Morgunblaðið - 08.06.2004, Qupperneq 18

HÖFUÐBORGARSVÆÐIÐ
18 ÞRIÐJUDAGUR 8. JÚNÍ 2004 MORGUNBLAÐIÐ
AKUREYRI
Morgunverðarfundur | Solar-
plexus á Akureyri efnir til morg-
unverðarfundar á Fiðlaranum á
morgun, miðvikudag frá kl. 8.30 til
10. Þar verður kynnt heilbrigðis- og
öryggisráðgjöf í fyrirtækjum. Val-
gerður Sverrisdóttir iðnaðar- og við-
skiptaráðherra er gestur fundarins,
en einnig talar Anna María Malm-
quist framkvæmdastjóri Sol-
arplexus á Akureyri, Áshildur Sísý
Malmquist heilbrigðisráðgjafi og
Lovísa Ólafsdóttir framkvæmda-
stjóri Solarplexus. Fyrirtækið sér
m.a. um ráðgjöf við uppbyggingu
heilsueflingar á vinnustað, hönnun
vinnuumhverfis og val á húsbúnaði.
Áhersla er lögð á forvarnarstarf til
að fyrirbyggja þróun andlegra og
líkamlegra álagseinkenna.
STOFNAÐ hefur verið á Akureyri
fyrirtæki sem ber heitið Greiningar-
þjónustan Promat og er starfsstöð
þess nú að Glerárgötu 36 í húsnæði
sem áður tilheyrði þjónustusviði
Rannsóknastofnunar fiskiðnaðarins,
Rf. Gert er ráð fyrir að starfsemin
flytjist næsta haust í Sjafnarhúsið, að
sögn Jóns Jóhannessonar, forstöðu-
manns Promats, en þar hefur ágæt
aðstaða undir starfsemina verið leigð.
Starfsemi fyrirtækisins var kynnt
nú í vikunni og kom þá fram í máli
Jakobs Kristjánssonar, framkvæmda-
stjóra líftæknifyrirtækisins Prokaria,
að auk þess félags væri Samherji einn
eigenda Promats,e n rannsóknastofa
Strýtu mun renna inn í hið nýstofnaða
fyrirtæki. Þá standa yfir viðræður við
fleiri félög á Akureyri og nágrenni um
þátttöku í starfsemi fyrirtækisins.
Reksturinn er, að sögn Jakobs,
reistur á grunni starfsemi þjónustu-
sviðs Rf. á Akureyri, sem ákveðið var
að leggja niður af samkeppnis-
ástæðum síðastliðinn vetur. „Við
sáum þarna gott tækifæri þegar hið
opinbera ákvað að draga sig út úr
þessum rekstri og færa starfsemina
yfir á almennan markað,“ sagði Jak-
ob, en hann nefndi að áætlað væri að
markaður fyrir rannsóknir og þjón-
ustugreiningar velti um 400 milljón-
um króna árlega. Sem stendur rekur
ríkið nú fjölmargar rannsóknarstofur,
sem selja örveru- og efnagreinar á al-
mennum markaði. „Þetta er talsvert
stór markaður og vaxandi. Við sjáum í
honum fjölmörg tækifæri,“ sagði Jak-
ob.
Ástæðu þess að fyrirtækið er með
starfsemi sína á Akureyri sagði hann
m.a. vera þá að nýta brotthvarf Rf af
markaðnum og þá væri á svæðinu öfl-
ugur fiskiðnaður og önnur matvæla-
framleiðsla. Eins væri fyrir hendi
starfsfólk með mikla þekkingu og
reynslu á þessu sviði og það hefði góð
tengsl við matvælaiðnaðinn.
Fyrirtækið mun í fyrstu einbeita
sér að því að veita fiskvinnslu- og mat-
vælafyrirtækjum greiningarþjónustu,
en markmiðið er svo að byggja upp
starfsemi sem sérhæfir sig í hátækni-
lausnum á sviði matvælaframleiðslu.
Promat mun með samstarfi við Prok-
aria hafa aðgang að erfðagreiningar-
tækni til nákvæmrar greingar og
frekari þróunar á sviði rannsókna fyr-
ir matvælaiðnað.
Fyrst um sinn verða starfsmenn
Promat fjórir. Kostnaður við stofnun
fyrirtækisins er um 20 milljónir
króna.
Greiningarþjónustan Promat stofnuð
Sækir inn á markað
sem ríkið hafði áður
PÁLL Steingrímsson, formaður sjó-
mannadagsráðs Akureyrar, ræddi
meðal annars um byggðakvóta, línu-
ívilnun og stórútgerðir í ávarpi við
hátíðarhöldin á sjómannadaginn og
þá gagnrýndi hann Vestfirðinga
harðlega. Páll sagðist oft velta því
fyrir sér, sem Akureyringur, „hversu
lengi eigi að refsa okkur fyrir að hafa
tvö vel rekin útgerðarfélög hér og
hvort Vestfirðir séu eina lands-
byggðin.“
Formaðurinn sagðist telja byggða-
kvóta og línuívilnun handaflsaðgerðir
stjórnvalda til að taka kvóta „frá
þeim er hafa staðið sig vel í rekstri
fyrirtækja og færa til þeirra byggð-
arlaga sem eru búin að selja frá sér
allan kvóta eða hafa ekki haft stjórn-
endur sem hafa getað rekið sín fyr-
irtæki. Mér sýnist að fyrir atbeina
stjórnmálamanna eigi þessi byggð-
arlög að fá annað tækifæri í nafni
smábátaútgerðar, ef smábáta skyldi
kalla því um er að ræða báta með allt
að 600 hestafla vélar.“
Páll sagðist ekki telja eðlilegt undir
nokkrum kringumstæðum að sífellt
væri verið að breyta leikreglum í
sjávarútvegi. „Þegar grannt er skoð-
að kemur í ljós að flestar hugmyndir
um uppskurð á leikreglunum í sjávar-
útvegi eru frá Vestfirðingum komnar.
Hafa ber í huga að það voru einmitt
Vestfirðingar sem fengu á sínum tíma
nokkur hundruð milljónir króna til
atvinnuuppbyggingar. En þeir fjár-
munir virðast ekki hafa dugað til. Ég
minnist þess ekki að stjórnvöld hafi
gripið til einhverra sértækra aðgerða
þegar Sambandsverksmiðjurnar hér
á Akureyri fóru á hausinn og atvinnu-
ástandið var mjög bágborið í kjölfar-
ið.“
Hann sagði að haldinn hefði verið
„frægur línuívílnunarfundur á Ísa-
firði, sem ætti að vera minnst fyrir
hversu fáir mættu miðað við fjöl-
