands
Vinsælasta þungarokkssveit
heims, Metallica, heldur tónleika í
Egilshöll 4. júlí nk. Þetta verða síð-
ustu tónleikar sveitarinnar í vænt-
anlegri Evrópureisu.
46% hærri lyfjakostnaður
Kostnaður vegna lyfjanotkunar er
að meðaltali 46% hærri á hvert
mannsbarn hér á landi en í Dan-
mörku samkvæmt nýrri skýrslu sem
Ríkisendurskoðun hefur tekið sam-
an. Lyfjakostnaður gæti lækkað um
4,4 milljarða ef miðað er við að
kostnaðurinn yrði hlutfallslega sá
sami og í Danmörku og Noregi.
308.000 ný störf
Þrisvar sinnum fleiri ný störf urðu
til í Bandaríkjunum í marsmánuði
heldur en spár höfðu gert ráð fyrir.
Störfum fjölgaði um 308.000 í mars-
mánuði en þetta er mesta fjölgun á
einum mánuði í fjögur ár, eða frá því
í apríl 2000. Þetta þykir styrkja
stöðu George W. Bush Bandaríkja-
forseta á kosningaári vestra.
Y f i r l i t
Í dag
Sigmund 8 Forystugrein 40
Viðskipti 14/15 Þjónusta 43
Úr verinu 16/17 Viðhorf 42
Erlent 18/21 Minningar 45/51
Minn staður 22 Kirkjustarf 51
Höfuðborgin 24/25 Fermingar 52/56
Akureyri 26 Messur 57
Suðurnes 27 Myndasögur 64
Árborg 28/29 Bréf 64
Landið 30 Dagbók 66/67
Úr vesturheimi 31 Leikhús 72
Listir 32/33 Fólk 72/77
Daglegt líf 34/35 Bíó 74/77
Ferðalög 36/37 Ljósvakamiðlar 78
Umræðan 38/44 Veður 79
* * *
Kynning – Morgunblaðinu í dag fylgir
auglýsingablað frá Íslenskum fjalla-
leiðsögumönnum.
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Ólafur Stephensen, aðstoðarritstjóri, olafur@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Listir menning@mbl.is Orri Páll Ormarsson, ritstjórnarfulltrúi,
orri@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkjustarf Ellý H. Gunnarsdóttir, elly@mbl.is Íþróttir
sport@mbl.is Sigmundur Ó. Steinarsson, fréttastjóri, sos@mbl.is Fólk í fréttum Skarphéðinn Guðmundsson, skarpi@mbl.is Útvarp|Sjónvarp Andrea Guðmundsdóttir, andrea@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
SAMÞYKKT var í ríkisstjórninni í
gær að tillögu menntamálaráð-
herra að afnotagjöld Ríkisútvarps-
ins hækkuðu um 7% frá 1. maí.
Gjaldið hækkaði um 5% 1. janúar
sl. Verður mánaðargjaldið þá 2.705
krónur með virðisaukaskatti.
Markús Örn Antonsson útvarps-
stjóri segir að þessi hækkun létti
róðurinn í erfiðri fjárhagsstöðu en
engu að síður þurfi að skera niður
um 60 milljónir í stað um 160 og
ljóst sé því að ýmsar tillögur sem
uppi hafi verið um niðurskurð
muni standa.
Samkvæmt upplýsingum Stein-
gríms Sigurgeirssonar, aðstoðar-
manns Þorgerðar Katrínar Gunn-
arsdóttur menntamálaráðherra,
sótti Ríkisútvarpið um 25% hækk-
un afnotagjalda á síðasta ári. Sam-
þykkt var í janúar sl. að gjöldin
hækkuðu um 5% og eins og fyrr
segir samþykkti ríkisstjórnin í
gær 7% hækkun frá og með 1. maí.
Sagði Steingrímur að ekki hefði
verið talið rétt að hækka gjöldin
meira í bili. Væri hækkunin skref
til að koma til móts við fjárhags-
vanda útvarpsins. Fjárhagur
stofnunarinnar í heild væri hins
vegar áfram til skoðunar.
Útvarpsstjóri sagði mikilvægt
að staðið yrði við yfirlýsingar um
að hin stærri fjárhagsmál útvarps-
ins væru tekin til athugunar, eins
og framlög til Sinfóníuhljómsveitar
Íslands, sem hefðu verið stofnun-
inni íþyngjandi um árabil og dreg-
ið þrótt úr mönnum hjá útvarpinu.
Afnotagjöld RÚV hækka um 7%
Niðurskurður í rekstrinum er samt
nauðsynlegur, segir útvarpsstjóri
DORRIT Moussaieff forsetafrú
opnaði á fimmtudag norræna
hönnunarsýningu í Mílanó að við-
stöddu fjölmenni en sýningin er
haldin í La Triennale di Milano-
sýningarsalnum þar í borg.
Alls eiga 22 íslenskir hönnuðir
verk á sýningunni sem ber heitið
„Scandinavian Design – Beyond
the Myth“ og spannar síðustu hálfa
öld í norrænni hönnun. 200 verk
eru á sýningunni, þar af 30 íslensk.