miðlafárið í kringum hann. En þessi
fundur dugði þó til þess að enn einu
sinni var framkvæmd ósanngjörn
breyting á kerfinu fyrir Vestfirðinga,
sem var réttlæt með því að verið væri
að halda byggð í landinu. Í það
minnsta lét Guðmundur Halldórsson,
formaður Eldingar – félags smábáta-
eigenda í Ísafjarðarsýslum, hafa slíkt
eftir sér. Þessi sami Guðmundur
Halldórsson seldi frá sér kvótann fyr-
ir milljónatugi til Vestmannaeyja.“
Svo mikið er víst, sagði Páll, „að sí-
felldar misviturlegar stjórnvalds-
aðgerðir í sjávarútvegi hafa kostað
margan sjómanninn hér á Eyjafjarð-
arsvæðinu vinnuna. Mér finnst það
skrýtin hagfræði að flytja kvóta frá
mönnum sem hafa í tímans rás greitt
sína skatta og skyldur til samfélags-
ins til manna sem eru í því að komast
hjá því að borga gjöld til samfélagsins
og láta síðan útlendinga vinna fiskinn,
sem senda laun sín úr landi.“
Formaður sjómannadagsráðs
Morgunblaðið/Skapti Hallgrímsson
Tryggvi Ingimarsson sjómaður,
t.v., og Páll Halldórsson, fyrrver-
andi þyrluflugstjóri hjá Landhelgis-
gæslunni, voru heiðraðir.
Eru Vestfirðir eina
landsbyggðin?
Reykjavík | Skeljungur hlaut um-
hverfisviðurkenningu Reykjavík-
urborgar sem afhent var í áttunda
sinn á umhverfisdegi Sameinuðu
þjóðanna sl. föstudag. Alls bárust 13
tilnefningar og voru þrjú fyrirtæki
heimsótt; Glitur ehf. og Eimskip hf.
auk Skeljungs. Í áliti starfshóps sem
skipaður var af Umhverfis- og heil-
brigðisstofu segir að öll fyrirtækin
þrjú hafi sýnt lofsverða viðleitni í
starfi að umhverfismálum. Við mat
og heimsóknir hafi komið í ljós að
eitt fyrirtækið hafi borið af, sér-
staklega er varðar framtíðarsýn í
umhverfismálum og framlög til
verkefna er miða m.a. að sjálfbærri
þróun. Segir um Skeljung að fyr-
irtækið hafi m.a. tekið þátt í svo-
nefndu „vetnisverkefni“ sem hafi
hlotið mikla athygli hér á landi og
erlendis.
Þórólfur Árnason borgarstjóri af-
henti Gunnari Karli Guðmundssyni,
forstjóra Skeljungs, viðurkenn-
inguna í Höfða og var myndin tekin
við það tækifæri. Á myndinni með
þeim er starfsfólk frá Skeljungi.
Fyrirtæki sem áður hafa hlotið
umhverfisviðurkenningu Reykjavík-
urborgar eru: Prenstsmiðjan Oddi,
Olíuverslun Íslands, Árvakur – út-
gáfufélag Morgunblaðsins, Hjá Guð-
jóni Ó prentsmiðja, Mjólkursam-
salan, Farfuglaheimilið í Reykjavík
og Umslag ehf.
Skeljungur hlaut verðlaunin
Morgunblaðið/Eggert
Reykjavík | Starfsviðurkenning
Reykjavíkurborgar fyrir starfsárið
2003 féll Landupplýsingakerfi
Reykjavíkurborgar, LUKR, í skaut.
LUKR er samstarfsverkefni um-
hverfis- og tæknisviðs, skipulags- og
byggingarsviðs, Orkuveitunnar og
Símans um rafrænan kortagrunn af
Reykjavík sem tengdur er margvís-
legum upplýsingum úr gagnagrunn-
um á borð við Þjóðskrá og Fast-
eignamat ríkisins.
Í fyrra voru 15 ár liðin frá stofnun
LUKR en grunnurinn nýtist m.a.
stjórnendum á ýmsum stofnunum
borgarinnar vegna kortagerðar og
við almenna upplýsingaöflun.
Svonefnd Borgarsjá sækir upp-
lýsingar úr LUKR og tvinnar sam-
an við fleiri gagnagrunna. Þá er
ótalin
8–12 þúsund gestir
Borgarvefsjá, vefútgáfa Borgar-
sjár, sem er opin almenningi og fær
um 8–12 þúsund heimsóknir mán-
aðarlega. Á Borgarvefsjá má finna
upplýsingar um hverfaskiptingu,
nýframkvæmdir og viðhald, minja-
vernd, svæðisskipulag, sögu borg-
arinnar og margt fleira. Hægt er að
komast inn á Borgarvefsjá með því
að fara inn á heimasíðu Reykjavík-
urborgar, www.reykjavik.is.
Morgunblaðið/Jim Smart
Starfsviðurkenning
féll LUKR í skaut
Reykjavík - Mosfellsbær | Enn ligg-
ur ekki fyrir hvenær tvöföldun Vest-
urlandsvegar milli Reykjavíkur og
Mosfellsbæjar verður boðin út. Alls
er um að ræða 3,6 kílómetra kafla sem
tvöfalda á, auk byggingar tveggja
hringtorga, við nýja Korpúlfsstaða-
braut og við Úlfarsfellsveg.
Unnið að breytingu
á vegaáætlun
Að sögn Jónasar Snæbjörnssonar,
svæðisstjóra Suðvestursvæðis hjá
Vegagerðinni, hefur áætlaður kostn-
aður við framkvæmdina aukist um-
fram heimildir í vegaáætlun, en eins
og fram kom í Morgunblaðinu í apríl
síðastliðnum ætlaði samgönguráð-
herra að beita sér fyrir því að útvega
aukið fé til verefnisins. Það er að sögn
Jónasar ekki einn ákveðinn þáttur
verksins sem hefur aukið kostnaðinn,
heldur mörg samhangandi atriði. „Í
samvinnu við samgönguráðuneytið er
unnið að fjármögnun verksins og er
líklegt að það verði boðið út á næst-
unni,“ sagði Jónas í samtali við Morg-
unblaðið.
Nýi vegurinn færist nokkuð til frá
núverandi vegarstæði. Allt frá Úlf-
arsá mun nýi vegurinn liggja mjög
nærri hitaveitustokknum sem þarna
liggur. „Vegna hringtorganna sem
byggja á verður að færa veginn nokk-
uð til, og það kallar á meiri undir-
byggingu,“ sagði Jónas. Færsla veg-
arins er einnig til þess fallin að hafa
sem minnst áhrif á lífríki Úlfarsár.
Tvöföldun Vesturlandsvegar
   
# ! 
$ %   




  !

 


#&
'
$ %  () )
"# 
$
%


# ! 
&
'
(
)
*
+

,
)
Verkið líklega
boðið út í júní
Reykjavík | Þjóðhátíðarnefnd
í Reykjavík og Skátasamband
Reykjavíkur ætla að gefa öll-
um leikskólabörnum í borg-
inni íslenska fánann í vikunni
í tilefni af 60 ára afmæli lýð-
veldisins, samtals um 5.700
fána.
Munu skátar fara í alla
leikskóla og dreifa fánum og
fræða börnin um íslenska fán-
ann. Átakið hófst í gær á því
að Anna Kristinsdóttir, for-
maður þjóðhátíðarnefndar,
gaf börnunum á leikskólanum
Grænuborg við Eiríksgötu
fyrstu fánana.
5.700 fánar
til leik-
skólabarna
Kynna sameiningu | Kynning-
arfundir vegna kosninga um samein-
ingu Hríseyjarhrepps og Akureyr-
arkaupstaðar verða haldnir í vikunni.
Sá fyrri verður í kvöld, þriðjudags-
kvöldið 8. júní kl. 20 í félagsheimilinu
Sæborg í Hrísey en síðari fundurinn
verður á Fiðlaranum, 4. hæð, mið-
vikudagskvöld kl. 20.
Í frétt um fundina eru íbúar sveit-
arfélaganna hvattir til að koma á fund
í sinni heimabyggð og kynna sér sam-
einingarmálin. Bæklingur um fyr-
irhugaða sameiningu hefur verið bor-
in út á hvert heimili í Hríseyog mun
svo berast íbúum á Akureyri í dag,
þriðjudag.