Hér sést hvar forsetafrúin,
ásamt forstjóra Triennale-salarins
(fjær) og Widar Halén sýning-
arstjóra virða fyrir sér íslenska
hönnun eftir Ástu Guðmunds-
dóttur. Sýningarstúlkur gengu um
svæðið og stilltu sér upp á súlum
sem komið hafði verið fyrir í saln-
um.
Ráðgert er að sýningin, sem
styrkt er af Norrænu ráðherra-
nefndinni, fari víðar um Evrópu.
Opnaði norræna hönnunarsýningu
GÓÐAR líkur eru taldar á að
samningar takist milli Verzlunar-
mannafélags Reykjavíkur og
Samtaka verslunarinnar-FÍS á
sunnudag en þá hefur næsti fund-
ur samninganefnda verið boðaður.
Félögin funduðu í gær og segir
Gunnar Páll Pálsson, formaður
VR, góðar líkur á að samningar
náist á sunnudag. „Við förum að
sjá fyrir endann á samningi. Það
standa eftir nokkur atriði, smá út-
færsla varðandi launin en þau eru
þó að mestu komin og eins endur-
skoðunarákvæði og samningstími.
Annað er nánast allt komið.“
Samninganefndir VR og Sam-
taka atvinnulífsins funduðu einnig
í gær en þar ber nokkuð í milli og
„gengur hægt“ að sögn Gunnars
Páls.
Hefur nýr fundur SA og VR
verið boðaður hjá ríkissáttasemj-
ara í dag klukkan ellefu.
Forsvarsmenn VR hafa lýst því
yfir að kjarasamningur Flóa-
bandalagsins og Starfsgreinasam-
bandsins við Samtök atvinnulífs-
ins marki að verulegu leyti stefnu
VR í samningum við atvinnurek-
endur. Að mati VR vantar nokkuð
upp á að samningamenn SA séu
reiðubúnir til að semja um sömu
launahækkanir.
Líkur á að VR og
stórkaupmenn
semji á sunnudag
„Gengur hægt“ í viðræðum við SA
ANNAR fundur hefur verið boðaður
hjá ríkissáttasemjara í dag í viðræð-
um samninganefnda ríkisins og
Starfsgreinasambandsins og hefst
hann klukkan ellefu.
Samninganefndirnar funduðu
framan af degi í gær og ákváðu síð-
degis að koma saman að nýju í dag.
Verkalýðsfélögin hafa undirbúið
verkfall sem hefjast á 16. apríl takist
ekki samningar.
Björns Snæbjörnsson, formaður
Eflingar-stéttarfélags, vildi lítið gefa
út á gang viðræðnanna þegar eftir
því var leitað. „Meðan eru fundir þá
er alltaf von,“ sagði Björn.
Meginkrafa SGS er að ríkið jafni
lífeyrisréttindi milli þeirra sem eru í
félögum ríkisstarfsmanna og þeirra
sem eru í félögum Starfsgreinasam-
bandsins. Yfir 20 þúsund króna mun-
ur getur verið á launum fólks fyrir
sömu störf eftir því í hvaða verka-
lýðsfélagi það er, að mati Starfs-
greinasambandsins.
Annar
fundur boð-
aður í dag
Fundur ríkisins
og SGS
ÞYRLUÁHÖFN á TF-LÍF þyrlu
Landhelgisgæslunnar sótti slasaðan
sjómann um borð í færeyska togar-
ann Sólborgu 186 sjómílur vestur af
Reykjavík um kl. 7 í gærmorgun og
flutti hann til Reykjavíkur. Krókur
úr trollhlera hafði slitnað og lent á
höfði mannsins. Sólborg var þá
stödd 409 sjómílur vestur af
Reykjavík.
Þar sem togarinn var staddur svo
fjarri landinu og ekki var aðkall-
andi að mati læknis að sækja mann-
inn strax var ákveðið að bíða þar til
skipið væri komið nær Íslandi og
birta færi af degi. TF-LÍF fór í
loftið kl. 5.33 í gærmorgun og gekk
vel að hífa skipverjann um borð.
Lenti þyrlan við skýli Landhelg-
isgæslunnar á Reykjavíkurflugvelli
kl. 9 í gærmorgun. Þar beið sjúkra-
bíll sem flutti hinn slasaða á Land-
spítala – háskólasjúkrahús við
Hringbraut.
Slasaður sjómaður sóttur á haf út
BETUR fór en á horfðist á þjóðvegi
eitt, rétt við bæinn Steinsstaði II í
Öxnadal, í gær. Lítill fólksbíll á norð-
urleið fór út af hringveginum svo-
kallaða og fór margar veltur. Tvær
stúlkur voru á ferð þegar ökumanni
fataðist aksturinn með fyrrgreind-
um afleiðingum. Stúlkurnar sluppu
með minni háttar meiðsli en voru
færðar á slysadeild Fjórðungs-
sjúkrahússins á Akureyri til rann-
sóknar.
Að sögn lögreglunnar á Akureyri
var ekkert að færð, þurr vegur og
logn. Bíllinn er talinn gjörónýtur.
Fór margar
veltur
♦♦♦